#e_ijara

Ko‘chmas mulk shartnomalarini hisobga qo‘yish ma’muriy reglamenti

Ko‘chmas mulk ijara yoki tekin foydalanish shartnomalarini davlat soliq xizmati organlarida hisobga qo‘yish bo‘yicha davlat xizmatini ko‘rsatish ma’muriy reglamenti tasdiqlandi.
👉VM-15-son qarori 02.02.2022-yil

Reglamentda yuridik va jismoniy shaxslarning ko‘chmas-mulklari bo‘yicha:
▫️ ijara
▫️ikkilamchi ijara
▫️ tekin foydalanish shartnomalarini
davlat soliq xizmati organlarida hisobga qo‘yish tartibi nazarda tutilgan.

Shartnomalarni “E-ijara” xizmati orqali soliq organlarida elektron shaklda hisobga qo‘yish tomonlarning shaxsan o‘zlari tomonidan ERI orqali amalga oshiriladi.

Bundan tashqari, hujjatda yuridik shaxslarni qonunchilik hujjatlariga muvofiq davlat ro‘yxatidan o‘tkazishda yuridik shaxsning joylashgan yeri sifatida yashash uchun mo‘ljallanmagan joy ko‘rsatilishi belgilangan.

Ko‘p kvartirali uylarda yuridik shaxslar ruxsat berilgan faoliyat turlari bo‘yicha faqat yashash uchun mo‘ljallanmagan joylarda joylashtiriladi.

Istisno tariqasida, qonunchilik hujjatlarida nazarda tutilgan hollarda yashash uchun mo‘ljallangan joylarda yuridik shaxslarni ruxsat berilgan faoliyat turlari bo‘yicha joylashtirishga ruxsat etiladi.
Ko‘chmas mulk ijara shartnomalari elektron tarzda hisobga qo‘yilganda belgilangan shaklga muvofiq QR-kodli guvohnoma shakllanadi.

👉Е-ijara xizmati qanday ishlaydi?
👉Ikkilamchi ijara shartnomasini hisobga qo‘yish
👉Mobil ilovada ERIsiz ijara shartnomasini hisobga qo‘yish
👉Talabalar bilan tuzilgan ko‘chmas mulk ijara shartnomalarini hisobga qo‘yish
👉E-ijara tizimida kommunal xizmatlar
👉Ijara shartnomasining haqiqiyligi qanday tekshiriladi?
👉Ijara shartnomasi qanday bekor qilinadi?
👉Yer maydoni ijara shartnomasi qanday ro‘yxatdan o‘tkaziladi?

Тelegram | Facebook | Youtube| Instagram

#marketplace

Marketpleys-cheklari shaxsiy kabinetda aks etadi

To‘lov tizimlari operatorlari soliq organlarining axborot tizimlari bilan integratsiyalashmoqda:

🔹2022-yil 1-fevraldan boshlab to‘lov tashkiloti, tijorat banklarining elektron to‘lov xizmatlari (shu jumladan mobil ilovalar orqali), shuningdek, elektron tijorat platformalari — “Marketpleys”-larning axborot tizimlari yordamida masofadan turib amalga oshirilgan savdo va pullik xizmatlar bo‘yicha tranzaksiyalarning (“P2P”, kredit to‘lovlari bundan mustasno) elektron cheklarida soliq organlari axborotlar tizimlariga integratsiyalashgan va avtomatik tarzda shakllanuvchi fiskal belgilarni majburiy aks ettirish talabi o‘rnatilgan.

👉 PQ-5252-son 5-band 4.10.2021

Endi marketpleys orqali savdo va pullik xizmatlarni hisobga olish (tovar va xizmatlar savdosi uchun onlayn platforma) yangi axborot bo‘limida aks etadi.

▫️My.soliq.uz saytida soliq to‘lovchining shaxsiy kabinetidagi “YuSh onlayn-NKM va virtual kassalar ma’lumotlari” xizmatlariga marketpleyslar orqali kelib tushgan barcha cheklar aks etuvchi “Marketpleys cheklari” bo‘limi qo‘shildi.

▫️Qidiruv tizimida Fiskal modul ID va chek berilgan sanani kiritib zarur marketpleys cheklarini topish mumkin.

Eslatib o'tamiz: marketpleys orqali shakllangan daromadlar avtomatik ravishda aylanmadan olinadigan soliq hisoboti 1-ilovasining tegishli satrlarida shakllanadi.

Тelegram | Facebook | Youtube| Instagram

SOLIQCHILARNING KO‘MAGI BILAN 8695 NAFAR FUQAROLARNING FAOLIYATI QONUNIYLASHTIRILDI

Surxondaryo viloyati davlat soliq xizmati organlari xodimlari tomonidan “Soliqchi-ko‘makchi” tamoyili asosida bir qator ishlar amalga oshirilmoqda.

Jumladan tadbirkorlik subyektlari bilan olib borilgan tushuntirish ishlari natijasida 2022-yilning I choragi davomida 3821 ta korxonadagi 8695 nafar norasmiy ishlovchi fuqarolarning faoliyati qonuniylashtirildi.

Agar sohalar kesimida ko‘rib chiqadigan bo‘lsak, savdo va umumiy ovqatlanish korxonarlarida 2184 nafar, ishlab chiqarish va xizmat ko‘rsatish korxonalarida 3170 nafar, qurilish korxonalarida 809 nafar hamda qishloq xo‘jaligi sohasida faoliyat yurituvchi 2532 nafar fuqarolarning faoliyati rasmiylashtirildi va budjetga 2 719,4 million so‘m qo‘shimcha mablag‘ yo‘naltirildi.

Eng muhimi, ushbu fuqarolar doimiy ish o‘rniga ega bo‘lib, huquq va manfaatlari kafolatlanadigan va kelajakda nafaqaga chiqish uchun zaruriy mehnat stajiga ega bo‘ladigan bo‘ldilar.


Surxondaryo viloyati DSB Matbuot xizmati

👉Telegram

#qonunchilikdagi_yangiliklar

Vazirlar Mahkamasining “Maishiy texnika mahsulotlarini majburiy raqamli markirovkalash tizimini joriy etish toʻgʻrisida”gi 148-son qarori qabul qilindi. (2.04.2022-yil)

Qarorga muvofiq majburiy raqamli markirovkalashni boshlash muddatlari va mahsulotlar turlari guruhlar boʻyicha belgilandi:

1-guruh – changyutgich, kir yuvish mashinasi, sovitkich
va muzlatkich, televizor va monitor – 2022-yil 15-apreldan boshlab;

2-guruh – maishiy gaz plitasi, oshxona dudburoni, duxovka va pechka, mikrotoʻlqinli pech, dazmol, suv isitkich – 2022-yil 1-avgustdan boshlab;

3-guruh – suv isitish qozonlari, konditsioner, oʻrnatilgan elektr motorli maishiy texnika (sok chiqazgich, blender, mikser, kofe yanchgich, goʻsht maydalagich), barcha turdagi lampalar – 2022-yil 1-noyabrdan boshlab.

Qaror bilan quyidagilar tasdiqlandi:
✔️raqamli markirovkalanadigan maishiy texnika mahsulotlarining identifikatsiya kodlari roʻyxati;
✔️ishlab chiqaruvchi, import qiluvchi, ulgurji va chakana savdo tashkilotlar tomonidan maishiy texnika mahsulotlarini majburiy raqamli markirovkalash tizimini bosqichma-bosqich joriy qilish grafiklari;
✔️maishiy texnika mahsulotlarini identifikatsiya vositalari orqali raqamli markirovkalash xususiyatlari toʻgʻrisidagi nizom.

Maishiy texnika mahsulotlarini tegishli guruhini majburiy raqamli markirovkalash joriy qilingan kundan boshlab:
▪️Oʻzbekiston hududida majburiy raqamli markirovkasiz ishlab chiqarish hamda ular import qilinganda agregatsiyalangan import kodi boʻyicha maʼlumotlar bojxona yuk deklaratsiyasida koʻrsatilmasdan “erkin muomalaga chiqarish (import)” bojxona rejimiga rasmiylashtirish taqiqlanadi.
▪️6 oy mobaynida markirovkalanmagan maishiy texnika mahsulotlari qoldiqlarini ulgurji va chakana savdo tashkilotlari tomonidan ixtiyoriy ravishda bepul raqamli markirovkalanishga ruxsat beriladi;
▪️9 oy oʻtgach ishlab chiqaruvchilar va import qiluvchilar tomonidan keyingi aylanma ishtirokchilariga taqsimlashfaqat elektron hisobvaraq-fakturalarga markirovka kodlari toʻgʻrisidagi maʼlumotlarni kiritgan holda amalga oshiriladi;
▪️12 oydan soʻng barcha aylanma ishtirokchilari o‘rtasida taqsimlash faqat elektron hisobvaraq-fakturalarga markirovka kodlari toʻgʻrisidagi maʼlumotlarni kiritgan holda amalga oshiriladi;
▪️1 yildan so‘ng Oʻzbekiston hududida raqamli markirovkasiz sotish taqiqlandi.

Тelegram | Facebook | Youtube| Instagram

#mol_mulk_va_yer_soligi

☝️15 aprel – jismoniy shaxslar uchun mol-mulk va yer solig‘i teng yarmini to‘lashning oxirgi kuni

✅Soliqlar mamlakatimiz taraqqiyoti va kuch-qudratini, xalqimiz farovonligi va tinchligini taʼminlashga xizmat qiluvchi muhim manbadir. Ularni o‘z vaqtida to‘lash fuqarolik burchimizdir.

🔹Mol-mulk va yer solig‘ini soliq organi yoki bank bo‘limlariga borib, shuningdek Soliq, Payme, Click va boshqa mobil ilovalar orqali to‘lash mumkin.

⚡️soliq.uz saytidan o‘z hududingizdagi qishloq xo‘jaligiga mo‘ljallanmagan yerlar uchun belgilangan soliq stavkalarini oson aniqlang.

👉Jismoniy shaxslar to‘lashi lozim bo‘lgan mol-mulk va yer solig‘i to‘g‘risidagi ma’lumotlarni qanday olishi mumkin?

👉Kimlar mol-mulk solig‘idan imtiyozga ega?

👉Kimlar yer solig‘ini to‘lashdan ozod qilingan?

👉Jismoniy shaxslar qaysi mol-mulk va yerlari uchun soliq to‘laydi?

Тelegram | Facebook | Youtube| Instagram

#savol_javob

- Yuridik shaxs tomonidan qoldiq qiymati 100 million so‘m bo‘lgan asosiy vosita (avtomobil) 20 million so‘mga sotilganda, EHF qanday rasmiylashtiriladi? Soliq kodeksiga muvofiq, sotish qiymati qoldiq qiymatdan past bo‘lganligi sababli, ushbu operatsiya soliq solinadigan baza kiritilmasligini inobatga olib, ushbu holat aylanmadan olinadigan soliq bo‘yicha hisobotda qanday aks ettiriladi❓

Aylanmadan olinadigan soliq uchun soliq solinadigan baza jami daromad hisoblanadi.
👉Soliq kodeksi 463-modda

Jami daromadga har qanday shaklda va (yoki) har qanday faoliyatdan olinishi lozim bo‘lgan daromadlar, xususan, amortizatsiya qilinadigan aktivlarning chiqib ketishidan olingan daromad kiradi.
👉Soliq kodeksi 297-modda

Amortizatsiya qilinadigan aktivning chiqib ketishidan olinadigan moliyaviy natija (foyda yoki zarar) amortizatsiya qilinadigan aktivning chiqib ketishidan olinadigan daromaddan uning qoldiq qiymatini chegirib tashlash orqali aniqlanadi.
👉Soliq kodeksi 298-modda

Soliq kodeksi 248-moddasining 4-qismida belgilangan hollarda va tartibda soliq bazasiga tovar (xizmat)larning bozor qiymatidan kelib chiqqan holda tuzatish kiritish natijasida olingan daromad ham jami daromadga kiradi.
👉Soliq kodeksi 297-modda 25-1 qism

Agar bitimning narxi tovar (xizmat)larning bozor qiymatidan past yoki yuqori bo‘lsa, soliq organlari soliq bazasiga tuzatish kiritishga haqli. Soliq to‘lovchi bunday qaror yuzasidan bitimning narxi bozor narxlariga muvofiqligini va soliq to‘lashdan bo‘yin tovlashga qaratilmaganligining asoslarini taqdim etish yo‘li bilan nizolashishga haqli.
👉Soliq kodeksi 248-modda 4-qism

Sizning vaziyatingizda, asosiy vosita – avtomashinani sotishdan olingan (olinishi lozim bo‘lgan) mablag‘lar miqdori uning qoldiq qiymatidan kamligi inobatga olinganda buxgalteriya hisobi ma’lumotlariga muvofiq tasarruf etishdan olingan moliyaviy natija zarar hisoblanadi va aylanma solig‘i uchun soliq bazasi mavjud bo‘lmaydi. Hisobvaraq-faktura tovar (avtomobil) ning qiymatini bitim taraflari tomonidan qo‘llaniladigan narx, ya’ni sotish narxidan kelib chiqqan holda tuziladi. Lekin bunda, agar ushbu asosiy vositani sotish bo‘yicha bitim narxi bozor qiymatidan past bo‘lsa, soliq organlari soliq nazoratini amalga oshirishda soliq solinadigan bazaga tuzatish kiritish huquqiga ega bo‘ladi.

Тelegram | Facebook | Youtube| Instagram