#Биласизми #vahimasizkarantin
Коронавирусни антибиотиклар билан даволаш мумкинми?

1. Тожсимон (коронавирус) вирус қандай пайдо бўлади?

– Бу вирус юққан одамдан соғлом одамга қуйидаги ҳолатларда юқади:
- Аксириш, йўтал ва нафас чиқариш пайтида оғиз ва бурундаги томчилар орқали;
- Томчилар билан микробланган кишининг юзаларини ёки жисмни ушлаб, кейин ўша қўл билан кўз, бурун ёки оғизни ушлаш;

2. Тожсимон вирусга қарши зардоб (вакцина) борми?

Ҳозирча бу вирусга қарши зардоб йўқ, чунки бу янги вирус бўлиб, шу пайтгача фанга маълум эмас эди. Ҳозирги кунда вакцина ишлаб чиқиш бўйича тадқиқотлар олиб борилмоқда.


3.Тожсимон вирусга қарши муолажа борми?

Тожсимон вирус сабабли юзага келаётган касалликка қарши бирор муайян муолажа йўқ. Лекин унинг баъзи аломатларини (симптомларини) муолажа қилиш мумкин. Шунингдек, беморга клиник муолажа қўлланилади.


4.Тожсимон вирусни антибиотиклар билан даволаш мумкинми?

Йўқ, антибиотиклар вирусларга қарши қўлланилмайди. Улар фақат бактериал инфекцияларга қарши фойда беради. Антибиотиклар тожсимон вирусдан сақланиш ёки даволаниш учун восита сифатида ишлатилмаслиги керак.

#Биласизми #Сўраган_эдингиз

Карантин даврида ишдан четлатилган ходимга нафақа тўланадими?

Қонунчиликка кўра, агарда ходим карантин вақтида санитария-эпидемиология органлари томонидан атрофидаги шахслар орқали юқумли касалликка чалиниш хавфини олдини олиш мақсадида ишдан четлатилган бўлса давлат ижтимоий суғуртаси бўйича нафақа берилади.

Вақтинча меҳнатга қобилиятсизлик нафақаси меҳнатда майиб бўлган ва касб касаллигига чалинганда иш ҳақининг тўлиқ миқдорида, бошқа ҳолларда эса иш ҳақининг 60 фоизидан 100 фоизигача миқдорда тўланади .

Бундай нафақанинг энг кам миқдори меҳнатга ҳақ тўлаш энг кам миқдори (679 минг 330 сўм)нинг 35,2 фоизидан, яъни 239 минг 124 сўмдан оз бўлмаслиги ва нафақа ҳисоблаб чиқариладиган иш ҳақи миқдоридан ортиб кетмаслиги лозим.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

⚡️ Юридик шахс ташкил этмасдан хусусий нотариус бўлиш мумкин

“Нодавлат нотариал фаолиятни тартибга солувчи норматив-ҳуқуқий ҳужжатларни тасдиқлаш тўғрисида” Ҳукумат қарори (156-сон, 16.03.2020 й.) қабул қилинди.

Қарор билан Хусусий амалиёт билан шуғулланувчи нотариуслар фаолиятини ташкил этиш тартиби тўғрисидаги низом тасдиқланди.

Унга кўра, хусусий нотариус фаолиятини лицензиялаш, уларни ҳисобга қўйиш ва ҳисобдан чиқариш Қорақалпоғистон Адлия вазирлиги, ҳудудий адлия бошқармалари томонидан амалга оширилади.

Хусусий нотариус юридик шахс ташкил этмасдан фаолият юритади, банкда ҳисобварақ очади, ходимлар билан меҳнат шартномаси тузади, иш фаолиятини ташкил этиш учун мутахассислар ва юридик шахслар билан фуқаролик-ҳуқуқий шартномалар тузиш ҳуқуқига эга.

Хусусий нотариус ўз фаолиятини бошлашдан олдин фуқаролик жавобгарлигини мажбурий суғурта қилдириши шарт.

Нотариуснинг номида “хусусий амалиёт билан шуғулланувчи нотариус” сўзлари бўлиши, тегишли туман, шаҳар кўрсатилиши лозим.

Хусусий нотариуснинг муҳри Адлия вазирлиги томонидан тасдиқланган ягона намунага мувофиқ тайёрланади.

Хусусий нотариус стажёр, ёрдамчи, котиб, нотариал фаолиятни ташкил этиш билан боғлиқ бошқа ходимларга (таржимон, курьер ва б.) эга бўлиши мумкин.

Хусусий нотариус ўзининг иш ва дам олиш вақтини мустақил белгилайди.

Нотариал ҳаракатлар “Нотариус” автоматлаштирилган ахборот тизими орқали амалга оширилади.

Хусусий нотариус томонидан ундириладиган тушумлар давлат бюджетига солиқлар ва бошқа тўловлар тўлангандан сўнг нотариуснинг тасарруфига ўтади.

Каналга уланиш👇👇👇
https://t.iss.one/huquqiyaxborot

#Адлия_хабари
Адлия органлари коронавирусга қарши қандай курашмоқда?

Мамлакатимизда коронавирусдан огоҳлик эълон қилинган ушбу кунларда адлия органлари ва муассасаларида ҳам вирусга қарши кураш бўйича қатор чора-тадбирлар амалга оширилмоқда.

Чунки адлия ташкилотлари аҳоли билан фаол мулоқот қиладиган органлардан ҳисобланиб, айрим таркибий тизимлар, хусусан, давлат хизматлари марказлари, нотариат идораларида аҳоли кўп тўпланиши, шунингдек, адлия бўлимларида фуқаролар мурожаатлари билан ишлашда бевосита мулоқот қилиш эҳтиёжи мавжудлиги ушбу чора-тадбирларни тақозо қилмоқда.

Биринчи навбатда, одам кўп тўпланадиган жойларда вирусдан ҳимояланиш тадбирлари ишлаб чиқилди. Хусусан, Тошкент шаҳридаги 11 та Давлат хизматлари марказларида Давлат санитария-эпидемиология назорати маркази мутахассисларини жалб қилган ҳолда профилактик дизинфекция ишлари амалга оширилди. Ходимлар тиббиёт ниқоблари ва зарур гигиена воситалари билан таъминланди, келувчиларга ҳам дезинфекцияловчи гел, спирт ва тиббиёт ниқоблари таклиф қилинмоқда.

ДХМларга бевосита мурожаат қилувчилар сонини камайтириш учун хизматларни онлайн олиш мумкинлиги фуқароларга тавсия қилинмоқда. Бунинг учун my.gov.uz сайтидан фойдаланиш мумкин. Айрим хизматларни олишда (масалан, СТИР рақами ҳақидаги маълумотномани) электрон рақамли имзо ҳам талаб қилинмайди.

Бундан ташқари, адлия органларига фуқаролар мурожаатини “call-center” ёки виртуал тарзда, яъни сайт орқали амалга ошириш мумкинлиги эслатилмоқда. Бевосита ўзи мурожаат қилган фуқаролар билан тиббий ниқоб таққан ҳолда мулоқот қилинмоқда.

Шунингдек:
- вирусга қарши тарғибот чоралари кучайтирилди. Хусусан, бу борадаги тавсияларни, инфекция аломатлари ва унга қарши чоралар ҳақидаги инфографикаларни алоҳида плакатларда иш жойларида кўзга кўринарли жойларда осиб қўйилди;

- адлия органлари ва муассасалари томонидан мажлис ҳамда бошқа тадбирлар ўтказилиши вақтинчалик тўхтатилди;

- ҳужжатлар билан ишлашда имкон қадар масофадан туриб (локал тармоқ, ижтимоий тармоқ орқали) ишлаш йўлга қўйилди;

- карантин вақтида ёлғон ва текширилмаган, одамларда ваҳима яратадиган хабарлар тарқатадиган шахсларга нисбатан қонунчилик доирасида жиноий жавобгарликкача бўлган чоралар борлиги ҳақида тарғибот қилиш йўлга қўйилди;

- иш жойлари, шу жумладан давлат хизматлари марказларида биноларни дезинфекция қилиш чора-тадбирлари амалга оширилди.

Бундан ташқари,
- ходимларнинг меҳнат қилиш, дам олиш тартибига доир санитария ва гигиена нормативларига риоя этиш ишлари қаттиқ назорат остига олинди;
- айрим шахслар вақтинча ишдан четлаштирилди (больничний);
- меҳнатни муҳофаза қилишга оид талабларни бузганликда айбдор ходимлар интизомий жавобгарликка тортилиши ҳақида огоҳлантирилди.

Адлия органлари ва муассасаларида коронавирусга қарши юқори даражада огоҳлик режими давом этмоқда.

Адлия вазирлиги
Жамоатчилик билан алоқалар бўлими

Боғча ва мактаблар ёпилди. Ишлайдиган ота-оналарга таътил бериладими?

Карантин муносабати билан боғча ва мактаблар ёпилган тақдирда ота-оналардан бири 6 ёшгача бўлган фарзандига қараб туриш учун 14 кунгача муддатга таътил олиши мумкин.
Бу ҳақда Адлия вазири ўринбосари Акбар Тошқулов Kun.uz мухбири билан суҳбатда маълум қилди.

👉 Мақолани ўқиш

📹 Тўлиқ видео

Kun.uz Telegram каналлари👇

Ўзбекча | O‘zbekcha | Русская

Ваҳимадан хиёнатгача бир қадам

https://kun.uz/67370543

#Adliya_hudud #Бир_мурожаат_изидан
Нафақа масаласида адолат бўлиши керак

📌 Муаммонинг илдизи қанча барвақт аниқланса, уни бартараф этиш ҳам шунча осон кечади. Дарҳақиқат, инсон ўз манфаати йўлида яшайди, елиб-югуради, ёшликдан то кексайгунига қадар моддий эҳтиёжларини ҳисобга олади. Бу оддий ҳаёт ҳақиқати.

Адлия бўлимларига келиб тушаётган мурожаатларни кузатар экансиз, иш ҳақи ва пенсия, нафақа тайинлаш масалаларидаги адолатсизлик кўнгилни бироз ҳира қилади. Шу ўринда эътиборингизни Наманган шаҳар адлия бўлимига келиб тушган мурожаатга қаратмоқчиман.

Фуқаро С. Алимов бир неча кун аввал Бюджетдан ташқари пенсия жамғармаси Наманган шаҳар бўлимининг қароридан норози бўлиб ҳамда ортиқча ҳисобланган пенсияни ундиришни тўхтатишда амалий ёрдам сўраб Наманган шаҳар адлия бўлимига мурожаат қилган.

Мурожаатни кўриб чиқиш жараёнида фуқаронинг пенсия ишига оид ҳужжатлари пенсия бўлими томонидан ўрганилиб, гарчанд фуқаро томонидан нотўғри ҳужжатлар тақдим этилган бўлмасада, орадаги иш ҳақи мавжуд бўлмаган ойларини ҳисобга олмай иш ҳақи олинган ойга ўтказиб келинганлиги сабабли қайта ҳисоб-китоб қилинганлиги, натижада 2011-2018 йиллар оралиғида жами 4 751 474 сўм ортиқча пенсия ҳисоблангани аниқланиб, пенсия жамғармаси шаҳар бўлимининг 2019 йил 21 июндаги 90-сонли қарори билан фуқародан жами 4 751 474 сўм ортиқча ҳисобланган пенсия миқдорини ундириш белгиланган.

Ваҳоланки, Ўзбекистон Республикасининг Фуқаролик кодекси 15-моддасида давлат органлари, фуқароларнинг ўзини ўзи бошқариш органлари ёки ушбу органлар мансабдор шахсларининг ғайриқонуний ҳаракатлари (ҳаракатсизлиги), шу жумладан давлат органи ёки фуқароларнинг ўзини ўзи бошқариш органлари томонидан қонун ҳужжатларига мувофиқ бўлмаган ҳужжат чиқарилиши натижасида фуқарога ёки юридик шахсга етказилган зарар давлат томонидан ёки фуқароларнинг ўзини ўзи бошқариш органи томонидан тўланиши кераклиги, давлат органлари, фуқароларнинг ўзини ўзи бошқариш органлари мансабдор шахсларининг айби билан етказилган зарарларни қоплаш суднинг қарори билан шу мансабдор шахслар зиммасига юкланиши мумкинлиги белгиланган.

Мурожаат атрофлича ўрганилиб, адлия бўлими томонидан Наманган шаҳар маъмурий судига ариза киритилиб, суднинг ҳал қилув қарорига кўра Бюджетдан ташқари пенсия жамғармаси Наманган шаҳар бўлимининг юқоридаги қарори ҳақиқий эмас деб топилди. Натижада, жамғарманинг Наманган шаҳар бўлими зиммасига ортиқча ҳисобланган 4 751 474 сўм пенсия миқдорини фуқародан ундирмаслик мажбурияти юклатилди.

✅ @adliyangiliklari

✅Адлия вазирлиги: Коронавирусдан сақланинг!

Telegram | Facebook | Youtube

#Сўраган_эдингиз #Онлайн_маслаҳатчи
Қарз олмоқчимисиз? Ёки қарз бермоқчимисиз? Буни қонуний расмийлаштириш керак.

#Adliya_hudud

Пайсалга солинган ҳоким қарори суддан кейин қабул қилинди

Пайариқ тумани Челак шаҳрида яшовчи Рауф Худойбердиев тураржойига Пайариқ туман ҳокимининг қарори билан мулк ҳуқуқи эътироф этилмаётганлигидан норози бўлиб, шикоят қилган.

Аниқланишича, фуқаро Р.Худойбердиев фойдаланишида бўлган уй-жой ер майдонига нисбатан мулк ҳуқуқини эътироф этиш тўғрисида Пайариқ туман Давлат хизматлари маркази орқали туман ҳокимига мурожаат қилган. Кўчмас мулкка нисбатан мулк ҳуқуқини эътироф этиш бўйича комиссия аъзоларининг ижобий хулосалари ҳамда комиссиянинг ўзбошимчалик билан қурилган иморатни ўрганиш натижалари бўйича далолатномасига асосан “ўзбошимчалик билан қурилган иморатга нисбатан мулк ҳуқуқини эътироф этиш мумкин” деб топилган.

Комиссия ишчи органи томонидан ўзбошимчалик билан қурилган иморатга нисбатан мулк ҳуқуқини эътироф этиш тўғрисида туман ҳокимининг қарори лойиҳаси тайёрланиб, тасдиқлаш учун туман ҳокимига тақдим этилган. Аммо туман ҳокимлиги томонидан ўзбошимчалик билан қурилган иморатга нисбатан мулк ҳуқуқини эътироф этиш тўғрисида қарори қабул қилинмаган.

Фуқаро Р.Худойбердиевнинг тураржойига нисбатан мулк ҳуқуқини эътироф этиш тўғрисида Пайариқ туман ҳокимлигига қилган мурожаати ҳал этилмаётганлигидан норози бўлиб Президент “Ишонч телефони”га қилган шикояти Давлат хизматлари агентлиги Самарқанд вилоят бошқармаси томонидан ўрганилиб, туман ҳокимлигига тақдимнома киритилган. Тақдимномада тураржойга мулк ҳуқуқини эътироф этиш тўғрисида туман ҳокимининг қарорини қабул қилиш сўралган бўлишига қарамасдан, туман ҳокимининг қарори қабул қилинмаган.

Вазирлар Маҳкамасининг 461-сон қарори билан тасдиқланган “Кўчмас мулкка нисбатан мулк ҳуқуқини эътироф этиш бўйича бир марталик умумдавлат акцияси доирасида кўчмас мулкларга нисбатан мулк ҳуқуқини эътироф этиш тартиби тўғрисида”ги Низомнинг 23-бандида “Туман (шаҳар) ҳокимининг комиссия ишчи органи томонидан тайёрланган қарори лойиҳаси у тақдим этилган кундан бошлаб 2 иш куни мобайнида қабул қилинади” деб кўрсатилган.

Бироқ кўчмас мулкка нисбатан мулк ҳуқуқини эътироф этиш бўйича комиссиянинг далолатномаси 2019 йилнинг 17 апрелида тасдиқланган бўлса-да, орадан 10 ой вақт ўтганига қарамасдан, ҳоким томонидан қарор қабул қилинмаган.

Туман адлия бўлими фуқаро Р.Худойбердиевнинг манфаатини кўзлаб, 2020 йил 19 февралда Пайариқ туман маъмурий судга тураржойга мулк ҳуқуқини эътироф этиш ҳақида туман ҳокимининг қарорини қабул қилиш ҳақида судга ариза билан мурожаат қилди.

Пайариқ туман маъмурий судининг ҳал қилув қарорига асосан туман адлия бўлимининг аризаси қаноатлантирилди ва фуқаронинг тураржойига нисбатан мулк ҳуқуқини эътироф этиш тўғрисида суд қарори қабул қилинди.
https://hudud24.uz/paysalga-solingan-hokim-qarori-suddan-keyin-qabul-qilindi/

#Янгиликлар

Жаримани ўз вақтида тўлаганлик учун чегирма белгиланди

Қонун билан МжТК жарима солиш тўғрисидаги қарорни ижро этишнинг соддалаштирилган тартибини назарда тутувчи модда билан тўлдирилди.

Унга кўра, ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади.

☑️ Соддалаштирилган тартиб қуйидаги ҳолларда қўлланилмайди:

✔️ маъмурий ҳуқуқбузарлик содир этганлик учун суд томонидан жарима солинганда;

✔️ жарима солиш тўғрисидаги қарор устидан шикоят қилинганда ёки протест билдирилганда;

✔️ худди шундай ҳуқуқбузарлик маъмурий жазо чораси қўлланилганидан кейин 1 йил давомида такрор содир этилганда.

Бизни ижтимоий тармоқларда кузатинг 👇🏿
Telegram | Facebook | YouTube | Instagram