Qumqo‘rg‘on tumanidagi temir yo‘l kesishmasi bo‘yicha

Muhtaram Prezidentimiz tomonidan ilgari surilgan e’tirozlar yuzasidan Qumqo‘rg‘on–Elbayon peregonining 4533 km 7 pk da joylashgan qo‘riqlanadigan temir yo‘l kesishmasida mavjud holat chuqur tahlil qilinib, 2025-yil 17-iyundan boshlab bir qator muhim amaliy choralar ko‘rildi.

Qumqo‘rg‘on stansiyasining toq gorlovinasida olib borilgan manyovr ishlari sababli kesishma hududida shlagbaumlarning tez-tez yopilishi aholida norozilik holatlarini keltirib chiqargan edi.

Biroq, 2025-yil 17-iyundan boshlab, mazkur manyovr ishlari toq gorlavinada to‘xtatilib, barcha manyovrlar juft gorlovinada amalga oshirilmoqda.

Natijada: 4533 km 7 pk da joylashgan kesishma faqat yuk va yo‘lovchi poyezdlar harakati davomida vaqtincha yopilmoqda, bu esa kesishmaning ortiqcha band bo‘lishi holatini keskin kamaytirdi.

Ayni paytda, ushbu temir yo‘l kesishmasini Elbayon tomonga 200 metrga ko‘chirish ishlari boshlanib, loyihalash ishlari mutaxassislar tomonidan olib borilmoqda.

Bu o‘zgarishlar aholi xavfsizligini ta'minlash, yo‘llarda tirbandlikni kamaytirish va temiryo‘l infratuzilmasini modernizatsiya qilishga qaratilgan.

Mas’ul tashkilotlar tomonidan mazkur yo‘nalishdagi har bir bosqichli o‘zgarishlar nazoratga olingan holda amalga oshirilmoqda.

|Site|Telegram|Facebook|YouTube|Instagram|X