#Adliya_yoshlar

📹 Adliya vaziri Ruslanbek Davletov ayollarning jamiyatdagi mavqei, xotin-qizlarga nisbatan tazyiq va zo’ravonlik haqida.

@adliyangiliklari

#Adliya_yoshlar

Adliya vazirining yoshlar bilan ochiq muloqoti davom etmoqda. Ruslanbek Davletov yoshlarning savollariga javob bermoqda:

▫️Tadbirkorlik kodeksini ishlab chiqish jarayonlari haqida;
▫️Yuridik shaxslarning jinoiy javobgarligi institutini joriy etish va korporativ javobgarlik haqida.

@adliyangiliklari

#Adliya_yoshlar

Adliya vaziri Ruslanbek Davletov oliy ta’lim muassasalari bitiruvchilarini ishga joylashtirish haqida.

@adliyangiliklari

#Faktologiya

LexUZ — qonunchilik hujjatlari ma'lumotlari milliy bazasi axborot tizimi shakllantirish bo‘yicha 5 ta fakt

@adliyangiliklari

#Huquqingizni_biling #Eslatma

⚡️Ҳар бир шахснинг шахсий ҳаёт дахлсизлиги кафолатланади

❗️Ўзбекистон Республикаси Коститусиясининг 25-моддасига кўра, ҳар ким эркинлик ва шахсий дахлсизлик ҳуқуқига эгадир. Яъни ҳар бир шахс ким бўлишидан қатъий назар эркин яшаш ҳуқуқи ҳамда шахсий ҳаёт дахлсизлик ҳуқуқи кафолатланади.

✅Шунингдек, Фуқаролик кодексининг 99-моддасида белгиланишича шахсларнинг қуйидаги ҳуқуқлари тортиб олинмайди ва бошқа шахсга берилмайди:
 шахснинг ҳаёти ва соғлиғи;
 шаъни ва қадр-қиммати;
 шахсий дахлсизлиги;
 ишчанлик обрўси;
 шахсий ҳаётининг дахлсизлиги;
 хусусий ва оилавий сири;
 номга ва тасвирга бўлган ҳуқуқи;
 муаллифлик ҳуқуқи ва бошқа шахсий номулкий ҳуқуқлар
 туғилганидан бошлаб ёки қонунга мувофиқ фуқарога тегишли бўлган бошқа номоддий неъматлар.

📌Шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш ҳамда унинг шаъни ва қадр-қимматини қасддан камситиш фуқароларга БҲМнинг 3 бараваридан 5 бараваригача, мансабдор шахсларга эса - 5 бараваридан 10 бараваригача миқдорда жарима солишга сабаб бўлади.

Агарда ушбу ҳаракатлар такроран содир этилса ёки оғир оқибатларга олиб келса Жиноят кодексида белгиланган нормалар асосида жавобгарлик белгиланади.
Шунингдек, ҳар ким ўз шаъни ва обрўсига қилинган тажовузлардан, шахсий ҳаётига аралашишдан ҳимояланиш ва турар жойи дахлсизлиги ҳуқуқига эгадир (Ўзбекистон Республикаси Конституцияси 27-моддаси).

⛔️Турар жойга унда истиқомат қилувчиларнинг хоҳиш-иродасига хилоф равишда ноқонуний тарзда кириш учун жавобгарлик белгиланган.

#Diqqat_muhim

‼️2022 йил 1 январдан қонунчликда нималар ўзгаради

2022 йил 1 январдан мулкдорларнинг бошқарувчи олдида қарздорлиги мавжуд бўлган тақдирда, унинг миқдори уй-жойларга бўлган мулк ҳуқуқини расмийлаштиришда нотариал идоралар томонидан тегишли шартномада акс эттирилади ва янги мулкдор ушбу қарздорлик ҳақида огоҳлантирилади.

Қонунчиликдаги бошқа ўзгаришлар ҳақида батафсил👉🏻: https://minjust.uz/uz/press-center/news/103106/

#Adliya_info

📌 5 ТА ФАКТ: АДЛИЯ ВАЗИРЛИГИНИНГ КАДРЛАРНИ БОШҚАРИШ СОҲАСИДА 2021 ЙИЛДА АМАЛГА ОШИРИЛГАН ИШЛАР ҲАҚИДА

​Adliya vaziri R. Davletov:

Yil tugayotgan lahzalarda, tabiiyki, har bir inson yoki jamoa bosib o‘tgan bir yil davomidagi yo‘lga nazar tashlaydi va sarhisob qiladi. Biz ham bu borada qisqacha axborotni havola qilmoqchimiz.

1️⃣ Adliya tizimi bir kunda o‘rtacha 70 ming fuqaroga xizmat ko‘rsatmoqda. Adliya organlari faoliyatini fuqaro ehtiyojiga qaratilgan tarzda tashkil qilish va aholini rozi qilish bizning majburiyatimiz. Buning uchun, avvalo, byurokratiyani qisqartirish aholining hayotini osonlashtirishda tez samara beradigan vositadir.

Birgina 73 turdagi ma'lumot va “spravka”larning bekor qilinishi natijasida yiliga o‘rtacha 5 mlndan ortiq fuqaroning ovora bo‘lishiga barham berildi, ularning 60 mlrd so‘mdan ortiq mablag‘i o‘zida qoldi.

FHDYO tizimida raqamlashtirishni tugatdik (60 mln hujjat), natijada fuqaro istalgan FHDYOga murojaat qilish mumkin, ya'ni eksterritorial prinsip yanada kengaydi. Kompozit xizmatlar kiritildi, tug‘ilganlik guvohnomasi bilan birga boshqa 4 ta xizmatni bir vaqtning o‘zida olish imkoniyati yaratildi.

“Litsenziya” axborot tizimi ishga tushirildi va 17 mingdan ortiq elektron litsenziyalar berildi. Buning natijasida shuncha fuqarolarning davlat idoralarida sarson bo‘lishiga chek qo‘yildi.

Umuman olganda, o‘tgan yil davomida tizim tashkilotlari tomonidan aholiga 11 mln dan ortiq xizmatlari ko‘rsatildi. Aholiga qulaylik yaratish maqsadida yangi 159 ta davlat xizmatlari markazi binolari, chekka hududlarda 149 ta filiallar tashkil etildi.

Kelayotgan yildan 59 turdagi davlat xizmatini ko‘rsatish muddati o‘rtacha 2 baravar qisqartiriladi.

2️⃣ To‘lovlar qisqartirildi.
Kam ta'minlanganlar, I va II guruh nogironligi bo‘lgan shaxslarga davlat xizmatlari bo‘yicha har qanday to‘lovlar 50 foiz chegirma bilan ko‘rsatiladi. 6 turdagi davlat xizmati uchun to‘lovlar miqdori keskin kamaytirildi, ilgari to‘lov undirilgan 2 turdagi xizmat bepul ko‘rsatila boshlandi.

3️⃣ Bu yil Davlat rahbarining topshirig‘i bilan korrupsiyaga qarshi, shuningdek, ochiqlik va shaffoflikni ta'minlash bo‘yicha 3 ta muhim hujjatni ishlab chiqishda Adliya vazirligi asosiy ijrochi bo‘ldi.

Ochiq ma'lumotlar sifatida joylashtirilishi kerak bo‘lgan 33 xil toifadagi ma'lumotlar ro‘yxati tasdiqlandi. Ularning ochiqlanishi jamoatchilikda mustaqil surishtiruvlar olib borish imkoniyatini oshiradi.

Adliya vazirligi ishlab chiqqan e-qaror.gov.uz tizimida hokimlarning barcha qarorlari (2021 yilda 80 mingta) e'lon qilinmoqda. Xususan, ijtimoiy tarmoqlarda ham keng muhokama bo‘lgan keyslar (hokimlik xizmat avtomashinalari, majburiy obuna va h.k.) aynan “E-qaror” tizimi sharofati bilan jamoatchilik e'tiboriga tushib, bekor qilinmoqda. Jumladan, 1339 ta qaror “E-qaror” tizimini monitoring qilish orqali bekor qilindi.

4️⃣ Yer islohoti.
Noqishloq va qishloq xo‘jaligi yerlarini ajratishning hokimliklar aralashuvisiz, barcha uchun bir xil va shaffof bo‘lgan tartibi joriy etildi, bunda barcha qonunchilik paketini ishlab chiqish bo‘yicha asosiy ijrochi Adliya vazirligi bo‘ldi. Ochiq auksionning ilk natijalarini ko‘ra boshladik. Masalan, Sergelida 4 sotix yer e-auksion da 2 mlrd so‘mga sotilishi juda ahamiyatli voqea: bir tomondan bu ochiq savdoda yerning asl bozor narxi qayd etilayotgani bo‘lsa, boshqa tomondan pullar kimlarningdir cho‘ntagiga emas, davlat byudjetiga tushadi.

5️⃣Hujjatlar ijrosini ta'minlash.
Prezident hujjatlarining ijrosini nazorat qilish adliya idoralariga yuklatilgandan keyin Adliya vazirligi bu boradagi ishlarini ham kuchaytirdi. Ijrosi paysalga solinayotgan 2800 ta topshiriqning ijrosi ta'minlandi. Hozirda Respublika miqyosida 3 mingdan ortiq Prezident hujjatlaridagi 60 mingdan ortiq topshiriqlar mavjud bo‘lib, shulardan 82,3% bajarilgan, 17,7 % ijro jarayonida.

Yuqoridagilar yil davomidagi faoliyatimizning ayrim jihatlari, xolos. Amalga oshirilgan ishlar haqida jamoatchilik oldida batafsil hisobotni keyingi yil boshida taqdim qilamiz.

Adliya idoralari o‘z faoliyatda yana nimalarga e'tibor qaratishi kerak, takliflaringizni sharhlarda yozing.

Barchani yangi yil bilan tabriklaymiz va eng samimiy tilaklarni bildiramiz!

#Tayinlov

⚡️Адлия вазирига ўринбосар тайинланди

Мухаммадиев Актам Зайниддинович Президент қарорига мувофиқ адлия вазирининг ўринбосари этиб тайинланди.

А. Мухаммадиев 1977 йилда Қашқадарё вилоятининг Китоб туманида туғилган, маълумоти олий, 1999 йилда Тошкент давлат юридик институти бакалавриат, 2001 йилда магистратура босқичини тамомлаган, мутахассислиги ҳуқуқшунос.

А. Мухаммадиев ўз меҳнат фаолиятини 2001 йилда Ўзбекистон Республикаси Адлия вазирлигининг етакчи маслаҳатчиси лавозимидан бошлаб, вазирликнинг турли масъул лавозимларида ишлаган.

2017 йилдан бугунги кунга қадар Тошкент вилоят адлия бошқармаси бошлиғи лавозимида фаолият юритган.

Адлия вазирлиги жамоаси Мухаммадиев Актам Зайниддиновични ушбу тайинлов билан табриклайди ва унинг келгуси ишларида, масъулиятли лавозимларида муваффақият тилайди.

Адлия вазирлиги
Жамоатчилик билан алоқалар бўлими

#Биласизми

⁉️Байрам кунларида ишга жалб қилинган ходимларга камида икки ҳисса миқдорида ҳақ тўланади

Хабарингиз бор Президентнинг тегишлии Фармонига мувофиқ, 2022 йилда дам олиш кунлари белгиланди.

🗒Унга кўра, 2022 йилда 3 январь —душанба, 4 январь —сешанба қўшимча дам олиш куни этиб белгиланди. Ўтган йилга Фармонга кўра эса 31 декабрь ҳам дам олиш куни ва ўзбекистонликлар бу йил Янги йил байрамида 5 кун дам олади. Бироқ айрим ходимларга мазкур кунларда навбатчилик тўғри келиши ёхуд ишга чиқишга мажбур бўлиши мумкин.

Қонунчиликка кўра, дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

Амалдаги тартибга кўра, ходимларни шу кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, – иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

Шунингдек, ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек, кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

https://bit.ly/3sJW6jL