#Диққат_эълон

📣Журналистлар ва блогерлар диққатига!

Эртага, 21 февраль куни соат 16:00 да Адлия вазирлиги томонидан АОКАда матбуот анжумани ўтказилади.

✅ Мавзу: Қонунчилик ҳужжатлари ва уларнинг лойиҳаларини тартибга солиш таъсирини баҳолаш, коррупцияга қарши экспертизадан ўтказиш

📲 Матбуот анжумани трансляциясини UzReport TV телеканали ва телеканалнинг YouTube ва Facebookдаги саҳифалари орқали ЖОНЛИ томоша қилинг.

👉 Ушбу матбуот анжуманига ОАВ вакилларини, мустақил журналист ва блогерларни таклиф қиламиз.

#Диққат_эълон

📣Журналистлар ва блогерлар диққатига!

Эртага, 3 март куни соат 12:00 да Адлия вазирлиги томонидан АОКАда матбуот анжумани ўтказилади.

✅ Мавзу: Ногиронлиги бўлган шахсларни қўллаб-қувватлаш тизимини такомиллаштиришга доир қонунчиликдаги янгиликлар

📲 Матбуот анжумани трансляциясини UzReport TV телеканали ва телеканалнинг YouTube ва Facebookдаги саҳифалари орқали ЖОНЛИ томоша қилинг.

👉 Ушбу матбуот анжуманига ОАВ вакилларини, мустақил журналист ва блогерларни таклиф қиламиз.

#Диққат_муҳим

📢Ҳурматли фуқаролар!

Маълумки, нотариуслар томонидан нотариал ҳаракатларни расмийлаштиришда зарур ҳужжат ва маълумотлар "ягона дарча" тамойили асосида тегишли идора ва ташкилотлардан электрон тарзда олинади.

Ўзбекистон Республикаси Ички ишлар вазирлигининг тегишли электрон базасида техник узилишлар кузатилаётганлиги сабабли, нотариуслар томонидан ушбу ахборот тизимидан автомототранспорт воситалари билан боғлиқ маълумотларни олиш имконияти чекланмоқда.

Шу муносабат билан, автомототранспорт воситалари билан боғлиқ нотариал ҳаракатларни амалга оширишда узилишлар кузатилиши мумкин.

Юзага келган ноқулайликлар учун узр сўраймиз.

#Диққат_муҳим

Юридик таълим соҳасига бефарқ бўлмаганлар диққатига📢

Бугун, 10 май куни соат 16:00 да Адлия вазирлиги юридик техникумлари фаолиятига оид муҳим масалалар бўйича “On-line” мулоқот бўлиб ўтади.

Асосий мақсад – юридик техникумлар фаолиятини такомиллаштириш, шу жумладан 2023/2024 ўқув йили учун қабул жараёнларини юқори савияда ташкил этиш масалаларини оммавий ахборот воситалари ва кенг жамоатчиликка етказиш.

Мулоқот вазирликнинг Facebook даги “Adliya билан мулоқот” гуруҳи ва You Tube даги “Adliya vazirligi Ministry of Justice” канали орқали тўғридан-тўғри эфирга узатилди.

Онлайн мулоқотда Адлия вазирлиги масъул ходимлари саволларга жавоб беради.

Мавзу юзаси бўйича саволларни @adliyaga_savolbot манзили орқали юборишингиз мумкин.

#Диққат_акция

✅ Адлия вазирлиги томонидан “Меҳнат ҳуқуқларимизни ўрганамиз“ ҳуқуқий акцияси ўтказилади.

⏳ Акция 2023 йил 1 июндан 1 августгача давом этади.

🔰 Мазкур ҳуқуқий акция доирасида қуйидагилар режалаштирилган:

📖 Меҳнат кодекси бўйича аввалги ва янги тартибларни қиёсий тушунтириш;

🧑‍🏫 меҳнат жамоалари, маҳаллалар ва кенг аҳоли ўртасида манзилли ҳуқуқий тарғибот тадбирлари;

👥 меҳнат ҳуқуқларини ҳимоя қилиш бўйича сайёр қабуллар;

🎧 ҳуқуқий аудиоподкаст;

🖥 меҳнат қонунчилиги бўйича Умуммиллий имтиҳон;

🎯бузилган меҳнат ҳуқуқларини тиклаш бўйича амалий чоралар;

📎 бепул онлайн ўқув курслари ва бошқа тадбирлар.

#Диққат_лойиҳа

❗️Давлат байроғидан фойдаланилиши мумкин бўлган ҳолатлар кенгаймоқда

"Ўзбекистон Республикасининг Давлат байроғи тўғрисида"ги Ўзбекистон Республикаси Қонунига ўзгартириш ва қўшимчалар киритиш ҳақида"ги қонун лойиҳаси жамоатчилик муҳокамасига қўйилди.

🔰 Қонун лойиҳасида, жумладан, қуйидаги янгиликлар назарда тутилган:

1️⃣ Давлат байроғидан фойдаланилиши мумкин бўлган ҳолатлар кенгаймоқда, жумладан:

▫️байроқ ва унинг тасвири туширилган белгилардан жамоат жойларида, биноларда, яшаш ёки иш жойларида, транспорт салонида;

▫️байроқдан спорт мусобақалари, оммавий, тантанали ва маданий тадбирларда, оилавий байрамларда, хотира саналарни нишонлашда, жамият ва давлат арбоблари, ҳарбий хизматчилар дафн маросимларида;

▫️байроқнинг тасвири туширилган белгилардан устки кийим-кечакни безатиш ёки Ўзбекистонга тегишлиликни белгилаш учун тижорий мақсадларда фойдаланиш мумкин.

2️⃣ Байроққа нисбатан ҳурматсизлик қилиш ҳолатлари аниқ белгиланмоқда, хусусан:

🔸байроқдан ва унинг тасвири туширилган белгилардан йиртилган, ифлосланган, тешилган, ранги оқарган ҳолда ва бошқа номақбул тарзда фойдаланиш;

🔸бирор-бир нарса учун устки ёпинғич сифатида фойдаланиш (дафн маросимларида фойдаланиш мустасно);

🔸столларга, ўриндиқларга, стулларга тўшаш ёки тасвирлаш, ундан қоплама сифатида фойдаланиш, ўтириладиган бошқа жойларга ёки оёқ остига тўшаш ёки тасвирлаш;

🔸кийим-кечак, дастрўмол ёки кўрпа-тўшак сифатида, буюмларни сақлаш ва ташиш учун фойдаланиш;

🔸байроқ тасвири туширилган белгиларни пойабзал, дастрўмол, кўрпа-тўшак, ички кийим-кечакга, сочиқларга, қутиларга (ўровларга), бир марта фойдаланиш ва ташлаб юбориш учун мўлжалланган буюмларга босиб чиқаришга ёки унинг тасвирини бошқача тарзда тушириш;

🔸байроқ ва унинг тасвири туширилган белгилардан одоб-аҳлоқ қоидалари ва жамиятда юриш-туриш қоидаларига зид равишда фойдаланиш мумкин эмас.

3️⃣ Давлат байроғидан ва унинг тасвири туширилган белгилардан юқоридаги ва Қонундаги бошқа талабларга мувофиқ фойдаланиш учун масъулият байроқдан фойдаланадиган жисмоний ва юридик шахслар, давлат органлари зиммасига юклатилади.

➡️ Муҳокамада қатнашиш: https://regulation.gov.uz/oz/d/81075

Барчани лойиҳа муҳокамасида фаол иштирок этишга чорлаймиз.

Каналга уланиш👇👇👇
https://t.iss.one/huquqiyaxborot

#Диққат_акция

✅ Адлия вазирлиги томонидан “Инсон ҳуқуқлари олий қадрият” ҳуқуқий акцияси ўтказилади.

⏳ Акция 2023 йил 30 июнга қадар давом этади.

👥 Ҳудудий адлия органлари томонидан маҳаллаларда оммавий сайёр қабуллар ташкил этилади.

🔰 Сайёр қабулларда:

🔹фуқароларнинг муаммоларини жойида ҳал этиш чоралари кўрилади;
🔹ўрганилиши талаб этиладиган мурожаатлар назорат тартибида кўриб чиқиш учун қабул қилинади;
🔹аниқланган қонунбузилиш ҳолатлари юзасидан тегишли таъсир чоралари қўлланилади;
🔹сайёр хизматлар (нотариус, давлат хизматлари, ФҲДЁ ва бошқалар) ташкил этилади.

#Диққат_лойиҳа

Тақиқловчи йўл белгилари жамоатчилик хабардор қилинганидан сўнг ўрнатилади ва йўл белгиларининг дислокацияси эълон қилиб борилади

Маълумотларга кўра, йўл ҳаракати хавфсизлиги соҳасида ҳар йили ўртача 7 млндан ортиқ турли қоидабузарлик ҳолатлари кузатилмоқда.

Ўз навбатида, ҳайдовчи ва пиёдаларнинг йўл ҳаракати шартлари ва ҳаракат режими ҳақида етарли маълумотга эга эмаслиги, йўл белгилари ўрнатилиши тўғрисида жамоатчилик олдиндан хабардор қилинмаслиги сингари омиллар қоидабузарликлар сонига таъсир қилмасдан қолмайди.

Йўл белгиларини ўрнатиш билан боғлиқ муносабатлар таҳлил қилинганда қуйидаги муаммолар аниқланди:

Биринчидан, йўл белгиларини ўрнатиш, ўзгартириш ёки олиб ташлашнинг ҳуқуқий асослари ва механизмлари аниқ белгиланмаган. Шу боисдан, жойларда ҳуқуқни қўллаш амалиёти турлича шаклланган бўлиб, йўл белгиларини тегишли асосларсиз ўрнатиш ҳолатлари мавжуд. Мисол учун, 2022 йил давомида туман ва шаҳар ҳокимларининг йўл белгиларини ўрнатиш тўғрисидаги 5 та қарори бекор қилинган.

Бундан ташқари, йўл белгилари етишмаслиги ҳамда ўз вақтида ўрнатилмаслиги оқибатида қатор автоҳалокатлар келиб чиқишига сабаб бўлган.

Масалан, ўтган йил давомида 9 902 та автоҳалокат содир этилган бўлиб, уларнинг 10,3 фоизи пиёдалар ўтиш жойининг ташкил этилмаганлиги, 2,2 фоиз ҳолатда эса светофор ёки йўл белгиси ўрнатилмаганлиги оқибатида келиб чиққан.

Шу билан бирга, мавжуд йўл белгиларининг аксарияти халқаро стандарт талабларига жавоб бермайди, шунингдек, йўлларда 200 мингта йўл белгиси етишмайди.

Иккинчидан, тақиқловчи йўл белгилари йўл ҳаракати қатнашчиларини олдиндан хабардор қилмасдан ўрнатилади.

Бундан ташқари, йўл белгилари ўрнатилишида очиқлик ва шаффофликни таъминлаш ҳамда таъсирчан жамоатчилик назоратини олиб бориш учун етарлича шарт-шароит яратилмаган. Хусусан, йўл белгиларининг реестрини юритиш ва дислокациясини эълон қилиб бориш амалиёти йўлга қўйилмаган.

Аниқланган муаммо ва камчиликларни бартараф этиш мақсадида Адлия вазирлиги томонидан қонун лойиҳаси ишлаб чиқилиб, у билан қуйидаги тартиблар ўрнатилмоқда:

1) тақиқловчи йўл белгилари ўрнатилишидан камида 20 кун олдин жамоатчилик хабардор қилинади;
2) йўл белгилари реестри шакллантирилади ҳамда реестрга киритилмаган тақиқловчи йўл белгилари ҳуқуқий оқибат келтириб чиқармайди;
3) йўл белгиларининг дислокацияси онлайн тарзда эълон қилиб борилади;
4) тақиқловчи йўл белгилари фақат Қорақалпоғистон Республикаси Вазирлар Кенгаши раиси, вилоят, туман (шаҳар) ҳокимининг қарори асосида ўрнатилади;
5) халқаро стандарт талабларига жавоб бермайдиган йўл белгилари мунтазам янгилаб борилади.

Агарда Сизда лойиҳа юзасидан фикр, мулоҳаза ва таклифлар мавжуд бўлса, ушбу ҳавола орқали муҳокамада фаол иштирок этишга чорлаб қоламиз.
👉https://regulation.gov.uz/oz/d/81246

#Диққат_эълон

❗️Адлия вазирлиги ишга таклиф этади

Президентнинг тегишли қарорига асосан Адлия вазирлигида Миллий қонунчиликни Жаҳон савдо ташкилоти битимларига уйғунлаштириш бошқармаси ташкил этилмоқда.

Вазирлик мазкур бошқармадаги қуйидаги бўш (вакант) лавозимларга талабгорларни ишга таклиф этади:

1️⃣ Бошқарма бошлиғи ўринбосари
2️⃣ Бош маслаҳатчи
3️⃣ Етакчи маслаҳатчи
4️⃣ Катта маслаҳатчи

📌 Номзодлар:

🔹юриспруденция ёки иқтисод мутахассислиги бўйича олий маълумотга эга бўлиши;
🔹давлат тилини ҳамда хорижий тилларни (рус ва инглиз тиллари) мукаммал билиши лозим.

📁 Мутахассислик бўйича камида 3 йил иш стажи, муқаддам бевосита фаолият йўналишида ишлаганлар ва халқаро ташкилотларда фаолият юритганлар афзалликка эга бўлади.

🔰 Меҳнат шароити ва иш ҳақи:

▫️Тошкент шаҳар марказида жойлашган, барча меҳнат шароитлари яратилган замонавий идора;
▫️иш режими: 5 кунлик иш ҳафтаси, икки кун дам олиш кунлари билан (шанба, якшанба);
▫️бошқа ҳудудлардан келган фуқароларга хизмат уйи берилади ёки ижара ҳақи қисман қопланади;
▫️муносиб иш ҳақи 15 миллионгача (мартаба даража-унвон, иш стажи, ойлик шахсий устама ва бошқалар);
▫️хорижда малака ошириш ва стажировка ўташ имконияти;
▫️қонун ҳужжатларида назарда тутилган мажбурий ижтимоий таъминот пакет;
▫️идоравий тиббий хизмат ва соғломлаштириш масканидан фойдаланиш имконияти мавжуд.

🗓 Номзодлар 2023 йил 20 июнгача вазирликнинг vacancy.adliya.uz веб-сайтида рўйхатдан ўтиши ҳамда шахсий профили орқали танловга тегишли ҳужжатларни электрон тақдим қилиши лозим.

📞 Маълумот учун телефон: 71-207-04-42.

➡️ Ишга қабул қилиш тартиби ва саволлар рўйхати билан https://adliya.uz/ ҳаволаси орқали танишишингиз мумкин.

⚠️ Адлия органлари ва муассасаларига ишга қабул қилиш тартиби бузилган тақдирда ёки коррупция ҳолатлари ҳақидаги хабарларни вазирликнинг 71-207-04-64 телефон рақамига ёки @antikorbot телеграм боти орқали беришингиз мумкин.

Каналга уланиш👇👇👇
https://t.iss.one/huquqiyaxborot