​#Adliya_yoshlar

Adliya vaziri Ruslanbek Davletov "Toshkent yoshlar forumi — 2021" doirasida O‘zbekistonda ijtimoiy tarmoqlar, jumladan TikTok va Twitterning bloklanishi bo‘yicha savolga javob berdi.

"Cheklovlar ko‘payib ketdi degani bu cheklovlar bo‘lmasligi kerak degani emas. Qayerda bo‘lsa ham, maqbul darajada bo‘lishi kerak deb hisoblayman. Ijtimoiy tarmoqlarga keladigan bo‘lsak, men axborot almashinuvida erkinlik tarafdoriman. Bugungi zamonda axborotni hech qachon cheklab, uni jilovlay olmaysiz.

Tarix ham bunga guvoh. Gutenberg 1445-yilda bosma dastgohni kashf qilgan va shu orqali ko‘pchilik millatlarning savodi chiqqan. Usmoniylar imperiyasi esa bundan qo‘rqib, 18—19-asrgacha Gutenbergning dastgohini mamlakatga kiritmagan. Bu esa millatning savodi bo‘yicha qoloq bo‘lishiga olib kelgan. Buning orqasidan sanoat, ishlab chiqarish va raqobat Yevropada keskin rivojlanib ketdi va G‘arb davlatlari har tomonlama o‘sishga erishdi.

Axborot almashinuvi doim bo‘lishi kerak, bu bilimni kuchaytiradi. Ammo noqonuniy kontent har doim bo‘ladi. Noqonuniy kontent nima? Bu terrorizmga boshlovchi chorlovlar, diniy adovatlarni qo‘zg‘atuvchi materiallar, pornografiya yoki zo‘ravonlik haqidagi materiallar. Rivojlangan davlatlarda bularning barchasi qonun bilan tartibga solingan. Qonun bilan ishlasak yanglishmaymiz", - dedi Davletov.

@adliyangiliklari

‼️ Қонунлар ижроси ёшлар талқинида 👨‍⚖️

20 декабрь куни “Tashkent City Congress Hall” да ўтказилган “Тошкент ёшлар форуми – 2021” доирасида Адлия вазири Русланбек Давлетов талаба ёшлар билан ушбу мавзуда мулоқот қилди.

Батафсил ролиикда👆🏻👆🏻👆🏻

🎧 Huquqiy axborot portali yangilanmoqda

Statistik maʼlumotlarga ko‘ra, bugungi kunda LEX.uz saytiga 30 mingdan ortiq normativ-huquqiy hujjatlar joylashtirilgan. Ayni vaqtda saytdan bir oy davomida 1 yarim million odam foydalangan. Bugungi kunda foydalanuvchilar sonini oshirish va ushu saytni yana-da rivojlantirish maqsadida mutaxassislar tomonidan yana-da takomillashtirilgan versiyasi yaratildi.

Bu haqda "Adolat" milliy huquqiy axborot markazi direktori birinchi o‘rinbosari Omonulla Fayzullayev maʼlumot berdi.

@adliyangiliklari

#Bilasizmi

Qonunchilikka ko‘ra, fuqarolarning yo‘qolganligi to‘g‘risida o‘zlari ariza bergan o‘z pasportlaridan, shuningdek boshqa fuqarolarga tegishli bo‘lgan pasportlardan g‘arazli maqsadlarda foydalanishi 2 mln 700 ming so‘m miqdorida jarima solishga sabab bo‘ladi.

Kanalga ulanish👇👇👇
https://t.iss.one/huquqiyaxborot_lotin

📣 ЭЪЛОН!

2021 йил 23 декабрь куни Ахборот ва оммавий коммуникациялар агентлиги ҳамда Адлия вазирлиги ҳамкорлигида оммавий ахборот воситалари вакиллари учун “ОАВ фаолияти самарадорлигини оширишда замонавий медиа трендлар” мавзусидаги ўқув-семинари ташкил этилмоқда.

🔰Семинарда Адлия вазирлиги мутахассислари, Юристлар малакасини ошириш маркази ва Тошкент давлат юридик университети профессор-ўқитувчилари “Ахборот олиш, қайта ишлаш ва тарқатишда журналистларнинг ҳуқуқ ва мажбуриятлари”, “Оммавий ахборот воситаларида шахсга доир маълумотлардан фойдаланишнинг тартиби ва шартлари”, “Ахборот тарқатишда ҳаққонийликни таъминлаш зарурати. Фактчеккинг ўзи нима?”, “Мен фактчекерман”, “Оммавий ахборот воситаларининг жамоатчилик назоратини ўрнатишдаги иштироки” мавзуларида маъруза ва тақдимотлар ўтказишади.

📞 Рўйхатдан ўтиш:

Телефон: 71-244-23-05
Телеграм: 90 348- 69-60.

📍Манзил: Ахборот ва оммавий коммуникациялар агентлиги биноси

🕐 Вақти: 10:00

https://t.iss.one/Rasmiy_xabarlar_Official

#Диққат_муҳим

⚡️Адлия вазирлиги: "Олмос" дам олиш маскани тўғрисидаги маълумотлар очиқланган, Коррупцияга қарши курашиш агентлиги адашяпти

Адлия вазирлигига тегишли “Олмос” дам олиш маскани ҳақидаги маълумот вазирлик расмий веб-сайтида ва Очиқ маълумотлар порталида акс эттирилмаганлиги тўғрисида тарқалган хабарлар юзасидан Адлия вазирлиги қуйидагиларни маълум қилади.

Биринчидан, Президентнинг 2021 йил 16 июндаги ПФ-6247-сон Фармони билан Очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхати тасдиқланган. Ушбу рўйхатнинг 8-бандида устав фондида давлат улуши 50 фоиз ва ундан ортиқ бўлган юридик шахслар ҳамда давлат унитар корхоналари рўйхати, давлат номидан акциядор функцияларини амалга ошираётган ташкилот, корхона ҳудуди, СТИР, давлат улуши тўғрисидаги маълумотлар Очиқ маълумотлар порталига жойлаштириш кераклиги белгиланган.

Бироқ, бу мажбурият Адлия вазирлигига эмас, балки Давлат активларини бошқариш агентлигига юклатилган.

Шунингдек, 8-бандда маълумотлар расмий веб-сайтда жойлаштирилиши кераклиги тўғрисида талаб мавжуд эмас. Яъни юқоридаги маълумотлар фақатгина Очиқ маълумотлар порталида кўрсатилиши кераклиги айтилган.

Бошқача айтганда, ушбу ҳолатда Вазирликни маълумотларни очиқламасликда, яъни дам олиш маскани тўғрисидаги маълумотларни Очиқ маълумотлар порталида ёки веб-сайтда жойлаштирмасликда айблаш ноўрин.

Иккинчидан, Адлия вазирлигига маълумотларни очиқлаб расмий веб-сайтда акс эттириш белгиланмаган бўлса-да, вазирлик ушбу маълумотларни очиқлаган.

Хусусан, Конвенцион марказ ДУКга оид тўлиқ маълумотлар Адлия вазирлигининг расмий сайтига жойлаштирилган (2021 йил 20 октябр куни, манзил https://www.minjust.uz/upload/iblock/opendata-files/finance/58-band-1-shakl.pdf).

Учинчидан, ушбу маскан тўғрисидаги маълумотлар Тошкент вилоят адлия бошқармаси томонидан 2021 йил 29 октябрь куни хат билан Давлат активларини бошқариш агентлиги Тошкент вилояти бошқармасига тақдим этилган.

Шу сабабли, ушбу маълумотлар Очиқ маълумотлар порталида мавжуд ёки мавжуд эмаслиги, Давлат активларини бошқариш агентлиги ушбу маълумотларни порталга қўйган ёки қўймаганлиги бўйича Вазирлик маълумотга эга эмас.

Маълумот учун: Фармон ижросини таъминлаш мақсадида адлия вазирининг 2021 йил 6 июлдаги 203-ум-сон буйруғи қабул қилинган. Ҳужжатга илова тарзда зарурий ахборотлар билан таъминлаш, доимий маълумотларни ўз вақтида жойлаштириш, уларни доим янгиланиб бориш учун масъул ходимлар бириктирилган.
Вазирлик расмий сайтининг “Бюджет тўғрисидаги қонунчилик ҳужжатларига мувофиқ очиқ маълумотлар” бўлинмасида Фармон талабларидан келиб чиқиб, жойлаштирилиши лозим бўлган барча маълумотлар акс эттирилган (https://www.minjust.uz/uz/additional-sections/byudzhet_malumotlari/?ELEMENT_ID=102674).

Адлия вазирлиги
Жамоатчилик билан алоқалар бўлими

#Adliya_xabari

Adliya vazirligi: Chet el valyutasida qarz berishni notarial tasdiqlash orqali amalga oshirish mexanizmlari ishlab chiqildi

❗️Mazkur qonun loyihasi bilan quyidagi havola orqali tanishishingiz mumkin:

▫️ https://regulation.gov.uz/uz/d/54626

Muhokama 2022-yil 4-yanvarga qadar davom etadi.


👉Batafsil

@adliyangiliklari