#Javoblar_tanlov

8-javob:

✅Ot so‘z turkumiga oid so‘zlar.

Kanalga ulanish 👉https://t.iss.one/UZTRJ

#tanlov_savollar

9-savol

❓BO‘ZCHINING MOKISIDAY iborasining ma’nosi qanday?

⚠️Javobingizni ushbu botga yo'llashingiz mumkin.

Javob yoʻllash

Kanalga ulanish 👉https://t.iss.one/UZTRJ

#bu_qiziq

Forscha "joma" - libos soʻzidan yasalib oʻzbek tiliga oʻzlashgan soʻzlar

JOMA – [f. – libos] libos.
Ipak galstukka endi ijozat, Yigitga munosib yigit jomasi.
G'.G'ulom.

KORJOMA - [f. – ish + –ko'ylak, kiyim] baʼzida JOMAKOR.
Ish kiyimi.
Shiypon chetidagi traktor g'ildiraklari ostida korjoma kiygan yosh yigit timirskilanib, o'zicha goh u, goh bu yerni tiqirlatib qo'yardi.
R. Po'latov, Oltin kalit.

JOMASHOV – [f. – (kir) yuvadigan idish] Kir yuvadigan tog'ora.
U kirni buvilardan qolgan rasm bilan jomashovda, cho'nqayib o'tirib yuvmaydi.
Shuhrat, Shinelli yillar.

JOMADON - [f. kiyim solinadigan idish] aynan chemodan.
Psixologiyada jomadon kayfiyati degan tushuncha bor.
Gazetadan.


JOMADOʻZ - [f. kiyim tikuvchi] kiyim tikuvchi usta.
Samarqand taraflarda tikuvchilarni jomadoʻz deyish saqlanib qolgan.

Poyjoma - [f. oyoq libosi] aynan pijama.
Irlandiyalik yozuvchi Jon Boyn qalamiga mansub “Yoʻl-yoʻl poyjoma kiygan bolakay” romani dunyoning best-seller asarlaridan.
Internetdan.


Kanalga ulanish 👉https://t.iss.one/UZTRJ

#bilib_oling

BO‘LJOR (pozitsiya)

✔️12–19-asrlarda Movarounnahr va Xurosondagi turkiy saltanatlar harbiy qismlarining kelishuv asosida to‘planadigan joyi; va’dagoh; harbiy pozitsiya.

Qo‘shin qismlarini bo‘ljarga joylashtirish vazifasi bo‘ljorbegi zimmasida bo‘lgan. "O‘ZBEK HARBIY TERMINOLOGIYASI" H.DADABOYEV, H.YODGOROV

Kanalga ulanish 👉https://t.iss.one/UZTRJ

#ona_tilim_mangu_makonim

TILINGNI XORLAMA

Til o‘rgan, mayli, ammo o‘z tilingni xorlama,
Go‘zal o‘z gulzoringni hech qachon mozorlama.

Yor-yor aytib bo‘lmaydi o‘zga tilda, anglagin,
Yor-yor bilsang beri kel, bilmasang «yor-yor»lama.

Ona tilim – jon tilim, onajonim allasi,
Ranjitma bu allani, behuda ozorlama.

Bag‘ringga bos onangni, onajoning tilingni,
Bilib-bilmay onangni ko‘ksingdan «bor-bor»lama.

Qara u o‘zga tilda o‘z so‘zimiz yozig‘liq,
Til o‘rgan, mayli, ammo o‘z tilingni xorlama.

Mehring to‘ldirib so‘zla, mehring to‘ldirib yozgin,
Farid kabi tilingni ardoqla, hech xorlama.

Farid Usmon

Kanalga ulanish 👉https://t.iss.one/UZTRJ

#Javoblar_tanlov

9-javob:

✅To‘xtovsiz, ko‘p marta.

Kanalga ulanish 👉https://t.iss.one/UZTRJ

#tanlov_savollar

10-savol

Qora-qora, deyvermanglar yorimni, Qora munjiq hinji bilan aralash. (“O‘zbek xalq qo‘shiqlari”).

❓Gapdagi ajratilgan so‘z (hinji) qanday ma’noda ishlatilgan?

⚠️Javobingizni ushbu botga yo'llashingiz mumkin.

Javob yoʻllash

Kanalga ulanish 👉https://t.iss.one/UZTRJ

#bilib_oling

So‘zovul

So‘zovul rutbasiga ega mansabdor safar vaqtida qo‘shindan ortda qolib ketgan askar va qochoqlarni yig‘ish bilan shug‘ullangan.

"O‘ZBEK HARBIY TERMINOLOGIYASI" H.DADABOYEV, H.YODGOROV

Kanalga ulanish 👉https://t.iss.one/UZTRJ

#Maqollar_taʼrifi

Novvoy chaqirishga ham kekirdak kerak

Oʻtmishda shaharlarning bozorlarida novvoylar non solingan savatni boshlariga qoʻyib, tumonat odam orasida baland ovoz bilan: “Issiq non, shirmoy non!” — degancha nonlarini maqtab oʻtaverganlar. Olomon ichida, olagʻovurda ketayotgan novvoyning nonidan olishni istagan odam “Novvoy, hoy novvoy!”, deb unga tovush yetkazishi uchun uni baland ovoz bilan chaqirishi, yaʼni “kekirdak choʻzishi” kerak boʻlardi. Shu holat misolga olib aytilgan “Novvoy chaqirishga ham kekirdak kerak” maqolini majozan bu ishni qilish oson emas, koʻp kuch sarflash kerak boʻladi, degan maʼnoda qoʻllaydilar.

Oʻzbek maqollarining izohli lugʻatidan

Kanalga ulanish 👉https://t.iss.one/UZTRJ

Bizning manzil:
Veb-sahifa | Telegram

#Javoblar_tanlov

10-javob:

✅Inju, dur, marvarid.

Kanalga ulanish 👉https://t.iss.one/UZTRJ