Бүгүн, атырдьах ыйын 23 күнүгэр Үөһээ Бүлүү улууһун баһылыгын үпкэ уонна экономикаҕа солбуйааччы Саргылана Васильевна Алексеева Национальнай банк Саха Сиринээҕи салаатын салайааччытын Антон Анатольевич Коноплеву кытта көрсөн Үөһээ Бүлүүгэ үбү-харчыны сөпкө туттууну (финансовая грамотность) үөрэтэр кабинеттары арыйыыны былааннастылар.

Үөһээ Бүлүү улууһа Өрөспүүбүлүкэ үрдүнэн бастакыннан нэһилиэнньэни үбү сөптөөхтүк туттууга, түөкүнньэртэн сэрэхтээх буолууга, цифровой технологиялары туттары үөрэтиигэ кабинеттары арыйарга үлэни ыытар.

#ФинансоваяГрамотность
#НациональныйБанк
#ҮөһээБүлүү

t.iss.one/ValeriNikolaev

Бүгүн, сэтинньи 11 күнүгэр Россия үрдүнэн экономическэй сулууспа үлэһиттэрин күнүн бэлиэтиибит.

Ытыктабыллаах Үөһээ Бүлүү улууһун экэнэмиичэскэй сулууспа үлэһиттэрин уонна бэтэрээннэрин идэлээх бырааһынньыккытынан "Үөһээ Бүлүү улууһа" муниципальнай оройуон аатыттан итиитик-истиҥник эҕэрдэлиибин!

Россияҕа экономист күнүн чэрчитинэн Үөһээ Бүлүү улууһугар үбү-харчыны сөпкө туттууга анаммыт марафон ыытылынна.

Алтынньы 28 күнүттэн саҕалаан Үөһээ Бүлүү улууһун бары үөрэх кыһаларыгар Россия Баана бэлэмнээбит матырыйаалларыннан "Түөкүннэртэн сэрэхтээх буолуу, үбү-харчыны сөпкө туттуу" туһунан аһаҕас уроктар ытылыннылар.

Улуус баһылыгын үпкэ уонна экономикаҕа солбуйааччыта Саргылана Васильевна Алексеева көҕүлээһининэн уонна Россия национальнай баанын өйөбүлүнэн улуус библиотекаларын иһинэн үпкэ-харчыга анаммыт муннуктар оҥоһуллан үлэлэрин саҕалыахтара.

Бу муннуктарга харчыны сөпкө туттуу, элбэтии, түөкүннэр албыннарын сэрэтии туһунан матырыйааллар нэһилиэнньэҕэ тоҕоостоох буолуохтара.

#ДеньЭкономиста
#ФинансоваяГрамотность

t.iss.one/ValeriNikolaev