Ил Дархан Айсен Сергеевич Саха Сирин хас биирдии олохтооҕо олоҕо-дьаһаҕа тупсарыгар сыаллаан оҥорбут АО "Сахатранснефтегаз" акционернай уопсастыба сайдыытын Стратегиятыгар газ хостооһунун сайыннаран, нэһилиэктэри газтааһыҥҥа сүрүн соруктары туруорбута. Ол соруктар чэрчилэринэн Орто түҥнээҕи газоконденсаты хостуур сири сайыннарыы туһунан АО "Сахатранснефтегаз" ПАО "Газпрому" кытта бүгүн мунньах ыыттылар. Мунньах түмүгэр экспертнай бөлөх чэлиэттэрэ технико-экономическай обоснованияны үрдүктүк сыаналаан биһирээтилэр.

Бу ситиһии АО "Сахатранснефтегаз" коллективын, ПАО "Газпром" исписэлиистэрин уонна ыҥырыылаах экспертар сылтан ордук сыралаах үлэлэрин түмүгэ буолар.

Газ хостооһунугар, нэһилиэктэри газтааһыҥҥа улахан инникигэ хардыы оҥоһулунна диэтэхпитинэ сыыспаппыт. Саҥа газопроводтары тутан, Бүлүү өрүс нөҥүө сытар нэһилиэктэри газтыыр кыахтанныбыт.

Бэлиэтиир буоллахха, 2022 сылтан 2023 сылга диэри Үөһээ Бүлүү улууһугар 212 дьиэҕэ социальнай газтааһын чэрчитинэн гааһынан ититии киирбитэ. Онтон 2024 сылга өссө эбии 24 ыал дьиэтэ газтанара былааннанар.

АО "Сахатранснефтегаз" уонна ПАО "Газпром" коллективтарыгар Саха Сирэ сайдыытыгар, нэһилиэктэр газтаналларыгар улахан болҕомто уураргытыгар махталбын тиэрдэбин.

Чуолаан биир дойдулаахпытыгар СӨ бырабыыталыстыбатын бэрэсэдээтэлин бастакы солбуйааччытыгар Джулустан Анатольевич Борисовка, АО "Сахатранснефтегаз" генеральнай дириэктэригэр Алексей Засимович Колодезниковка өйөбүлгүт көмөҕүт иһин истиҥник махтанабыт.

#ГазификацияЛевогоБерега
#ИннибитХотуБарыБииргэ
#Газпром
#Сахатранснефтегаз

t.iss.one/ValeriNikolaev