Adliya vaziri Buxoro viloyat Qorako‘l tumani adliya boʻlimi faoliyati bilan yaqindan tanishdi

Adliya vaziri A.Toshqulov tomonidan Qorako‘l tuman adliya bo‘limi, yuridik xizmat ko‘rsatish markazi, davlat xizmatlari markazi va FHDY bo‘limi ish faoliyati bilan yaqindan tanishib, fuqarolarning huquq va erkinliklarini himoya qilish, ularga huquqiy axborotni yetkazish hamda huquqiy xizmat koʻrsatishda tuman adliya boʻlimining faoliyatini yanada jonlantirish masalalariga alohida e’tibor qaratdi.

Shu bilan birga, tuman adliya bo‘limi xodimlari bilan o‘tkazilgan muloqotda sohani yanada rivojlantirish, amaliyotda uchrayotgan muammo va kamchiliklarni bartaraf etish boʻyicha fikr-mulohazalar tinglandi.

Shuningdek, tuman davlat xizmatlariga tashrif buyurgan aholi va tadbirkorlik subyektlari bilan muloqot davomida aniqlangan muammolarni bartaraf qilish, shu jumladan, sohani rivojlantirish, ko‘rsatilayotgan davlat xizmatlari sifatini yanada yaxshilash yuzasidan tegishli ko‘rsatmalar berilib, davlat xizmatlari ko‘rsatishdagi qulayliklar bilan yaqindan tanishib chiqdi.

Adliya vaziri safari davomida Qorako‘l tuman davlat arxivida bo‘lib, arxivda saqlanayotgan 62 281 saqlov birligidagi hujjatlarning saqlanishiga alohida e'tibor qaratib, arxiv tomonidan ko‘rsatilayotgan xizmatlar, ularning sifati, arxiv hujjatlarini shakllantirish, belgilangan talablar asosida saqlash, xodimlarning ish jarayoni, ularga yaratilgan sharoitlar bilan tanishdi.

Shu bilan birga, sohadagi mavjud muammo va kamchiliklar, fuqarolarning murojaatlari bilan ishlashda duch kelinayotgan muammoli holatlar o‘rganilib, tizim xodimlarining fikr-mulohazalari, takliflari tinglandi.

Adliya vaziri tomonidan Kogon tuman adliya bo‘limining yangi binosi qurilish jarayoni bilan tanishdi

Tumanda qurilayotgan yangi bino bilan tanisharkan, eng avvalo, aholi uchun qulay bo‘lishi, zarur sharoitlar yaratilishi zarurligini ta’kidladi.

Yangi binoda adliya boʻlimi, yuridik xizmat koʻrsatish markazi, FHDY boʻlimi va davlat xizmatlari markazining bir joyda boʻlishi hudud aholisiga yana bir qulaylik yaratilishini inobatga olgan holda, vazir tomonidan binoda zamonaviy IT va aloqa uskunalari, fuqarolar uchun qulay kutish maydoni, sovutish tizimi bilan jihozlanishi, shuningdek, nogironlar aravachalari hamda qo‘shimcha infratuzilma va Brayl shriftidagi ma’lumotlar bilan to‘ldirishini alohida aytib o‘tdi.

Shu bilan birga, binoda elektron navbat uskunalarida (Q-matic) xizmatlardan foydalanishda toifalarga ajratgan holda navbat olish imkoniyati, infokiosk, elektron xizmatlardan mustaqil foydalanish zonasi, bolalar o‘yin maydonchasi, ovqatlanish joyi, mini-kutubxona va bepul Wi-Fi bilan ta’minlanishi yuzasidan ko‘rsatmalar berildi.

Миллий қонунчиликни Жаҳон савдо ташкилоти битимларига уйғунлаштиришнинг долзарб масалалари муҳокама қилинди

Жорий йилнинг 31 май куни Адлия вазирлигида Олий Мажлис Қонунчилик палатаси ҳамкорлигида “Миллий қонунчиликни Жаҳон савдо ташкилоти битимларига уйғунлаштириш масалалари” мавзусида конференция бўлиб ўтди.

Конференция ишида Қонунчилик палатаси депутатлари, вазирлик ва идоралар, тадқиқот институтлари ҳамда Жаҳон иқтисодиёти ва дипломатия университети вакиллари иштирок этди. Унда миллий қонунчиликни Жаҳон савдо ташкилоти (ЖСТ) битимларига уйғунлаштиришнинг долзарб масалалари, ушбу ташкилотга аъзо бўлишдаги алоҳида ўрни ва аҳамияти ҳамда илмий саволлар муҳокама қилинди.

Хусусан, адлия вазири ўринбосари Алишер Каримов Ўзбекистон Республикаси Президентининг қарори билан Адлия вазирлиги ҳамда 20 дан ортиқ вазирлик ва идораларда ЖСТ масалалари бўйича бўлинмалар ташкил этилганлигини ҳамда миллий қонунчиликни уйғунлаштириш бўйича доимий иш олиб борилаётганлигини белгилаб ўтди.

Ўз навбатида, вазир ўринбосари 2023-2024 йиллар давомида ЖСТ битимларига мувофиқлаштириш мақсадида 24 та норматив-ҳуқуқий ҳужжатлар қабул қилингани ва 40 тага яқин ҳужжатлар уйғунлаштирилишига эришилганини таъкидлади. Жумладан, ЖСТнинг “миллий режим” тамойилига мувофиқ тадбиркорлик субъектларини ҳамда интеллектуал мулк ҳуқуқларини давлат рўйхатидан ўтказишда маҳаллий ва хорижий шахслар учун ўрнатилган давлат божи миқдорлари бирхиллаштирилди.

Бундан ташқари, Адлия вазирлигида миллий қонунчиликни ЖСТ битимларига уйғунлаштириш бўйича махсус бошқарма ташкил этилганидан буён 700 дан ортиқ қонунчилик ҳужжатлари лойиҳалари ЖСТ қоидаларига мувофиқлиги жиҳатдан экспертизадан ўтказилганлиги қайд этилди.

Шунингдек, илимй ҳамжамият томонидан бу борада малакали кадрларни тайёрлаш масалалари ва зарурияти ҳамда олий таълим муассасаларида ЖСТ қоидалари бўйича курсларни такомиллаштиришга алоҳида эътибор берилиши лозимлиги таъкидланди.

#Adliya_e'tibor

Bir guruh adliya xodimlarining ota-onasiga tashakkurnomalar topshirildi

O'tkazilgan“Oila kuni” tadbiri davomida aholiga normativ-huquqiy hujjatlarning mazmun-mohiyatini aniq va to‘g‘ri yetkazish, ularda vatanparvarlik tuyg‘ularini yanada oshirish hamda amalga oshirilayotgan islohotlarga daxldorlik tuyg‘usini shakllantirishdagi xizmatlari bilan hamkasblariga o‘rnak bo‘lib kelayotgan bir guruh adliya xodimlarining ota-onasiga tashakkurnomalar topshirildi.