Ороһу нэһилиэгэр 120 миэстэлээх оскуола, 70 миэстэлээх уһуйаан тутуутун көрдүбүт.

Оскуола-уһуйаан сваялара былырыын түспүттэр, ол эрэн үбүлээһин салгыы көрүллүбэккэ тутуу үлэтэ тохтоон турбут. Быйыл Саха Өрөспүүбүлүкэтин Ил Дархана Айсен Сергеевич Николаев өйөбүлүнэн инвестиционнай бүддьүөттэн 100 мөл. солкуобай көрүллэн тутуу үлэтэ күөстүү оргуйда.

Оскуола-уһуйаан таас тутуулаах, 2 этээстээх буолара былааннанар. Билигин бастакы этээһигэр бетон кутуутун үлэтэ бара турар.

Тутуу тэтимин түргэтитэргэ, быйылгы сылга истиэнэлэрин тутан, сарайын сабарга сорудахтаатым.

Үлэ тэтимнээхтик бардаҕына, аны кэлэр 2025 сыл балаҕан ыйын 1 күнүгэр маҥнайгы чуораан Ороһу саҥа оскуолатыгар чугдарыа.

#СтроительствоШколы
#ИнвестБюджетЯкутия
#ВерхневилюйскийУлус

t.iss.one/ValeriNikolaev