Адлия ва спорт

Йил сарҳисоби. Бугун “Миллий спорт мукофоти-2023” маросими бўлиб ўтди. Маросимда ''Соғлом турмуш тарзини қўллаб-қувватлашдаги хизматлари учун'' номинациясида Адлия вазирлиги ғолиб дея топилди.

Вазирлик тизимида спорт ва соғлом турмуш тарзини тарғиб этиш бўйича нималар қилинган ва қилиняпти?

Масалан, 2023 йил давомида Адлия вазирлиги марказий аппарати ходимлари ўртасида спортнинг қатор йўналишлари бўйича 20дан ортиқ мусобақалар ташкил этилди.

Йил бошидан буён ташкил этилган спорт мусобақалари қуйидагилардан иборат:

- ''мини футбол'' бўйича вазирлик марказий аппарати ходимлари ўртасида сунъий қопламали майдонда футол мусобақаси;

- вазирлик марказий аппарати, адлия органлари ва муассасалари ходимларидан иборат жамоалар иштирокида ''Адлия вазири кубоги'' мусобақаси;

- стол тенниси бўйича вазирлик биринчилиги мусобақаси;

- шашка ва шахмат спорт турлари бўйича вазирлик биринчилиги турнири;

- вазирлик, идора ва қўмиталардан иборат жамоалар иштирокида футбол мусобақаси;

- вазирлик марказий аппарати, адлия оргаблари ва муассасаларидан ташкил топган жамоалар иштирокида ''Адлия спартакиадаси'' мусобақаси;

- спартакиада доирасида камондан ўқ отиш, узунликка сакраш, кросс, 4 кмга югуриш, теннис, футбол, арқон тортиш, армврестлинг каби спорт мусобақалари;

- вазирлик, идора ва қўмиталардан ташкил топган ''Спорт нормативларини бажариш'' мусобақасида адлия вазирлиги ғолиб ташкилотлар қаторида қайд этилди.

Адлия вазирлиги жамоаси соғлом турмуш тарзини тарғиб этишда давом этади.

Ушбу эътироф билан жамоамизни табриклаймиз. Ютуқлар бардавом бўлсин !

O‘zbekiston va Qirg‘iziston Respublikasi Adliya vazirliklari o‘rtasida 2024-2025-yillarga mo‘ljallangan Hamkorlik dasturi imzolandi

Joriy yilning 25-dekabr kuni O‘zbekiston Respublikasi Adliya vazirligi va Qirg‘iziston Respublikasi Adliya vazirligi o‘rtasida 1997-yilda imzolangan Hamkorlik bitimi doirasida 2024-2025-yillarga mo‘ljallangan Hamkorlik dasturi imzolandi.

Ikki vazirlik rahbarlarining onlayn uchrashuvi davomida mazkur dasturning tomonlar uchun ahamiyati, jumladan, o‘zaro hamkorlikni kengaytirish uchun tuzilgan ilk dastur ekanligi va muhim hamkorlik belgisi sanalishi alohida ta’kidlandi.

Dasturda belgilangan chora-tadbirlar o‘zining bugungi kundagi dolzarb masalalarga bog‘liqligi hamda ushbu hamkorlik yaqin kelajakda yuksak natijalarga erishish uchun ko‘prik vazifasini o‘tashi e’tirof etildi.

Dastur – notariat, advokatura, adliya tizimida raqamlashtirish, qonun ijodkorligi va bepul yuridik xizmat ko‘rsatish sohalari hamda boshqa ikki tomon uchun manfaatli sohalarni o‘z ichiga olgan. Unda hamkorlik doirasida ikki qardosh xalqning kelgusi faoliyati va uning rivojiga salmoqli hissa qo‘shilishi, mazkur davlat fuqarolarining yuridik xizmatdan foydalanishida yengillliklar yaratishi, shuningdek, o‘zaro tajriba almashish nazarda tutilgan.

Adliya vazirligida savdo yarmarkasi tashkil etildi

Yangi yil bayrami yaqinlashayotgani munosabati bilan Adliya vazirligi tizimi xodimlari uchun qishloq xo‘jaligi va oziq-ovqat mahsulotlari yarmarkasi tashkil etildi.

Savdo rastalari yangi va sifatli qishloq xo‘jaligi mahsulotlari, salqin ichimliklar, goʻsht, guruch, umuman olganda, bayram dasturxoni uchun eng kerakli noz-neʼmatlar bilan toʻldirildi.

Savdo yarmarkasini tashkil etishdan ko‘zlangan asosiy maqsad Adliya vazirligi tizimida faoliyat yuritayotgan xodimlarga vaqtdan unumli foydalanishlari uchun qo‘shimcha qulayliklar yaratish hisoblanadi.