#Adliya_xabari

‼️Адлия вазирлиги тизимидаги таълим муассасаси яна бир давлат грантини қўлга киритди

Инновацион ривожланиш вазирлиги ҳайъатининг 5 апрель куни бўлиб ўтган йиғилишида Тошкент давлат юридик университети томонидан тайёрланган “Қишлоқ хўжалиги кластерлари учун электрон тижорат механизмлари асосида товар (иш, хизмат)ларнинг онлайн савдосига оид рақамли платформа ва унинг мобил иловасини яратиш” номли инновацион лойиҳа кўриб чиқилди.

Узоқ ва қизғин давом этган муҳокамалар натижасига кўра мазкур лойиҳа 801 млн сўмлик маблағ билан молиялаштиришга лойиқ деб топилиб, тегишли қарор қабул қилинди.

Таъкидлаш жоизки, мазкур лойиҳа натижасида мамлакатимизда фаолият олиб бораётган тадбиркорлик субектларининг ҳуқуқлари кафолатлари янада мустаҳкамланади ҳамда кластерлик фаолиятининг ҳуқуқий асослари такомиллаштирилади. Шунингдек, лойиҳа натижасида соҳада иқтисодий кўрсаткичларни яхшилашга ҳамда кластерлик фаолияти билан боғлиқ амалиётда юзага келаётган муаммоларга ҳуқуқий ечим топишга эришиш мумкин.

Эслатиб ўтамиз, 2022-йил март ойида Тошкент давлат юридик университети томонидан тайёрланган “Юридик терминлар электрон тезауруси ва инновацион мултимедиа платформасини яратиш” номли лойиҳа 985 млн сўмлик давлат грантини қўлга киритган эди.

Адлия вазирлиги
Жамоатчилик билан алоқалар бўлими

#Tanlov

📎Ҳуқуқий фанлар бўйича танловлар ўтказилади

Адлия вазирлиги юридик техникумлари ўқувчилари учун ҳуқуқий фанлардан “Ҳуқуқий фанлар олимпиадаси” ва “Жиноят, фуқаролик, иқтисодий ва маъмурий суд ишлари бўйича намунавий суд процесси” танловлари ўтказилади

Мақсад юридик техникумларнинг билимли ва иқтидорли ўқувчи-ёшларини аниқлаш ва уларнинг интеллектуал салоҳиятини ошириш, олимпиада иштирокчиларига юқори малакали мутахассислар, шу жумладан ёш олимлар ва педагог ходимларни жалб қилган ҳолда “устоз-шогирд” анъаналарини янада мустаҳкамлаш, иқтидорли ёшларни қўллаб-қувватлаш ва уларга кенг имкониятларни яратишдир.

Шунингдек, юридик техникумлар ўқувчиларнинг назарий билимларини юридик амалиёт билан боғлаш кўникмасини шакллантириш, ўқувчиларнинг судда нутқ сўзлаш қобилиятини ривожлантириш, ўқувчиларда жамоада ишлаш қобилиятини, тезкор фикрлаш, таҳлил қилиш ҳамда оптимал қарорларни қабул қилиш кўникмасини ривожлантириш, ўқувчиларда касб этика ва умумий касбий-ҳуқуқий маданиятни шакллантириш мақсадида Адлия вазирлигининг юридик техникумлари ўқувчилари ўртасида “Жиноят, фуқаролик, иқтисодий ва маъмурий суд ишлари бўйича намунавий суд процесси” танловларини ўтказиш тартиби ҳам тасдиқланди.

Таъкидлаш жоизки, ҳар иккала танлов ҳам Юридик техникумлар ўқувчиларининг интеллектуал қобилиятини ривожлантириш ва ҳуқуқшуносликка нисбатан ҳурмат руҳини кучайтиришга хизмат қилади.

Адлия вазирлиги
Жамоатчилик билан алоқалар бўлими

#Dayjest

Адлия ҳафталик дайжести...
Энди видеоформатида

📹 Адлия тизимидаги ўтган ҳафта давомида қандай муҳим воқеалар, ўзгаришлар рўй берди?

#Ҳуқуқий_акция

Олис ҳудудлардаги ишга жалб қилинган малакали мутахассисларга ҳар ойлик компенсация тўланади

Бироздан сўнг Президент Шавкат Мирзиёев раислигида видеоселектор йиғилиши бошланади.

Кун тартибидан учта масала - йўл инфратузилмасини ривожлантириш ҳамда ички йўлларни яхшилаш бўйича устувор вазифалар, “Яшил макон” умуммиллий лойиҳаси доирасидаги ишлар, давлат хизматларини кўрсатишни соддалаштириш, бюрократик тўсиқларни қисқартириш ҳамда давлат хизматларини кўрсатиш миллий тизимини ривожлантиришнинг қўшимча чора-тадбирлари муҳокамаси ўрин олган.
—
Скоро начнется видеоселекторное совещание под председательством Президента Шавката Мирзиёева.

На повестке дня три вопроса - приоритетные задачи по развитию дорожной инфраструктуры и улучшению внутренних дорог, реализация общенационального проекта "Яшил макон", дополнительные меры по упрощению оказания государственных услуг, сокращению бюрократических барьеров и развитию национальной системы государственных услуг.

Facebook|Instagram|Twitter

Кун тартибидаги навбатдаги масала давлат хизматлари кўрсатишни соддалаштириш ва кўламини кенгайтиришнинг муҳокамасига бағишланди.

Давлат хизматлари тизимини рақамлаштириш орқали маҳалла ва туманда қандай ўзгаришлар бўлиши кўриб чиқилди.

Аҳолига давлат хизматларидан фойдаланишда қулайлик яратиш мақсадида 1 июлдан бошлаб:

- 38 турдаги давлат хизматлари учун электрон имзо билан тасдиқлаш талаби бекор қилиниб, мобил телефон орқали амалга оширилади (бино ва иншоотнинг ташқи кўринишини ўзгартиришни келишиш, боғчага қабул қилиш ва ҳоказо);

- 6 турдаги лицензия олиш учун талаблар бекор қилинади;

- аҳоли ва тадбиркорлар учун 8 дан ортиқ давлат хизмати бўйича электрон хабардор қилиш тизими жорий этилади;

- аҳоли ва тадбиркорлардан коммунал ташкилотларнинг 32 турдаги ҳужжат ва маълумотномаларини талаб қилиш бекор қилинади;

- эҳтиёжманд оилалар фарзандлари олийгоҳларга киришда тест синовларида иштирок этиш тўловларидан озод этилади (135 минг сўм).

Президент келгуси йил якунига қадар марказлар орқали кўрсатиладиган давлат хизматлари сонини ҳозирги 172 тадан 300 тага, мобиль илова орқали кўрсатиладиганларини 60 тадан 250 тага етказиш вазифасини қўйди.

Шу билан бирга, давлат хизматлари марказларини қуриш ишларига шахсан вилоят ҳокимлари масъул этиб белгиланган бўлсада, ҳозирга қадар 43 та марказ биноси фойдаланишга топширилмагани, оқибатда аҳоли сарсон бўлаётгани танқид қилинди.

Масалан, Давлатобод, Янгиер, Гулистон, Бўка, Миробод, Сергели ва Мирзо Улуғбек туманлари, Гулистон ва Олмалиқ шаҳарларида қурилиш ишлари умуман бошланмаган, Нукус шаҳри, Боёвут, Қуйичирчиқ ва Пскент туманларида эса қурилиш ишлари тўхтаб қолган.

Вилоят ҳокимларига 1 сентябрга қадар давлат хизматлари марказлари билан боғлиқ барча қурилишларни якунлаш топширилди.

Айни пайтда йиғилишда муҳокама қилинган масалалар юзасидан мутасаддиларнинг ахбороти тингланмоқда.

#Adliya_xabari

⚡️Тошкент шаҳаридаги хусусий амалиёт билан шуғулланувчи 15 нафар нотариуснинг лицензияси вақтинча тўхтатилди

“Нотариат тўғрисида”ги Қонуннинг 15-2-моддасига асосан Тошкент шаҳар адлия бошқармаси ҳузуридаги малака комиссиясининг 2022-йил 31-мартдаги бўлиб ўтган 2/2022-сонли мажлиси баённомасига асосан:

Яккасарой туманида хусусий амалиёт билан шуғулланувчи нотариус Ф.Мусаеванинг лицензияси амал қилиш муддати 2022-йилнинг 8 апрелдан кунидан 6 ойдан кўп бўлмаган муддатга;

Учтепа туманида хусусий амалиёт билан шуғулланувчи нотариус Х.Абдалимованинг лицензияси амал қилиш муддати 2022-йилнинг 4 апрел кунидан 15 кун муддатга;

Чилонзор туманида хусусий амалиёт билан шуғулланувчи нотариус Ш.Саримовнинг лицензияси амал қилиш муддати 2022-йилнинг 4 апрел кунидан 6 ой муддатга;

Яккасарой туманида хусусий амалиёт билан шуғулланувчи нотариус И.Шарипованинг лицензияси амал қилиш муддати 2022-йилнинг 4 апрел кунидан 3 ой муддатга;

Олмазор туманида хусусий амалиёт билан шуғулланувчи нотариус А.Исмаиловнинг лицинзияси амал қилиш муддати 2022-йилнинг 4 апрел кунидан 3 ой муддатга;

Миробод туманида хусусий амалиёт билан шуғулланувчи нотариус Б.Ганиеванинг лицензияси амал қилиш муддати 2022-йилнинг 4 апрел кунидан 15 кун муддатга;

Сергели туманида хусусий амалиёт билан шуғулланувчи нотариус А.Юсуфбековнинг лицензияси амал қилиш муддати 2022-йилнинг 4 апрел кунидан 1 ой муддатга;

Шайхонтоҳур туманида хусусий амалиёт билан шуғулланувчи нотариус Д.Бабаярованинг лицензияси амал қилиш муддати 2022-йилнинг 4 апрел кунидан 15 кун муддатга;

Мирзо Улуғбек туманида хусусий амалиёт билан шуғулланувчи нотариус Ш.Каландарованинг лицензияси амал қилиш муддати 2022-йилнинг 4 апрел кунидан 2 ой муддатга;

Мирзо Улуғбек туманида хусусий амалиёт шуғулланувчи нотариус К.Камбаровнинг лицензияси амал қилиш муддати 2022-йилнинг 4 апрел кунидан 15 кун муддатга;

Яшнобод туманида хусусий амалиёт шуғулланувчи нотариус З.Набираеванинг лицензияси амал қилиш муддати 2022-йилнинг 4 апрел кунидан 15 кун муддатга;

Олмазор туманида хусусий амалиёт нотариал фаолият билан шуғулланувчи нотариус Н.Муҳаммадиеванинг лицензияси амал қилиш муддати 2022-йилнинг 4 апрел кунидан 1 ой муддатга;

Олмазор туманида хусусий амалиёт нотариал фаолият билан шуғулланувчи нотариус Ш.Билолхўжаеванинг лицензияси амал қилиш муддати 2022-йилнинг 4 апрел кунидан 15 кун муддатга;

Яккасарой туманида хусусий амалиёт шуғулланувчи нотариус С.Абдирахманованинг лицензияси амал қилиш муддати 2022-йилнинг 4 апрел кунидан 15 кун муддатга;

Шайхонтоҳур туманида хусусий амалиёт билан шуғулланувчи нотариус О.Зухуровнинг лицензияси амал қилиш муддати 4 апрел кунидан 1 ой муддатга тўхтатилди.

Президент Шавкат Мирзиёев раислигида бўлиб ўтган йиғилишда йўл инфратузилмасини ривожлантириш, “Яшил макон” умуммиллий лойиҳасини амалга ошириш, давлат хизматларини кўрсатишни соддалаштириш соҳасида устувор вазифалар белгилаб берилди.

Батафсил — юқоридаги #инфографикада.

​​Adliya vaziri davlat xizmatlarini ko‘rsatish milliy tizimini rivojlantirish bo‘yicha ishlab chiqilgan Prezident Farmoni loyihasi bo‘yicha davlat rahbariga axborot berdi

Prezident Shavkat Mirziyoyev raisligida bo‘lib o‘tgan videoselektor yig‘ilishda davlat xizmatlarini ko‘rsatishni soddalashtirish, byurokratik to‘siqlarni qisqartirish hamda davlat xizmatlarini ko‘rsatish milliy tizimini rivojlantirishning qo‘shimcha chora-tadbirlari ham muhokama qilindi.

Yig‘ilishda adliya vaziri R.Davletov davlat xizmatlarini ko‘rsatishda saqlanib qolayotgan muammolar va ushbu soha rivojlanishini yangi bosqichga olib chiqish bo‘yicha axborot berdi.

Xususan, Adliya vazirligi tomonidan ishlab chiqilgan Prezident Farmoni loyihasida davlat xizmatlari ko‘rsatish tizimini modernizatsiya qilishning yaqin besh yilga mo‘ljallangan strategiyasi va uni 2022—2023-yillarda amalga oshirish bo‘yicha “yo‘l xaritasi”da belgilangan chora-tadbirlar haqida davlat rahbari va yig‘ilish ishtirokchilariga ma'lumot berildi.

Loyihaga ko‘ra, shaxsni identifikatsiya qilishning “Mobil-ID” tizimi joriy etilishi taklif qilinmoqda. Mobil-ID tizimi — shaxsni mobil telefon raqami orqali identifikatsiyalaydi va unga elektron raqamli imzosiz barcha davlat xizmatidan foydalanish imkonini beradi.

Yagona interaktiv davlat xizmatlari portali orqali 38 ta davlat xizmatidan foydalanishda elektron raqamli imzo bilan tasdiqlash talabini bekor qilish taklif qilinmoqda.

Shu bilan birga, sohani rivojlantirish maqsadida elektron va kompozit davlat xizmatlari ko‘lami kengaytiriladi, davlat xizmatlari sohasi “qog‘ozsiz” tizimga o‘tkaziladi, muddat va hujjatlar qisqartiriladi, yangi davlat xizmatlari yo‘lga qo‘yiladi, Markazlarda nogironligi bo‘lgan shaxslarga inklyuziv muhit yaratiladi va bepul “Wi-Fi” hududlari tashkil etiladi.

Loyiha bilan shaxsga doir ma'lumotlarning konfidensialligi va ishonchli himoya qilinishini ta'minlash maqsadida ma'lumotlarni “Elektron hukumat” tizimi orqali so‘rab olishning yangi tartibini joriy etish taklif qilinmoqda.

Yig‘ilishda davlat xizmatlarini kamida 70 foizini elektronlashtirish, bunda davlat xizmatlaridan mobil ilovalardan foydalanish imkoniyatini kengaytirish bo‘yicha ishlarni davom ettirish zarurligi ta'kidlandi.

Davlatimiz rahbari davlat xizmatlari markazlari orqali aholiga tez, qulay va sifatli xizmatlar ko‘rsatish uchun barcha imkoniyatlar ishga solinishi kerakligi, joylarda markazlarning yangi binolarini qurishni tezroq yakunlash zarurligi bo‘yicha topshiriq berdilar.

Adliya vazirligi
Jamoatchilik bilan aloqalar bo‘limi

@adliyangiliklari