Kimlar jismoniy shaxslardan olinadigan yer solig‘idan ozod qilingan?

▫️ “Oʻzbekiston Qahramoni”, Sovet Ittifoqi Qahramoni, Mehnat Qahramoni unvonlari, uchala darajadagi Shuhrat ordeni bilan taqdirlangan fuqarolar;
▫️urush nogironlari va qatnashchilari;
▫️I va II guruh nogironligi boʻlgan shaxslar;
▫️yolgʻiz pensionerlar;
▫️boquvchisini yoʻqotgan koʻp bolali oilalar;
▫️Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar.

✅ Uy-joy fondining ko‘chmas mulk obyektlarida umumiy quvvati 100 kVtgacha bo‘lgan qayta tiklanuvchi energiya manbalaridan foydalanuvchi shaxslar uchun soliq summasi qayta tiklanuvchi energiya manbalari qurilmalari o‘rnatilgan oydan e’tiboran 3 yil davomida, quyosh panellari quvvatidan 25 foizdan kam bo‘lmagan quvvatga ega elektr energiyasini to‘plash tizimi mavjud bo‘lgan quyosh panellari o‘rnatilganda esa mazkur panellar foydalanishga topshirilgan oydan e’tiboran 10 yil davomida bazaviy hisoblash miqdorining bir baravaridan oshmaydigan summaga kamaytiriladi.

Soliq imtiyozlari yakka tartibdagi uy-joy qurilishi, dehqon xoʻjaligini yuritish uchun berilgan yer uchastkalariga boʻlgan huquqlarni davlat roʻyxatidan oʻtkazishni amalga oshiruvchi organda roʻyxatdan oʻtkazgan jismoniy shaxslarga beriladi.

Soliq imtiyozlari soliq toʻlovchining tanlovi boʻyicha faqat bitta yer uchastkasiga beriladi.

Soliq imtiyozlariga ega boʻlgan shaxslar soliq imtiyozlarini olish huquqini tasdiqlovchi hujjatlarini yer uchastkasi joylashgan yerdagi soliq organlariga mustaqil ravishda taqdim etadi.

👉 Soliq kodeksi 436-modda

👉 Telegram

#barqarorlik_reytingi

Soliq majburiyatlarini o‘z vaqtida bajarish lozim

Surxondaryo viloyatidagi 28 538 ta xo‘jalik yurituvchi subyektlarning faoliyati tadbirkorlik subyektlarining barqarorlik reytingiga muvofiq baholanib borilmoqda. Bugungi kunda viloyatda 130 ta yuqori, 2247 ta o‘rta, 11 953 ta qoniqarli va 14 208 ta quyi toifada bo‘lgan tadbirkorlik subyektlari faoliyat yuritmoqda.

Viloyat soliq boshqarmasi xodimlari manzilli uchrashuvlar tashkil etib, xo‘jalik yurituvchi subyektlarning reytingdagi darajasini oshirish choralarini ko‘rmoqda.

Barqarorlik reytingida qoniqarli toifada bo‘lgan “Jayxun-Termiz-Surxon” xususiy korxonasi mas’ullari bilan bevosita muloqotda Ebitda bo‘yicha rentabillik darajasini oshirish, elektron hisobvaraq-fakturalarni qonunchilikda belgilangan muddatlarda rasmiylashtirish, hisoblangan soliq summasini belgilangan muddatda to‘lash hamda bir nafar xodimga to‘g‘ri keladigan ish haqi jamg‘armasini MHTEKMdan ortiq bo‘lishini ta’minlash kabi mezonlari bo‘yicha ball berilmaganligi tushuntirildi. Avtokameral AATda aniqlangan kamchiliklar bartaraf etilmaganligi sababli ballar chegirilganligi ta’kidlanib, kelgusida bu kabi holatlarga yo‘l qo‘ymaslik, qo‘shimcha ball beruvchi imkoniyatlardan samarali foydalanish yuzasidan tavsiyalar berildi.

👉 Telegram

#mahallabay

Oltinsoylik soliq inspektori “Mahalla iftixori” ko‘krak nishoni bilan taqdirlandi

Mahalla institutining jamiyatdagi o‘rnini mustahkamlash, uning huquq va vakolatlarini kengaytirish, moddiy-texnik bazasini rivojlantirish hamda kadrlar salohiyatini oshirishga alohida e’tibor qaratilmoqda. Bu borada amalga oshirilayotgan islohotlar doirasida mamlakatimizda 22-mart — “Mahalla tizimi xodimlari kuni” sifatida belgilangan.

Mazkur sana munosabati bilan Termiz shahrida mahalla tizimida fidokorona mehnat qilayotgan ilg‘or xodimlarni taqdirlashga bag‘ishlangan tantanali tadbir bo‘lib o‘tdi. Tadbir davomida mahallalarni obod qilish, “Mahalla yettiligi” faoliyatini samarali tashkil etish hamda sog‘lom ijtimoiy-ma’naviy muhit yaratish yo‘nalishidagi xizmatlari uchun viloyatimizdagi 14 nafar xodim “Mahalla iftixori” ko‘krak nishoni bilan taqdirlandi.

Taqdirlanganlar orasida Oltinsoy tumani “Jobu”, “Ipoq” va “Chep” mahallalari soliq inspektori Xatamov Sarvar Muxammadiyevich ham bor.

– “Mehnat qilgan elda aziz” – deyishadi. Bugun “Mahalla iftixori” ko‘krak nishoni bilan taqdirlanganimda bu naqlning mohiyatini yanada teranroq angladim. Bu men uchun cheksiz faxr, g‘urur” - deydi soliq inspektori Sarvar Xatamov . – Bildirilgan ishonchni oqlashga, yanada yaxshiroq natijalarga erishishga harakat qilaman.

👉 Telegram

#imtiyoz

Nodavlat maktabgacha va umumiy o‘rta ta’lim tashkilotlari uchun soliq imtiyozlari

Soliq kodeksining 483-moddasiga muvofiq

🗓 2030-yil 1-yanvarga qadar:

🟠 Nodavlat maktabgacha va umumiy o‘rta ta’lim tashkilotlari barcha turdagi soliqlarni (bundan ijtimoiy soliq mustasno) to‘lashdan ozod qilinadi (Mazkur imtiyozlar natijasida bo‘shaydigan mablag‘lardan nodavlat maktabgacha va umumiy o‘rta ta’lim tashkilotlarini zamonaviy o‘quv qo‘llanmalari bilan jihozlash, zarur tovarlar va asbob-uskunalarni sotib olish, binolar va inshootlarni rekonstruksiya qilish hamda kapital ta’mirlash, shuningdek aholining ijtimoiy himoyaga muhtoj qatlamlariga bepul ta’lim xizmatlarini ko‘rsatish uchun maqsadli tarzda foydalaniladi.);

🟠 O‘zbekiston Respublikasida ishlab chiqarilmaydigan, belgilangan tartibda shakllantiriladigan ro‘yxatlar bo‘yicha nodavlat maktabgacha va umumiy o‘rta ta’lim tashkilotlarini jihozlash hamda ularning faoliyatini ta’minlash uchun O‘zbekiston Respublikasi hududiga olib kiriladigan, zamonaviy o‘quv va laboratoriya asbob-uskunalari, kompyuter texnikasi, dasturiy mahsulotlar, o‘quv va ilmiy-uslubiy adabiyotlar, anjomlar va moddiy-texnika resurslari qo‘shilgan qiymat solig‘idan ozod qilinadi;

🟠 Nodavlat maktabgacha va umumiy o‘rta ta’lim tashkilotlarida mehnat faoliyatini amalga oshiruvchi chet el o‘qituvchilari va mutaxassislari jismoniy shaxslardan olinadigan daromad solig‘ini to‘lashdan ozod qilinadi;

🟠 Chet el o‘qituvchilari va mutaxassislarini ishga qabul qilgan tadbirkorlik subyektlari chet el o‘qituvchilari va mutaxassislari bo‘lgan xodimlar mehnatiga haq to‘lashga doir xarajatlari bo‘yicha ijtimoiy soliqni to‘lashdan ozod qilinadi.

👉 Telegram