Адлия вазирлиги ва БААнинг Ҳукумат ишлари вазирлиги ўртасида истиқболли ҳамкорлик ўрнатиш масалалари муҳокама қилинди

Адлия вазири А.Тошқулов ва БАА Давлат вазири, Вазирлар Маҳкамаси Бош котиби Марям бинт Ахмед Ал Хаммади ўртасида икки томонлама учрашув бўлиб ўтди.

Томонлар ислоҳотларни амалга оширишда сифатли қонунчилик базасини яратиш, қонунлар тўғри ишлаши ва кўзланган мақсадларга эришиши учун зарур механизмлар, тартибга солиш воситалари ҳамда соҳадаги янги ташаббуслар бўйича фикр алмашишди.

Ал Хаммади хоним стратегик режалаштириш, давлат органлари самарадорлигини ошириш ҳамда уларни натижага асосланган баҳолаш механизмларини ишлаб чиқиш бўйича 20 йиллик тажрибаси билан яқиндан ўртоқлашди.

Шунингдек, қонунчилик ҳужжатлари ижросини таъминлаш бўйича KPI тизими , қонун ижодкорлиги ва ҳуқуқни қўллаш жараёнларига сунъий интеллектни жорий этиш бўйича лойиҳалар билан таништирди.

А.Тошқулов Адлия вазирлигининг норма ижодкорлиги, давлат органларининг функциялар реестрини юритиш, ортиқча, ишлаямаётган, бир бирини такрорловчи функцияларни бекор қилиш бўйича Ҳукуматга таклифлар киритиши билан боғлиқ фаолияти ҳақида сўзлаб берди.

Учрашув якунида томонлар БАА Ҳукумат ишлари вазирлигининг юқорида қайд этилган йўналишлардаги фаолияти билан яқиндан танишиш ва тажриба алмашиш учун эксперт кўмагини тақдим этиш ва мутахассисларнинг ишчи ташрифларини амалга оширишга келишиб олишди.

O‘zbekistonda davlat xizmatlarini yanada takomillashtirish istiqbollari kelishib olindi

2024-yilning 12-iyun kuni adliya vaziri o‘rinbosari X.Meliyev bilan Yevropa Ittifoqining O‘zbekistondagi Delegatsiyasining hamkorlik bo‘limi rahbari Vim Riepma hamda Birlashgan Millatlar Tashkiloti Taraqqiyot Dasturining (BMTTD) O‘zbekistondagi doimiy vakili v.b. Anas Karman o‘rtasida uchrashuv bo‘lib o‘tdi.

Uchrashuvda “O‘zbekistonning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” qo‘shma loyihasining 2023-yil yakuni bo‘yicha natijalari muhokama qilindi.

Xususan, janob V. Riepma va A.Karman loyiha doirasida erishilgan natijalarni ijobiy baholab, Adliya vazirligi bilan bu borada olib borilayotgan ishlarni yanada jadallashtirishga tayyor ekanliklarini bildirishdi.

Uchrashuv davomida BMT TDning loyiha guruhi tomonidan 2023-yil davomida Loyiha doirasida erishilgan yutuqlar hamda 2024-yilgi rejalar haqidagi taqdimot o‘tkazildi. 

Jumladan, adliya vaziri o‘rinbosari X.Meliyev tomonidan o‘tgan davr mobaynida loyiha doirasida bir qancha ijobiy ishlar amalga oshirilganligi, shuningdek, 2023-yil davomida bajarilishi yakuniga yetmagan vazifalar borligi va ularni joriy yilda loyiha guruhi tomonidan yakuniga yetkazilishi zarurligi ta’kidlandi.

Shuningdek, ushbu loyiha doirasida ishlarni samarali amalga oshirish maqsadida Loyihaning 2-fazasini ishga tushirish rejalashtirilayotgani ta’kidlandi.

Adliya vaziri o‘rinbosari X.Meliyev tomonidan keyingi bosqichda asosiy e’tibor onlayn xizmatlar sifatini oshirishga qaratilishi zarurligi, bu orqali fuqarolarning ortiqcha vaqti va xarajatini tejash, byurokratik to‘siqlarni bartaraf etish bo‘yicha zarur choralar ko‘rilishi muhimligi va yaqin yillarda O‘zbekistonning davlat xizmatlari ko‘rsatilishi borasida Top-20 talik davlatlar qatoriga kirishi yuzasidan Adliya vazirligi o‘z oldiga katta maqsad qo‘yganligi ta’kidlandi.

Shundan so‘ng taraflar hamkorlikdagi ishlarni yanada samarali amalga oshirish maqsadida zarur masalalarni doimiy ravishda muhokama qilib borishga kelishib oldilar.

#Мендонорман

Адлия вазирлиги жамоаси Халқаро донор куни муносабати билан ўтказилаётган “Қон донорлиги ҳафталиги” доирасидаги “Мен донорман” акциясида фаол қатнашмоқда.

Сафимизга қўшилинг ...

Адлия вазири Акбар Тошқулов ҳам ''Мен донорман'' акциясида иштирок этди