🇺🇿Bugun — O‘zbekiston Respublikasi Prezidenti Shavkat Miromonovich Mirziyoyev janobi oliylari 68 yoshni qarshi oldilar.

Yurtimiz taraqqiyoti, xalq farovonligi va islohotlar yo‘lida fidokorona xizmat qilayotgan Prezidentimizga chuqur hurmat va minnatdorchilik bildiramiz.

Siz olib borayotgan adolatli siyosat, xalqparvarlik va ochiqlik tamoyillari O‘zbekistonning yangi taraqqiyot bosqichini belgilab bermoqda.

Tavallud ayyomingiz muborak bo‘lsin, hurmatli Prezident!

Telegram | Facebook | Instagram | Mediateka

⚡️Javohir Sindarov—“Esports World Cup Chess” turnirida!

Joriy yilning, 24–26 iyul kunlari Saudiya Arabistonining Ar-Riyod shahrida o‘tkazilgan “Last Chance Qualifier” xalqaro musobaqasi kibersport bo‘yicha Jahon kubogiga yo‘llanma beruvchi eng muhim saralash bosqichlaridan biri bo‘ldi.

Turnirning umumiy mukofot jamg‘armasi — 50 000 AQSH dollari, unda 4 nafar eng kuchli shaxmatchi “Esports World Cup Chess” musobaqasiga yo‘llanmani qo‘lga kiritishi ko‘zda tutilgan edi.

24–25 iyul kunlari musobaqaning 1-bosqich uchrashuvlari bo‘lib o‘tdi. Unda ishtirokchilar “A”, “B”, “C” va “D” guruhlarga bo‘lingan holda, shveysarcha tizimda 7 turdan iborat bahslarda o‘zaro bellashdilar.

“Last Chance Qualifier” xalqaro turnirida grossmeysterlarimizdan Yakubboev Nodirbek (2663) “B” guruhida, Sindarov Javohir (2722) esa “C” guruhida ishtirok etdi.

Yakubboev Nodirbek 7 tur yakuniga ko‘ra 5 ochko jamg‘arib, 5-o‘rinni egalladi va musobaqa reglamenti asosida turnirni tark etdi.

Javohir Sindarov esa “C” guruhida 7 turdan 5,5 ochko to‘plab, 3-o‘rinni egalladi. Ushbu natijasi bilan u “Playoffs” bosqichida ishtirok etish huquqini qo‘lga kiritdi.

O‘zbekiston sharafini himoya qilgan grossmeyster Javohir Sindarov musobaqaning barcha bosqichlarida haqiqiy kuch va matonat namunalarini ko‘rsatdi:

•1/8 final – Aleksey Sarana (2686) ustidan 1.5:0.5 hisobida g‘alaba;

•Chorak final – Blits bo‘yicha jahon chempioni Aleksandr Grischukni 1.5:0.5 hisobida mag‘lub etdi;

•Yarim final – kuchli amerikalik grossmeyster Hans Niemann bilan jang 2:2 hisobida yakun topdi;

•Ammo Armageddon hal qiluvchi partiyada Sindarov g‘alaba qozondi va final bosqichga yo‘llanmani qo‘lga kiritdi!

Telegram | Facebook | Instagram | Mediateka

⚡️Hamyurtimiz muddatidan oldin Markaziy Osiyo chempioni bo‘ldi!

Qirg‘izistonning Cho‘lpon-Ota shahrida davom etayotgan Markaziy Osiyo chempionatining 8-tur yakunlariga ko‘ra, 10 yoshgacha bo‘lgan qizlar o‘rtasida ishtirok etayotgan hamyurtimiz Nazirkulova Mehribonu barcha raqibalaridan o‘zib, muddatidan oldin oltin medalni qo‘lga kiritdi.

28-iyul kuni musobaqaning hal qiluvchi 9-tur bahslari bo‘lib o‘tadi. Unda sportchilarimiz o‘z yosh toifalari bo‘yicha sovrinli o‘rinlar uchun kurashni davom ettiradilar.

Mehribonuning bu erta g‘alabasi — nafaqat uning shaxsiy yutug‘i, balki murabbiylari va ota-onasining sabr-toqati va fidoyiligi natijasidir.

💐Mehribonu Nazirkulovani, uning ustozlarini va oilasini ushbu yuksak natija bilan chin dildan tabriklaymiz!

Telegram | Facebook | Instagram | Mediateka