#Adliya_xabari

Tadbirkorlar bilan uchrashuv

Adliya vaziri o‘rinbosari X.Meliyevning Toshkent viloyatidagi safarining navbatdagi manzili “Angren” erkin iqtisodiy zonasi bo‘ldi. Mazkur iqtisodiy zonada tadbirkorlar bilan uchrashuv o‘tkazildi.

Uchrashuv davomida mamlakatimizda iqtisodiy o‘sish ko‘rsatkichlarining asosiy qismi ishlab chiqarish va tadbirkorlik ulushiga to‘g‘ri kelayotganligi,  hududlarda tashkil etilayotgan erkin iqtisodiy zonalar tarkibida zamonaviy korxonalarni ishga tushirilishi yurtimizning iqtisodiy salohiyati va sarmoyaviy jozibadorligini yana-da oshirishga xizmat qilayotganligi borasida so‘z bordi. 

Shuningdek, vazir o‘rinbosari investorlar uchun keng ko‘lamli soliq va bojxona imtiyozlari, preferensiyalar berilganligi, ularning huquqlari va qonuniy manfaatlarini himoya qilish uchun huquqiy asos yaratilganligini taʼkidlab o‘tdi.

Uchrashuv davomida tadbirkorlarning qator savollariga mutaxassislar tomonidan atroflicha javob berildi.

Adliya vaziri Shanxay hamkorlik tashkilotiga (ShHT) a’zo davlatlar adliya vazirlarining navbatdagi o‘n birinchi yig‘ilishida ishtirok etdi

Joriy yilning 6 iyun kuni, adliya vaziri A.Toshqulov onlayn tarzda o‘tkazilgan ShHTga a’zo davlatlar adliya vazirlarining navbatdagi yig‘ilishida ishtirok etdi.

Vazir mamlakatimizda amalga oshirilayotgan adliya va huquq sohasidagi islohotlar hamda qonun ustuvorligini ta’minlash borasida ko‘rilayotgan choralar, shuningdek, ShHTga a’zo davlatlar o‘rtasida hamkorlik istiqbollari borasida nutq so‘zladi.

Tadbirda Qozog‘iston, Qirg‘iziston, Tojikiston, Rossiya, Hindiston, Eron, Pokiston, Xitoy, Belarus adliya vazirlari hamda ShHT bosh kotibi o‘rinbosari ma’ruza bilan ishtirok etdilar.

ShHTga a’zo davlatlar adliya vazirlarining navbatdagi majlisida a’zo davlatlar Adliya vazirliklari faoliyatidagi yangi o‘zgarishlar hamda ShHTga a’zo davlatlar Adliya vazirliklari o‘rtasida hamkorlik istiqbollari muhokama qilindi.

Yig‘ilish davomida ShHTga a’zo davlatlar adliya vazirliklarining yuridik xizmat va sud-ekspertiza faoliyatiga doir ekspertlar ishchi guruhlarining 2024–2026-yillarga mo‘ljallangan chora-tadbirlar rejalari tasdiqlandi. Shuningdek, ShHTga aʼzo davlatlar adliya vazirlarining navbatdagi yigʻilishini tashkillashtiruvchi davlatni hamda sanasini belgilandi.

Tadbir yakunida kun tartibidagi masalalar yuzasidan tomonlarning umumiy kelishuvlarini aks ettiruvchi qoʻshma bayonot imzolandi.

#Adliya_xabari

Amaliyotda uchrayotgan muammo va kamchiliklar muhokama qilindi  

 Adliya vaziri o‘rinbosari X.Meliyev Angren shahar adliya bo‘limi, Davlat xizmatlari markazi, Yuridik xizmat ko‘rsatish markazi va FHDY bo‘limlari ish faoliyati bilan yaqindan tanishib, yurtimizda fuqarolar va tadbirkorlarga davlat xizmatlari ko‘rsatish tizimi bosqichma-bosqich isloh qilinayotganligi, ortiqcha byurokratik to‘siqlarni bartaraf etish hamda davlat xizmatlari ko‘rsatish sifatini tubdan yaxshilash borasida tizimli chora-tadbirlar amalga oshirilayotganligini taʼkidladi.

Adliya organlari ko‘proq aholi orasida bo‘lib, fuqarolarga proaktiv va kompozit xizmatlar, yangi joriy etilayotgan xizmatlarning mazmun-mohiyati to‘g‘risida huquqiy tushunchalar berilishi kerakligi taʼkidlandi.

Sohani yanada rivojlantirish, amaliyotda uchrayotgan muammo va kamchiliklarni bartaraf etish bo‘yicha muloqotda bo‘lib, xodimlarning fikr-mulohazalari, takliflari o'rganildi.