КЎКДАЛА ТУМАН ИРРИГАЦИЯ БЎЛИМИГА КОМПЬЮТЕР ЖАМЛАНМАСИ ТОРТИҚ ЭТИЛДИ

Хабарингиз бор, Швейцария тараққиёт ва ҳамкорлик агентлиги томонидан молиялаштирилаётган “Ўзбекистонда сув ресурсларини бошқариш миллий лойиҳаси”нинг 2-босқичи доирасида барча туман ирригация бўлимларининг моддий-техник базасини мустаҳкамлаш мақсадида уларга беғараз ёрдам берилмоқда.
Кўкдала республикамиздаги энг кенжа туманлардан бири. Ушбу туман бу йил баҳорда Қашқадарё вилоятида ташкил этилди.
“Ўзбекистонда сув ресурсларини бошқариш миллий лойиҳаси”ни молиялаштираётган Швейцария элчихонаси ва лойиҳа вакиллари Қашқадарё вилоятидаги Кўкдала туман ирригация бўлимида махсус жиҳозларни тақдим этиш тадбирини ўтказиб келдилар. Кўкдалалик сувчиларга 2 та компьютер жамланмаси ва 1 та принтер, электрон рақамлаштириш штанген циркуллари ва китоблар совға қилинди.

Батафсил: https://water.gov.uz/uz/posts/1545735855/2652

ЯХШИЛАР ЁДИ

Умрини сув хўжалиги соҳаси ривожига бағишлаган, ўз меҳнати билан эл-юрт орасида катта обрў-эътибор қозонган Комил Амиров хотирасига бағишлаб Қарши шаҳрида тадбир ўтказилди.

МУЗРАБОТ ТУМАНИДА 104 КИЛОМЕТР КАНАЛ ТОЗАЛАНАДИ

Музработ туманида фермер хўжаликлари ҳамда кластер ташкилотлари тасарруфидаги экинзорлар ва боғ-роғлар, шунингдек, аҳоли томорқаларини ҳисобга олганда умумий майдон қарийб 45 минг гектардан ортиқ. Бу далалар Амударёдан сув олувчи «Занг» канали орқали туман ҳудудидаги «Р-9», «Р-10», «Р-5а», «Жайхун» ва бошқа каналлар ёрдамида суғорилади. Ушбу суғориш тармоқлари сув билан қўшилиб оқиб келадиган лойқа ва бошқа чиқиндилардан тозалаб турилмаса, обиҳаётнинг бир қисми исроф бўлади ва равон оқмайди. Шу боис, туман ирригаторлари доимий равишда суғориш тармоқларини тозалаб, таъмирлашмоқда. Жумладан, кузги – қишки мавсумда каналларнинг 104 километр қисмини механизмлар ёрдамида тозалаш режалаштирилган.

Бугунгача ҳомий ташкилотлар экскватори ва бошқа техникаларини ишлатиш ҳисобига каналларнинг 33 километри лойқадан тозаланди. Ушбу суғориш тармоқларидаги гидротехник иншоот ҳамда гидропостларнинг 10 таси таъмирдан чиқарилди.
Белгиланган режага кўра, ички суғориш тармоқларининг 145,3 километри механизмлар ёрдамида, 494,6 километри қўл кучи билан тозаланади. Туманда фаолият кўрсатаётган «Инденем Агрофирма» ҳамда «Сурхон бошоқли дон» МЧЖ кластерлари ва фермер хўжаликлари ажратаётган маблағ, ишчи кучи, техникалар эвазига ички суғориш тармоқларининг 22,5 километр қисми механизмлар ҳамда 144,5 километри қўл кучи билан тозаланиб, сув равон оқишига шароит яратилди.
Режага кўра, ички суғориш тармоқларидаги гидротехник иншоотларнинг 215 таси, гидропостларнинг 213 таси таъмирланиши белгиланган.Октябрь ойи охиригача 47 та гидротехник иншоот, 45 та гидропост таъмирланди, бўёқланиб ишга шай ҳолга келтирилди.Каналлардан фермер хўжаликлари далаларига сув очиладиган қулоқларни жиҳозлаш ҳам 50 фоиз амалга оширилди.
-Ҳозирча ғаллазорларга сув етказиб берилаётгани учун барча суғориш тармоқларида кузги-қишки тадбирларни тўлиқ бажариш имкони бўлмай турибди, - дейди туман ирригация бўлимининг ишлаб чиқариш бўлими бошлиғи Баҳром Султонов. - Декабрь ойи охиригача канал тозалаш, ариқ қазиш, гидротехник иншоот, гидропостлар таъмири тўлиқ якунига етказилади.
Айни дамларда туман ирригация бўлими мутахассислари ғаллазорларга сув етказиб бериш баробарида қўшимча даромадга эга бўлиш мақсадида каналлар ва гидроучасткалар атрофидаги бўш ерларга тўқсонбосди экинлар экишмоқда. Ҳозиргача 2, 5 гектар ерга кўкат, бир гектардан ортиқ далага пиёз, 4 гектар майдонга бошоқли дон экинларини экиб, парваришлашаяпти. Гидроучасткалардаги қўраларда 20 бош қўй, 200 та товуқ боқилаяпти. Белгиланган ҳамма юмушларни бажаришда Зокир Чоршанбиев, Алишер Хўжанов, Бахтиёр Тангиров каби мутахассислар бошқаларга ўрнак бўлишмоқда. «Яшил макон» лойиҳаси доирасида каналлар ва бошқа суғориш тармоқларининг ҳимоя ҳудудидаги далаларга тут кўчати, тол, терак, жийда қаламчалари ўтқазилмоқда.

Аму-Сурхон ИТҲБ матбуот хизмати

Сайтда ўқиш - https://water.gov.uz/uz/posts/1545735855/2653

Расмий саҳифалар👇
Web-site | Telegram | Facebook | Youtube

АНДИЖОНЛИК СУВЧИЛАРНИНГ "ЯШИЛ МАКОН"ГА ҚЎШГАН ҲИССАСИ

«Яшил макон» умуммиллий акцияси доирасида Норин-Қорадарё ИТҲБ ва унинг тасарруфидаги тизим ташкилотларидан жами 250 нафар ишчи-ходим 650 тупдан зиёд павлония кўчатларини экишди.
Андижонлик сувчилар "Долзарб 40 кунлик" бўйича кўчат экиш тадбирларини давом эттиришмоқда.

АНДИЖОН

Павлония кўчатларини экиш тадбиридан лавҳа.

АГРЕГАТЛАР УМРИ УЗАЙТИРИЛМОҚДА

«Аму-Занг-1» насос станцияси Амударё бўйида 1984 йил қурилиб, ишга туширилган. Орадан 38 йил ўтибдики, ҳамон станциядаги 5 та 2400 В-25/40 русумли насос агрегатларидан унумли фойдаланилмоқда, умуман ярамай қолганларининг эҳтиёт қисмлари бошқасига ўрнатилмоқда ва шу ҳисобда суғориш мавсумида истеъмолчиларнинг эҳтиёжига яраша «Занг» каналини сув билан тўлдиришга хизмат қилиб келаяпти.

Сурхондарё вилоятининг 5 та тумани экинзорларини обиҳаёт билан таъминлайдиган насос станциясидаги агрегатлар фақат носуғориш мавсумидагина тўхтатилиб, таъмирланади. Қолган пайт агрегатлар доимий ишчи ҳолатда. Собиқ Иттифоқ даврида ўрнатилган агрегатларнинг иккитаси бундан беш йил илгари таъмирталаб бўлиб қолгани учун ўрнига Хитой-Австрия корхоналари ҳамкорлигида тайёрланган агрегатларга алмаштирилганди. Бу агрегатларнинг сув чиқариш ҳажми анча юқори ва электр энергияси сарфи ҳам кам.
Айни пайтда насос станциясидаги агрегатларнинг учтаси ишлатиляпти ҳамда иккита агрегатнинг умрини узайтириш мақсадида таъмирланмоқда. Абдушукур Ашуров, Улуғбек Бозоров, Комилжон Бўриев, Тўрабой Хушбоқов, Муҳриддин Ҳотамов, Камолиддин Ибодуллаев каби тажрибали машинист, чилангар, пайвандловчилар насос агрегатлари ва электр двигателларини сифатли созлашда ўзаро беллашиб меҳнат қилмоқдалар. Иккита агрегат тўлиқ таъмирдан чиқарилиб, ишга қўшилгач, бошқа насослар агрегатини жорий таъмирлашга киришилади.
-38 кишилик жамоамизнинг ярми насос станцияси атрофини ободонлаштириш, бўш ерларга тўқсонбосди экинлари ҳамда мевали-манзарали дарахтлар кўчатини экиш билан банд бўлса, қолганлар таъмирга жалб қилинган, - дейди насос станцияси раҳбари Зокир Нортожиев. - Айрим йирик агрегатларнинг мутахассисларимиз тузата олмайдиган эҳтиёт қисмларини Тошкентдаги «Сувмаш» корхонасига юборганмиз. Қолган эҳтиёт қисмлар ҳамда электр двигателларни муҳандис-техникларимиз созлашаяпти. Февраль ойигача барча агрегат ва электр двигателлар сифатли таъмирланиб, сув чиқаришга тўлиқ шайланади. Насос станциялари ва энергетика бошқармаси раҳбарлари ҳамда етакчи мутахассислари доимий равишда ҳолимиздан хабарлашиб туришибди, маблағ ва эҳтиёт қисмлар масаласида амалий кўмак беришаяпти.

Аму-Сурхон ИТҲБ матбуот хизмати

Сайтда ўқиш - https://water.gov.uz/uz/posts/1545735855/2655

Расмий саҳифалар👇
Web-site | Telegram | Facebook | Youtube

АНДИЖОНДА МАХСУС ХИЗМАТ ХОДИМЛАРИ МАЛАКА ОШИРМОҚДА

Норин-Қорадарё ИТҲБ томонидан жорий йилнинг 31 октябрь-5 декабрь кунлари туманлар ирригация бўлимлари қошидаги сув хўжалиги махсус хизмати ходимларининг малакасини ошириш бўйича ўқув-тренинг машғулотлари ўтказилмоқда. Ушбу ўқув-тренинг машғулотларига туман ирригация бўлимларининг ва уларнинг қошидаги сув хўжалиги махсус хизмати бошлиғи, бош бухгалтери, бош гидрометри ва бош гидротехниги график асосида жалб қилинади.

Ўқув-тренинг қатнашчиларига бизнес режа ва шартнома тузиш, сув истеъмолчиларига сифатли хизмат кўрсатиш, экинларни суғориш режими, гидромодул ва унинг турлари, суғориладиган майдонларни гидромодул районлаштириш, шунингдек, чекланган сув лимитини тақсимлаш тартиби, гидропост турлари, сув сарфини аниқлаш ва ҳисобини юритиш, сув оқимини ўлчаш усуллари, сув ўлчаш мосламаларидан фойдаланишда замонавий технологиялардан фойдаланиш юзасидан тушунчалар берилиб, амалий машғулотлар ўтказилади.

Батафсил: https://water.gov.uz/uz/posts/1545735855/2656

ТЕЖАМЛИ ИШДА БАРАКА БЎЛАДИ

Халқ хўжалигининг аксарият соҳаларида инновацион технологиялардан оқилона фойдаланиш ва шу орқали тежамкорлик мухитини яратиш алоҳида ўрин тутмоқда. Жумладан, сув хўжалиги тизимидаги барча ташкилотларда бошқарувни автоматлаштириш ва бунда қуёш энергиясидан янада самарали фойдаланиш раҳбариятнинг диққат марказида турибди.

2021–2022 йиллар мобайнида 154 та гидропост, 128 та насос станциялари ҳамда 276 та кузатув қудуқлари ўзаро интеграция қилиниб, қуёш энергияси ёрдамида ишлатилмоқда.

“Ақлли сув” бошқариш платформасини тўла ишга тушириш 2023 йилда босқичма-босқич тўлиқ якунига етади ва бу жараён массивлар ва фермерлар кесимида давом этади.

Норин-Қорадарё ИТҲБ матбуот хизмати

Сайтда ўқиш - https://water.gov.uz/uz/posts/1545735855/2657

Расмий саҳифалар👇
Web-site | Telegram | Facebook | Youtube

ФОРИШДАГИ АНЖУМАН ҲАР ЖИҲАТДАН ФОЙДАЛИ БЎЛДИ

Фориш тумани миришкорлари деҳқончилик қилаётган экин майдонларининг аксарияти лалми ёки шартли суғориладиган ҳудудлар ҳисобланади. Шунинг учун ҳам тумандаги “Дўстлик агроэкспорт” МЧЖ даласида томчилатиб ва ёмғирлатиб суғориш технологияларини татбиқ этишга бағишлаб ташкил этилган кўргазмали семинар гавжум бўлди.

– Биргина “Дўстлик агроэкспорт” масъулияти чекланган жамиятининг ўзида 120 гектар ерда ёмғирлатиб суғориш технологиялари жорий этилган ҳолда озуқабоп экинлар етиштирилмоқда, – дейди туман ирригация бўлими бошлиғи Бобораҳим Иброҳимов.

Батафсил: https://water.gov.uz/uz/posts/1545735855/2658

Расмий саҳифалар👇
Web-site | Telegram | Facebook | Youtube

ФАРҒОНАДА ЁМҒИРЛАТИБ СУҒОРИЛАДИГАН МАЙДОНЛАР КЕНГАЙЯПТИ

Бешариқ туманида келгуси йил ҳосили учун 8 800 гектар майдонга ғалла экиш режалаштирилган. Шундан 1500 гектарига ёмғирлатиб суғориш технологияси жорий қилинади. Ҳозирда фермер хўжаликлари билан қурувчи пудрат ташкилотлари ўртасида шартномалар тузиш охирига етказилмоқда.
Жумладан, туманда фаолият кўрсатаётган “LUX YAN TEX” МЧЖ кластери қарийб 200 гектар майдонга ёмғирлатиб суғориш технологиясини жорий қилишни режалаштирган. Шунингдек, “Умар оқсоқол”, “Чимбой келажаги”, “Отабек Саксонов”, “Сариқсув баракаси”, “Қоражийда баракаси”, “Халқабодликлар шижоати”, “Қўрғонча камоли”, “Қўрғонча келажаги”, “Сарвар Мирвалиев” фермер хўжаликларида ёмғирлатиб суғориш технологиясини ўрнатиш ишлари бошлаб юборилди.

Батафсил: https://water.gov.uz/uz/posts/1545735855/2659

Расмий саҳифалар👇
Web-site | Telegram | Facebook | Youtube

ЮРТИМИЗНИ ЯШИЛЛИККА БУРКАЙЛИК

“Яшил макон” умуммиллий лойиҳаси доирасида Қуйи Зарафшон ирригация тизимлари ҳавза бошқармаси тизим ташкилотлари ҳам фаол иштирок этмоқда.

Жорий йилнинг 1 ноябрь куни Навбаҳор тумани “Дул дул” маҳалласи ҳудудида 5 гектар ер майдонида боғ барпо қилиш мақсадида ташкил этилган тадбирда Навбаҳор тумани ирригация бўлими ходимлари томонидан 650 туп турли мевали ва манзарали дарахт кўчатлари экилди.

– Тасарруфимиздаги объекилар, сувчилар уйлари атрофларига “Долзарб 40 кунлик” доирасида кўчатлар экилиб, яшил майдонлар барпо этиш борасида ишлар олиб борилмоқда, – дейди Навбаҳор тумани ирригация бўлими бошлиғи Фахриддин Ражабов. – Ҳозирга қадар ишчи-ходимларимиз томонидан 128 туп мевали ва 242 туп манзарали, жами 370 туп кўчатлар ўтқазилди.

Батафсил: https://water.gov.uz/uz/posts/1545735855/2660

Расмий саҳифалар👇
Web-site | Telegram | Facebook | Youtube

СУРХОНДАРЁДА 12 МИНГ ГЕКТАР ҒАЛЛАЗОРДА ЁМҒИРЛАТИБ СУҒОРИШ ТЕХНОЛОГИЯСИ ЖОРИЙ ЭТИЛАДИ

Жорий йилнинг кузида сурхондарёлик деҳқонлар 2023 йил ҳосили учун 100 минг гектар майдонга ғалла етиштириш ниятида бошоқли дон экинлари экишни қизғин давом эттирмоқдалар. Келгуси йил об-ҳаво қандай келишини, қор-ёмғир қанча миқдорда ёғишини, обиҳаёт кам ёки мўл бўлишини олдиндан башорат қилиш мушкул. Шу боис, кам сув билан мўл сара дон етиштириш ниятида воҳа ғаллакорлари 12 минг гектар ғаллазорда ёмғирлатиб суғориш технологиясини жорий этишни режалаштирган.

Сув тежовчи технологияни жорий этишга хоҳиш билдирган фермер хўжаликлари ҳамда кластер ташкилотлари раҳбарлари ҳозирда пудратчи ташкилотлар билан шартномалар тузиб, кредит олиш мақсадида ҳужжатларини расмийлаштиришга банкларга тақдим қилишаяпти.

Батафсил: https://water.gov.uz/uz/posts/1545735855/2661

Расмий саҳифалар👇
Web-site | Telegram | Facebook | Youtube

Кеча “Ўзбекистонда сув ресурсларини бошқариш миллий лойиҳаси” доирасида “Иқлим ўзгариши ва сув хўжалиги соҳасидаги адаптацион тадбирлар" мавзусидаги ўқув-тренинг курси” бошланди.

Иқлим ўзгариши мураккаб, баҳсли ва муҳим масала. Бу, эҳтимол, 21-асрнинг ҳал қилувчи экологик муаммоси бўлади. Ушбу курс иқлим ўзгаришининг бутун мураккаблигини муаммо сифатида ҳал қилишга қаратилган.

5 кунлик тренингнинг мақсади Сув хўжалиги вазирлиги, Ахборот таҳлил ресурс маркази ва мелиоратив экспедиция мутахассисларини қуидаги йўналишлар бўйича малакасини оширишдан иборат:
–иқлим ўзгариши тушунчаси;
–глобал иссиш ва парник газларининг сув хўжалиги ва қишлоқ хўжалигига таъсири;
– иқлим ўзгаришининг етиштириладиган экинлар ҳосилдорлигига таъсири;
–иқлим ўзгариши шароитида ўсимликларнинг сув истеъмоли;
–иқлим ўзгариши ва табиий офатлар;
–иқлим ўзгаришига мослашиш.

Тренинг бориши ҳақида каналимиз сизга маълумот бериб туради

💧Каналга уланиш: 👉@tomchikanali

ҚАЙСИ ЖОЙДА ТЕЖАМКОРЛИК БЎЛСА БАРАКА БЎЛАДИ

Навбаҳор туманидаги “Жалол 2018” фермер хўжалиги ғалла майдонида сувни тежаш, ҳосилдорликни ошириш ва ёмғирлатиб суғориш технологияларидан унумли фойдаланиш бўйича семинар бўлиб ўтди. Унда қишлоқ ва сув хўжалигига алоқадор ташкилотлар раҳбарлари, фермер хўжаликлари ва кластерлар, инвесторлар ва оммавий ахборот воситалари вакиллари иштирок этди.

Семинар иштирокчиларига ғалла етиштиришда замонавий сув тежовчи усул бўлган ёмғирлатиб суғориш технологиясидан фойдаланиш, унинг самарадорлиги ва афзалликлари хусусида атрофлича тушунтирилди.

Сайтда ўқиш - https://water.gov.uz/uz/posts/1545735855/2662

Расмий саҳифалар👇
Web-site | Telegram | Facebook | Youtube