#Adliya_xabari

“East-west management institute, inc.” нодавлат нотижорат ташкилотининг (АҚШ) Ўзбекистондаги филиали давлат рўйхатидан ўтказилди

Ўзбекистон Республикаси Адлия вазирлиги томонидан “East-west management institute, inc.” нодавлат нотижорат ташкилотининг (АҚШ) Ўзбекистондаги филиали давлат рўйхатидан ўтказилди.

Ташкилотнинг асосий мақсади – суд тизимини ислоҳ қилишда, судяларни касбий тайёрлаш жараёнига халқаро стандартларни жорий қилиш, судялар фаолиятини баҳолаш бўйича илғор амалиётларни тадқиқ қилишда кўмаклашиш, шунингдек судялар ва ходимлар учун ўқув дастурларини ишлаб чиқишда ҳамкорлик қилишдан иборат.

Ўзбекистонда одил судловни амалга ошириш, судьяларнинг профессионаллиги ва суд тизимига жамоатчилик ишончини мустаҳкамлаш мақсадида ташкилот Ўзбекистон Республикаси Олий суди ва бошқа манфаатдор ташкилотлар билан ҳамкорликда “Суд тизимини мустаҳкамлаш бўйича фаолият дастури”ни амалга оширади.

Ташкилот 2025 йил 31 декабрга қадар фаолият кўрсатиши режалаштирилган.

#Адлия_табриги

Адлия вазири юридик хизмат кўрсатиш марказлари ташкил этилганининг 1 йиллиги муносабати билан марказ ходимларини қутлади

1 йил аввал туман (шаҳар) даражасидаги давлат ташкилотлари фаолиятини ҳуқуқий таъминлаш учун адлия органлари тизимида Юридик хизмат кўрсатиш марказлари ташкил этилган эди.

Марказлар дастлаб 2 220 та давлат ташкилотларига хизмат кўрсатган бўлса, айни кунларда ушбу кўрсаткич қарийб 10 баробарга кўпайиб, 21 131 тага етди.

Қонунийликни таъминлашда улар катта бўғинга айланди. Охирги 1 йилда:

1) 2 миллионга яқин ҳужжатлар ҳуқуқий экспертиза қилинди. Қабул қилинган қарорларни, шу жумладан судлар томонидан бекор қилиниши 99,3 фоизга қисқарди, яъни қарийб бекор қилишларга барҳам берилди (2019–2021 йилларда 21 588 та ҳужжатлар бекор бўлган);

2) давлат органларининг ҳудуддаги 21 мингдан ортиқ бўлинмаларида бир хил ҳуқуқни қўллаш амалиёти шаклланмоқда;

3) талабномалар киритиш йўлга қўйилиб, 4,5 млрд. сўмдан ортиқ пул маблағлари низосиз тартибда судгача ундирилди;

4) ҳужжатлар билан ишлаш “E-huquqshunos” тизими орқали тўлиқ рақамлаштирилди ва натижада 2 млн. дона ёки 10 тонна 232 млн. сўмлик қоғоз тежалди;

5) мактаблардаги кадрлар хизмати ходимларига тўланмай қолган қарийб 16 млрд.сўм маблағларни тўлаб бериш чоралари кўрилди;

6) малакали ва ёш ҳуқуқшунослар ўртасида ўзаро тажриба алмашиш тизими йўлга қўйилиб, барча йўналишлардаги мураккаб ҳуқуқий муаммоларни коллегиал тарзда ҳал қилиш имконияти яратилди;

7) аҳолининг ҳуқуқий саводхонлигини ошириш мақсадида 22 мингга яқин ҳуқуқий тарғибот тадбирлари ўтказилди;

8) юридик хизмат ходимларининг тўлиқ мустақиллиги таъминланиши орқали уларни иш фаолияти билан боғлиқ бўлмаган ишларга жалб этиш ҳолатларига барҳам берилди, уларнинг ойлик иш ҳақлари эса 3 баробарга кўтарилди;

9) Марказлар самарадорлигини баҳолаш тизими ишлаб чиқилди.

Албатта, атиги 1 йилда қилинган ишлар, шундай бўлсада, бу йўналишда келгусида амалга оширадиган ишларимиз ҳали анчагина. Жамиятимиз шиддат билан ривожланаётган пайтда фуқароларимизнинг давлат органлари олдига қўядиган талаблари ҳам мос равишда ортиб бормоқда.

Демак, биз ўз масъулиятимизни янада кучайтиришимиз ва профессионал ҳуқуқий хизматни юксалтириш мақсадида ривожланишда давом этишимиз керак.

Марказлар ходимлари ишларига ривож тилаган ҳолда, қуйидаги табрикни йўллаймиз.

#Инфографика

Юридик хизмат кўрсатиш марказлари ташкил этилганлигига ҳам 1 йил тўлди.

Мазкур қисқа давр мобайнида Марказлар томонидан давлат идораларининг ҳуқуқий йўналишдаги масалалари максимал тарзда ҳал этилмоқда.

Ушбу эришилган натижаларни инфографикада акс эттирилган кўрсаткичларда ҳам кўриш мумкин.

Ҳамма ҳам Ўқитувчи бўлавермайди.

Худди шундай ҳамма ҳам устозлик мақомини ололмайди.Унга меҳрларни қозониш орқали эришилади ва млн.лаб юраклар уларни йиллар давомида қалбида ,хотирасида сақлайди☺

Шундай эъзоз барчага насиб қилсин 🙏
Байрам муборак 😊😘💐

#Табрик

‼Адлия вазирининг байрам табриги

Ўқитувчи ва мураббийлар куни ҳар биримиз учун ўзимиз устоз деб билган, келажакни белгилаш ва ҳаётга мақсад танлашда ёрдам берган, бизга энг муҳим сабоқларни, ҳалоллик, инсонийлик, меҳр-оқибатни ўргатган инсонларга самимий миннатдорликни билдириш учун яна бир имкониятдир.

Педагогик маҳорат ва донишмандлик жамият ичида азалдан чексиз ҳурмат-эътиборга сазовор бўлган. Устозларимиз, сиз фикр эркинлигини, ижодкорликни, илмий изланишларни рағбатлантирасиз ва ўзингиз ҳам доимо ривожланиб, олдинга интиласиз.

Бугунги кунда бевосита вазирлик тизимида Тошкент давлат юридик университети ва унинг ихтисослаштирилган филиали, академик лицей ва 14 та юридик техникумлар фаолият юритиб келмоқда.

Ушбу таълим муассасасаларда 500 га яқин профессор-ўқитувчилар, шундан илмий даражага эга бўлганлар 145 нафарни ташкил этмоқда. Улардан 41 таси фан доктори (DSc), 103 таси фан номзодлари (PhD) илмий даражаларига, 36 таси профессор, 54 таси доцент илмий унвонларига эга.

Шу ўринда, айтиб ўтишимиз лозимки, ўтган 6 йил ичида юридик кадрларни тайёрлашга оид муҳим қарорларнинг қабул қилиниши бу соҳага энг юқори даражада амалий ва тизимли тарзда эътибор бериб келинаётганидан далолат беради.

Биз ҳам ушбу эътибор ва яратиб берилган шароитлардан келиб чиқиб, юридик таълим ва фан тизимини самарали ташкил қилишга эътиборни янада кучайтиришимиз зарур.

Азиз устозлар машаққатли меҳнатингизни доимо қадрлаймиз. Адлия вазирлиги жамоаси номидан Сиз, азизларнинг келажак эгалари камолоти йўлидаги буюк хизматларингизга муваффақият тилаймиз, фаолиятингизда ва шахсий ҳаётингизда янги ютуқ ва омадлар, хонадонларингизга тинчлик-хотиржамлик, файзу барака ёр бўлсин!

Ҳамиша муҳаббатимиз, ҳурматимиз ва ардоғимиздасиз!

#2022_йил_1_октябрдан

🗓 1 октябрдан нималар ўзгаради?

▫️Касаначиларга ажратиладиган субсидия миқдори оширилади. ➖ БАТАФСИЛ

▫️Болалар учун мўлжалланган теле- ва радиомаҳсулотларни ишлаб чиқариш бўйича танлов эълон қилинади. ➖ БАТАФСИЛ

▫️Дастурий маҳсулотлар ишлаб чиқишга 1 миллиард сўмгача грант ажратилади. ➖ БАТАФСИЛ

▫️Айрим соҳаларда давлат космик мониторинги йўлга қўйилади. ➖ БАТАФСИЛ

▫️Қорақалпоғистондаги ёш тадбиркорларга 7 йилга қарз берилади. ➖ БАТАФСИЛ

▫️Кўп квартирали уй-жойларнинг зилзилабардошлиги текширилади. ➖ БАТАФСИЛ

▫️Болаларнинг қонуний вакиллари тўғрисидаги маълумотлар Пенсия жамғармасига электрон берилади. ➖ БАТАФСИЛ

▫️АКТ соҳасидаги ўқув курслари учун таълим кредити ажратилади. ➖ БАТАФСИЛ

▫️Мол-мулкка тақиқ қўйилганлиги тўғрисидаги электрон маълумотлар банки жорий этилади. ➖ БАТАФСИЛ

▫️“Саховат” ва “Мурувват” интернат уйлари тарбиячилари малака ошириш курсларида ўқитилади. ➖ БАТАФСИЛ

▫️“Инсофсиз ижрочиларнинг ягона реестри” юритилади. ➖ БАТАФСИЛ

▫️Кўзи ожиз болаларни мактабга тайёрлов гуруҳлари ташкил қилинади. ➖ БАТАФСИЛ

▫️Қуёш ва шамол электр станцияси ҳамда қуёш сув иситиш қурилмаларини 3 йил мобайнида фоизсиз бўлиб-бўлиб тўлаган ҳолда сотиб олиш имконияти яратилади. ➖ БАТАФСИЛ

Каналга уланиш👇👇👇
https://t.iss.one/huquqiyaxborot

#Биласизми

❗️Қонунчиликда ўқитувчиларга берилган айрим имтиёзлар

🔸1 октябрь “Ўқитувчи ва мураббийлар куни” этиб белгиланган ҳамда ушбу кун байрам (дам олиш) куни ҳисобланади.

🔸Ўқитувчилар тиббий кўрикдан ўтиш учун пул тўламайди.

🔸Мактаб директорларига ҳам ойлик устамалар тўланиши мумкин.

🔸Ўқувчилари ОТМга кўп кирган мактаблар раҳбарияти рағбатлантирилади.

🔸Ўқитувчи бўлиб ишлаётган халқаро олимпиадалар ғолибларига ҳар ой 150 фоиз устама тўланади.

🔸Пенсия ёшидаги педагоглар навбатдаги аттестацияга жалб этилмайди.

🔸Инклюзив таълим синфлари ўқитувчиларига қўшимча устама тўланади.

🔸Қишлоқлардаги мактабларда жисмоний тарбия ўқитувчиси бўлиб ишлаётган аёлларга устама тўланади.

🔸PhD ва унга тенглаштирилган бошқа илмий даражага эга мутахассисларга устама тўланади.

🔸Спортчи-тренерларга имтиёзлар берилади.

🔸Таълим сифати паст мактабларда бошқа ҳудудлардан келиб дарс бераётган ўқитувчилар учун махсус устамалар жорий қилинган.

🔸Математика, физика, кимё ва биология фанлари бўйича халқаро ва республика олимпиадалари ғолибларини тайёрлаган профессор-ўқитувчиларга пул мукофоти берилади.

🔸Айрим жисмоний тарбия ўқитувчиларига малака тоифаси аттестациясиз берилади.

🔸Халқ таълими тизими педагог ходимларига истеъмол кредитлари ва автотранспорт сотиб олиш учун имтиёзли кредитлар берилади.

🔸Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади.

🔸Таълим муассасаларининг чет тиллар фанлари ўқитувчиларига ойлик устамалар берилади.

🔸Ўқитувчиларнинг фаолиятига аралашганлик учун жавобгарлик бор.

Каналга уланиш👇👇👇
https://t.iss.one/huquqiyaxborot

ФАРЗАНДЛАРИНИНГ РАҚСИ УЧУН ОТА-ОНАЛАРГА НИСБАТАН ҚЎЛЛАНИЛГАН МАЪМУРИЙ ЖАРИМА НОҚОНУНИЙ ВА У БEКОР ҚИЛИНДИ!

Кармана тумани касб-ҳунар мактабининг фаоллар залида байрамга тайёргарлик жараёнида вояга етмаган ўқувчи қизларнинг рақсга тушгани видеоси тарқалди.

Ижтимоий тармоқларда муҳокамаларга сабаб бўлган мазкур видеоролик юзасидан Навоий вилоят адлия бошқармаси қуйидагиларни маълум қилади.


👉https://telegra.ph/FARZANDLARINING-RA%D2%9ASI-UCHUN-OTA-ONALARGA-NISBATAN-%D2%9A%D0%8ELLANILGAN-MAMURIJ-ZHARIMA-NO%D2%9AONUNIJ-VA-U-BEKOR-%D2%9AILINDI-10-02

#Эълон

⚡️ 3 октябрь КУНИ соат 15.00да Ўзбекистон Миллий матбуот марказида Адлия вазирлигининг матбуот анжумани бўлиб ўтади.

✅ Мавзу: Юридик хизмат кўрсатиш марказларига 1 йил:
рақамлар, ютуқлар ва истиқболдаги вазифалар.

📲  Матбуот анжумани трансляциясини UzReport TV телеканали ва телеканалнинг Youtube ва Facebookдаги саҳифалари орқали ЖОНЛИ томоша қилинг.

👉 Ушбу матбуот анжуманига журналистларни, мустақил журналист ва блогерларни таклиф қиламиз.  
📲  Каналга уланиш: @MARKAZ16Uz.

#Layfxak

🔻Mazkur videoda kontrafakt bilan original mahsulotlarni qanday farqlash mumkinligi, xarid vaqtida nimalarga e’tibor qaratish kerakligi haqida bilib oling. Yaqinlaringizga ham ulashing!

⛔️Kontrafaktga toqatsiz boʻling!

Kanalga ulanish ➡️ @adliyaimd

Жорий йилнинг 2 октябрь куни kun.uz сайтида чоп этилган “Ишдан олинган Асака тумани ҳокимига уч кун ўтиб мукофот пули ажратилди” сарлавҳали мақола эълон қилинди. Мазкур ҳолат Андижон вилоят адлия бошқармаси ўрганиб чиқилди ҳамда қуйидагилар аниқланди.
Асака тумани ҳокими вазифасини вақтинча бажарувчи О.Зайнобиддинов томонидан 2022 йилнинг 30 сентябрь куни Асака тумани ҳокимининг 68-1-17-F\22-сонли фармойишига асосан туман ҳокимлиги ходимларига 2022 йил III-чорак якунлари бўйича мукофот пули берилиши белгиланган ҳамда мукофот пули жорий йилнинг 27 сентябрь куни вазифасидан озод этилган Асака тумани ҳокими М.Алихановга ҳам тўланиши кўзда тутилган.
Мазкур Фармойиш адлия бошқармаси аралашуви билан бекор қилинди.
Андижон вилояти адлия
бошқармаси ахборот хизмати.
https://t.iss.one/adliyaxabarlari

#Адлия_хабари #хушхабар

Адлия вазирлигида “Ойнинг энг яхши ходими” аниқланди

Адлия вазирлигининг Арбитраж ва суд низолари масалалари бўйича бошқармаси бўлим бошлиғи Айтниязова Хурлиман Парахатовна 2022 йилнинг сентябрь ойи учун вазирлик томонидан “ойнинг энг яхши ходими” деб топилди.

Х. Айтниязова вазирликдаги фаолиятини 2008 йилда Халқаро-ҳуқуқий бошқарманинг иш юритувчи котибаси лавозимидан бошлаб, 2022 йилга қадар турли лавозимларда фаолият юритган. 2022 йилнинг апрелидан буён Адлия вазирлиги Арбитраж ва суд низолари масалалари бўйича бошқармасининг бўлим бошлиғи бўлиб ишлаб келмоқда.

Х. Айтниязова жамоада ўзининг ташаббускорлиги, фаоллиги, ҳар бир ишга масъулият билан ёндошиши билан ажралиб туради. Халқаро ва хорижий ташкилотларда Ўзбекистон Республикаси манфаатларининг ҳуқуқий ҳимоясини таъминлаш, халқаро ҳамжамият, хорижий инвесторларни миллий ҳуқуқ тизими ва ўтказилаётган ҳуқуқий ислоҳотлар ҳақида ўз вақтида хабардор қилиш йўналишида самарали фаолият юритиб келмоқда.

Вазирлик жамоаси Хурлиман Парахатовна Айтниязовани ушбу эътироф билан табриклайди. Келгусидаги ишларида омад, ғайрат ва шижоат доимий ҳамроҳ бўлишини тилайди.

Маълумот учун: ҳозирги кунда адлия органлари ва муассасаларида жами 8 мингдан ошиқ ходим фаолият юритаётган бўлса, шундан 3 мингга яқини, яъни 38 фоизи хотин-қизлардир. Шулардан 11 нафари марказий аппаратда, 253 нафари тизимда турли раҳбарлик лавозимларида.

Ўтган 2021 йилда вазирлик тизимига ишга қабул қилиш бўйича жами 226 та танлов ўтказилган. Уларда ишга қабул қилинганларнинг 428 нафари (28 фоиз) хотин-қизлар, бу 2020 йилга нисбатан 2,5 бараварга ошган.