#bayram_tabrigi

Muhtaram yurtdoshlar, qadrli maktabimiz jamoasi, hurmatli o’qituvchilarimiz hamda aziz oʻquvchi yoshlar!

📌Ortda qolayotgan yil hayotimizga yangi tajribalar, yangicha fikrlar va oldimizga qo‘yilgan maqsadlarga erishishning qimmatli busaboqlarini olib keldi. Endi esa, bizni yangi imkoniyatlar, kutilmagan yutuqlar va ijodiy yondashuvlar bilan boyitadigan yangi yil kutib turibdi.
Yangi yil – bu nafaqat bayram, balki o‘zimizni qaytadan anglash va yangi qirralarni kashf etish davri. Bu yil sizlarga o‘z yo‘lingizni topish, o‘z imkoniyatlaringizni to‘liq ochish va yangi marralarni egallash uchun ilhom bag‘ishlasin!

🌲Sizning har bir muvaffaqiyatingiz bizning maktabimiz g‘ururi, sizning orzu va rejalar esa bizning kalajakka qo’ygan ildam qadamlarimizdir!
Kelayotgan 2025-yilda har biringiz hayotingizning eng yorqin sahifalarini yozishingizni tilayman. Qalbingizda ishonch, aqlingizda ziyraklik, yuragingizda esa jasorat hech qachon so‘nmasin!
Keling, bu yilni yanada ko‘proq orzu qilish, intilish va birgalikda yuksaklikka erishish uchun bir qadam oldinga tashlab kutib olaylik!

🔅Yangi yil barchamiz uchun omadli, barakali va zafarli bo‘lsin!

Mamnuniyat bilan, Urganch shahar 1-son ixtisoslashtirilgan maktab-internati direktori G’ulomjon Axmedov Jumanazarovich

🌐 Telegram | 🌐 Facebook |🌐 Youtube | 🌐 Instagram