Sport sohasida eng muhim 10 savolga 10 javob

1. Olimpiya va paralimpiya sport turlariga tayyorlash markazlariga qabul tartibi qanday?
-Markazga o‘quvchi-sportchilarni hujjatlarini qabul qilish hamda ularning o‘qishini ko‘chirish O‘zbekiston Respublikasi Vazirlar Mahkamasining 2023-yil 3-noyabrdagi “Sport sohasida davlat xizmatlari ko‘rsatishni yanada takomillashtirish chora-tadbirlari to‘g‘risida”gi 583-son qarori bilan tasdiqlangan “Davlat sport-ta’lim muassasalariga o‘quvchilarning hujjatlarini qabul qilish hamda ularning o‘qishini ko‘chirish bo‘yicha davlat xizmatlarini ko‘rsatishning ma’muriy Reglamenti asosida vazirlik buyrug‘i bilan amalga oshiriladi.

2. "Yagona sport tasnifi" deganda nima tushuniladi?
- Sport turlari reyestriga kiritilgan sport turlari bo‘yicha tegishli sport unvonlari va sport razryadlarini berish uchun bajarilishi zarur bo‘lgan normalar hamda talablar, shuningdek, ularni bajarish shartlari tushuniladi.

3. Sport pasporti olishga davlat xizmatlari orqali ariza topshirilganida qancha yig‘im undiriladi?
-Davlat xizmatlari markazlari orqali taqdim etilganda, ariza beruvchidan bazaviy hisoblash miqdorining 1/6 (oltidan bir) qismi miqdorida yig‘im undiriladi.

4. Sport nima?
-Odamlarning muayyan qoidalar bo‘yicha tashkil etilgan, ularning jismoniy va intellektual qobiliyatini taqqoslashdan iborat bo‘lgan havaskorlik asosidagi va professional asosdagi faoliyati, shuningdek ushbu faoliyatga tayyorgarlik ko‘rish hamda bu faoliyat jarayonida odamlar o‘rtasida yuzaga keladigan munosabatlar.

5. Sport maktablariga kimlar qabul qilinadi?
-Sport maktabiga jinsi, tili, irqi, millati, diniy mansubligi, ijtimoiy kelib chiqishi, mashg‘uloti turi, ijtimoiy mavqei, yashash joyi, O‘zbekiston Respublikasi hududida qancha vaqt yashaganligidan qat’iy nazar, 4 yoshdan 30 yoshgacha bo‘lgan o‘g‘il bolalar va qizlar qabul qilinadi.

6. Sport maktabi sportchilari sport maktabining jihoz va anjomlaridan foydalanganda pul mablag‘i to‘lashi kerakmi?
-Hech qanday pul mablag‘lari to‘lanmaydi. 

7. Sport maktablari va ixtisoslashtirilgan sport maktablari, Olimpiya va paralimpiya sport turlariga tayyorlash markazlariga qachon qabul o‘tkaziladi?
- Sport maktablari va ixtisoslashtirilgan sport maktablari, Olimpiya va paralimpiya sport turlariga tayyorlash markazlari uchun 1-avgustdan 21-avgustga (shu kuni ham) qadar istalgan Davlat xizmatlari markaziga murojaat qiladi yoki YAIDXPga elektron shaklda hujjat topshiradi.

8. Qanday sport unvonlari mavjud?
-Xalqaro toifadagi O‘zbekiston sport ustasi;
O‘zbekiston sport ustasi yoki O‘zbekiston grossmeysteri unvonlari mavjud.

9. Davlat xizmatlaridan qanday foydalanish mumkin?
- Yashash joydagi davlat xizmatlari markazlariga to‘g‘ridan-to‘g‘ri murojaat qilish orqali yoki my.gov.uz yagona interaktiv davlat xizmatlari portali orqali.

10. my.gov.uz sayti orqali qanday elektron davlat xizmatlaridan foydalanish mumkin?
- Sport sohasidagi xizmatlardan tashqari,
mehnat daftarchasidan ko‘chirma;
bolalar nafaqasi va moddiy yordam tayinlash;
bolani bog‘chaga joylashtirish;
doimiy yashash joyi bo‘yicha ma’lumot va h.k.
Hozirgi vaqtda 642 dan ziyod davlat xizmatlari bo‘yicha xizmat ko‘rsatiladi.

https://t.iss.one/TOSHVIL_SPORT

Darvozadan darvozaga!

"Minnesota"ning shvetsiyalik posboni Filip Gustavsson "Sent-Luis Blyuz"ga qarshi NHL o‘yinida jamoasining to‘rtinchi goliga mualliflik qildi.

Bu "Minnesota Uayld" tarixida darvozabon tomonidan kiritilgan birinchi shaybaga aylandi. O‘yinda Filipning jamoasi 4:1 hisobida g‘olib bo‘ldi.

https://t.iss.one/TOSHVIL_SPORT

Har bir ovoz kelajak uchun qo‘yilgan tamal toshdir!

Saylovda ishtirok eting! Yurtimiz istiqboli uchun ovoz bering!

https://t.iss.one/TOSHVIL_SPORT

✔️ Muddatidan oldin ovoz berish tartibi

Saylov kuni o‘z yashash joyida bo‘lish imkoniyatiga ega bo‘lmagan saylovchi muddatidan oldin ovoz berish huquqiga ega.

📱 Saylov2024

❓ Deputatlik o‘rinlari qanday taqsimlanadi?

Bu yilgi parlament saylovida partiyalar o‘z nomzodlar ro‘yxatini ilgari suradi. Saylovchilarning umumiy ovozlari soni, partiyaning umumiy natijasiga ta’sir qiladi. Natijada partiyalarning davlat boshqaruvidagi roli oshiriladi.

Deputatlik o‘rinlari proporsional tizim asosida taqsimlanadi, ya'ni partiyalar olgan ovozlar ulushiga qarab, deputatlik o‘rinlari adolatli ravishda taqsimlanadi. Har bir partiya o‘z ovoziga mos ravishda parlamentda deputatlik o'rniga ega bo‘ladi.

📱 Saylov2024

Markaziy saylov komissiyasi huzuridagi "Call-center" ishga tushirildi

✅ Oliy Majlis Qonunchilik palatasi va mahalliy Kengashlar deputatlari sayloviga tayyorgarlik ko‘rish va uni o‘tkazish davrida jismoniy va yuridik shaxslarning murojaatlari samarali ko‘rib chiqilishini, shuningdek fuqarolarga saylovga oid masalalar yuzasidan tezkor va qulay tarzda huquqiy tushuntirish va maslahatlar berilishini tashkil etish maqsadida Markaziy saylov komissiyasi huzurida "Call-center" ishga tushirildi.

📞"Call-center" orqali saylov jarayonlariga oid o‘zingizni qiziqtirgan barcha savollarga javob olishingiz hamda murojaatlaringizni yo‘llashingiz mumkin.

☎️ "Call-center" raqami: 1200

‼️ 1200 qisqa raqamiga qo‘ng‘iroq qilish bepul.