🇺🇿🇨🇳Ҳамкорликнинг янги саҳифалари

🔴Фармацевтика тармоғини ривожлантириш агентлиги делегацияси Хитойга хизмат сафари доирасида яна бир қатор учрашувларни амалга оширди.

✅Веньчжоу тиббиёт университети раҳбарияти билан учрашувда таълим ва илмий тадқиқотлар соҳасида ҳамкорлик, технологиялар трансфери, клиник амалиётларни жорий этиш ва Ўзбекистонлик талабалар ва шифокорлар учун тажриба алмашиш ва малака ошириш имкониятларини тақдим этиш масалалари юзасидан келишувга эришилди.

✅Шунингдек, Веньчжоу шаҳридаги "Eye Valley" инновацион кластерининг тадқиқот марказлари ва лабораториялари билан танишилди. Учрашувлар якунида Веньчжоу тиббиёт университети, Eye Valley инновацион кластери ва Фармацевтика тармоғини ривожлантириш агентлиги ўртасида уч томонлама англашув меморандуми имзоланди.

✅Ухан шаҳрида Langtian Pharma Group ишлаб чиқариш майдонига ташриф буюрилди. Ташриф давомида “Tashkent Pharma Park” лойиҳаси ва Ўзбекистондаги инвесторлар учун яратилган имкониятлар билан таништирилди. Компания вакиллари томонидан Ўзбекистонда ишлаб чиқариш йўлга қўйишга қизиқиш билдирилди. Учрашув якунида ўзаро англашув меморандуми имзоланди.

✅Шунингдек, Zhendong Health Industry Group раҳбарияти билан учрашувда ҳамкорлик ва инвестиция киритиш масалалари муҳокама этилди. Учрашув давомида Zhendong Health Industry Group ҳамда Ozwell Biopharm (Ўзбекистон) компаниялари ўртасида англашув меморандуми имзоланиб, Ўзбекистонда замонавий лаборатория барпо этиш лойиҳасини ҳамкорликда амалга ошириш бўйича келишувга эришилди.

❗️Маълумот учун: Фармацевтика тармоғини ривожлантириш агентлиги делегацияси томонидан Хитойга хизмат сафари давомида фармацевтика, биотехнология, илмий-тадқиқот ва ишлаб чиқариш йўналишида 25 дан ортиқ компания вакиллари билан музокаралар ўтказилди ва 5 та англашув меморандуми имзоланди.

Website | Telegram | Instagram | Facebook | Youtube | linkedin

🔴 Болгария элчихонасининг муваққат ишлар вакили Стояна Русинова Фармацевтика тармоғини ривожлантириш агентлигига ташриф буюрди

❗️ 2025 йил 15 август куни Фармацевтика тармоғини ривожлантириш агентлиги директори Абдулла Азизов ва Болгария элчихонасининг муваққат ишлар вакили Стояна Русинова ўртасида учрашув бўлиб ўтди.

✅Ташриф доирасида "Tashkent Pharma Park” инновацион илмий-ишлаб чиқариш фармацевтика кластери технопарки ҳудудига экскурсия ташкил этилди. Шунингдек, икки мамлакат ўртасида фармацевтика соҳасида ҳамкорликни кенгайтириш масалалари муҳокама қилинди. Болгария томонидан фармацевтика соҳасида илмий-тадқиқот ва янги ишланмалар бўйича ҳамкорликка катта қизиқиш билдирилди.

✅Келгусида, Болгариянинг йирик фармацевтика компаниялари билан учрашувлар ташкил этиш, шу орқали икки мамлакат фармацевтика бозорида ҳамкорликни янада кенгайтиришга келишиб олинди.

Website | Telegram | Instagram | Facebook | Youtube | linkedin

🔴 “NEST MED TECH” МЧЖга гувоҳнома топширилди

📌 Фармацевтика тармоғини ривожлантириш агентлиги директори Абдулла Азизов “NEST MED TECH” МЧЖга "Tashkent Pharma Park” инновацион илмий-ишлаб чиқариш фармацевтика кластерининг иштирокчиси гувоҳномасини тақдим этди.

✅“NEST MED TECH” МЧЖ томонидан "Tashkent Pharma Park” инновацион илмий-ишлаб чиқариш фармацевтика кластери ҳудудида ISO 13485 стандартларига мувофиқ тиббий буюмлар ишлаб чиқариш режалаштирган бўлиб, маҳсулотлар маҳаллий бозор эҳтиёжларини қондириш ҳамда Марказий Осиё давлатларига экспорт қилишга йўналтирилади.

Website | Telegram | Instagram | Facebook | Youtube | linkedin

🔴Покистон делегацияси Фармацевтика агентлигига ташриф буюрди

❗️Фармацевтика тармоғини ривожлантириш агентлигида Покистоннинг Саҳивал шаҳри Савдо-саноат палатаси ва Саноатчилари уюшмаси делегацияси билан учрашув бўлиб ўтди.

Делегация таркибида Nutrix Health Care ва Ammer Labs (Pvt) Limited каби фармацевтика компаниялари вакиллари ҳам қатнашди.

✅Агентлик директори Абдулла Азизов томонидан Tashkent Pharma Park лойиҳаси ҳамда инвесторлар учун яратилган имкониятлар билан таништирилди.

✅Учрашув давомида биологик фаол қўшимчалар ишлаб чиқариш, рўйхатдан ўтказиш ва бозорга чиқариш масалалари муҳокама қилинди.

✅Учрашув якунида томонлар ўзаро маълумот алмашиш ва доимий мулоқотни йўлга қўйишга келишиб олдилар.

Website | Telegram | Instagram | Facebook | Youtube | linkedin