#Adliya_xabari

Adliya xalqaro maydonda. Qonun ijodkorligini raqamli transformatsiya qilish bo‘yicha milliy tajriba taqdimot qilindi

2024-yilning 28-mart kuni MDH ishtirokchi davlatlari adliya vazirliklari o‘rtasida onlayn davra suhbati bo‘lib o‘tdi.

Uchrashuvda MDH ishtirokchi davlatlari adliya vazirliklari va O‘zbekiston Respublikasi Adliya vazirligi qoshidagi “Adolat” milliy huquqiy axborot markazi vakillari qatnashdi.

Tadbir davomida O‘zbekiston Respublikasi qonunchilik ma’lumotlari milliy bazasi (Lex.uz), Normativ-huquqiy hujjatlar loyihasini ishlab chiqish va kelishishning yagona elektron tizimi (project.gov.uz) va Normativ-huquqiy hujjatlar loyihalari muhokamasi portali (regulation.gov.uz) imkoniyatlari haqida taqdimot qilindi.

#Adliya_va_yoshlar

Farg’ona viloyatida otaliqqa olingan yoshlar bilan ishlash bo‘yicha yagona yondashuvning namunaviy tajribasini shakllantirishga qaratilgan forum o’z ishini boshladi

Ayni damda Farg‘onada otaliqqa olingan yoshlar bilan ishlashni samarali tashkil etishga qaratilgan yoshlar forumi o‘tkazilmoqda.

Forumning dastlabki kunida Vazirlar Mahkamasi, Davlat xavfsizlik xizmati, Yoshlar ishlari agentligi, 6 ta huquq-tartibot va mudofaa tashkilotlari hamda O‘zbekiston mahallalalari uyushmasining rahbarlari va ekspertlari sohaga doir ma’ruza va taqdimotlari bilan ishtirok etmoqda.

Jumladan, adliya vaziri o’rinbosari Sh. Rabiyev vazirlik tomonidan otaliqqa olingan yoshlarning huquqiy savodxonligini yuksaltirishda amalga oshirilayotgan ishlar yuzasidan ma’lumot berdi.

Xususan #ziyo_ulash aksiyasi doirasida respublikadagi mahallalarda 213 ta kutubxona tashkil etilib, ular 60 mingga yaqin kitob, 155 ta kompyuter va 2 240 dan ortiq mebel jihozlari bilan ta’minlanganligi, “Tarixiy xotirasiz kelajak yo‘q” shiori ostida 3 000 nafarga yaqin yoshlarning muzeylarga va tarixiy obidalarga tashrifi tashkil qilingani, Respublikadagi 902 ta mahallada yashovchi 260 330 nafar yosh ishtirokida 8 678 ta targ‘ibot tadbirlari o‘tkazilganligi aytib o’tildi.

Ma’lumot uchun: 29-30-mart kunlari bo‘lib o‘tadigan mazkur forumda amalga oshirilgan ishlarni rivojlantirishga qaratilgan taqdimotlar, shoʻbalardagi muhokamalarda tizimda aniqlangan muammolar tahlili va ularning yechimlariga qaratilgan munozaralar, Qo‘qon shahridagi 6 ta mahallalarda huquq-tartibot va mudofaa organlari tomonidan olib borilayotgan amaliy ishlar yuzasidan chiqishlar qilinadi.

#Adliya_va_yoshlar

Адлия вазирлигида ЎзЖОКУда таҳсил олаётган бўлажак журналист ва ахборот хизмати ходимлари учун очиқ эшиклар куни

Ёшларни қўллаб-қувватлаш ва Адлия вазирлигида очиқликни таъминлаш мақсадида ЎзЖОКУда таҳсил олаётган талабалар учун очиқ эшиклар куни ўтказилди. Талабаларга вазирликнинг фаолияти, ҳуқуқий ахборотни тарқатиш, жамоатчилик билан алоқалар билан ишлаш ва уни қай тартибда йўлга қўйилиши ва бошқа фаолият йўналишлари юзасидан маълумотлар берилди.

Шунингдек, ёш журналистлар вазирликнинг медиа контентлар тайёрлаш ва тасвирга олиш жараёнлари билан ҳам яқиндан танишдилар. Қолаверса, Адлия органлари тарихи музейига ҳам экскурсия ташкил этилди.

#Adliya_va_yoshlar

TDYUda tahsil olayotgan talaba yoshlar uchun ochiq eshiklar kuni tashkil etildi

Adliya vazirligi markaziy apparatida Toshkent davlat yuridik universiteti talabalari uchun ochiq eshiklar kuni o'tkazildi. Bo’lajak yuristlarga vazirlikning faoliyati yuzasidan ma'lumotlar, tizimda ishlash uchun yaratilgan sharoit va imkoniyatlar haqida ma’lumotlar berildi.

Bundan tashqari, boshqarmalar xodimlari va talaba yoshlar o'rtasida suhbatlar, fikr va mulohazalar o’tkazilib, yoshlar soha bo’yicha o’zlarini qiziqtirgan savollarga javoblar olishdi.

Qolaversa, talabalarga tizim fidoyilari, umuman olganda tizimning tarixi bilan tanishish maqsadida vazirlik organlari tarixi muzeyiga ekskursiya tashkil etildi.