#Adliya_xabari

“Intellektual mulk sohasida nazorat xaridini amalga oshirish tartibi to‘g‘risidagi nizomni tasdiqlash haqida”gi Vazirlar Mahkamasi Qarori qabul qilindi

Vazirlar Mahkamasining ushbu (441-son, 23.07.2024 y.) Qarori bilan adliya organlariga O‘zbekiston Respublikasida huquqiy muhofazaga olingan intellektual mulk obyektlariga oid huquqbuzarlikni aniqlash yuzasidan savdo nuqtalarida (bozorlar, savdo do‘konlari, ko‘chma savdo shahobchalari, dorixonalar va boshqalar) realizatsiya qilinadigan tovarlarni xarid qilish vakolati berildi.

Intellektual mulk sohasida nazorat xaridi jismoniy va yuridik shaxslarning tadbirkorlik faoliyatiga aralashmagan holda ikki nafar xolislar ishtirokida amalga oshiriladi va bu tadbirkorlik subʼektlari faoliyatida tekshiruv oʼtkazish hisoblanmaydi.

Nazorat xaridi bu borada yuzaga keladigan asoslarga koʼra rejali va rejadan tashqari tarzda oʼtkaziladi. Shuningdek, Nazorat xaridi kassa cheki yoki belgilangan shakldagi toʼlov amalga oshirilganligi haqidagi boshqa hujjat rasmiylashtirilganda amalga oshirilgan hisoblanadi.

Nazorat xaridida olingan tovarlar boʼyicha intellektual mulkka boʼlgan huquqlar buzilishi holatiga huquqiy baho berish maqsadida Tovarlarni oʼrganish amalga oshiriladi hamda qonunbuzilish holati aniqlansa, adliya organi tomonidan huquq egasiga bu toʼgʼrisida uch ish kuni ichida xabar qilinadi. Xabardor qilingan huquq egalaridan tegishli holat boʼyicha chora koʼrish haqida murojaat kelib tushsa, u qonunchilikda belgilangan tartibda koʼrib chiqiladi.

@adliyangiliklari

#Adliya_xabari

Shoirning she’rlaridan ruxsatsiz foydalangan shaxs jarimaga tortildi

Аdliya vazirligi tomonidan vakolatli shaxsning murojaati asosida shoir Q.Q.ning “Otang Bоу”, “Ona qarang zo‘r bo‘lib ketdim”, “Onamga yoqmayapsan” nomli she’rlari xonanda Q. R. tomonidan huquq egasi ruxsatisiz hamda tegishli tartibda mualliflik haqini to‘lamasdan foydalanilganligi aniqlandi.

Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177(1)-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.

Sud qaroriga ko‘ra, huquqbuzarga nisbatan jarima jazosi tayinlandi.

Mualliflik va turdosh huquq obyektlaridan huquq egasining ruxsatsiz, noqonuniy ravishda foydalanish javobgarlikka sabab bo‘lishi to‘g‘risida ogohlantiramiz.

Hurmatli fuqarolar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.

#Adliya_brifing

Oʻzbekiston 2016-yildan 2023-yilga qadar huquq ustuvorligi eng tez yaxshilangan davlatlar orasida 8,9 foiz oʻsish koʻrsatkichi bilan birinchi oʻrinni egallagan

AOKAda oʻtkazilgan brifingda Adliya vazirligi axborot xizmati rahbari Sevara Urinbayeva respublikaning ustuvor xalqaro reyting va indekslardagi koʻrsatkichlari, ularning jamiyat hayotidagi tutgan oʻrni haqida maʼlumot berdi.

▫️Jahon bankining Boshqaruv sifati indikatorlari — 30 dan ortiq mustaqil manbalar asosida 213 ta mamlakatda davlat boshqaruvi sifati va samaradorligini global darajada oʻrganishga doir 6 ta mustaqil indikatorlardan tashkil topgan.

▫️“Jahon odil sudlov loyihasi” (World Justice Project) xalqaro nohukumat tashkilotining Huquq ustuvorligi indeksi — huquq ustuvorligi sohasidagi maʼlumotlarni ekspertlar va aholi oʻrtasida oʻtkaziladigan soʻrovlar orqali tadqiq etib, 8 ta indikator va 44 ta subindikator boʻyicha dolzarb maʼlumotlarni aks ettiradi.

▫️“Transparency International” xalqaro nohukumat tashkiloti tomonidan eʼlon qilingan Korrupsiyani qabul qilish indeksining 2023-yilgi nashrida Oʻzbekiston 180 ta mamlakat orasida 121-oʻrinni egallab, oʻz koʻrsatkichlarini 2022-yilga nisbatan 5 pogʻonaga yaxshiladi.

Xalqaro reytinglar va indekslarda mamlakatimiz oʻrnini mustahkamlashga davlat darajasida eʼtibor qaratilib, bu borada huquqiy va institutsional asoslar takomillashtirilmoqda.

Shu bilan birga, Oʻzbekistonning xalqaro reytinglardagi oʻrnini monitoring qilish va baholash milliy tizimi joriy qilindi, oʻzini oʻzi baholash uchun ustuvor xalqaro reytinglarning mezonlari va indikatorlari asosida milliy indekslar ishlab chiqilmoqda.

👉Batafsil

@adliyangiliklari

#Adliya_videodaydjest

📹 Ўтган ҳафта давомида Адлия тизимида қандай муҳим воқеалар, ўзгаришлар рўй берди?

Улар ҳақида ҳафталик дайжести

#Adliya_PR

Адлия вазирлиги Ахборот хизматидаги фаолиятимиз якунланди. Янги марралар олдинда!

Олти йил давомида 10 мингдан ошиқ ходим меҳнат қиладиган катта Адлия оиласида билимли, креатив, шижоатли, ватанпарвар ҳамкасбларимиз билан эл равнақи, халқимизни рози қилиш йўлида баҳамжиҳатликда ишладик.

Адлия Ахборот хизмати, жамоатчилик билан ишлаш йўналишида мен учун катта тажриба мактаби бўлди. Бу ерда илк меҳнат фаолиятимни бошлаган вақтдан тортиб то бугунгача бўлган даврда жамоанинг ҳар бир аъзосидан, бир-биримиздан кўп нарса ўргандик.

Бу давр мобайнида ОАВ билан ишлаш, аҳолининг ҳуқуқий онги ва маданиятини ошириш, ички ва ташқи коммуникациясини йўлга қўйиш, ривожлантиришга қаратилган қатор фойдали лойиҳаларни амалга оширишдик деб ўйлайман. Натижада, халқнинг ишончини қозондик ва қозониб келяпмиз деган умиддан.

Очиқлик рейтинглари

Адлия вазирлигининг очиқлик рейтингларидаги ўрнида сезирларли ўзгаришларни қилдик. Хусусан, ўтган 6 йил давомида Олий Мажлис ҳузуридаги Ахборот соҳасини ва оммавий коммуникацияларни ривожлантириш масалалари бўйича жамоатчилик кенгашининг “Очиқлик рейтинги”да, Ахборот ва оммавий коммуникациялар агентлиги томонидан эълон қилинадиган давлат органлари ва ташкилотлари ахборот хизмати раҳбарларининг рейтингида, Коррупцияга қарши курашиш агентлиги томонидан эълон қилинадиган “Очиқлик индекси”да юқори натижаларни қайд этиб келдик. Бу натижалар, албатта, ўз-ўзидан қўлга киритилмади. Тинимсиз меҳнат, жамоавий бирдамликнинг яққол мисоли, кўрсаткичидир.

Медиа тадбирлар ва лойиҳалар

Ўтган вақт мобайнида кўплаб қатор матбуот анжуманлари, брифинглар, пресс-турлар, ҳудудлар бўйлаб турлар, “очиқ эшиклар” кунлари, ОАВ ва блогерлар учун семинар-тренинглар, журналистлар учун “Адлия“ танловлари ташкил этилди, қўлланмалар тайёрланди, тимбилдинг тадбирлар ўтказилди.

Пандемия даврида аҳолининг ҳуқуқий ахборотга бўлган эҳтиёжи ортишини инобатга олиб йўлга қўйилган ва ҳозирга кунга қадар давом этиб келаётган “Он-лайн мулоқот” лойиҳаси (вазирликнинг youtube ва facebook саҳифаларида тўғридан-тўғри узатилди), Адлия тизимидаги иқтидорли ёшлар ҳақида “Мустақиллик ёшлари”лойиҳаси, “Адлия халқ орасида” фестивали, “Бир мурожаат изидан”, “Адлия аралашгач”, “Сўраган эдингиз” каби рукнлар орқали тизимни халққа яқинлаштирувчи материаллар бериб борилди.

Телелойиҳалар

“Юридик клиника”, “Алоҳида назорат” кўрсатуви, “Ҳуқуқий ахборот” , “Менинг ҳуқуқим” кўрсатувлари йўлга қўйилди ва мунтазам эфирга узатилмоқда.

Ёш журналист кадрлар билан ишлаш

Адлия вазирлигининг Жамоатчилик билан алоқалар бўлими Президентнинг “Оммавий ахборот воситаларини қўллаб-қувватлаш ва журналистика соҳасини ривожлантириш чора-тадбирлари тўғрисида”ги қарорига асосан Ўзбекистон давлат жаҳон тиллари университети Халқаро журналистика назарияси ва амалиёти кафедрасининг “Жамоатчилик билан алоқалар ва ҳуқуқий журналистика” бўлими сифатида белгиланди. Кўплаб амалиётчиларга Адлия Ахборот хизмати мактаби учирмаси бўлиш имкони берилди.

Вазирлик фаолияти доимо жамоатчиликнинг диққат марказида бўлгани учунам 7/24 режимида ишладик.

Бўлимимизнинг кичик ва аҳил жамоаси билан медиа майдон портлаган, ёнган вақтларда керак бўлса “ўт ўчирувчи” бўлдик))).

Фурсатда фойдаланиб, шу давргача бўлган босқичда мен билан бирга елкама-елка туриб ишлаган, ҳар қандай вазиятда ўз маслаҳатию кўмагини аямаган, вақти келса оператив ишлаш жараёнида йўл қўйилган камчиликларимизга кўзларини юмиб бизга тўғри йўл кўрсатган устозу, ҳамкасбларимизга биргаликдаги фаолият учун миннатдорчилик билдираман.

Доимо саволларию сўровлари билан телефону, телеграмларимизни портлатиб, тиним билмай ҳуқуқий аҳборотлару, вазирлик фаолиятини ёритишда камарбаста бўлиб, биздан ўз кўмакларини аямаган, ўзларининг холис танқидлари билан тизим ривожига ўз ҳиссасини қўшган журналистлару кенг жамоатчилик вакилларига ўзимнинг чексиз ҳурматим ва миннатдорлигимни изҳор этаман.

Фаолиятимиз давомида биздан ўз кўмаклари ва маслаҳатларини аямай келаётган АОКА жамоасига алоҳида ташаккур!!! Ахборот хизмати институтини мавқеи ва нуфузини оширишда меҳнатларингиз катта.

#Adliya_tayinlov

Multimedia markaziga yangi rahbar tayinlandi

Sevara Urinbayeva joriy yilning 1-avgust kunidan “Adolat” milliy huquqiy axborot markazining multimedia boʻlimi boshligʻi lavozimiga tayinlandi. Tayinlovga qadar S.Urinbayeva Adliya vazirligi Jamoatchilik bilan aloqalar boʻlimi boshligʻi sifatida faoliyat yuritgan.

Multimedia boʻlimi faoliyati aholi barcha qatlamlarining huquqiy madaniyatini va savodxonligini oshirishga qaratilgan boʻlib, aholini qiynab kelayotgan huquqiy masalalar boʻyicha ishonchli va obyektiv axborot manbasi, eng asosiysi fuqarolar bilan samarali har tomonlama aloqa oʻrnatish mexanizmidir.

Multimedia boʻlimi huquqiy mavzularda audio va videokontentlar tayyorlab kelmoqda. Xususan, boʻlim tomonidan yoʼlga qoʻyilgan “Mahalla huquqshunosi”, “Huquqshunos oshxonasi”, “Isteʼmolchi advokati”, “Suhbatdosh”, “Tergovchi kundaligi” va boshqa bir qator loyihalar oʻz muxlislariga ega. Shuningdek, ijtimoiy roliklar, hayotiy hikoyalarga asoslangan syujetlar ham tayyorlanadi. Video mahsulotlar jamiyatda huquqiy ong va huquqiy madaniyatni yuksaltirishda munosib oʻringa ega.

Adliya vazirligi jamoasi S. Urinbayevani yangi lavozimga tayinlangani bilan muborakbod etadi va kelgusi ishlarida muvaffaqiyat tilaydi.

@adliyangiliklari

#Adliya_teleloyiha

Ayni vaqtda Adliya vazirligi va “Oʻzbekiston” telekanali tomonidan oʻzaro hamkorlikda yoʻlga qoʻyilgan “YURIDIK KLINIKA” koʻrsatuvi boshlandi. Koʻrsatuv “Oʻzbekiston” telekanali orqali jonli efirga uzatilmoqda.

Mavzu: Saylov qonunchiligi


📹 https://youtu.be/2nFqDrAsO18

#Adliya_teleloyiha

⚡️Adliya vazirligi va “Oʻzbekiston” telekanali tomonidan oʻzaro hamkorlikda yoʻlga qoʻyilgan “YURIDIK KLINIKA” koʻrsatuvi boshlandi. Koʻrsatuv “Oʻzbekiston” telekanali orqali jonli efirga uzatilmoqda.

Mavzu: Energiya tejamkorligi va muqobil energiya resurslari

Mavzu yuzasidan oʻz savollaringizni @yuridiklinikabot Telegram-boti yoki toʻgʻridan-toʻgʻri efir vaqtida 71-233-75-74 telefon raqamiga bogʻlanish orqali orqali yuborishingiz mumkin.

📹 https://www.youtube.com/watch?v=Wbwe9MSuAf4

#Yurist_ayol #Adliya_ayoli

Қашқадарёнинг олис ҳудуди Деҳқонобод туманидаги ФҲДЁ мудираси Озода Ашурова 30 йилдан буён одамларга ҳаётларининг энг муҳим ва ҳиссий дамларида кўмаклашиб келаётган аёлдир.

Унинг иши нафақат қонунларни чуқур билишни, балки чексиз сабр-тоқат ва ҳамдардликни ҳам талаб этади, чунки у туғилиш, никоҳ, вафот этиш ва бошқа кўплаб ҳаётий ҳодисалар билан боғлиқ масалалар устида ишлайди.

Озода Ашурова оддий юрист эмас, у ўзига ишонч билдирган одамлар тақдирининг ҳақиқий посбонидир. Унинг ишга бўлган садоқати адлия соҳасида меҳнат қилаётган ва халққа хизмат кўрсатаётган барча учун ибратдир.

П.С. Айнан мазкур лойиҳани тайёрлаш давомида тизимда ишлаган ва ишлаётган кўплаб фидойи ва ўз касбига садоқати баланд юрист аёллар талайгина эканини кўрдик. Улар ҳақида ҳам навбатма навбат ҳикоя қиламиз.

Батафсил 👉видеолавҳада танишинг

#Adliya_taqdimot

⚡️⚡️“Lex AI” – sunʼiy intellekt yordamida huquqiy masalalarga javob topishga koʻmaklashadigan yagona platformani taqdimoti boshlandi.

🖥 Onlayn-translyatsiya: https://www.youtube.com/embed/o8qLSh0stlY

📌 Kanalga ulanish