“Фуқаро – маҳалла – адлия” тизими

Адлия вазирлиги ташаббуси билан Тошкент шаҳридаги оммавий ахборот воситалари вакиллари учун пресс-тур ташкил этилди.

Президентимизнинг жорий йил 24 майдаги “Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида” ги фармони билан аҳолининг кундалик ҳаётида учрайдиган ҳуқуқий муаммоларини аниқлаш, уларни таҳлил қилиш ва бартараф этиш масаласи бўйича вазифалар ижроси бўйича танишишди.

“Адлия куни” доирасида Яшнобод туманининг "Беҳизор", "Ойдинкўл", "Тарновбоши", "Катта Янгиобод" маҳалла фуқаролари учун Тошкент шаҳар адлия бошқармаси ҳамда Яшнобод туман адлия бўлимиининг тегишли давлат идоралари билан ҳамкорликда сайёр қабули ташкил этилди.

Фуқароларнинг ҳуқуқий муаммоларини қабул қилиш асносида адлия органлари масъуллари ва давлат ташкилотлари вакиллари иштирокида сайёр ҳуқуқий (нотариус, ФҲДЁ, ЮХКМ ва ҳуқуқни муҳофаза қилувчи идоралар ва бошқа) хизматлар кўрсатилди.

#Адлия_ташаббус

Болаларни боғчага жойлаштириш янада соддалашди

Вазирлар Маҳкамасининг “Давлат хизматларини кўрсатиш тизими соддалаштирилганлиги, бюрократик тўсиқлар қисқартирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида” 2024 йил 3 июлдаги қарорига асосан қуйидаги янгиликлар жорий этилмоқда:

1. Электрон рақамли имзо калитини беришда жисмоний шахслар биометрик (Face-ID) идентификация қилинади ва электрон рақамли имзо калити автоматик тарзда расмийлаштириб берилади;

2. Қурилиши тугалланмаган объектга бирламчи кадастр паспортини шакллантиришда вафот этган шахснинг яқин қариндошларига унинг номидан мурожаат қилиш тартиблари белгиланди;

3. Болаларни давлат мактабгача таълим ташкилотига қабул қилиш учун расмийлаштирилган йўлланмаларни мактабгача таълим ташкилотига ахборот тизими орқали юбориш тартиби жорий этилди.

Бунда, йўлланма расмийлаштирилганда фуқароларга тасдиқ кодга эга хабарнома юбориш ва шу тасдиқ код асосида бола мактабгача таълим ташкилотига қабул қилинади.

Фуқароларга йўлланма олиш учун берилган сўровномадаги телефон рақамини исталган вақтда ўзгартириш имконияти яратилди.

Болаларни мактабгача таълим ташкилотига қабул қилиш давлат ташкилотларининг айби билан кечикканда йўлланма ўз кучида қолади.

4. Автомототранспорт воситаларини қайта жиҳозлаш учун рухсатнома бериш муддати автомототранспорт воситаларини давлат рўйхатидан ўтказиш муддати билан мувофиқлаштирилди ва автомототранспорт воситаларини қайта жиҳозлаш учун рухсатнома бериш муддати 10 кун этиб белгиланди.

5. Катта ҳажмли ва оғир вазнли юкларни автомобиль транспортида ташиш учун рухсатнома беришда аризани кўриб чиқиш муддати 8 иш кунидан 2 иш кунига камайтирилди.

6. Автомототранспорт воситасини бошқариш ҳуқуқини берувчи ишончномани электрон шаклда расмийлаштиришда мулкдорнинг Мажбурий ижро бюроси базасида қарздорлигини текшириш ахборот тизимлари орқали автоматик равишда амалга оширилиши белгиланди.

7. Фуқароларга Автомобиль транспортида йўловчиларни ташиш фаолиятига лицензия олиш жараёнида ўзини ўзи банд қилган шахсни давлат солиқ хизмати органларида рўйхатдан ўтказиш хизматидан композит усулда фойдаланиш имконияти яратилди.

Адлия вазирлиги
Жамоатчилик билан алоқалар бўлими

#Амал_қилинг

🔰 Жиноят кодексига кўра, қасддан одам ўлдириш 10 йилдан 15 йилгача озодликдан маҳрум қилиш билан жазоланади.

📝 Шунингдек, жавобгарликни оғирлаштирадиган ҳолатларда қасддан одам ўлдириш 15 йилдан 25 йилгача озодликдан маҳрум қилиш ёки умрбод озодликдан маҳрум қилиш жазоси билан жазоланади.

📜 Умрбод озодликдан маҳрум қилиш фавқулодда жазо чораси бўлиб, маҳкумни махсус тартибли жазони ижро этиш колониясига жойлаштириш орқали жамиятдан муддатсиз ажратиб қўйишдан иборатдир.

‼️Қонунни билмаслик жавобгарликдан озод қилмайди...

#Adliya_xabari

Adliya vazirligi Yevrosiyo patent tashkiloti bilan hamkorlikni yo‘lga qo‘ydi
 
Vazir o‘rinbosari M.Ikramov boshchiligidagi delegatsiya 2024-yilning 9–17-iyul kunlari bo'lib o'tayotgan Butunjahon intellektual mulk tashkilotiga a’zo davlatlar Bosh assambleyasi yig‘ilishining 65-sessiyasi doirasida Adliya vazirligi va Yevrosiyo patent tashkiloti (YPT) o‘rtasida hamkorlik memorandumini imzoladi.

Yevrosiyo patent tashkiloti mintaqaviy tashkilot bo‘lib, YPT 1995-yil 12-avgustda tashkil etilgan va ixtiro va sanoat namunalari sohasida ixtisoslashgan tashkilot hisoblanadi. Bugungi kunga qadar 8 ta davlat, xususan, Rossiya Federatsiyasi, Belarus, Qirgʻiziston, Qozogʻiston, Tojikiston, Ozarbayjon, Armaniston va Turkmaniston ushbu tashkilotning a’zosidir.

YPT patentlar bo‘yicha talabnomalarni ekspertizadan o‘tkazadi va YPTga a’zo bo‘lgan barcha davlatlarda bir xil kuchga ega bo‘ladigan ixtiro hamda sanoat namunalari uchun patentlarni taqdim etadi.

Ikki tomonlama hamkorlik bo‘yicha anglashuv memorandumida tomonlar qator yo‘nalishlarda, jumladan, ekspertiza jarayonlarini toʻliq raqamlashtirish boʻyicha tajriba almashish, intellektual mulk sohasida kadrlarni tayyorlash, intellektual mulk obyektlarini tijoratlashtirish bo‘yicha vakolatlari doirasida hamkorlik qiladi.

Mazkur memorandumni imzolanishi ikki tomonlama oʻzaro mustahkam va mutanosib aloqalarning oʻrnatilishi, sanoat mulki sohasida samarali va oʻzaro manfaatli tajriba almashish uchun huquqiy asos yaratadi.

@adliyangiliklari