Саха Өрөспүүбүлүкэтин ыксаллаах быһыыга министиэристибэтин былаанныыр отделын салайааччыта Спиридонов Николай Дмитриевич Үөһээ Бүлүүтээҕи ыксаллаах быһыы хамыыһыйатын кытта мунньаҕы тэрийэ кэллэ.

Сотору  кэминэн Бүлүү өрүспүт мууһа арыллан, хамсаан сааскы уу кэлиитин сэрэтэргэ үлэни ыытыга олохтоох ыксаллаах быһыы үлэһиттэрин кытта сарсын көрсөн сэрэхтээх күннэргэ хайдах үлэ барыахтааҕын сүбэлиэхтэрэ.

Сааскы уу барбытын кэннэ, куйаас сайыммыт саҕаланан ойуур баһаарын кыһалҕата эмиэ үөскүөн сөп, онон олохтоох дьону кытта ойуур баһаарыттан сэрэхтээх буолууну, оту көрүүтэ суох өртөөһүн түмүгэр улахан баһаар тахсыан сөбүн туһунан сэрэтэр кэпсэтиилэри ыытыахтара.

Үөһээ Бүлүү улууһа халаан уута нэһилиэктэри таарыйбакка барарыгар, ойуур баһаарыттан сэрэхтээх буолууга үлэтин ыытар.

#СезонПаводка2024
#ҮөһээБүлүү

t.iss.one/ValeriNikolaev