Бүгүн кулун тутар 29 күнүгэр, Дьокуускай куоракка "Куруһаала" атыы-эргиэн киинигэр Үөһээ Бүлүү улууһун Кэнтик нэһилиэгэ төрүттэммитэ 125 сылыгар анаммыт, "Чап уустар" тимир уустарын тэрээһинэ арылынна.

"Чап уустарын" күрэҕэ 6-с төгүлүн ыытыллар, быйыл бастакытын Дьокуускай куоракка тэрилиннэ. Тэрээһиҥҥэ уопсайа 15 улуустан 43 уус кэлэн кыттыыны ылаллар. Саха быһаҕа, кыптый, хомус оҥоһуктарыгар уустар икки күн күөн күрэскэ киирсиэхтэрэ.

Уустарга күрэскэ ситиһиини, Кэнтик нэһилиэгин дьаһалтатыгар, тэрийээччилэргэ үбүлүөйдээх тэрээһиннэр үрдүк таһымнаахтык ыытыллалларын баҕарабын!

#Кэнтик125
#ЧапУустара

t.iss.one/ValeriNikolaev

Сунтаар улууһун ууһа Николаев Дмитрий Викторович 3 сыллааҕыта Кэнтик нэһилиэгэр ыытыллыбыт "Чап уустарын" күрэҕиттэн Кэнтик болгуотун бэлэх туппут. Ону 3 сыл ааспытын кэннэ, анаан-минээн Кэнтик нэһилиэгэ төрүттэммитэ 125 сылыгар анаммыт "Чап уустара" күрэххэ Кэнтик болгуотуттан хомус оҥорон күрэххэ аҕалбыт.

#Кэнтик125
#ЧапУустара

t.iss.one/ValeriNikolaev

Уустар бэйэлэрэ чапчайан оҥорбут кыптыыйдарын күөн күрэһэ саҕаланна.

#ЧапУустара

t.iss.one/ValeriNikolaev

"Чап уустара" өрөспүүбүлүкэтээҕи уустар күрэхтэрин "Кыптый" түһүмэҕин кыттыылаахтара бэйэлэрин оҥоһуктарын кытта.
Күрэх түмүгэ сарсын кулун тутар 30-с күнүгэр биллиэ.

#ЧапУустара

t.iss.one/ValeriNikolaev

Чурапчы улууһуттан тимир ууһа Айыы Сиэн Платонов саха быһаҕын күрэҕэр канаты быһыыга 18 быһыыны оҥордо. Күрэх салҕанар.

#ЧапУустара

t.iss.one/ValeriNikolaev

Кэнтик нэһилиэгин тимир ууһун Николай Слепцов быһаҕынан канаты 36-та быстылар.

Билиҥҥи турунунан бастыҥ көрдөрүү.
Күрэх салҕанар.

#ЧапУустара

t.iss.one/ValeriNikolaev

Айталаана Пухова Уус Алдан улууһуттан уус бэйэтин оҥорбут быһаҕын күрэскэ аҕалла. Уопсайа күрэххэ икки кэрэ аҥаар тимир ууһа кыттар.

#ЧапУустара

t.iss.one/ValeriNikolaev

Бүлүү улууһуттан кэрэ куо Сайыына Шамаева, олоҥхоһут уонна тимир ууһа, бэйэтэ оҥорбут быһаҕын "Чап Уустара" күрэххэ кытыннарар. Сайыына аҕата тимир ууһа Николай Шамаев эмиэ күрэххэ кыттыыны ылар. Бу курдук дьиэ кэргэнинэн тимири уһананнар саха уустара кэскиллээхтэр, инникилээхтэр.
Күрэх салҕыы бара турар...

#ЧапУустара

t.iss.one/ValeriNikolaev

Үөһээ Бүлүү улууһун Үөдүгэй нэһилиэгиттэн тимир ууһа Станислав Стручков 41 төгүл канат быаны саха быһаҕынан быста. Билиҥҥи туругунан бастыҥ көрдөрүү.
Күөн күрэс салҕанат

#ЧапУустара

t.iss.one/ValeriNikolaev