🔰Матбуот анжумани

● Мавзу: “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги Президент Фармони мазмун-моҳияти ва аҳамияти

● Сана ва вақти: 18 июнь, 10:00
● Жойи: АОКА мажлислар зали
● Иштирок этади: Адлия вазири ўринбосари, Коррупцияга қарши курашиш агентлиги директори ўринбосари

Барча ОАВ вакиллари ва блогерларни матбуот анжуманига таклиф этамиз!

#Адлия_онлайн

Ҳозир Адлия вазирлиги томонидан “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги Президент Фармони мазмун-моҳияти ва аҳамиятини тушунтириш мақсадида матбуот анжумани ўтказилмоқда

Анжуманда Адлия вазири ўринбосари, Коррупцияга қарши курашиш агентлиги директори ўринбосари иштирок этмоқда.

Анжуманни кузатиб бориш учун ҳавола 👇

https://youtu.be/h3TM06na2-s

#Adliya_munosabat

Фуқароларга идентификация ID-карталарини расмийлаштиришда ва беришда улардан қўшимча хизмат ёки ҳақ талаб қилиш ноқонуний ҳисобланади

Ижтимоий тармоқлардаги фуқаролар томонидан Ўзбекистон Республикаси фуқаросининг идентификация ID-картасини олишда маълумотларни йиғиш пункти ходимлари томонидан ID-картани суғурталанмаганлиги сабабли ID-карта берилиши рад этилиши ҳақидаги масала юзасидан Адлия вазирлигининг муносабати.

👉Батафсил

...ҳеч бир масала йўқки, уни давлат Раҳбари ва бошқа мутасадди вакиллар томонидан эшитилмасдан қолмайди

Худоёр Мелиев, Адлия вазири ўринбосари:

📢 Очиқ ҳукумат, кучайтирилган ошкоралик, фуқаролар ва ҳукумат ўртасидаги ҳамкорлик 21-асрда ривожланишнинг энг асосий воситаларидан бири ҳисобланади.

📝 Фармонда қизил қалам билан “очиқлик презумпцияси” ҳақида гап кетади. Таъкидлаш жоизки, Ўзбекистон бу борада дунёда биринчилардан бўлиб, ушбу тамойилни қонунчилик ҳужжати билан мустаҳкамлаб қўйди.

🔘Қайси маълумотлар очиқ, қайсилари ёпиқ, чекланмайдиган маълумотлар рўйхати буларнинг барчаси энди тартибга солинади. Ўз навбатида бу соҳадаги турли низо ва баҳсларга чек қўйилади.

💼 Лойиҳа шу кунгача белгиланган тартибда 32 та вазирлик ва идора билан, шу жумладан Олий Мажлис палаталари, Ўзбекистон Республикаси Президенти ҳузуридаги Ахборот ва оммавий коммуникациялар агентлиги, Ҳисоб палатаси, Бош прокуратура, ДХХ, ИИВ, Олий суд, Коррупцияга қарши курашиш агентлиги, Молия вазирлиги, ДСҚ, ДБҚ, Марказий банк, Иқтисодий тараққиёт ва камбағалликни қисқартириш вазирлиги, Давлат активларини бошқариш агентлиги билан келишилган.

⚠️Шу ўринда, ўзи бу фармон қабул қилинишига нима сабаб бўлди деган масалага ҳам тўхталиб ўтиш жоиз. Ҳеч кимга сир эмас, овчилик соҳасида отиб ўлдирилган айиқ, қурилиш ва бошқа соҳалардаги тендерлар, айрим масалалар юзасидан ОАВнинг давлат органларидан жавоб олишда қийинчилик туғилиши, камераларга шикаст етказилиши, ёҳуд кўчадаги камералар қаерга ўрнатилганлиги ва у нимани фиксация қилаётгани бўйича одамларнинг норозилиги, айрим ҳужжатларнинг сир эканлиги оқибатида ошкор қилинмаслик ҳолатлари ва бошқа кўплаб мисолларни келтириш мумкин. Кўриб турганингиздек, ҳеч бир масала йўқки, уни давлат Раҳбари ва бошқа мутасадди вакиллар томонидан эшитилмасдан қолмайди.

🔎 Фармон фундаментал ҳужжат бўлиб, унинг асосий мақсади очиқ ва шаффоф давлат бошқаруви тизимини шакллантириш орқали жисмоний ва юридик шахсларга ахборот тақдим этишнинг замонавий шаклларини жорий қилиш, шунингдек жамоатчилик назоратининг таъсирчанлигини таъминлаш ҳисобланади.

📈 Шу билан бирга, Фармон бир йўла қуйидаги 6 та халқаро индекс
ва рейтингда (Жаҳон банкининг “Бошқарув сифати индикаторлари”, “The Economist Intelligence Unit”нинг “Демократия индекси”, “Транспаренси интернешнл” ташкилотининг “Коррупцияни қабул қилиш индекси”, Бертельсманн фондининг “Трансформация индекси”, Жаҳон иқтисодий форумининг “Иқтисодий эркинлик индекси”, Жаҳон банкининг “Статистик салоҳият индекси”) Ўзбекистон ўрни сезиларли даражада яхшиланишига хизмат қилади.

Расмий хабарлар | Медиабанк

Халқаро пресс-клуб сессиясидан:

〰️〰️〰️
❓Сайлов жараёнлари учун ажратилган 300 млрд сўм нималарга сарфланади?

▫️Баҳром Қўчқоров, Марказий сайлов комиссияси раиси ўринбосари 👉 Жавоб

〰️〰️〰️
❓Сайлов қонунчилигида қандай муҳим ўзгаришлар бўлди?

▫️Музаффар Икромов, Адлия вазири ўринбосари 👉 Жавоб

〰️〰️〰️
❓Бу йил давлат бюджетидан қайси соҳалар учун ва қанча пул ажратилди?

▫️Адҳам Ишчанов, Молия вазирлиги Департамент директори 👉 Жавоб

https://t.iss.one/Rasmiy_xabarlar_Official

#Биласизми
Ўрта юридик маълумотга эга бўлган фуқаро адвокат ёрдамчиси бўлиши мумкин.

Адвокат ёрдамчиси адвокат кўрсатмасига биноан адвокатнинг юритувидаги ишлар бўйича топшириқларни бажаради.

Ёрдамчи сифатида ишга қабул қилиш адвокатлик тузилмаси раҳбарининг буйруғи билан амалга оширилади.

Адвокатлик тузилмаси томонидан ёрдамчига гувоҳнома берилади.

#Биласизми

Юридик маълумотга эга бўлган фуқаролар (юридик техникум битирувчилари ҳам) нотариус ёрдамчиси бўлиши мумкин.

Давлат нотариал идораси нотариусининг ёрдамчисини ишга қабул қилиш ҳудудий адлия бошқармалари томонидан амалга оширилади.

Хусусий нотариус ёрдамчисини ишга қабул қилиш Нотариал палатанинг ҳудудий бошқармаси билан келишилган ҳолда уни тавсия қилган нотариус томонидан амалга оширилади.

#Адлия_муносабати

Ижтимоий тармоқларда эълон қилинган “Миллий сертификат мавзуси фонида юридик техникум масаласи ҳам муҳокама бўлмоқда” сарлавҳали мақолаларга муносабат

Сўнгги кунларда ижтимоий тармоқларда тарқалаётган маълумотларда 2020 йилда киритилган ўзгартиришлар туфайли юридик техникум битирувчилари ТДЮУга кириш йўлланмасини олиш имкониятидан маҳрум бўлганликлари ҳақидаги аноним мурожаат келтирилган.

Мазкур ҳолат юзасидан қуйидагиларни маълум қиламиз.👇👇👇
https://teletype.in/@adliya_yangiliklari/FtmY_hud3JP

🔰Матбуот анжумани

● Мавзу: "Юридик техникумларга қабул масаласи"

● Сана ва вақти: 21 июнь, 16:00
● Жойи: АОКА мажлислар зали
● Иштирок этади: Адлия вазирлиги мутасаддилари, Тошкент давлат юридик университети ректори

Барча ОАВ вакиллари ва блогерларни матбуот анжуманига таклиф этамиз!

#LIVE

Айни вақтда Адлия вазирлиги юридик техникумларининг педагогик ходимлари аттестациядан ўтказилмоқда. Аттестация жараёнини (онлайн трансляция) ушбу ҳавола орқали кузатишингиз мумкин👇🏻

https://www.youtube.com/watch?v=N-dkOqb_lgg

#Adliya_munosabat

Адлия вазирлиги партияни рўйхатдан ўтказишни рад этди: талаб этилганидан қарийб 3 марта кам имзолар тақдим этилган

Адлия вазирлиги томонидан “Ҳақиқат ва тараққиёт” социал-демократик партиясини давлат рўйхатидан ўтказиш юзасидан аризалар ва илова қилинган ҳужжатлар қонунчиликда белгиланган тартибда икки марта ўрганиб чиқилди.

Партияни давлат рўйхатидан ўтказиш бўйича ҳужжатлар “Сиёсий партиялар тўғрисида” ва “Нодавлат нотижорат ташкилотлари тўғрисида”ги қонунлар талабларига риоя қилинмаган ҳолда тақдим қилинганлиги аниқланди.

Батафсил: https://minjust.uz/uz/press-center/news/102138/

@adliyangiliklari

#Адлия_онлайн

Айни дамда Адлия вазирлиги томонидан ташкил этилган Матбуот анжумани бўлиб ўтмоқда .

● Мавзу: "Юридик техникумларга қабул масаласи"

● Жойи: АОКА мажлислар зали
● Иштирок этмоқда: Адлия вазирлиги мутасаддилари, Тошкент давлат юридик университети ректори

Кузатиш учун ҳавола👇
https://youtu.be/Z8RwQe1FoQU

⚡️Юридик техникумларига кириш имтиҳонлари тест синови топшириладиган фанлар мажмуаси, баҳолаш мезонлари, тест топшириқлари сони ТДЮУ бакалавриатига кириш учун белгиланган талабларга мувофиқ аниқланади

Бу ҳақда АОКАда ўтказилаётган матбуот анжуманида маълум қилинди.

🔎 Бугунги кунда Қорақалпоғистон Республикаси, вилоятлар ва Тошкент шаҳридаги юридик техникумларнинг умумий сони 14 тани ташкил этади.

2020/2021 ўқув йилидан бошлаб юридик техникумларга қуйидаги 3 та мутахассислик бўйича ўқувчиларни ўқишга қабул қилиш йўлга қўйилган:

➖Давлат-ҳуқуқий фаолият;
➖Юридик хизмат;
➖Суд-ҳуқуқий фаолият.

Ўқиш муддати 2 йил ва ўқиш 3 та тилда (ўзбек, рус ва қорақалпоқ) ташкил этилган.

📈 Юридик техникумларда жами 218 нафар педагог ходимлар фаолият олиб боради (шундан 1 нафар профессор, 5 нафар доцент ва 8 нафари фан номзоди).

Бугунги кунда юридик техникумларда жами 5 042 нафар ўқувчи (шундан, 3 081 нафар 1-курсда, 1 961 нафари – 2-курсда) таълим олмоқда.

✍️ 2020/2021 ўқув йилидан бошлаб юридик техникумларга қабул Давлат тест маркази томонидан ўтказиладиган тест синовлари орқали амалга оширилади.

📎 2021 йил 7 мартдаги Ўзбекистон Республикаси таълим муассасаларига қабул қилиш бўйича Давлат комиссиясининг 10-сон баёни билан
2021/2022 ўқув йили учун абитуриентларни ТДЮУ бакаларвриатга қабул барча тест топширувчилар учун мажбурий учта фан Она тили (ўзбек, рус, қорақалпоқ ва бошқа тиллар), математика ва Ўзбекистон тарихи ҳамда юриспруденция (фаолият турлари бўйича) таълим йўналишига мос иккита фан тарих ва чет тилидан тест топширилиши белгиланган.

🖇 Вазирлар Маҳкамасининг 2020 йил 30 октябрдаги 677-сон қарори билан тасдиқланган Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низом талабларига кўра, тест синови топшириладиган фанлар мажмуаси, баҳолаш мезонлари, тест топшириқлари сони ТДЮУ бакалавриатига кириш учун белгиланган талабларга мувофиқ аниқланиши белгиланган.

🔰 2020/2021 ўқув йили учун юридик техникумларга жами 13843 нафар абитуриент ҳужжат топширган. Шундан, 3477 нафар абитуриент ўқувчилар сафига қабул қилинган (давлат гранти ва тўлов-контракт).

Расмий хабарлар | Медиабанк

❓Юридик техникум битирувчилари қаерда ишлаши мумкин?

Раҳимжон Ҳакимов, Тошкент давлат юридик университети ректори:

🔰 Юридик техникум битирувчиларига давлат таълим стандартларига мувофиқ ўрта махсус профессионал таълимдаги йўналишлар, касблар ва мутахассисликлар бўйича малака даражаси кўрсатилган ҳолда, ўрта махсус профессионал таълим тўғрисида давлат намунасидаги диплом берилади.

Юридик техникумни тамомлаган ўқувчи республика миқёсида малака талабларига биноан ўрта махсус юридик маълумот зарурати мавжуд бўлган давлат органлари ва ташкилотларида, шу жумладан:

➖Ўзбекистон Республикаси Адлия вазирлиги ҳузуридаги Давлат хизматлари агентлигининг ҳудудий тузилмалари,

➖ Бош прокуратура ҳузуридаги Мажбурий ижро бюросининг ҳудудий органлари,

➖ нотариал идоралар, адвокатлик тузилмалари ва шу каби қатор идораларнинг умумий штат бирликлари сони доирасида вакант лавозимларга ишга кириш бўйича танловда белгиланган тартибда иштирок этиш мумкин.

Юридик техникум битирувчилари эгаллаши мумкин бўлган лавозимлар сони 90 дан ортиқни ташкил этади. Ушбу лавозимлар билан Қонунчилик маълумотлари миллий базаси www.lex.uz да танишиш мумкин.

🖇 2019/2020 ўқув йили юридик техникумларини (собиқ юридик коллежларни) 4364 нафар битирган. Шундан, 1542 нафар (35,3%) битирувчилар бандлиги таъминланган бўлиб, ишга жойлашиш бўйича энг юқори – Самарқанд вилояти юридик техникумида қайд этилган (575 нафар битирувчидан 498 нафари (86,6%) иш билан таъминланган).

Расмий хабарлар | Медиабанк

“Жамиятда аёллар: ҳуқуқ, ҳимоя ва имкониятлар” номли танловнинг ҳакамлар ҳайъати аъзолари ким?

Улар билан #инфографикамиз орқали танишингиз мумкин

#Диққат📣📣📣

Танловга ҳужжатларни қабул қилиш якунига етди💬

‼️Хабарингиз бор, Адлия вазирлиги томонидан “Жамиятда аёллар: ҳуқуқ, ҳимоя ва имкониятлар” номли танлов ўтказилаётганлиги ҳақида эълон берган эдик.

Танловда иштирок этиш учун 2021 йилнинг 20 май кунидан 20 июнь куни соат 23:59 га қадар 40 нафарга яқин иштирокчидан телевидение, радио, матбуот ҳамда интернет нашрлар ва ижтимоий тармоқлар орқали эълон қилинган жами 230 дан ортиқ материал келиб тушди.

Келиб тушган ижодий ишлар танлов ҳайъати аъзолари томонидан ўрганиб чиқилади. Ғолиблар 27 июнь арафасида эълон қилинади.

☝️Яна бир бор эслатиб ўтамиз!

Танлов қуйидаги номинациялар бўйича ўтказилмоқда:

1. “Аёлларни тазйиқ ва зўравонликдан ҳимоя қилишга қаратилган, ҳуқуқ ва кафолатлари ёритилган энг яхши журналистик материал учун”;
2. Аёлларни тазйиқ ва зўравонликдан ҳимоя қилишга қаратилган, ҳуқуқ ва кафолатлари ёритилган энг яхши блогпост учун”;
3. “Адлия эътирофи”

Совғалар:
3-ўрин ғолибларига ‒ телевизор;
2-ўрин ғолибларига ‒ планшет;
1-ўрин ғолибларига – ноутбук;
“Адлия эътирофи” га сазовор бўлганларга – ноутбук

Танлов ҳақидаги тўлиқ маълумот билан ушбу манзил орқали танишишингиз мумкин – www.adliya.uz

Адлия вазирлиги
Жамоатчилик билан алоқалар бўлими

#Адлия_хабари

Ўзбекистон-Европа иттифоқи” адлия, ички ишлар, инсон ҳуқуқлари ва алоқадор масалалар бўйича кичик қўмитасининг 17-йиғилиши бўлиб ўтди

Жорий йилнинг 21-23 июнь кунлари видеоконференцалоқа шаклида “Ўзбекистон-Европа иттифоқи” адлия, ички ишлар, инсон ҳуқуқлари ва алоқадор масалалар бўйича кичик қўмитасининг 17-йиғилиши бўлиб ўтмоқда.

Йиғилишда Европа делегациясига Европа ташқи ҳаракатлар хизмати Марказий Осиё мамлакатлари билан ҳамкорлик қилиш бўлими бошлиғи Б.Ярошевич раҳбарлик қилди.

Йиғилишнинг биринчи куни кун тартибига кўра “Инсон ҳуқуқлари бўйича мулоқот” доирасида Ўзбекистон ва ЕИда инсон ҳуқуқлари масалалари, жумладан фикр эркинлигига бўлган ҳуқуқ, дин ёки эътиқод эркинлигини таъминлаш, фуқаролик жамияти институтлари ролини ошириш, пенитенциар тизимни ривожлантириш, гендер тенглик ва аёллар ҳуқуқини таъминлашнинг ҳуқуқий кафолатлари борасидаги вазиятнинг жорий ҳолати кўриб чиқилди.

Шунингдек, нсон ҳуқуқлари ва қонун устуворлиги соҳасидаги халқаро ва минтақавий ташкилотлар доирасидаги ҳамкорлик муҳокама қилинди.

Тадбир давомида томонлар юқорида қайд этилган соҳаларда эришилган сўнгги ютуқларни муҳокама қилиб, кейинги ҳамкорликда аниқ тадбирларни амалга ошириш бўйича фикр ва таклифлар алмашди.

Конструктив мулоқот руҳида ўтган биринчи кун якунларига кўра Европа Иттифоқи билан нафақат миллий, балки минтақавий лойиҳалар доирасида ҳам ҳамкорликни янада кенгайтиришга қизиқиш билдирилди. Мавжуд маълумотларга таянган ҳолда Европа томонини қизиқтирган саволларга батафсил жавоб берилди.

Маълумот учун: йиғилишнинг иккинчи куни адлия ва ички ишлар масалаларини муҳокама қилишга бағишланади, шунингдек терроризм ва наркотрафикка қарши кураш, қонуний ва ноқонуний миграция, чегараларни бошқариш, коррупцияга қарши кураш ва суд ислоҳотлари, шунингдек ЕИ институтлари, лойиҳалари ва дастурлари доирасидаги ҳамкорлик (BOMCA и CADAP) сингари йўналишларни қамраб олади.

Адлия вазирлиги
Жамоатчилик билан алоқалар бўлими

https://t.iss.one/SevaraJournalist

Ҳакамлик суди низони бир тарафнинг аризаси асосида кўриб чиқиши мумкинми?

Сўнгги вақтларда Адлия вазирлигига фуқаролардан кўп квартирали уйнинг умумий мол-мулкини сақлаш, ундан фойдаланиш ва уни таъмирлаш бўйича харажатларни қоплаш бўйича фақатгина кўп квартирали уйни бошқарувчи ташкилотнинг ёки уй-жой мулкдорларининг ширкати аризаси асосида ҳакамлик судининг қарори чиқарилишидан норозилиги ҳақидаги мурожаатлар келиб тушмоқда.

Мазкур ҳолатлардан келиб чиқиб қонун ҳужжатларда фуқароларимизнинг айрим ҳуқуқларини эслатиб ўтишни жоиз деб билдик.

👉Батафсил

@adliyangiliklari

#Интеллектуал_мулк_қонун_ҳимоясида

Контрафакт маҳсулотни қандай аниқлаш ҳақида тушунчага эга эмасмисиз?

Ⓜ️Унда қуйидаги расм орқали ҳақиқий товар ва контрафакт ўртасидаги фарқни таққослашингиз мумкиин!
💢Контрафакт бу худди "PUMA" товарини харид қиламан деб "PUMBA" ни адаштириб сотиб олишга ўхшайди.
👉Асосийси арзон маҳсулотни кўрганда уни сотиб олишга шошилманг.
❗️Эслатма! Товар бeлгисидан ноқонуний фойдаланиб, истeъмолчини чалғитиш учун жавобгарлик белгиланган.
🔰Ҳурматли тадбиркор, ўзганинг товар белгисидан рухсатсиз фойдаланишдан сақланинг, ўз брендингизни яратинг ва хавотирсиз фаолият олиб боринг.

Янгиликлардан хабардор бўлинг👇👇
https://t.iss.one/uzbais