Бүгүн Хоро нэһилиэгэр анал байыаннай дьайыыга Дойду көмүскэлин туһугар олохторун толук уурбут хорсун буойуттарбыт Александров Алексей Александрович - рядовой разведчик, Николаев Григорий Трофимович - капитан снайпер, Кузьмин Семён Семёнович - рядовой пулеметчик ааттарынан аһаҕас региональнай булдьа сааннан ытыы күрэҕэ ыытылынна.

Күрэххэ Үөһээ Бүлүү, Бүлүү, Ньурба улууһуттан, Дьокуускай куораттан хамаандалар кэлэн кыттыыны ыллылар.

Бу күрэх инникитин сыл аайы ыытыллан, өрөспүүбүлүкэтээҕи таһымҥа тахсан, анал байыаннай дьайыы геройдарын, буойуттарын аатын үйэтитэ турарыгар баҕарабын.

Дойдуларын көмүскүүргэ көмүс тыыннарын быспыт уолаттарбыт хорсун быһыылара үйэлэргэ умнуллубакка, көлүөнэттэн көлүөнэҕэ ааттара ааттана турдун!

Дойду чиэһин көмүскүү сылдьар, эйэлээх халлаан, кэскил туһугар саа саадах сэриилэһэ сылдьар уолаттарбытын дойдугутугар этэҥҥэ, кыайыы кынаттаах төннөн кэлэргитин кэтэһэбит.

#КыайыыТуһугар

t.iss.one/ValeriNikolaev