Саха Өрөспүүбүлүкэтин күнүн көрсө биир дойдулаахпыт, Саха автономиятын төрүттэспит биллэр бэлитиичэскэй диэйэтэл, улуу убайбыт Исидор Барахов төрөөбүт дойдутугар Харбалаах нэһилиэгэр үөрүүлээх миитин тэрилиннэ.

Тэрээһиҥҥэ Саха Өрөспүүбүлүкэтин бырабыыталыстыбатын бастакы солбуйааччыта, биир дойдулаахпыт Джулустан Анатольевич Борисов Үөһээ Бүлүү дьонун-сэргэтин, мустубут Харбалаах нэһилиэгин олохтоохторун Өрөспүүбүлүкэ күнүнэн эҕэрдэлээтэ, Ил Дархан Айсен Николаев махтал суруктарын туттарда.

Исидор Барахов бүтүн Саха Сирэ, кэлэр кэскилэ, ыччата сайдар суолун арыйбыт, саха көҥүлүн олохтоспут умнуллубат өҥөлөөх.

Биир дойдулаахтара кини чулуу аатын умнубакка, үйэттэн үйэҕэ ааттата, сырдата турар ытык эбээһинэспит. Ол курдук, сотору кэминэн Исидор Барахов аатын сүгэр Саха Өрөспүүбүлүкэтин судаарыстыбыннаһын түмэлэ тутуута бүтэн үлэҕэ киирэрин бары долгуйа кэтэһэбит.

Күндү Үөһээ Бүлүү улууһун олохтоохторо! Кэлэн иһэр бырааһынньыгынан, Өрөспүүбүлүкэбит төрүттэммитэ 102 сылынан итиитик-истиҥник эҕэрдэлиибин! Саха Сирэ, Үөһээ Бүлүү сайда чэчирии турдун!

#ИсидорБарахов
#ҮөһээБүлүү
#ДеньРеспубликиСахаЯкутия

t.iss.one/ValeriNikolaev

Бүгүн, балаҕан ыйын 26 күнүгэр Саха Өрөспүүбүлүкэтин Судаарыстыбаннаһын күнүн көрсө уһулуччулаах бэлэтиичэскэй диэйэтэл, Саха Сирин автономиятын төрүттэспит улуу убайбыт Исидор Барахов мэҥэ тааһыгар сибэккии дьөрбөтүн ууруу, сүгүрүйүү сиэрэ-туома тэрилиннэ.

Тэрээһиҥҥэ Саха Өрөспүүбүлүкэтин Ил Дарханын уонна Бырабыыталыстыбатын дьаһалтатын салайааччы Михайлов Георгий Николаевич кыттыыны ылла.

Ыччаттарбыт, дьоммут-сэргэбит чулуу киһибит Исидор Барахов сүдү кылаатын өйдүү-саныы, сырдык аатын киэн тутта ааттыы сылдьарбыт саха омуга кэскиллээҕин бэлиэтэ буолар.

Быйыл Исидор Барахов аатын сүгэр аныгылыы көстүүлээх култуура киинэ тутуута түмүктэнэрин улуус дьоно-сэргэтэ бары долгуйа кэтэһэбит.

Бараахаппыт аата үйэлэргэ ааттана турдун! Саха Сирэ өрүү сайда турдун!

#ДеньГосударственностиЯкутии
#ИсидорБарахов
#ВерхневилюйскийУлус

t.iss.one/ValeriNikolaev

Саха Өрөспүүбүлүкэтин Ил Дарханын уонна Бырабыыталыстыбатын дьаһалтатын салайааччыны Михайлов Георгий Николаевиһы кытта Харбалаах нэһилиэгэр тутулла турар култуура киинин көрдүбүт.

Култуура киинэ "План социального развития центров экономического роста РС(Я)" өрөспүүбүлүкэтээҕи инвест бырагыраамма өйөбүлүнэн тутуллар. Билигин тутуу үлэтэ түмүктэнэр кэрдииһигэр тиийдэ. Иһинээҕи үлэтин ситэрии, инженернай ситими тардыы, ону тэҥэ тас фасадын оҥоруу үлэтэ бара турар.

#ИсидорБарахов
#ВерхневилюйскийУлус

t.iss.one/ValeriNikolaev

Саха Өрөспүүбүлүкэтин судаарыстыбаннаһын күнүн көрсөр бэлиэ түгэҥҥэ Харбалаах нэһилиэгэр Исидор Бараахап аатынан уулусса асфальт суола арылынна.

Исидор Барахов 125 сылын үбүлүөйүн бэлиэтиир сылга Саха Өрөспүүбүлүкэтин суол-иис, тыраанспар министиэристибэтин конкуруһун түмүгүнэн уопсайа 671 м. уһуннаах суолу асфальтынан бүрүйүүгэ өрөспүүбүлүкэ бүддьүөтүттэн үбүлээһин көрүллүбүтэ.
Исидор Барахов аатын сүгэр уулусса тупсаҕай көстүүлээх асфальт суолламмыта Харбалаах нэһилиэгин олохтоохторугар, Үөһээ Бүлүү улууһугар бэлиэ түгэн буолар.

Бу үөрүүлээх тэрээһиҥҥэ СӨ бырабыыталыстыбатын дьаһалтатын салайааччыта Георгий Михайлов, СӨ тыраанспарга уонна суол-иис хаһаайыстыбатыгар миниистирэ Владимир Сивцев кыттыыны ыллылар.

Тыа сиригэр маннык хаачыстыбалаах, аныгылыы быһыылаах асфальт суоллар улууспутугар элбии туруохтара диэн эрэллээхпит. Саҥа суол үйэлээх, айана алгыстаах буоллун.

#СтроительствоДорог
#ИсидорБарахов
#ВерхневилюйскийУлус

t.iss.one/ValeriNikolaev