#Тазалық
#Пахта_2020

Жаслар-келешегимиз. Олар турмыстың барлық тараўында жаслық жигер менен белсендилик көрсетиўге таяр. Өткен дүнья жүзилик тазалық күни де олар жәмлесип, район аймағын шығындылардан тазалаўға қатнасса, аўыллық жерлерде жасаўшы, жәмлеспеген жаслар менен бирге айырым студент жаслар өз қәлеўи менен фермер аға-апаларының пахта майданларына дәрамат табыў мақсетинде теримге барып атыр.
-Мен жумыссыз уйде отырман, пахта тергенди болса жақсы көремен, негизи жаман термеймен,-дейди күлип 21 жастағы Гүлнара Тәжетдинова. Ол Тахтакөпир аўыл пуқаралар жыйынында жасайды. Гүлнара өзи қатарлы жасларды пахта теримине шақырады. Себеби ол дәрамат көзи-мийнетте екенин жақсы түсинип жеткен.

Тахтакөпир районы ҳәкимлиги мәлимлеме хызмети

Бизиң каналымыз!👇
https//t.iss.one/taxtakopir_xakimiyati

#Пахта_2020

Пахта-миллий байлығымыз. Ол азықлық майымыз, кийим-кеншегимиз, тутыныў буйымымыз ҳәм тағы басқа да керекли өнимлеримизди қурайды. Бүгинги күнде фермер дийқанларымыздың мийнетинен өндирген өнимлерин жәрдемши теримшилердиң көмеги менен жыйнап алыўда.
Тахтакөпир районында 123 фермер хожалығында 2920 гектар майданға шигит егилген болып, мәмлекетке пахта тапсырыў режеси 6250 тоннаны қурайды. Соннан ҳәзирге дейин 2290 тонна, яғный 37 пайыз өним жыйнап алынды.
2-секторға қараслы 28 фермер хожалығы ағзалары 666 гектардан 31 пайыз өним алды. Усы секторға қараслы "Сирли замин-Тахта" фермер хожалығы 11,9 гектардағы пахта тапсырыў режесин дәслепкилерден болып 100 пайызға орынлап шығыўға еристи. Теримшилердиң түслик аўқаты ушын шәраят жаратылып, ҳәр күнги терим пуллары белгиленген нормада берилип атыр.

Тахтакөпир районы ҳәкимлиги мәлимлеме хызмети

Бизиң каналымыз!👇
https//t.iss.one/taxtakopir_xakimiyati

#Пахта_2020

Жас келсе иске, дейди. Жаслар бар жерде мийнет өнеди, жаслар бар жерде кеўилли шадлық бар. Олар жаслық жигер менен турмыстың барлық тараўларында өзлериниң үлесин қосып келмекте. Жаслар ислери агентлиги Тахтакөпир районлық бөлими тәрепинен "Пидайы жаслар" отряды белсенди жаслар арасында "Ҳарман, пахтакеш жаслар!" жойбарын таярлады. Жойбар шеңберинде район ҳәкимлиги, мәденият бөлими менен биргеликте концерт бағдарламасы, кеўилли ойынлар шөлкемлестирди. Теримши жаслар арасында өткерилген жарысқа 130 дан артық жигит-қызлар қамтып алынды ҳәм сол күни 6 тоннадан артық пахта терилди. Жарыс жуўмағында 220 килограммнан 176 килограммға шекемги аралықта пахта терип тапсырған жаслар Махсуда Шамуратова, Гита Шарапатдинова ҳәм Сайёра Төребековалар жеңимпаз деп табылып, саўғалар менен сыйлықланды.

Тахтакөпир районы ҳәкимлиги мәлимлеме хызмети

Бизиң каналымыз!👇
https//t.iss.one/taxtakopir_xakimiyati

#Пахта_2020

Фермер дийқанлар атыз басында.Бар күш пахта өнимлерин тез күнлерде жыйнап алыўға қаратылған.
Дәслепки табыслар қолға киргизилди.

Бизиң каналымыз!👇
https//t.iss.one/taxtakopir_xakimiyati