Surxondaryo viloyati Avtomobil yo'llari Bosh boshqarmasi Rasmiy kanali

Forwarded from Avtomobil yo'llari qo'mitasi

#SURXONDARYO_VILOYATI

⚡️MUROJAARLAR O‘Z VAQTIDA IJOBIY HAL ETILMOQDA

✍️Fuqarolarning murojaatlari bilan ishlash, ularni qiynayotgan muammolarni joyida hal etish bugun davlatimiz siyosatining asosini tashkil etadi.
◾️ Surxon vohasida ham odamlarni rozi, mushkulini oson qilish yo‘lida amalga oshirilayotgan ishlar samarasi o‘laroq shahar va qishloqlar obodlik kasb etib, hududlarning infratuzilmasi tubdan o‘zgarmoqda.
🕓 Bugungi kunda deyarli barcha korxona, tashkilot va muassasalarda murojaatlar bilan ishlash bo‘yicha aniq mexanizm yaratilgan.
Ayni maqsadda Surxondaryo viloyati Avtomobil yo‘llari Bosh boshqarmasi hamda uning tarkibidagi korxonalarda ham murojaatlar bilan samarali ishlash tizimi yo‘lga qo‘yilgan. Viloyatdagi yo‘l sohasiga oid barcha murojaatlar o‘rganilib, qisqa fursatlarda ijobiy hal etilmoqda.
📱 -Raqamlarga nazar tashlaydigan bo‘lsak, o‘tgan 2024-yil davomida Surxondaryo viloyati Avtomobil yo‘llari Bosh boshqarmasiga yo‘l va ko‘priklar masalalari bo‘yicha jami 722 ta murojaat kelib tushgan. Shuning 635 tasi jismoniy, 87 tasi esa yuridik shaxslardan kelib tushgan. Murojaatlar nisbatan ko‘p kelib tushadigan tumanlar Qumqo‘rg‘on, Sho‘rchi, Sariosiyo va Denov tumanlari hisoblanadi. Termiz shahri bo‘yicha keladigan murojaatlarning aksariyati ichki ko‘chalarni ta‘mirlash yuzasidan bo‘ladi.
📺 Fuqarolardan kelib tushayotgan murojaatlar asosan yozma shaklda bo‘lib, og‘zaki, elektron pochta va virtual qabulxona orqali ham ko‘plab murojaatlar kelib tushmoqda.
📞 Ayni vaqtga qadar mazkur murojaatlarning 465 tasiga tushuntirish berilgan bo‘lsa, 207 ta murojaat ijobiy hal qilingan. 33 ta murojaat tegishliligi bo‘yicha boshqa tashkilotlarga yuborilgan va hozirda 8 ta murojaat o‘rganish jarayonida, 9 ta murojaat egalariga esa huquqiy tushuntirishlar berilgan, deydi – Murojaatlar bilan ishlash va ijro intizomini nazorat qilish bo‘yicha bosh mutaxassis Latofat Alimova.

📱

Surxondaryo viloyati Avtomobil yo‘llari Bosh boshqarmasida uch nafar xodimdan iborat dispetcherlik bo‘limi kecha-yu kunduz faoliyat ko‘rsatib kelmoqda. Ushbu bo‘limga murojaatlarini fuqarolar ko‘pincha o‘zlari kelib, yozma ravishda bayon etishadi va boshqarmaga kelib murojaatlari bo‘yicha mas’ul mutaxassislardan atroflicha ma’lumot olishadi.
☎️ - Surxondaryo viloyati Avtomobil yo‘llari Bosh boshqarmasida tashkil etilgan dispetcherlik bo‘limiga asosan yilning kuz-qish mavsumida tabiiy ofatlar tufayli yo‘llarda nosozlik yuzaga kelganida, biror transport xodisasi ro‘y berganida va yo‘l bilan bog‘liq shu kabi holatlar kuzatilgan vaqtlarda qo‘ng‘iroqlar bo‘ladi. Biz bu haqda tumanlar va tegishli bo‘limlar mas’ullarini tezlikda xabardor qilamiz. Shuni alohida ta’kidlash joiz, so‘nggi vaqtlarda bu kabi murojaatlar soni tobora kamayib boryapti. Bu quvonchli holat, albatta. Sababi, odamlarning yo‘l va uning egasi haqidagi tushunchalari ortib, har bitta murojaat tegishliligi bo‘yicha o‘z mas’ullariga yo‘llanmoqda, deydi – dispetcherlik bo‘limi xodimlari.
☎️ Agarda Surxondaryoliklarning avtomobil yo‘llari sohasiga oid murojaatlari bo‘lsa va ayni yo‘nalishda hududlarda mavjud kamchiliklar haqida xabar bermoqchi bo‘lsa Surxondaryo viloyati Avtomobil yo‘llari Bosh boshqarmasining 24 soat ishlab turadigan +998 76 221 19 69 raqamiga qo‘ng‘iroq qilishlari mumkin.
📱 Bu bilan fuqarolar va jamoatchilik faollari viloyatdagi umumfoydalanuvda bo‘lgan yo‘llarda yuz bergan kamchiliklar va muammolar o‘z vaqtida bartaraf etilishiga o‘zlarining munosib hissalarini qo‘shgan bo‘ladilar.

✅Telegram | ✅Facebook |📹You Tube 🌐 Website

Please open Telegram to view this post