Бүгүн, балаҕан ыйын 2 күнүгэр, иккис Аан дойду сэриитин Кыайыынан түмүктээбит бэлиэ күммүт.

Бу күн Үөһээ Бүлүүгэ Кыайыы болуоссатыгар “Өйдүүбүт, сүгүрүйэбит, махтанабыт!” миитин ыытылынна.

Миитиҥҥэ тэрилтэ салайааччылара, оскуола үөрэнээччилэрэ, улуус олохтоохторо кытыннылар.

Хас да уонунан мөлүйүөн киһи олоҕун сарбайбыт уоттаах, алдьархайдаах сэрии кыттыылаахтарын, Кыайыы туһугар олохторун толук уурбут саллааттары бу күн биһиги санаан, кинилэр сырдык ааттарыгар сүгүрүйэн, махтанан Кыайыы пааматынньыгар сибэкки дьөрбөлөрүн уурдубут, чуумпу мүнүүтэннэн бэлиэтээтибит.

Хас биирдии көлүөнэ ытык иэһэ - эйэлээх олох кэлбит сыанатын билэрэ, өйдүүрэ уонна кэлэр көлүөнэҕэ тиэрдэрэ.

Бүгүн бу миитиҥҥэ оскуола оҕолоро кыттыыны ылбыттара олус дириҥ ис суолталаах. Бүгүҥҥү оскуола саастаах оҕолорбут хос-хос эһээлэрэ, эбээлэрэ Кыайыыны уһаансыбыттара. Төһө да өр кэм бардар, хайдахтаах да элбэх бириэмэ уһуннар син биир хас биирдии киһи, оҕо өйдүөхтээх сэрии алдьархайын, кыайыы сыанатын, эйэ кэрэтин.

Ким да умнуллубат, туох да умнуллубат! Өйдүүбүт, сүгүрүйэбит, махтанабыт!

#ӨйдүүбүтСүгүрүйэбитМахтанабыт
#ҮөһээБүлүү

t.iss.one/ValeriNikolaev