🆕 Bayram arafasida yangi xizmat ishga tushdi!

📆 21-oktabr - O'zbek tiliga Davlat tili maqomi berilgan kun!

💻O'zbek tili bayrami arafasida my.gov.uz portalida "O‘zbekiston Respublikasining fuqaroligiga qabul qilishda davlat tilini bilish darajasini aniqlash" xizmati ishga tushirildi.

📱Endi Chet el fuqarolari va fuqaroligi bo'lmagan shaxslar O'zbekiston Respublikasi fuqaroligini olish jarayonida Davlat tilini bilish darajasini aniqlash hamda malaka sertifikatini olish uchun imtihonlarga my.gov.uz portali orqali onlayn ariza berishlari mumkin.

👍Xizmatdan onlayn foydalanish juda oson va qulay!

1️⃣ Аriza beruvchi my.gov.uz portalida ro‘yxatdan o‘tgan holda so‘rovnoma yuboradi.

2️⃣ Vakolatli tashkilot sinov imtihoni o‘tkazish vaqti ko‘rsatilgan ma’lumotnomani talabgorga YIDXP orqali elektron tarzda yuboradi.

3️⃣ Bir oy muddatda Davlat tilini bilish darajasini aniqlash bo‘yicha imtihonlar o‘tkaziladi.

4️⃣ Imtihon o‘tkazilganidan so‘ng uch kun muddatda natijalar e’lon qilinadi hamda muvaffaqiyatli o‘tgan talabgorlarga davlat tilini bilish to‘g‘risidagi malaka sertifikati beriladi.

🪪 Malaka sertifikati muddatsiz amal qiladi.

Unutmang❗️
💰my.gov.uz portali orqali yuborilgan arizalar uchun 10% chegirma mavjud.

🌐  my.gov.uz | egov.uz
🚀Telegram 🔵Facebook 🎬YouTube 📷instagram

​​“Uzunquloq gaplarga koʻra”. Gap uzunquloq boʻlishi mumkinmi?

“Uzunquloq gaplarga koʻra”, “odamlar orasida uzunquloq gaplar yuribdi”. Qanday qilib gap uzunquloq boʻlishi mumkin? Deylik, biron hayvonga nisbatan uzunquloq desa tushunarli, lekin gapning uzunquloq boʻlishi gʻalati.

Gap shundaki, bu yerda uzun hozir tilimizdagi oʻlchovni bildiruvchi uzun emas. Qadimgi turkiyda unga shakldosh yana bir uzun soʻzi boʻlib, gʻiybat maʼnosini bеrgan. Gʻiybatchi esa uzunchi deyilgan. “Qutadgʻu bilig”da oʻqiymiz:

Uzunchi kishike qatilma yira,
Uzunchi tilinde kuyer ot ker-e.

Maʼnosi: gʻiybatchi kishiga yaqinlashma, yiroqlash, gʻiybatchi tilida oʻt yonadi, koʻr.

Uzundin qopar ul ajun bulgʻaqi,
Uzunchi bashin kes, ey ersig aqi.

Maʼnosi: dunyoning boʻlgʻanchiq fisq-u fasodlari gʻiybatdan chiqadi, Gʻiybatchining boshini kes, ey mard saxiy (QB. T. 1971.632-b.).

Demak, uzun gap uzundan-uzun choʻzilgan emas, balki gʻiybat gap ekan...

Bizningcha, uzunquloqning qulogʻi ham eshitish organi – quloq maʼnosida emas. Quloq ham baʼzi turkiy lahjalarda koʻchma maʼnoda mishmish, ovoza, gap soʻz, gʻiybat maʼnolarini bildiradi.

Shunday qilib, uzunquloq gaplar iborasini gʻiybat, mishmish, ogʻizdan-ogʻizga oʻtgan gaplar deb tushunish mumkin.

Abduvohid Hayit

@oriftolib

#ona_tilim_faxrim

✨21-oktyabr - O‘zbek tili bayrami kuni!

Kanalga ulanish 👉https://t.iss.one/UZTRJ

Bizning manzil:
Veb-sahifa | Telegram

Manzillar imlosi

1. Manzil qismlari “kattasidan kichigiga qarab” qoidasi asosida yoziladi:
Misol: Oʻzbekiston Respublikasi, Toshkent shahri, Olmazor tumani.

2. Manzil qismlarga boʻlingan holda bir-biridan vergul bilan ajratiladi:
Misol: Toshkent shahri, Mirzo-Ulugʻbek tumani, Parkent koʻchasi, 44-uy, 66-xonadon.

3. Manzilni ifodalovchi soʻzlarni qisqartirib yozish mumkin. Qisqartmalarga nuqta qoʻyiladi:
viloyat — vil.
shahar — sh.
tuman — tum.
koʻcha — koʻch.
uy/xonadon — matnni qisqartirish maqsadida bu soʻzlarni yozmasa ham boʻladi.
Misol: Toshkent sh., Mirzo-Ulugʻbek tum., Parkent koʻch., 44-uy, 66 (yoki 44/66).

4. Uyning raqami litera, yaʼni harf bilan ifodalansa, u sondan keyin joy qoldirmay kichik harf bilan yoziladi, qoʻshtirnoqqa olinmaydi.
Misol: Parkent koʻchasi, 44a-uy; Parkent koʻch., 44a.

Kanalga ulanish 👉 https://t.iss.one/dtrdep

Bizning manzil:
Veb-sahifa | Telegram | Facebook