#расмий_муносабат

Нурафшонда коронавирус касаллиги аниқланди каби миш-мишларга РАСМИЙ МУНОСАБАТ

❎“Нурафшон шаҳрида коронавирус касаллиги аниқланди, каби миш-мишлар мутлақо асоссиз, хавотирланишга асос йўқ”, дея муносабат билдирди Нурафшон шаҳар санитария эпидемиологик осойишталик маркази.

✅Айни пайтда Нурафшон шаҳрида коронавирус инфекциясининг ҳудудга кириб келиши ва аҳоли орасида тарқалишини олдини олиш борасида кенг кўламли профилактик чора-тадбирлар ўтказилмоқда.

👥Чет мамлакатлардан ҳудудга кирувчилар рўйхатга олиниб, 14 кунлик тиббий назоратга олинмоқда. Нурафшон шаҳри аҳолиси орасида жорий йилнинг 17 март кунига қадар тиббий назоратга олинганлар орасида коронавирус инфекциясига чалинганлар аниқланмаган.

🔽каналга уланиш
@toshvilpressa

#Расмий_муносабат

⚡️Ижтимоий тармоқларда Олмалиқ шаҳрида бўлиб ўтган сайёр тиббий кўрик жараёнида беморлар уй ҳайвонларини текшириш учун мўлжалланган УТТ аппарати ёрдамида текширалаётгани ҳақида хабарлар тарқалди.

Аслида ҳам шундай бўлганми?..

Тошкент вилояти соғлиқни сақлаш бошқармаси аниқлик киритади.

🎥Батафсил видеолавҳада

#Расмий_муносабат

Тошкент вилояти Бўка туманида тез тиббий ёрдам автомашинасида хўжалик ишлари қилинаётгани кўрсатилган ижтимоий тармоқларда тарқалган хабар юзасидан расмий муносабат.

🚑 Бўка тумани аҳолиси сонидан келиб чиқиб 8 та умумий профилдаги тез тиббий ёрдам бригадалари, 1 нафар реанимацион тез тиббий ёрдам бригадаси, жами 9 нафар бригада аҳолига туну-кун тез тиббий ёрдам хизматини кўрсатиб келмоқда.

🔹Тарқалган хабарлардаги 10 235 ZAA давлат рақам белгили 2013 йилда ишлаб чиқарилган Дамас русумли махсус автомашина, Тез тиббий ёрдам автомашинаси эмас, балки Бўка тумани Марказий оилавий поликлиника учун ажратилган “Тиббий хизмат” автомашинаси хисобланади.

🔹Ушбу автомашина аҳолига тез тиббий ёрдам хизматини кўрсатмайди.

✔️Соғлиқни сақлаш вазирининг 2022 йил 19 декабрдаги “Соғлиқни сақлаш тизимидаги тиббиёт муассаларининг автотранспорт воситалари билан таьминлаш меьёрлари ва улардан фойдаланиш тартиби тўғрисида”ги 330-сонли буйруғи 2-иловаси 3-бандида;

📌“Тиббий хизмат махсус автомашиналаридан тиббиёт муассаларида, поликлиникаларда, туғруқхоналарда, қон хизмати, вазирлик тизимидаги тиббиёт олий ўқув юртларида, илмий-амалий тиббиёт марказлари ва уларнинг клиникаларида, суд-тиббиёт экспертиза бюроларида, санаторияларда, СЭОЖСХ ларда ва тизимдаги бошқа муассаларида тиббий хизмат ишларида фойдаланилиши” белгиланган.

 📝Ушбу ҳолатни ўрганиш учун, Тошкент вилояти Соғлиқни сақлаш бошқармаси томонидан ишчи гуруҳ ташкил этилди ҳамда қонун бўзилишига йўл қуйган мутасадди раҳбарлар ва уларнинг ҳодимларига интизомий жазо чоралари кўрилишини маьлум қиламиз.

👉 Бизга аъзо бўлинг https://t.iss.one/tvhssb

#Расмий_муносабат

Бўка туманидаги шифохона ходимлари “Опен бюджет”га овоз йиғишда мажбурланаётгани танқид қилинган хақида телеграм каналларида тарқалган хабарлар тўғрисида.
КТМПдаги рентген аппарати 1979 йилда олинган бўлиб хозирги кунда маънан эскирган. Ушбу аппаратда олинган тасвирлар хира бўлиб касалликларни ташхислашда айрим камчиликларни келтириб чиқаради.

Ўзбекистон Республикаси Очиқ бюджет портали “Ташаббусли бюджет” жараёнига катнашиш орқали янги, замонавий жахон стандартлари талабларига жавоб бера оладиган Рақамли флюрография аппарати ва автоклав аппарати харид қилиш учун 1 млрд 200 млн 000 минг сўм маблағ таклифи берилган.

Мазкур маблағни олиш орқали ушбу аппаратларни харид қилишда Бўка тумани тиббиёт бирлашмасида хозирги кунда фаолият юритаётган 1585 нафар тиббиёт ходимларига хеч қандай таъзиқ ўтқазилмаган ва “Очиқ бюджет”га овоз йиғиш учун ходимларнинг иш жойларини ташлаб кетиш холатлари кайд этилмаган.

👉Бизга аъзо бўлинг https://t.iss.one/tvhssb

#РАСМИЙ_МУНОСАБАТ

АЧЧИҚ ХАҚИҚАТ\ACHIQ HAQIQAT телеграм ижтимоий тармоғида тарқатилган видеоматериал юзасидан Олмалиқ шаҳар тиббиёт бирлашмасининг расмий муносабати!

Олмалик шаҳар Туғруқ комплекси 26-май куни бош шифокори У.М. йиғилиш жараёнида (ноъмалум шахс томонидан олинган видео лавҳада) ходимлар билан Оналар ва гўдаклар ўлимини олдини олиш, тиббий хизмат кўрсатиш назоратини кучайтириш мақсадида этика, деонтологияга риоя қилмасдан қўпол сўзлар билан йиғилиш олиб борганлигини, ушбу ходимга Ўзбекистон Республикаси ССВ нинг №88-сонли "Тиббиёт ходимларининг одоб-ахлоқ Кодексини тасдиқлаш ҳақида"ги буйруғига риоя этмаганлиги учун, Ўзбекистон Республикаси МКнинг 312-313-моддаларига қўлланиб "ХАЙФСАН" интизомий жазо чораси берилганини маьлум қиламиз.

👉Бизга аъзо бўлинг https://t.iss.one/tvhssb

#Расмий_муносабат

Ижтимоий тармоқларда Янгийўл тумани Тиббиёт бирлашмасининг кир ювувчи ходими томонидан туғруқ бўлими ходимлари, кир ювиш кукуни йўқлиги ва марказий шифохона канализация сувлари ариқларга оқизилаётганлиги мазмунида видео эълон қилинган эди.

Тумандаги марказий шифохонанинг кир ювиш бўлимида 3 дона кир ювиш машинаси мавжуд бўлиб, яъни қонли чойшаблар учун алоҳида, болалар бўлими ҳамда умумий қонсиз бўлган чойшаблар учун алоҳида кир ювиш машинаси мавжуд. СанПИН №0342-17 “Шифохона ичи инфекциялари профилактикаси” қоидалари ва меъёрий нормативларига асосан шифохонадан чиққан қонли ёпинчиқ ва чойшаблар кир ювиш бўлимининг ўзида зарарсизлантирилади. Зарарсизлантириш учун керакли бўлган эритмалар (хлор, гипохлорид ва б.к) ҳамда тозалаш учун кукунлар 4 ойлик захираси билан сақланаётганлигини кўриш мумкин.

Туғруқ бўлимидаги ҳодимлар билан ўзаро келишмовчилиги юзасидан Янгийўл тумани Суди қарори ҳамда Тошкент вилояти Экология атроф–муҳитни муҳофаза қилиш ва иқлим ўзгариш бошқармаси, Янгийўл туман Инспекторлари томонидан ўрганиб чиқилди.

ХУЛОСА -аниқланишича ҳозирда тиббиёт муассасасида барча тиббий амалиётлардан сўнг ҳосил бўладиган тиббий чиқиндилар белгиланган тартибда йўқ қилинаётганлиги бундан ташқари, ҳосил бўлаётган оқова сувлар билан боғлиқ ҳолатда ҳам амалда қонунчилик норма талаблари бузилиш ҳолатлари аниқланмаганлигини қайд этиш мумкин. Экологик назорат тадбирлари доимий равишда олиб борилаётганлигини маълум қиламиз

Тошкент вилояти Соғлиқни сақлаш бошқармаси
Матбуот хизмати.

Telegram | Facebook

#Расмий_муносабат

Куни кеча ижтимоий тармоқларда тарқалган "Айтишларича Чиноз тумани Тиббиёт бирлашмасига келган янги зам главрачни топшириғи билан тунги вақтда ҳодимларини ишлатмоқда экан" деган манодаги видеомурожаат тарқалди.

Мазкур танқидий видеомурожаат юзасидан Чиноз тумани Тиббиёт бирлашмаси маъмурияти қўйидагиларни маълум қилади:

Юртимизда эълон қилинган "Ободонлаштириш ойлиги" муносабати билан ҳамда кундуз кунлари кечаётган иссиқ об-ҳавони инобатга олган ҳолда, бир қатор кичик тиббий ҳодимлар ташаббуси билан куннинг кечки пайтида шифохонанинг айрим ҳудудларида тозалаш, ободонлаштириш ишлари олиб борган.

Ушбу ҳолат тасвирга олган одамлар томонидан нотўғри талқин қилинган бўлиб, ҳеч қандай раҳбарлар томонидан ходимларни мажбурий равишда ободонлаштиришга жалб этилмаганлигини маьлум қиламиз.

Telegram | Facebook

#Расмий_муносабат

Куни кеча @Kusherbayevga_murojaat расмий каналида "Тез ёрдам" ҳайдовчиларини дардини эшитадиганлар борми?

Мазкур танқидий мурожаат юзасидан Тошкент вилояти Соғлиқни сақлаш бошқармаси қўйидагиларни маълум қилади:

Шунга ўхшаш мурожаатлар юзасидан Тошкент вилояти Соғлиқни сақлаш бошқармаси томонидан ишчи гуруҳ ташкил этилиб, Республика тез тиббий ёрдам маркази Тошкент вилояти филиалининг 2023 йил 1 январдан 1 июлгача бўлган фаолияти бўйича хизмат текшируви ўтказилган.

Республика тез тиббий ёрдам маркази Тошкент вилояти филиалида ўтказилган хизмат текшируви жараёнида ушбу мурожаатда кўрсатилган ҳолатлар бўйича хато ва камчиликлар аниқланган. Шу муносабат билан аниқланган хато ва камчиликларни ўрганиш мақсадида хизмат текширув маълумотлари Ҳуқуқни муҳофаза қилиш органларига хуқуқий баҳо бериш учун юборилган.

Telegram | Facebook

#Расмий_муносабат

Куни кеча https://www.facebook.com/ElTuz1/posts/pfbid02T7XNXBiZtXTRUXKsiqiM5aNXM5GLTRssD9r7c71DYJuTwgENWyRiucrtLzZEHHgYl расмий каналида TOSHKENT VILOYATI SUD TIBBIYOT EKSPERTIZASIDAGI QAT’IY TARTIB MEHNAT KODEKSIGA TO‘GʻRI KELADIMI?

Мазкур танқидий мурожаат юзасидан Республика суд тиббий экспертиза илмий-амалий маркази Тошкент вилояти филиали фаолияти юзасидан жойлаштирилган негатив маълумотларга аниқлик киритиш мақсадида қуйидагилар маълум қилинмоқда;

-Ўтказилган текширув комиссияси томонидан, Ўзбекистон Республикаси Меҳнат Кодексининг 478-моддаси ва Вазирлар Маҳкамасининг 17.03.1997 йилдаги 133-сонли қарорига асосан филиалнинг иш куни 5 кундан 6 кунлик иш тартибига 04.09.2023 йилдан қонуний равишда ўтказилди. (мажлисда барча ходимларга тушунтириш ва огоҳлантиришлар айтиб ўтилган);

-Иш жойида шахсий телефондан фойдаланиш учун чекловлар куйилиши сабаблари мавжуд, булар– “Одоб-ахлоқ кодекси”, ички тартиб қоидалар, тиббиёт ходимлари этика ва эстетика талаблари (иш вақтида ижтимоий тармоқлардан шахсий манфаатлари учун фойдаланиш кузатилган, кино, видеолар кўриш) ва иш жараёнига халақит бермаслик, иш сифатини таъминлашда чалғитмаслик учун ташкил этилган тартиб (ички буйруқ расмийлаштирилган, ходимлар огоҳлантирилган), шахсий телефонларни сақлаш учун қулфланадиган маҳсус ячейкалар ўрнатилган, вақти-вақти билан шаҳсий телефондан хабар олиш мумкинлиги айтиб ўтилган, ходимларга алоқа воситасидан фойдаланиш учун ички телефон хизмати йўлга қўйилган, бўлим мудирлари, масъул экспертлар ва маъмурият ходимларига иш юзасидан фойдаланиш йўлга қўйилган;

-Ўзбекистон Республикаси Президентининг 2022 йил 17 майдаги “Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида”ги ПФ-136-сонли Фармони ва Ўзбекистон Республикаси Вазирлар Махкамасининг 2005 йил 21 декабрдаги 276-сон “Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида”ги қарорига мувофиқ, Адлия вазирлиги томонидан 2023 йил 16 январда 3416-сон билан рўйхатдан ўтказилган Низом талаблари ижросини таъминлаш мақсадида, тиббиёт муассасаларининг моддий рағбатлантириш ва ривожлантириш жамғармаси маблағларини тасарруф этиш учун тиббиёт муассасалари хузуридаги махсус комиссиялар тўғрисидаги Низом (рўйхат рақами 1536, 2007 йил 14-январ) асосида, филиалнинг 31.03.2023 йилдаги “Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида”ги №18“И”-сонли буйруғига асосан ва унга тегишли рейтинг бахолаш бўйича мезонлар ишлаб чиқилган;

-Юқоридагилардан келиб чиқиб, Махсус комиссия гуруҳига бўлим, бўлинма мудирлари томонидан тақдим этилган тегишли кўрсаткич ва маълумотларни жамлаб, мезон талаблари бўйича таҳлил қилиниб, натижага кўра, барча кўрсаткичлар бўйича аниқланган устамалар ходимларга 2023 йилнинг 2 – чорак якуни бўйича тўлаб берилган. Шу билан биргаликда хар ойда ушбу мезоннинг барча кўрсатгичлари бўйича бўлим мудирлари ва маҳсус комиссия томонидан хар бир ходим фаолияти таҳлил қилиниб борилмоқда;

-Лаборатория бўлимларида жорий таъмирлаш ва “Рентгенхона” ташкил этиш учун таъмирлаш ишлари қурилиш ташкилоти томонидан олиб борилмоқда ва жавобгарлик ташкилот раҳбарияти зиммасида;

- Муассаса биносида иш вақти давомида иссиқ сувдан мақсадли равишда фойдаланиш айтиб ўтилган, электр ва ичимлик сувидан исрофгарчиликларга йўл қўймаслик учун ходимлар даврий равишда тартибга чақирилган;

-Филиал ташкил топганлигининг 50 йиллиги муносабати билан 11-12 сентябрь кунлари утказиладиган Халкаро илмий-амалий Конференцияни арафасида, иш вақтида ходимлар ихтиёрий равишда тозалик куни катнашишган, бу хақида бўлим мудирларининг ёзма равишда таклиф киритишгани, филиал йиғилиш қарори ҳамда буйруқ чиқарилганлигини билдириб ўтмоқдамиз.

Telegram | Facebook

#Расмий_муносабат

Ижтимоий тармоқларда банкдан қарздорлиги мавжуд фуқаронинг хонадонига мутасаддилар қарз ундиргани боргани ва ушбу ҳолатда тез тиббий ёрдам машинаси ҳам жалб қилингани ва мазкур машина давлат рақам белгисисиз экани ҳақида видеотасвирлар тарқалди.
https://t.iss.one/Yangiyolliklaruz/28415

Маълум бўлишича, воқеа Янгийўл шаҳрида бўлиб ўтган бўлиб, ҳозирда ушбу автомашина қайси муассасага тегишли экани ўрганилмоқда.

Вазият бўйича батафсил маълумот берилади.

Telegram | Facebook

#Расмий_муносабат

Ижтимоий тармоқларда 2022 йил фойдаланишга топширилган Чирчиқ шаҳридаги 3-сон оилавий поликлиника бир йил ўтар-ўтмас абгор ҳолга келиб қолгани, муассасанинг 3 қаватли биноси қулаб тушиши мумкинлиги ҳақида видеолавҳа тарқалди.

Мазкур ҳолат юзасидан қуйидагилар маълум қилинади.

Тошкент вилояти Чирчиқ шаҳридаги 3-сон оилавий поликлиника ҳудудда яшовчи 55 минг нафардан зиёд аҳолига бирламчи тиббий хизмат кўрсатиб, кунлик 300 қатновга мўлжалланган. Бугунги кунда муасссасада 150 нафар тиббиёт ходими ва 27 та тиббий бригада фаолият юритади.

2019 йил ҳомийлар маблағлари ҳисобидан оилавий поликлиниканинг биноси янгидан қурилиш ишлари бошланган бўлиб, 2021 йил фойдаланишга топширилган. Қурилиш ташкилотининг таҳлилларига кўра, бино остидан ўтган сув қувурдаги носозлик сабаб 2022 йил бинонинг бир қисмида чўкиш кузатилганлиги натижасида бино деворларида кичик ёриқлар юзага келган. Айни пайтда ёриқлар бинонинг лаборатория хонаси ва коридорнинг бир қисмида мавжуд бўлиб баъзи жойларда 2-3 смни ташкил қилади.

Ҳозирда оилавий поликлиника томонидан аҳолига бирламчи тиббий хизмат кўрсатилиши муаммосиз давом этмоқда.

Мавжуд ҳолат бўйича нуқсон далолатномалари шакллантирилган ва оилавий поликлиникани таъмирлаш юзасидан маҳаллий ҳокимлик ҳамда Ўзбекистон Республикаси Президенти Администрациясига таклифлар киритилган. Шунга кўра бинони таъмирлаш бўйича тегишли чора-тадбирлар белгиланмоқда. Қурувчи ташкилотнинг фаолияти юзасидан ҳудудий прокуратура органларига мурожаат қилинган.

💬Telegram | 🌐Facebook

#Расмий_муносабат

‼️Ижтимоий тармоқларда докторлар сабаб яна бир бола нобуд бўлгани айтилмоқда! Моргдаги ходимлар хам докторларда айб деб тасдиқлашганини айтишмоқда.

Холат Тошкент вилояти Зангиота тумани тиббиёт бирлашмаси туғруқ бўлимида бўлган деган юзасидан танқидий пост эълон қилинган.
Ушбу ҳолат юзасидан қуйидагиларни маълум қиламиз.

Ҳомиладор аёл Гултаева Махмуда Зангиота тумани тиббиёт бирлашмасининг туғруқ бўлимига 2023 йилнинг 31 декабрь куни соат 15-30 да мурожаат қилган.
Келгандаги ташхиси: “Хомиладорлик 4, 39 хафта 3 кунлик , туғиш 1, асоратланган гинекологик анамнез( 2021-2022 йилларда 3 маротаба ҳомилани ўз-ўзидан тушиши кайд қилинган) Ўткир респиратор инфекция. Ўткир назофарингит. Камқонлик енгил даража.

Анамнезидан ёшлигида қизамиқ, вирусли гепатит А ўтказган. Болалигидан ногирон –туғма кар- соқов.
Ушбу ҳомиладорлиги бўйича Зангиота тумани тиббиёт бирлашмасига қарашли “Ибн Сино” ОШП да 11 ҳафтада “Д” назоратга олинган. Ҳомиладорлик даврида 2 маротаба (6 хафталигида “Эрта токсикоз,қусиш ўрта даража” ташхиси билан ва 35 ҳафталигида “Ўткир респиратор инфекция, зотилжам” ташхиси билан) стационар шароитда даволанган. Туғруқ бўлимида 31 декабр куни УТТ текшируви ўтказилган.

Хулоса: Қоғоноқ сувлари нормада, ҳомиланинг юрак уриши 133 та ритмик бўлган. 2024 йилнинг 1-2 январ кунлари ҳомиладорлар патологияси бўлимида шифокорлар томонидан аёл динамик кузатувда бўлган. Ўткир респиратор инфекция юзасидан даволаш муолажалари олиб борилган. 3 январ куни эрталабки кўрик даврида шифокорлар томонидан ҳомиланинг антенатал ўлими аниқланган. Бу холат УТТ текширувида тасдиқлангач, миллий стандартлар асосида туғруқ индукцияси олиб борилган. 4 январ куни ўлик ҳомила туғдириб олинган. Ҳомила сувлари ифлос, бадбўй хидли бўлган.
Чақалоқ паталого-анатомик текширувига юборилган. Ўрганишлар давом этмоқда. Сўнгги хулосалар паталого-анотамик текширувлар якуни асосида тақдим этилади. Аёл туғруқдан сўнг қариндошларининг талабига асосан алоҳида хонага ётқизилган. Хона ҳарорати 24-26 даражани ташкил этади. Хонада барча шароитлар яратилган.

Ушбу ҳолат юзасидан вилоят соғлиқни сақлаш бошқармаси рахбарияти томонидан хизмат текшируви ўтказилди. Хизмат текшируви жараёнида барча камчиликлар аниқланиб тегишли ходимларга интизомий жазо чоралари кўлланилди ва кўрилган чоралар қўлланилиши учун юридик хулоса олиш учун Зангиота тумани юридик марказига йўналтирилди.

Хулоса:

1. Зангиота тумани туғруқ бўлими мудири Д.М га иш жараёнида керакли даражада назорат қилинмаганлиги учун интизомий чора сифатида, хайфсан эълон қилинди.

2. Зангиота тумани туғруқ бўлими акушер гинекологи А.Х иш жараёнида йўл кўйган хато камчиликлари учун 30% жарима чораси қўлланилди.

3. Зангиота тумани туғруқ бўлими акушер гинекологи Н.К иш жараёнида йўл кўйган хато камчиликлари учун 30% жарима чораси қўлланилди.

4. Зангиота тумани туғруқ бўлими навбатчи доя М.А иш жараёнида йўл кўйган хато камчиликлари учун эгаллаб турган лавозимидан озод этилди.

💬Telegram | 🌐Facebook

#Расмий_муносабат

Ижтимоий тармоқларда Тошкент вилояти, Оҳангарон шаҳрида ҳомиладор аёл қорнидаги ҳомиласи билан вафот этгани ҳақида хабар тарқалди.

Мазкур ҳолат юзасидан қуйидагилар маълум қилинади.

Аниқланишича, 2024 йилнинг 3 апрель куни соат 02:45 да 1992 йил Оҳангарон шаҳрида туғилган Х.А. қорин ва белдаги оғриқ билан Оҳангарон шаҳар тиббиёт бирлашмаси туғуруқ бўлимига “Ҳомиладорлик 4, 39 ҳафта туғуруқ 3. Туғуруқнинг 1 даври, латент фазаси. Семизлик 3 даража” ташхиси билан қабул қилинган. Бемор шифокорлар назорати остида бўлган.

2024 йил 4 апрель куни соат 14:10 да аёлнинг тўсатдан аҳволи оғирлашиб, ҳаво етишмаслиги ва юрак соҳасида оғриқ билан нафас олиши қийинлашган.

Шундан сўнг зудлик билан реаниматолог чақиртирилиб, беморда зарур реанимацион чоралар амалга оширилган.

Бироқ шунга қарамай, 14:35 да аёлда биологик ўлим ҳолати кузатилган.

Суд-тиббий экспертизасининг дастлабки хулосасига кўра, беморнинг ўлимига юрак ишемик касаллиги, ўткир коронар етишмовчилиги, юрак мушакларининг гипертрофияси ва ўткир миокард инфаркти сабаб бўлган.

Асорати: Ўткир юрак ва нафас етишмовчилиги. Ўпка шиши. Бош мия шиши.

Ёндош: Ҳомиладорлик 4, туғуруқ 3,  ҳомиладорлик 39-40 ҳафта.  Бачадон шиллиқ қаватларига қон қуйилиши. Семизлик 3 даража.  Спленомегалия. Ўткир жигар гепатози. Бачадонда жинси эркак ҳомила. Ҳомила ичи асфиксияси.  Ҳомила антенаталь ўлими.

Ҳозирда мазкур ҳолат бўйича ҳуқуқ-тартибот идоралари томонидан суриштирув ишлари олиб борилмоқда. Якуний хулосалар бўйича жамоатчиликка қўшимча маълумот берилади.

💬Telegram | 🌐Facebook