#Қонунчиликдаги_янгиликлар

6 ойда суд эксперти бўлиш мумкин

Ҳукумат қарори (706-сон, 22.11.2021 й.) билан Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисидаги низом тасдиқланди

🎓 Низомга мувофиқ, дуал таълим бўйича кадрларни қайта тайёрлаш ихтиёрий асосда суд-экспертизасининг муаян турида фаолият юритиш истагида бўлган талабгорлар учун пуллик шартнома асосида 6 ой давом этади.

🗓 Қайта тайёрлаш курслари йилига 2 марта октябрь ва февраль ойларида бўлади.

📂 Суд-экспертиза ташкилотлари курс ташкил этилиши тўғрисида 3 ой олдин эълон беради ва номзодларнинг ҳужжатларини қабул қилади.

📔Курсга қабул қилиш учун 7 кишидан иборат комиссия тузилади, курсларнинг 40 фоизи назарий, 60 фоизи амалий қисмдан иборат бўлади.

📌 Тингловчилар билими жорий, оралиқ ва якуний назорат бўйича баҳоланади.

💼 Курс битирувчилари келгусида суд эксперти сифатида ишлаши мумкин.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Юридик техникум битирувчиларини юриспруденция йўналиши бўйича ОТМга қабул қилиш тартиби белгиланди

Ҳукумат қарори (705-сон, 22.11.2021 й.) билан Адлия вазирлиги юридик техникуми битирувчиларини юриспруденция йўналиши бўйича олий таълим муассасаларига қабул қилишга оид низом тасдиқланди.

🗓 Низомга мувофиқ, ҳудудий адлия органлари ҳар йили 10 июнгача юридик техникум битирувчиларига йўлланма бериш масаласини кўриб чиқиш учун комиссия тузади.

🖥 Битирувчилар йўлланма олиш учун комиссияга 20 июнгача онлайн платформа орқали мурожаат қилади.

🔰 Аризалар 20 июндан 30 июнганача қуйидаги асосий талаблар бўйича кўриб чиқилади:

👉 ҳар бир фан бўйича рейтинги 71 ва ундан юқори бўлиши (сиртқи ёки масофавий таълимда ўқиганлар учун 85 ва ундан юқори);
👉 чет тилини B2 ва ундан юқори даражада билишини тасдиқловчи сертификати бўлиши;
👉 маънавий-маърифий ва жамоат ишлари, лойиҳалар ва танловларда фаол иштирок этган, шахсий ютуқлар мавжуд бўлиши;
👉 ички тартиб-қоидаларга, одоб-ахлоқ қоидаларига риоя этиши керак;

☑️ Йўлланма олганлар ҳужжатларини 5-25 июлда ОТМга онлайн юборади.

📌 Йўлланма олганлар билан якка тартибдаги суҳбат 10-25 августда ўтказилади.

⚠️ Суҳбатда мамлакатдаги ислоҳотлар моҳияти, ихтисосликни танлашдаги мотивация, шахсий-касбий хусусиятлар, юридик билимлар аниқланади ва баҳоланади.

🎓 Суҳбат натижалари 30 августгача абитуриентни ўқишга қабул қилиш учун тегишли ОТМга юборилади.

Каналга уланиш👇👇👇
https://t.iss.one/huquqiyaxborot

#DIQQAT

2021-yil 24-noyabr kuni soat 11:00 da Oʻzbekiston milliy matbuot markazi binosida matbuot anjumani boʻlib oʻtadi.

Mavzu: “Notariuslar faoliyatini takomillashtirish borasida amalga oshirilgan ishlar”

Tadbirda Adliya vazirligi masʼul xodimlari ishtirok etib, jurnalistlarning savollariga javob beradi.

OAV xodimlari va blogerlarni matbuot anjumaniga taklif qilamiz.

Savol, murojaat, ariza yoki shikoyatlaringizni @MARKAZ16Uz. ga yuboring.

Anjuman “UzReport TV” hamda Youtube tarmogʻi orqali onlayn yoritiladi.

Ona tabiatni asrash bo'yicha onlayn so'rovnomada ishtirok eting: https://tinyurl.com/rjc4e2hr

⚡️ ⚡️ Ўзбекистон Миллий матбуот марказида Ўзбекистон Республикаси Адлия вазирлигининг матбуот анжумани бошланди.

✅ Мавзу: Адлия вазирлиги томонидан нотариуслар фаолиятини такомиллаштириш юзасидан амалга оширилаётган ишлар.

📲 Матбуот анжумани трансляциясини UzReport TV телеканали ва телеканалнинг Youtube ва Facebookдаги саҳифалари орқали ЖОНЛИ томоша қилинг.

👉 Савол, мурожаат, ариза ёки шикоятларингизни @MARKAZ16Uz. га юборинг.

📲 Каналга уланиш: @MARKAZ16Uz.
https://youtu.be/Vy-sODZaRHM

#Adliya_aralashgach

Murojaat kelib tushdi...

Fuqaro T.T. o‘zininig tanishi - A.A. ustidan huquqni muhofaza qilish organlariga murojaat etadi. Bildirishicha, fuqaro Abdullayev undan 10 000 AQSH dollari miqdorida qarz olib, uni o‘zaro kelishilgan vaqtda qaytarmagan. Boz ustiga, qarzdor pul olganlik haqidagi tilxatini ham tan olmayotganini ro‘kach qilgan. Ajablanarlisi shundaki, murojaatchi tilxat yozilgani, ammo undagi yozuvlar bir necha haftadan so‘ng o‘chib ketganini va aynan shu bois, fuqaro A.A. tilxat mavjudligini inkor etayotganini bayon qilgan.

Vaziyatga oydinlik kiritish maqsadida tergov organi tomonidan H.Sulaymanova nomidagi Respublika sud ekspertizasi markaziga tegishlicha murojaat qilingan. Markazning Hujjatlar kriminalistik ekspertizasi laboratoriyasi xodimlari esa hattoki, ataylab o‘chirilgan belgi yohud yozuvlarni aniqlash imkonini beruvchi zamonaviy uskuna yordamida tilxat mavjudligi, agar bo‘lsa, u aynan A.A.ga tegishli yoki yo‘qligini bilish maqsadida tadqiqot o‘tkazishdi.

Batafsil videoda

#Адлия_хабари

Вазирликларнинг ҳудудий бўлинмалари битта бинога жойлаштирилади

Давлат бошқаруви органлари ва ҳокимликлар самарадорлигини ошириш орқали аҳоли фаровонлигини таъминлаш ва “мобиль бошқарув аппарати”ни яратиш мақсадида 2022–2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш бўйича ташкилий чора-тадбирлар тўғрисидаги Президент Фармойиши қабул қилинди.

Фармойишга кўра, Янги Ўзбекистон маъмурий ислоҳотлари дастури лойиҳасига таклифлар ишлаб чиқилишида қуйидагилар устувор йўналиш ҳисобланади:

👉 давлат бошқаруви органларининг мақомини белгилаш;

👉 такрорланувчи вазифа ва функцияларини қисқартириш;

👉 раҳбар ўринбосарларининг йўналишлар кесимидаги жавобгарлик чегараларини аниқ белгилаш;

👉 вазирлик ва идоралар штат бирликларини мақбуллаштириш;

👉 бошқарув жараёнини автоматлаштириш, иш юритувини тўлиқ рақамлаштириш;

👉 “Очиқ идора” лойиҳасини амалга ошириш;

👉 давлат хизматларини тўлиқ рақамлаштириш ва фуқароларнинг сансалорлигига барҳам бериш;

👉 вазирлик ва идораларнинг айрим функцияларини нодавлат секторига ўтказиш;

👉 тегишли вазирлик ва идораларнинг ҳудудий бўлинмаларини битта маъмурий бинога жойлаштириш орқали аҳолига “Ягона дарча” тизими асосида хизмат кўрсатиш;

👉 кадрларни танлов асосида ва кенг рақобат муҳитида ишга қабул қилишни тўлиқ жорий қилиш;

👉 ўз устида ишламайдиган ва масъулияти бўлмаган кадрларга нисбатан “жамоавий таъсир”ни амалга ошириш;

👉 вазирлик ва идораларда ягона кадрлар рейтингини юритиш;

👉 давлат хизматчилари томонидан олинадиган кафолатланган бепул хизматлар ва воситалар пакетини ишлаб чиқиш;

👉 тендер ва танловларни очиқ ва шаффоф ҳолда ўтказиш тизимини такомиллаштириш;

👉 халқ депутатлари Кенгашларининг маҳаллалардаги мавжуд муаммоларни ҳал қилишдаги ролини ошириш;

👉 маҳаллий вакиллик органларида доимий асосда фаолият юритувчи депутатлар корпусини шакллантириш;

👉 ҳокимлар, уларнинг ўринбосарлари ва маслаҳатчиларининг ваколат чегарасини аниқ белгилаш.

Каналга уланиш👇👇👇
https://t.iss.one/huquqiyaxborot