#islohotlar_biz_uchun #inson_qadri

"Bankomat ishlamayapti", "Plastik kartaga savdo qilinmaydi", "Kommunalni to‘lab qo‘ying", "Kredit berish rad etildi" va yugur-yugur...

Allaqachon unutilgan yaqin tariximiz va oddiygina bugunimizga oyna tutdik.

Videoni, albatta, tomosha qiling👇🏻!

📹 https://www.youtube.com/watch?v=YRkIbvhdCDA

#Adliya_xabari

“O‘rikzor Savdo Majmuasi”da kontrafakt mahsulotlar savdosiga chek qo‘yildi

Joriy yilning 27-iyun kuni Adliya vazirligiga “Naseem Al Hadaeq Parfumes” kompaniyasining ushbu kompaniyaga tegishli “LAMSA”, “BUSHRA” hamda “NASEEM” tovar belgilaridan noqonuniy foydalangan holda ishlab chiqarilgan kontrafakt mahsulotlar sotilayotganligi yuzasidan murojaati kelib tushdi.

Murojaatda bayon etilgan holatlarga aniqlik kiritish maqsadida vazirlik xodimlari tomonidan O‘rikzor savdo majmuasida faoliyat olib boruvchi “P.Sh” MChJda tekshiruv o‘tkazilib, natijada haqiqatdan ham “P.Sh” MChJ tomonidan “LAMSA”, “BUSHRA” hamda “NASEEM” belgilaridan bir xil tarzda foydalanilgan holda tayyorlangan kontrafakt kosmetika vositalari sotilayotganligi aniqlandi.

Mazkur holat yuzasidan “P.Sh” MChJga nisbatan Adliya vazirligining qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish to‘g‘risidagi bajarilishi majburiy bo‘lgan taqdimnoma ta’sir chorasi qo‘llanilib, huquqbuzarga kontrafakt mahsulotlarni savdodan olib tashlash boʻyicha koʻrsatmalar berildi.

Ma’lumot o‘rnida, “LAMSA”, “BUSHRA” hamda “NASEEM” tovar belgilari ostidagi asl mahsulotlar qadog‘idagi Qr-kodni skanerlanganda ishlab chiqaruvchi haqidagi ma’lumotlarni ko‘rsatiladi, kontrafakt mahsulotdagi QR-kod esa ishlamaydi.

Ogoh bo‘ling! Tovar belgisidan yoki adashtirib yuborish darajasida u bilan o‘xshash bo‘lgan belgidan tovarlarda, tovarlarning etiketkalaridan, o‘rovlaridan qonunga zid ravishda foydalanilganda ular kontrafakt hisoblanadi.
Kontrafakt mahsulotlarni tayyorlash, qo‘llash, olib kirish, savdoga taklif etish, sotish, o‘zgacha tarzda fuqarolik muomalasiga kiritish yoki ularni shu maqsadda saqlash qonunchilikda belgilangan javobgarlikka sabab bo‘ladi.

#Adliya_intellektual_mulk

Fotografiya asaridan ruxsatsiz foydalanish holati bo‘yicha chora ko‘rildi

Аdliya vazirligi tomonidan muallif M.K.ning murojaatini ko‘rib chiqish davomida unga tegishli bo‘lgan fotografiya asari huquq egasining ruxsatisiz hamda tegishli tartibda shartnoma tuzmasdan “O‘zbekiston nashriyot matbaa ijod uyi” MChJ tomonidan foydalanilganligi ma’lum bo‘ldi.

Holat yuzasidan vazirlik tomonidan “O‘zbekiston nashriyot matbaa ijod uyi” MChJga nisbatan mualliflik huquqini buzganlik uchun tegishli huquqiy ta’sir chorasi qo‘llanildi.

Hurmatli ijodkorlar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.

#Adliya_teleloyiha #islohotlar_biz_uchun #inson_qadri

Адлия вазирлиги ва "Ўзбекистон" телеканали томонидан ўзаро ҳамкорликда йўлга қўйилган "ЮРИДИК КЛИНИКА" кўрсатуви эфирга узатилди.

Мавзу: Давлат хизматларини кўрсатиш соҳасидаги ислоҳотлар

Саволларга Адлия вазирлиги Давлат хизматлари департаменти масъул ходимлари жавоб берди.

#ОАВ_биз_ҳақимизда

Қонун ҳужжатларидан жозибадорлигини йўқотган ташкилий-ҳуқуқий шакллар чиқариб ташланади

Давлатимиз раҳбарининг 2022 йил 8 ноябрдаги «Корпоратив муносабатларнинг ҳуқуқий асосларини янада такомиллаштириш чора-тадбирлари тўғрисида»ги қарори ижросини таъминлаш мақсадида Адлия вазирлиги томонидан «Корпоратив муносабатларнинг ҳуқуқий асослари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонуни лойиҳаси ишлаб чиқилди.

Мазкур қонундан кўзланган мақсад ҳақида Адлия вазирининг ўринбосари Худоёр Мелиев қуйидагиларни сўзлаб берди: – Мазкур қонун амалдаги қонунчиликка ўзгартириш ва қўшимчалар киритишни назарда тутувчи 44 моддадан иборат.
Унга кўра, масъулияти чекланган жамиятларни ташкил этишда айрим кам аҳамиятли талабларни қисқартириш мақсадида таъсис шартномасини рўйхатдан ўтказиш талаби бекор қилинмоқда.

Батафсил👈🏻

#Adliya_ijtimoiy_himoya

Адлия вазирлиги тизимидаги ходимларнинг саломатлигига эътиборни ошириш ва уларни чуқурлаштирилган тиббий кўрикдан ўтишларига шароитлар яратиб бериш  мақсадида Ўзбекистон Республикаси Соғлиқни сақлаш вазирлиги билан ҳамкорликда бепул тиббий кўрик ташкил қилинди.

Тиббий кўрикнинг 2- кунида ходимлар “Онкоскрининг”, “Эндокринологик”, “Кардиологик” ҳамда  10 дан ортиқ тор мутахассислар томонидан комплекс тиббий текширувдан ўтказилди.

#Adliya_xabari

“Yevro-2024” futbol musobaqalari yozuvidan ruxsatsiz foydalangan shaxs jarimaga tortildi

Аdliya vazirligi tomonidan huquq egasining murojaati asosida “Yevro-2024” futbol musobaqalari Telegram ijtimoiy tarmog‘ining “AF(L)” kanalida huquq egasi yoki boshqa vakolatli shaxsning ruxsatisiz barchaning e’tiboriga yetkazilganligi aniqlandi.

Holat yuzasidan kanal adminiga nisbatan Maʼmuriy javobgarlik to‘g‘risidagi kodeksning 177(1)-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.

Sud qaroriga ko‘ra huquqbuzarga nisbatan jarima jazosi tayinlandi.

Mualliflik va turdosh huquq obyektlaridan huquq egasining ruxsatisiz, noqonuniy ravishda foydalanish javobgarlikka sabab bo‘lishi to‘g‘risida ogohlantiramiz.

Hurmatli fuqarolar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.

#Биласизми

🔰Қонунчиликка кўра, давлат органлари ва ташкилотлари ходимлари фаолиятида манфаатлар тўқнашуви ҳолатлари бўйича тегишли далилларни илова қилган ҳолда уларни аниқлашда фаол ёрдам берган шахсларга ундирилган жариманинг 50 фоизи миқдорида мукофот пули берилади.

#milliy_xotira #transport

“Keyingi bekat – O‘zbekiston”.
O‘zbekistonda transport tarixi

Adliya vazirligi va “O‘zarxiv” agentligi hamkorligidagi "Milliy xotira" loyihasi doirasida “O‘zarxiv” agentligi hamda “ADOLAT” milliy huquqiy axborot markazi mahsuloti — “Keyingi bekat – O‘zbekiston”. O‘zbekistonda transport tarixiga bagishlangan videorolik.


—-
✔️ “O‘zarxiv” agentligining rasmiy sahifalari:
Telegram | Instagram | Facebook | OK | YouTube

#Adliya_xabari

“Intellektual mulk sohasida nazorat xaridini amalga oshirish tartibi to‘g‘risidagi nizomni tasdiqlash haqida”gi Vazirlar Mahkamasi Qarori qabul qilindi

Vazirlar Mahkamasining ushbu (441-son, 23.07.2024 y.) Qarori bilan adliya organlariga O‘zbekiston Respublikasida huquqiy muhofazaga olingan intellektual mulk obyektlariga oid huquqbuzarlikni aniqlash yuzasidan savdo nuqtalarida (bozorlar, savdo do‘konlari, ko‘chma savdo shahobchalari, dorixonalar va boshqalar) realizatsiya qilinadigan tovarlarni xarid qilish vakolati berildi.

Intellektual mulk sohasida nazorat xaridi jismoniy va yuridik shaxslarning tadbirkorlik faoliyatiga aralashmagan holda ikki nafar xolislar ishtirokida amalga oshiriladi va bu tadbirkorlik subʼektlari faoliyatida tekshiruv oʼtkazish hisoblanmaydi.

Nazorat xaridi bu borada yuzaga keladigan asoslarga koʼra rejali va rejadan tashqari tarzda oʼtkaziladi. Shuningdek, Nazorat xaridi kassa cheki yoki belgilangan shakldagi toʼlov amalga oshirilganligi haqidagi boshqa hujjat rasmiylashtirilganda amalga oshirilgan hisoblanadi.

Nazorat xaridida olingan tovarlar boʼyicha intellektual mulkka boʼlgan huquqlar buzilishi holatiga huquqiy baho berish maqsadida Tovarlarni oʼrganish amalga oshiriladi hamda qonunbuzilish holati aniqlansa, adliya organi tomonidan huquq egasiga bu toʼgʼrisida uch ish kuni ichida xabar qilinadi. Xabardor qilingan huquq egalaridan tegishli holat boʼyicha chora koʼrish haqida murojaat kelib tushsa, u qonunchilikda belgilangan tartibda koʼrib chiqiladi.

@adliyangiliklari

#Adliya_xabari

Shoirning she’rlaridan ruxsatsiz foydalangan shaxs jarimaga tortildi

Аdliya vazirligi tomonidan vakolatli shaxsning murojaati asosida shoir Q.Q.ning “Otang Bоу”, “Ona qarang zo‘r bo‘lib ketdim”, “Onamga yoqmayapsan” nomli she’rlari xonanda Q. R. tomonidan huquq egasi ruxsatisiz hamda tegishli tartibda mualliflik haqini to‘lamasdan foydalanilganligi aniqlandi.

Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177(1)-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.

Sud qaroriga ko‘ra, huquqbuzarga nisbatan jarima jazosi tayinlandi.

Mualliflik va turdosh huquq obyektlaridan huquq egasining ruxsatsiz, noqonuniy ravishda foydalanish javobgarlikka sabab bo‘lishi to‘g‘risida ogohlantiramiz.

Hurmatli fuqarolar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.

#Биласизми

🔰 Меҳнат миграциясига чиқиб кетган фуқароларнинг Ўзбекистонда улар билан бирга истиқомат қилувчи пенсия ёшига етган ёки I ва II гуруҳ ногиронлиги бўлган оила аъзоларига касаба уюшмалари тизимидаги санаторий ва профилактик даволаниш муассасаларига бир марталик бепул йўлланма берилади.

#Биласизми

📝 Қонунчиликка кўра, тарафлар турли ҳудудларда жойлашган нотариал идорада масофадан туриб видеоконференцалоқа режимида битимларни нотариал тасдиқлаши мумкин ва бундай битим уларнинг биргаликдаги иштирокисиз амалга оширилаётган бўлса, бир вақтнинг ўзида тарафлар нотариуслар ҳузурида бўлиши шарт.

❗️ Бунда, мазкур тартиб асосида барча турдаги битимларни тасдиқлаш мумкин.

#Сайлов_2024

❗️Сайловолди ташвиқоти — сайлов кампанияси даврида амалга ошириладиган ва сайловчиларни номзодни ёки сиёсий партияни ёқлаб овоз беришга ундашга қаратилган фаолиятдир.