#Сўраган_эдингиз

🔹Экспертизачилар хонасидан ғайритабиий овозлар келиши ростми?

🔹Қандай экспертизани ўтказиш энг оғир ҳисобланади?

🔹ДНК натижалари сир сақланадими?

🔹Аёлнинг ҳомиладорлик чоғида ҳам ДНК ўтказиш мумкинми? Бу таҳлил аслида неча ёшдан бошлаб ўтказилади?

🔹ДНК таҳлилини аниқлаш учун қандай намуналар керак бўлади?

🔹Аноним экспертиза ҳам ўтказиладими?

🔹Соч толасидан ҳам ДНК ўтказиш мумкинми?

Давлат суд эксперти Баҳодир Аҳмедовдан ДНК экспертизаси бўйича ҳеч қаерда айтилмаган фактлар ҳақида билиб олишингиз мумкин!

Батафсил 👉https://youtu.be/8mYc57IpgoQ

Сизни қандай мавзулар қизиқтиради? Кейинги суҳбатдошимиз ким бўлишини истайсиз, изоҳларда қолдиринг!

#Bilasizmi

🗣Расмий ҳужжатларга электрон апостиль қўйиш бўйича давлат хизмати ҳақида биласизми?

✅ Ҳукумат қарорига (732-сон, 03.12.2021 й.) асосан Ўзбекистон Республикаси ҳудудида тузилган расмий ҳужжатларга электрон апостиль қўйиш тизими йўлга қўйилган.

📁 Ҳозирда Таълим сифатини назорат қилиш давлат инспекциясига доир таълим ва фан соҳасига тегишли расмий ҳужжатларга

🗂Тегишли ҳудуддаги адлия органлари ва муассасаларидан ҳамда фуқаролик ҳолати далолатномаларини қайд этиш органларидан чиқадиган расмий ҳужжатларга;

📝Судлардан чиқадиган расмий ҳужжатларга;

🟢Прокуратура, тергов, суриштирув ва терговга қадар текширувни амалга оширувчи органлардан чиқадиган расмий ҳужжатларга;

⚡️Шу билан бирга бошқа расмий ҳужжатларга Ташқи ишлар вазирлиги томонидан апостиль қўйиш бўйича давлат хизматидан фойдаланишингиз мумкин.

💻Мурожаатлар қабул қилинади:
— Давлат хизматлари марказлари;
— ЯИДХП – my.gov.uz орқали;

💸Сўровномани кўриб чиқиш учун мурожаат этувчидан БҲМнинг 20 фоизи миқдорида йиғим ундирилади.

❕ ЯИДХП орқали мурожаат этилганда, йиғим суммасининг 90 фоизи ундирилади.

⏳ Сўровнома расмий ҳужжатлар тақдим этилган кундан бошлаб 2 иш куни ичида (зарур ҳолларда, 10 иш куни ичида) кўриб чиқилади.

☑️ Расмий ҳужжатга электрон апостиль қўйиш билан боғлиқ барча жараёнлар “E-App” ва “E-register” дастурларидан фойдаланган ҳолда амалга оширилади.

#Adliya_munosabat

⚡️Учкўприк туманида фермерлар ҳокимият биносига чақирилиб, ўз ерларидан “ихтиёрий” воз кечиш юзасидан ариза расмийлаштирилганлиги аниқланди

Президент Фармонига асосан жорий йил 1 сентябрдан бошлаб ер участкасидан ихтиёрий воз кечиш тўғрисидаги ариза фақат нотариал тартибда тасдиқланиши қатъий белгиланган, ер участкасига бўлган ҳуқуқнинг маҳаллий давлат ҳокимияти органлари қарори билан бекор қилиниши мумкин эмас.

Мазкур тартиб фермерларни мажбуран ерини топширтириш, бўш оқ қоғозга имзо чекдириш ёки фермер номидан бошқа шахс имзо қўйиши каби йиллар давомида учраб келган амалиётларга чек қўйиш, шунингдек, исталган пайтда фуқаро ва тадбиркорлик субъектларининг ерга бўлган ҳуқуқларини ҳар хил йўллар билан бекор қилишга йўл қўймаслик мақсадида жорий этилган.

Яъни ихтиёрийлик шахснинг ҳақиқатан асл хоҳиш-иродасининг ифодаси эканлигини тасдиқлаш мураккаб ҳуқуқий жараён эканлигини инобатга олиб, бу муҳим вазифа нотариусларга юклатилган.

Бироқ, жорий йилнинг 13 октябрь куни Фарғона вилояти Учкўприк тумани ҳокимлиги биносига чақиртирилган нотариус М.Э. томонидан ер ижара шартномаларини бекор қилинишини сўраб 16 та фермер хўжалиги раҳбарларидан ҳоким номига ёзилган аризалар тасдиқлаганлиги маълум бўлди.

Яъни, нотариус ҳам ва фермер хўжаликлари раҳбарлари ҳам бевосита туман ҳокимлиги биносига чақиртирилган бўлиб, аризаларни нотариал тасдиқлаш туман ҳокимлиги биносида юз берган.

Бундан ташқари, фермерларнинг аризалари билан боғлиқ нотариал ҳаракатни амалга ошириш, жумладан давлат божи ва бошқа тўловлар Учкўприк тумани ҳокимлиги ходими Ш.М. иштирокида амалга оширилган.

Бундай амалиёт юқоридаги Фармон мақсадига, мазмун-моҳиятига, унда белгиланган тартиб ва принципларга зиддир.

Маъмурий бинога чақиртирилиб, ҳокимлик ходимлари иштирокида ушбу нотариал ҳаракатларнинг амалга оширилиши фермерларнинг асл хоҳиш-иродасини ифода этишига халақит қилувчи катта тўсиқ сифатида қаралиши лозим.

Қолаверса, 16 та фермернинг бир вақтда бирваракайига ерни топшириш қарорига келганлиги ва бир вақтда ариза ёзиш мақсадида нотариусга мурожаат қилиш ҳолати тасодиф бўлиши мумкин эмас.

Шунга асосан Адлия вазирлиги томонидан 13 октябрь куни 16 та фермер хўжалиги раҳбарларининг аризаларини бекор қилиш чоралари кўрилмоқда. Ушбу аризалар асосида ерларни туман ҳокимлиги захирасига олиб қўйиш амалга оширилмаслиги назоратга олинди.

Ўз ўрнида, ҳокимлик мансабдор шахсларининг хатти-ҳаракатларига қонуний баҳо бериш юзасидан прокуратура органларига мурожаат қилинди.

Адлия вазирлиги ҳуқуқий муносабатлар барқарорлиги, ерга бўлган ҳуқуқларнинг таъминланиши қишлоқ хўжалиги ривожланиши учун энг муҳим шартларидан бири эканлигини таъкидлайди.

Шу муносабат билан маҳаллий давлат ҳокимияти органлари мансабдор шахсларига қонунчилик ҳужжатлари талаблари, айниқса юқоридаги Фармон мазмун-моҳиятидан келиб чиқиб зид фаолият юритганлик учун жавобгарлик мавжудлигини эслатиб ўтамиз.

📣Ҳурматли фермерлар!

Агар сизга нисбатан ер ҳуқуқларингиздан ихтиёрий воз кечиш бўйича мажбурлаш ёки бошқа кўринишдаги босимларга дуч келсангиз, яъни мазкур ҳаракатлар ўз ихтиёрингизга қарши амалга оширилаётган бўлса, дарҳол адлия органларига мурожаат қилишингизни сўраймиз!

Адлия вазирлиги
Жамоатчилик билан алоқалар бўлими

⚡️Давлат фуқаролик хизматчилари одоб-аҳлоқининг намунавий қоидалари тасдиқланди

Вазирлар Маҳкамасининг тегишли қарори билан Давлат фуқаролик хизматчилари намунавий қоидалари ҳамда Одоб-аҳлоқ комиссияси тўғрисидаги намунавий низом тасдиқланди.

Низом билан касбий фаолиятга оид, хизмат фаолиятига оид ҳамда хизматдан ташқари одоб-аҳлоқ қоидалари тартибга солинади.

Намунавий қоидаларга мувофиқ, давлат фуқаролик хизматчилари меҳнат фаолияти давомида ва ишдан ташқари вақтда хулқ-атворнинг қуйидаги умумий қоидаларига амал қилиши лозим:

▫️давлат хизматининг обрўсига путур етказиши мумкин бўлган хатти-ҳаракатлардан тийилиш;

▫️масъулият, касбига садоқат ва ҳалолликни кундалик шиорга айлантириш;

▫️мураккаб вазифаларни бажаришда ҳамкасбларига кўмаклашиш ва б.

❗️Давлат органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ва бошқа ташкилотлар жорий йилнинг 25 октябрь санасига қадар ўз фаолияти хусусиятларини ҳисобга олган ҳолда одоб-аҳлоқ қоидаларини тасдиқлайди.

https://t.iss.one/Rasmiy_xabarlar_Official

#Bilasizmi

Ҳуқуқий билимларингизни kurslar.huquqiyportal.uz орқали оширинг!

Батафсил 👉 https://www.youtube.com/watch?v=NlprMK3BrFI

#Munosabat

Ijtimoiy tarmoqlarda Yashnobod tumani Davlat xizmatlari markazida navbatlar bilan bogʻliq xabar tarqaldi.

Ushbu xabarda keltirilgan masala yuzasidan Toshkent shahar Adliya boshqarmasi tomonidan quyidagicha munosabat bildiriladi:

Joriy yilning 17-oktabr kuni soat 16:09 da fuqaro R.Sh Yashnobod tuman Adliya boʻlimi Davlat xizmatlari markaziga kadastr pasportini tayyorlash xizmatidan foydalanish uchun tashrif buyurgan va soat 17:15 da fuqaroga davlat xizmati koʻrsatilib ariza rasmiylashtirilgan va vakolatli organga elektron tarzda yuborilgan.

Ammo, ushbu vaqt oraligʻida fuqaro markaz xodimiga murojaat etib, navbatda ko'p turib qolganligidan e'tiroz bildirgan, shu o‘rinda markaz xodimi fuqaroga Oʻzbekiston Respublikasi Adliya vazirining 2022-yil 1-iyundagi 118-um-son buyrugʻi bilan tasdiqlangan Davlat xizmatlarini navbatsiz olish uchun ixtiyoriy pullik xizmat miqdori belgilanganligi to‘g‘risida ma’lumot va tushuntirish bergan.

Ushbu tushuntirishlarga qaramay R.SH tomonidan ijtimoiy tarmoqlarda qolgan fuqarolar “4-5 soatdan beri kutmoqda, baʼzilar esa 2 kunlab qatnamoqda” deb yolgʻon maʼlumot tarqatilgan.

Maʼlumot uchun: Maʼmuriy javobgarlik toʻgʻrisidagi kodeksning 202-2-moddasiga koʻra yolgʻon axborotni tarqatish BHMning 50 baravari miqdorda jarima solishga sabab boʻladi.

#Биласизми

⚡️Чет эл фуқаролари ва фуқаролиги бўлмаган шахслар учун пенсия

🔷 Ўзбекистон Республикасида доимий яшаб турган чет эл фуқаролари ва фуқаролиги бўлмаган шахслар, Ўзбекистон Республикаси фуқаролари билан тенг равишда пенсия олиш ҳуқуқига эгадирлар.

#Bilasizmi

⚡️Уй-жой сотиб олганда нималарга эътибор бериш керак?

Батафсил 👉 https://youtu.be/uhLqSZAGiOk

⚡️Nostrifikasiya qanday hollarda to‘g‘ridan to‘g‘ri (sinovlarsiz) amalga oshiriladi?

🔅Xorijiy davlatlarda ta’lim olganlik to‘g‘risidagi hujjatlarni tan olish quyidagi hollarda to‘g‘ridan to‘g‘ri (sinovlarsiz) amalga oshiriladi:

📃Xorijiy davlatlarda umumiy o‘rta, o‘rta, o‘rta maxsus, kasb-hunar va malaka oshirish ta’limi olgan talabgorlarning xorijiy davlatlarda ta’lim olganlik to‘g‘risidagi hujjatlari;

🏢O‘zbekiston Respublikasi hududida alohida bo‘linmalari (filiallari) va qo‘shma ta’lim muassasalari faoliyat yuritayotgan xorijiy ta’lim muassasalarida ta’lim olgan talabgorlarning hujjatlari;

📈O‘zbekiston Respublikasi Oliy va o‘rta maxsus ta’lim vazirligi hamda Davlat inspeksiyasining qo‘shma qarori bilan ro‘yxati har yili tasdiqlanadigan xalqaro e’tirof etilgan tashkilotlarning reytingida oliy ta’lim muassasalari orasida birinchi 1 000 o‘rinni egallagan xorijiy oliy ta’lim muassasalarida ta’lim olgan talabgorlarning hujjatlari;

📒Tizimida oliy ta’lim muassasalari bo‘lgan O‘zbekiston Respublikasi vazirliklari va idoralarining yo‘llanmalari asosida mutaxassislarni maqsadli tayyorlash uchun xorijiy davlatlar tomonidan ajratilgan kvotalar (grantlar) hisobidan ta’lim olgan talabgorlarning hujjatlari;

📕1992-yil 1-yanvargacha xorijiy ta’lim muassasalariga o‘qishga kirgan talabgorlarning hujjatlari;

📗Oliy ta’limda sifatni kafolatlash Yevropa assotsiatsiyasining to‘laqonli a’zolari — vakolatli tashkilotlar tomonidan akkreditatsiya qilingan ta’lim muassasalarida ta’lim olgan talabgorlarning hujjatlari, ro‘yxati O‘zbekiston Respublikasi Vazirlar Mahkamasi tomonidan belgilanadigan yo‘nalishlar, mutaxassisliklar va kasblar bundan mustasno;

📘Amerika Qo‘shma Shtatlari, Avstraliya Ittifoqi, Isroil Davlati, Kanada, Singapur Respublikasi, Koreya Respublikasi, Yaponiya davlatlarining ushbu davlatlar vakolatli tashkilotlari tomonidan akkreditatsiya qilingan ta’lim muassasalarida ta’lim olgan talabgorlarning hujjatlari, ro‘yxati O‘zbekiston Respublikasi Vazirlar Mahkamasi tomonidan belgilanadigan yo‘nalishlar, mutaxassisliklar va kasblar bundan mustasno;

📙xorijiy oliy ta’lim muassasalarida mutaxassislarni maqsadli tayyorlash uchun O‘zbekiston Respublikasi vazirliklari va idoralari tomonidan ajratilgan mablag‘lar hisobiga ta’lim olgan talabgorlarning hujjatlari;

📓O‘zbekiston Respublikasining xalqaro shartnomalari, O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlarida nazarda tutilgan hollarda ta’lim olganlik to‘g‘risidagi hujjatlar.

Kanalga ulanish👇👇👇
https://t.iss.one/davxizmat

#Davlat_xizmatlari_raqamlarda

💻Жорий йил 9 ойи давомида Давлат хизматлари марказлари ва ЯИДХП орқали аҳоли ва тадбиркорлик субъектларига 8,5 млн.дан ортиқ давлат хизматлари кўрсатилди

📌Бу ўтган йилнинг шу даврига нисбатан 6.56 фоизга кўп деганидир.

📊Батафсил инфографикада 👆👆👆

#Adliya_yangiliklari

"SNOS"ga tushgan uyga kompensatsiya miqdori 1,5 milliardga baholandi.

Fuqaro M.T Bektemir tumani adliya bo‘limiga o’ziga tegishli bo‘lgan uy-joyi joylashgan yer uchastkasi davlat va jamoat ehtiyojlari uchun olib qo‘yilganligi va evaziga tuman hokimligi tomonidan kompensatsiya puli yoki yer uchastkasi o‘rniga avvalgi huquq turlari saqlangan holda teng miqdorda yer uchastkalarini ajratish belgilangan bo‘lsada, ushbu masala ayrim sabablarga ko‘ra ochiq qolib kelayotganligidan norozi bo’lgan. Mazkur holat yuzasidan fuqaroning manfaatlarida Bektemir tumani adliya bo‘limi tomonidan Fuqarolik ishlari bo‘yicha Mirobod tumanlararo sudiga da’vo arizasi kiritildi.
Mazkur sudning xal qiluv qarori bilan fuqaro M.T. foydasiga 1,5 milliard so‘m miqdordagi kompensatsiya pul mablag’lari to‘lab berilishi lozimligi belgilandi.


Kanalga ulanish👇👇👇
https://t.iss.one/toshadliya

#Adliya_tabrigi

🇺🇿 Adliya vazirligi barcha yurtdoshlarimizni 21 oktyabr O‘zbek tili bayrami kuni bilan samimiy muborakbod etadi!

Kanalga ulanish👇👇👇
https://t.iss.one/huquqiyaxborot_lotin

#Тил_тест

Давлат тили ҳақида 30 тест

21 октябрь – Ўзбек тили байрами муносабати билан Адлия вазирлиги томонидан ўтказилаётган тест синовида фаол иштирок этинг.

🖥 30 та тест саволига жавоб топинг! Уни ишлаш учун бир неча дақиқа кифоя. Ўз билимингизни синовдан ўтказинг.

➡️ Тест саволларини ишлаш учун: t.iss.one/QuizBot?start=ICgvrpsb

Каналга уланиш👇👇👇
https://t.iss.one/huquqiyaxborot

#Adliyadan_qulaylik

❗️Адлия вазирлиги томонидан контрафакт маҳсулотлар каталогининг доимий янгиланиб борувчи электрон шаклини QR-код орқали маълумот олиш имконияти яратилди.

Мазкур контрафакт маҳсулотлар каталогинининг электрон шаклига йўналтирувчи QR-код “Korzinka”, “Makro” каби супермаркетларда ҳамда Адлия вазирлигининг давлат хизматларини кўрсатиш марказлари биноларида, “Ўзстандарт” агентлигининг маҳсулотларга мувофиқлик сертефикатини бериш биноларида, шунингдек республика ҳудудидаги барча чегара ва ТИФ божхона постларига жойлаштирилди.

Эндиликда исталган шахс контрафакт маҳсулотлар ҳақида эркин маълумот олиши мумкин.

#Қонунчиликдаги_янгиликлар

Фирибгарликни ахборот технологияларидан фойдаланиб содир этганлик учун жавобгарлик кучайтирилди

"Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонун Президент томонидан имзоланди (ЎРҚ–794-сон, 19.10.2022 й.)

🔰 Қонун билан Жиноят кодексига киритилган ўзгартишларга кўра, фирибгарликни ахборот тизимидан, шу жумладан ахборот технологияларидан фойдаланиб содир этганлик учун жавобгарлик кучайтирилди.

❗️ Эндиликда ушбу қилмиш БҲМнинг 300 бараваридан 400 бараваригача жарима ёки 2 йилдан 3 йилгача ахлоқ тузатиш ишлари ёхуд муайян ҳуқуқдан маҳрум этиб 5 йилдан 8 йилгача озодликдан маҳрум қилиш билан жазоланади.

☑️ Маъмурий жавобгарлик тўғрисидаги кодексга моддий маданий мерос объектларига нисбатан ҳурматсизлик билан муносабатда бўлганлик учун жавобгарлик киритилди.

❗️ Ушбу ҳуқуқбузарлик оғирлаштирувчи ҳолатларда 15 сутка маъмурий қамоққа олишга ёки БҲМнинг 20 бараваридан 30 бараваригача жарима солишга сабаб бўлади.