#Adliya_onlayn

Айни вақтда Юридик хизмат ходимлари учун “Юридик трансформация: нуқтаи назарларни боғлаш” мавзусида семинар бўлиб ўтмоқда.

Адлия вазирлиги томонидан Dentons Tashkent юридик фирмаси билан ҳамкорликда юридик хизмат ходимлари учун “Юридик трансформация: нуқтаи назарларни боғлаш” мавзусида икки кунлик семинар ўз ишини бошлади.

Тадбирни Адлия вазирининг ўринбосари Музраф Икрамов очиб бериб, соҳани тартибга солувчи қонунчилик ҳужжатлари, амалга оширилган ишлар ҳамда келгусидаги режаларга тўхталиб, чет давлатларда юридик хизмат соҳасига сунъий интеллектдан фойдаланиш тизимлари жорий этилаётганлигига алоҳида урғу бериб ўтди.

Семинарда Dentons Tashkent юридик фирмаси ҳамкори Бобур Шамсиев ҳам сўзга чиқиб, юридик хизматлар фаолиятида сунъий интеллектдан фойдаланган ҳолда инновацион ишлаш методларига ўтишга ва бу орқали соҳани трансформация қилишга бўлган талаб ошиб бораётганлигини ва режалаштирилган тадбир шу йўналишларга қаратилишини тўхталди.

#Ochiq_adliya

Адлия вазирлиги томонидан навбатдаги "Очиқ эшиклар куни"

Мазкур тадбир Адлия органлари фаолияти билан яқиндан танишиш имконини берибгина қолмай, бўлажак ҳуқуқшуносларга кейинги тақдирини у билан боғлаш имконини ҳам беради.

Айни шу мақсадда 2024 йил 14 май куни Адлия вазирлиги томонидан Тошкент давлат юридик университетида "Очиқ эшиклар куни" ўтказилди. Унда 900 дан ортиқ талаба ёшлар ( ТДЮУ, мактаблардан келган ёшлар) иштирок этиб, Адлия вазирлиги тизимидаги ташкилот ва муассасалар фаолияти билан бевосита танишишди.

Тадбирда адлия тизимидаги фаолиятга оид турли бурчаклар ташкил қилинди.

Мазкур бурчакларда:

-суд-экспертизага оид жиҳозлар;
-давлат хизматлари томонидан кўрсатиладиган хизматлар;
-юридик университетнинг таълим жараёнига тегишли тарқатма материаллар;
-архив ҳужжатларидан намуналар;
-интеллектуал мулкка тегишли иҳтиро, фойдали модел, саноат намуналари;
-Адолат маркази томонидан нашр этилаётган энг сўнгги қўлланма, китоблар билан танишиш билан биргаликда, вазирлик фаолиятига оид қизиқарли маълумотларга эга бўлишди.

Бундан ташқари, интеллектуал ҳуқуққа оид билимларини ҳам оширишди. Давлат хизматларидан онлайн фойдаланиш бўйича кўникмаларини шакллантиришди. Ўтмиш билан юзлашишди.

#Adliya_xabari

Rishton tumanidagi "kichik Yaponiya"

Adliya vaziri A. Toshqulov yoshlarning huquqiy savodxonligini oshirish, ularga yaratilayotgan keng imkoniyatlar  borasida olib borilayotgan ishlarni ko‘zdan kechirish maqsadida Farg‘ona viloyatiga tashrif buyurdi.

1998 yildan buyon Rishton tumanida “Noriko Gakyu” yapon tili to‘garagi faoliyat ko‘rsatmoqda. Bu to‘garak birinchi navbatda kam taʼminlangan oilalar farzandlariga mo‘ljallangan.

Adliya vaziri ilk tashrifini mana shu ziyo maskanida boshladi. Bu yerda yoshlarga yaratilgan sharoit va imkoniyatlarni ko‘zdan kechirdi.

Adliya vaziri xizmat safari davomida kam taʼminlangan oila farzandlarini yana-da kengroq jalb qilish, huquqiy sohada yoshlarga taʼlim berishni rivojlantirish masalalarida fikr almashdi.

#Adliya_xabari

Adliya vaziri farg'onalik tadbirkorlar bilan uchrashdi

Adliya vaziri A.Toshqulov ayni paytda Farg‘onada bo‘lib, Rishton tumanidagi kulolchilikka ixtisoslashgan tadbirkorlar bilan uchrashdi.

Uchrashuvda vazir tadbirkorlik sub’ektlariga qonunchilikda yaratilgan imtiyoz va imkoniyatlar haqida tushuntirib, soha faoliyatida uchrayotgan muammolar bo‘yicha huquqiy tavsiyalarni berdi.