#Адлия_хабари

Вазирликларнинг ҳудудий бўлинмалари битта бинога жойлаштирилади

Давлат бошқаруви органлари ва ҳокимликлар самарадорлигини ошириш орқали аҳоли фаровонлигини таъминлаш ва “мобиль бошқарув аппарати”ни яратиш мақсадида 2022–2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш бўйича ташкилий чора-тадбирлар тўғрисидаги Президент Фармойиши қабул қилинди.

Фармойишга кўра, Янги Ўзбекистон маъмурий ислоҳотлари дастури лойиҳасига таклифлар ишлаб чиқилишида қуйидагилар устувор йўналиш ҳисобланади:

👉 давлат бошқаруви органларининг мақомини белгилаш;

👉 такрорланувчи вазифа ва функцияларини қисқартириш;

👉 раҳбар ўринбосарларининг йўналишлар кесимидаги жавобгарлик чегараларини аниқ белгилаш;

👉 вазирлик ва идоралар штат бирликларини мақбуллаштириш;

👉 бошқарув жараёнини автоматлаштириш, иш юритувини тўлиқ рақамлаштириш;

👉 “Очиқ идора” лойиҳасини амалга ошириш;

👉 давлат хизматларини тўлиқ рақамлаштириш ва фуқароларнинг сансалорлигига барҳам бериш;

👉 вазирлик ва идораларнинг айрим функцияларини нодавлат секторига ўтказиш;

👉 тегишли вазирлик ва идораларнинг ҳудудий бўлинмаларини битта маъмурий бинога жойлаштириш орқали аҳолига “Ягона дарча” тизими асосида хизмат кўрсатиш;

👉 кадрларни танлов асосида ва кенг рақобат муҳитида ишга қабул қилишни тўлиқ жорий қилиш;

👉 ўз устида ишламайдиган ва масъулияти бўлмаган кадрларга нисбатан “жамоавий таъсир”ни амалга ошириш;

👉 вазирлик ва идораларда ягона кадрлар рейтингини юритиш;

👉 давлат хизматчилари томонидан олинадиган кафолатланган бепул хизматлар ва воситалар пакетини ишлаб чиқиш;

👉 тендер ва танловларни очиқ ва шаффоф ҳолда ўтказиш тизимини такомиллаштириш;

👉 халқ депутатлари Кенгашларининг маҳаллалардаги мавжуд муаммоларни ҳал қилишдаги ролини ошириш;

👉 маҳаллий вакиллик органларида доимий асосда фаолият юритувчи депутатлар корпусини шакллантириш;

👉 ҳокимлар, уларнинг ўринбосарлари ва маслаҳатчиларининг ваколат чегарасини аниқ белгилаш.

Каналга уланиш👇👇👇
https://t.iss.one/huquqiyaxborot

#Adliya_xabari

Bugun O‘zbekiston jahon tillari universitetining axborot xizmati yo‘nalishi bo‘yicha tahsil oluvchi talabalari Adliya vazirligining matbuot xizmati faoliyati yaqindan tanishdi.

Hozirgi vaqtda yosh kadrlarni tarbiyalash hamda ularni o‘z sohasining yetuk mutaxassisi bo‘lib yetishishida amaliyot ham muhim ahamiyat kasb etmoqda. Shu sababli Adliya vazirligi talaba yoshlar bilan doimiy ravishda aloqalar o‘rtanib, ular bilan yaqindan suhbat qurib va ularning muammolarini eshitib hamda o‘rganib kelmoqda.

Talabalarda ayniqsa adliya organlari tarixi muzeyi katta taassurot qoldirdi. Hayotlari davomida duch kelayotgan hujjatlarning bundan bir necha avvalgi nusxalari ko‘rib ular kecha yoki bugun paydo bo‘lmaganidan xabar topishdi.

Matbuot xizmatida ishlayman yoki qonunchilikni yoritaman degan mutaxassis albatta o‘zi faoliyat yuritadigan sohaga oid qonunchilikdan voqif bo‘lishi, ayniqsa qonunchilikni yoritishda sohaga oid yetarli bilimga ega bo‘lishi kerakligi tushuntildi.

@adliyangiliklari

#Tayinlov

⚡️Surxondaryo viloyati adliya boshqarmasiga yangi rahbar tayinlandi

Adliya vazirining tegishli buyrug‘i bilan Abdurasulov Sunatillo Tojimurodovich Surxondaryo viloyati adliya boshqarmasi boshlig‘i lavozimiga tayinlandi.

S.Abdurasulov 1984 yilda Samarqand viloyati Samarqand shahrida tug‘ilgan, ma’lumoti oliy, 2006 yilda Samarqand davlat universitetini, 2008 yilda Toshkent davlat yuridik instituti magistraturasini tamomlagan, mutaxassisligi huquqshunos.

U o‘z mehnat faoliyatini 2007 yilda Adliya vazirligi Shartnomaviy-huquqiy ishlarni nazorat qilish boshqarmasining katta maslahatchisi lavozimidan boshlab, turli mas’ul lavozimlarda faoliyat yuritgan hamda hozirga qadar Surxondaryo viloyati adliya boshqarmasi boshlig‘i birinchi o‘rinbosari bo‘lib ishlab kelayotgan edi.

Adliya vazirligi jamoasi Sunatillo Abdurasulovni ushbu yangi lavozim bilan qutlab, kelgusi ishlarida muvaffaqiyatlar tilaydi.

#Tayinlov

Sirdaryo viloyati adliya boshqarmasi boshlig‘i o‘zgardi

Adliya vazirining tegishli buyrug‘i bilan Sattarov Saloxiddin Ulug‘bekovich Sirdaryo viloyati adliya boshqarmasi boshlig‘i lavozimiga tayinlandi.

S. Sattarov 1980 yilda Samarqand viloyati Pastdarg‘om tumanida tug‘ilgan, ma’lumoti oliy, 2002 yilda Toshkent davlat yuridik institutini, 2006 yilda O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan, mutaxassisligi huquqshunos.

U o‘z mehnat faoliyatini 2002 yilda Adliya vazirligi Tadbirkorlar huquqlarini himoya qilish boshqarmasida katta maslahatchisi
lavozimidan boshlab, turli mas’ul lavozimlarda faoliyat yuritgan hamda hozirgi vaqtga qadar Surxondaryo viloyati adliya boshqarmasi boshlig‘i bo‘lib ishlab kelayotgan edi.

Adliya vazirligi jamoasi Saloxiddin Sattarovni ushbu tayinlov bilan qutlab, kelgusi ishlarida muvaffaqiyatlar tilaydi.