#Tayinlov

Eldor Maxkamov “Adolat” milliy huquqiy axborot markazi davlat muassasasi direktori lavozimiga tayinlandi.

O‘zbekiston Respublikasi adliya vazirining 2023 yil 27 yanvardagi buyrug‘iga asosan Eldor Bahromovich Maxkamov “Adolat” milliy huquqiy axborot markazi davlat muassasasi direktori lavozimiga tayinlandi.

E. Maxkamov 2005 yilda Toshkent Davlat yuridik institutini tamomlagan. Mehnat faoliyatini 2006 yilda O‘zbekiston Respublikasi Adliya vazirligi Tashkiliy-nazorat va tahlil boshqarmasi nusxa ko‘chirish texnikasi operatori vazifasidan boshlab, shu boshqarmada katta maslahatchi, bosh maslahatchi – devonxona mudiri lavozimida ishlagan.

2011-2021 yillarda Adliya vazirligida turli lavozimlarida faoliyat yuritgan. 2021-2022 yillarda O‘zbekiston Respublikasi Adliya vazirligi huzuridagi Huquqiy siyosat tadqiqot instituti direktori vazifasini bajaruvchisi lavozimlarida faoliyat ko‘rsatgan.

Adliya vazirligi jamoasi Eldor Bahromovich Maxkamovni ushbu tayinlov bilan tabriklaydi va ularning kelgusi ishlarida muvaffaqiyat tilaydi!

#Tayinlov

O‘zbekiston Respublikasi Vazirlar Mahkamasining tegishli qaroriga asosan, Sherzod Gayratovich Sadikov Adliya vazirligi huzuridagi “O‘zarxiv” agentligi direktorining o‘rinbosari etib tayinlandi.

“O‘zarxiv” agentligi jamoasi Sh.Sadikovni tayinlov bilan muborakbod etadi va kelgusi ishlarida muvaffaqiyatlar tilaydi.

—-
✔️ “O‘zarxiv” agentligining rasmiy sahifalari:
Telegram | Instagram | Facebook | OK | YouTube

#Tayinlov

Adliya vazirligi boshqarma boshlig'i O'zbekiston Respublikasi Bosh vaziri kotibiyati mas'ul lavozimiga ishga o'tdi

Davron Toxirovich Allanazarov O'zbekiston Respublikasi Bosh vaziri kotibiyati Axborot-tahlil va yuridik ta'minlash departamenti Ijtimoiy-iqtisodiy rivojlantirish sohasidagi islohotlar natijadorligini tahlil qilish bo'limi bosh mutaxassisi lavozimiga tayinlandi.

Davron Allanazarov 1987-yil Xorazm viloyatining Urganch shahrida tug'ilgan. Ma'lumoti oliy, 2010-yil Toshkent davlat yuridik institutini, 2021-yil Toshkent davlat yuridik universiteti magistratura bosqichini tamomlagan, huquqshunos.

2023-yildan hozirgi vaqtga qadar Adliya vazirligi Jinoiy, ma'muriy va ijtimoiy qonunchilik boshqarmasi boshlig'i lavozimida ishlab kelgan.

Adliya vazirligi jamoasi Davron Toxirovich Allanazarovni ushbu mas'uliyatli tayinlov bilan samimiy muborakbod etadi. Kelgusi ishlarida rivoj va ulkan zafarlar tilaydi.

Adliya vazirligi
Jamoatchilik bilan aloqalar bo'limi

#Tayinlov

Navoiy viloyat adliya boshqarmasi boshlig'i Prezident Adminstratsiyasi mas'ul lavozimiga ishga o'tdi

G'aybullo Sadulloyevich Primov O'zbekiston Respublikasi Prezidenti Adminstratsiyasi adliya va sud organlari faoliyati masalalari bo'yicha sho'basi bosh inspektori lavozimiga tayinlandi.

G'aybullo Sadulloyevich 1990-yil Navoiy viloyatining Navbahor tumanida tug'ilgan. Ma'lumoti oliy, 2011-yil Namangan davlat universitetini tamomlagan, huquqshunos.

2023-yildan hozirgi vaqtga qadar Navoiy viloyat adliya boshqarmasi boshlig'i lavozimida ishlab kelgan.

Adliya vazirligi jamoasi G'aybullo Sadulloyevich Primovni ushbu tayinlov bilan samimiy qutlaydi. Kelgusi ishlarida rivoj va ulkan zafarlar tilaydi.

Adliya vazirligi
Jamoatchilik bilan aloqalar bo'limi