#Адлия_хабари

Қорақалпоғистон Республикасида ўн бешинчи замонавий Давлат хизматлари биноси маркази фойдаланишга топширилди

Мустақиллигимизнинг 32 йиллиги арафасида Давлат хизматлари марказининг очилиши нафақат Кегейлиликлар учун, балки барчамиз учун муҳим воқеадир. Эндиликда ушбу марказ орқали фуқаролар 300 дан ортиқ давлат хизматларидан фойдаланишлари мумкин бўлади.

Қорақалпоғистон Республикасидаги ўн бешинчи янги Давлат хизматлари маркази ҳам давлат хизматларидан экстерриториаллик тамойили асосида, яъни яшаш жойидан қатъий назар фойдаланиш имконини беради. Шу ўринда такрорланмас меъморий дизайнга эга Марказ Кегейли туманининг 70 000 дан ортиқ аҳолисига хизмат кўрсатиш учун барча шарт-шароитларга эга.

Янги бинода Адлия бўлими, Юридик хизмат кўрсатиш маркази, Фуқаролик ҳолати далолатномаларини ёзиш бўлими ва Давлат хизматлари марказининг бир жойда бўлиши ҳудуд аҳолисига яна бир қулайлик яратади.

Тантанали очилиш маросимида Ўзбекистон Республикаси адлия вазири ўринбосари Х.Мелиев, Қорақалпоғистон Республикаси адлия вазири Э.Турсунов ва Кегейли туман ҳокими A.Камалов, адлия бўлими вакиллари, давлат ва жамоат ташкилотлари ходимлари, меҳнат фахрийлари ва кенг жамоатчилик вакиллари иштирок этишди.

👉Батафсил

Mustaqilligimizning 32 yilligi muborak bo‘lsin

31-avgust kuni Adliya vazirligida davlatimiz mustaqilligining 32 yilligi munosabati bilan “Yangi hayot uchun, Yangi O‘zbekiston uchun!” shiori ostida bayram tadbiri bo‘lib o‘tdi.

Tadbirda vazirlik rahbariyati, adliya organ va muassasalarining rahbarlari hamda markaziy apparat xodimlari vakillari ishtirok etdi.

Tadbir avvalida adliya vaziri Akbar Tashkulov so‘zga chiqib, barchani qutlug‘ ayyom bilan samimiy tabrikladi.

O‘tgan vaqt mobaynida sohada qator ishlar amalga oshirildi. Mamlakatimiz rivoji yo‘lida Adliya organlari xodimlarining ham xizmatlari borligi ta’kidlandi. Tadbir davomida Davlatimiz mustaqilligining 32 yilligi munosabati bilan Prezident farmoniga binoan davlat mukofotlariga sazovor bo‘lgan bir guruh davlat xizmatchilari qatorida Adliya vazirligi tizimida mehnat qilib kelayotgan xodimlar “Shuhrat” hamda “Sodiq xizmatlari uchun” medali bilan taqdirlanganligi e’tirof etildi.

Adliya vazirligi tizimida o‘z samarali mehnati bilan qonun ijodkorligi va huquqni qo‘llash amaliyotini shakllantirishga qo‘shib kelayotgan hissasi uchun bir guruh xodimlar Faxriy yorliqlar bilan taqdirlandi.

Fursatdan foydalanib, Adliya vazirligi jamoasi hamyurtlarimizni Mustaqilligimizning 32 yilligi bilan chin dildan tabriklaydi. Ularga mustahkam sog‘liq, baxt-saodat hamda xonadonlariga tinchlik-xotirjamlik, fayzu-baraka tilaydi.