Rusiya Prezidenti Vladimir Putinin İnqilab Rəhbəri İmam Xamenei ilə görüşünün təfərrüatı


İslam İnqilabının Ali Məqamlı Rəhbəri İmam Xamenei, ötən gün Rusiya prezidenti Vladimir Putin və onun rəhbərlik etdiyi nümayəndə heyətini qəbul edib. İmam Xamenei bu görüşündə iki ölkə arasında anlaşma və müqavilələrin işə salınmasının vacibliyini vurğulayaraq, Qərbin hiyləgər siyasətlərinə qarşı ayıq olmağı zəruri hesab edib.

İmam Xamenei deyib: Uzunmüddətli əməkdaşlıq, İran və Rusiya üçün çox faydalıdır.

İmam Xamenei dünyanın İran və Rusiyanın artan və qarşılıqlı əməkdaşlığına ehtiyaclı olduğunu vurğulayaraq əlavə etdi: İki ölkə arasında neft və qaz sektoru da daxil olmaqla bir çox anlaşma və razılaşmalar var ki, bunlara əməl olunmalıdır.

📌 İmam Xamenei Ukrayna hadisələri ilə bağlı deyib: Müharibə çətin şəraitdir və İran İslam Cümhuriyyəti adi insanların bundan əziyyət çəkməsindən heç də məmnun deyil. Amma Ukrayna məsələsində siz təşəbbüs göstərməsəydiniz, qarşı tərəf öz təşəbbüsü ilə müharibəyə səbəb olacaqdı. NATO-ya yol açıqdırsa, o, sərhəd tanımır və Ukraynada dayandırılmasaydı bir müddət sonra Krımı bəhanə edərək bu müharibəyə başlayacaqdılar.

O, əlavə etdi: Əlbəttə, bu gün Amerika və Qərb əvvəlkindən daha zəifdir, həmçinin böyük zəhmət və xərclərə baxmayaraq, onların Suriya, İraq, Livan və Fələstin də daxil olmaqla bölgəmizdəki siyasətlərinin uğurları xeyli azalıb.

📌 İmam Xamenei Suriya məsələsini olduqca mühüm adlandıraraq, İslam Respublikasının bu ölkəyə edilən hərbi hücumlara qarşı çıxması və bunun qarşısının alınmasının vacibliyini vurğulayaraq deyib: Suriya məsələsində digər mühüm məsələ münbit və neftlə zəngin ərazilərin amerikalılar tərəfindən işğalıdır. Bu məsələ, Amerikalılar o bölgədən çıxarılaraq həll edilməlidir.

O, sionist rejimin regionun işlərinə qarışmasını pisləyib və Rusiya prezidentinin sionistlərə qarşı son mövqelərini yüksək qiymətləndirib.

📌 İmam Xamenei həmçinin vurğulayıb: İran İslam Cümhuriyyəti heç vaxt İran və Ermənistan arasında sərhədin bağlanmasına səbəb olan siyasət və proqramlara dözməyəcək.

İnqilab rəhbəri İran və Rusiya arasında uzunmüddətli əməkdaşlığı ayrı-ayrılıqda və dərindən hər iki ölkənin xeyrinə adlandırıb və cənab Putinə deyib: Zati-aliləri və prezidentimiz fəaliyyətə böyük önəm verirsiniz. Ona görə də iki ölkə arasında əməkdaşlıq zirvəyə çatmalıdır.

İmam Xamenei Rusiya Prezidentinin Rəşt-Astara dəmir yolu xəttinin işə salınmasının zəruriliyi ilə bağlı dediklərini təsdiqləyərək, Şimal-Cənub nəqliyyat xəttini tamamlamağı hər iki ölkə üçün faydalı hesab edib.

İmam Xamenei həmçinin Qərbin hiylələrinə qarşı ayıq olmağı vacib hesab edərək deyib: Amerikalılar həm zorakı, həm də hiyləgərdirlər və keçmiş Sovet İttifaqının dağılmasının səbəblərindən biri də Amerikanın siyasətləri qarşısında aldanmaq idi. Təbii ki, Rusiya Sizin dövrünüzdə öz müstəqilliyini qoruya bildi.

O, həmçinin iki ölkə arasındakı münasibətlərdə milli valyutaların dəyişdirilməsi və dollar əvəzinə başqa valyutaların istifadə edilməsi siyasətini bəyənib və deyib: Dollar tədricən qlobal əməliyyatlar xəttindən çıxarılmalıdır və bu, tədricən mümkündür.

📌 Rusiya Federasiyasının prezidenti Vladimir Putinin bu görüşdəki sözləri, az sonra növbəti paylaşımda yayımlanacaq.

#İran
#Rusiya

"İslam Dünyası Xəbərləri"
https://t.iss.one/iswnews_az/16721

Rusiyadan Seyyidə Şəhla Fərəcovaya dəstək: Siz tək deyilsiniz!

#Rusiya

"İslam Dünyası Xəbərləri"
https://t.iss.one/iswnews_az