МУРОЖААТЛАР ЖОЙИДА ҲАЛ ҚИЛИНДИ
Тошкент шаҳар прокурорининг Сергели туманида аҳоли муаммоларини ўрганиш борасида сайёр қабули бўлиб ўтган эди.
Қабулда 20 нафар фуқаролар қабул қилинди. 5 нафар фуқаролар сектор раҳбарининг ташаббуси билан амалга оширилган таъмирлаш ишлари, ҳудудда амалга оширилаётган ободонлаштириш ишларида прокуратура органлари ходимларининг қўшган ҳиссаларидан ва кўрсатилган амалий ёрдамдан мамнунлигини билдириб ўтишди.
Шунингдек, қабул давомида Дўстлик-2 мавзеси, 3-уй, 34-хонадонда яшовчи 2-гуруҳ имконияти чекланган фуқаро С.Абдувалиевага 1-Республика клиник шифохонасининг неврология бўлимида даволаниш учун йўлланма, Нилуфар 3-тор кўчаси, 33-уй, 40-хонадонда яшовчи 2-гуруҳ имконияти чекланган В.Гудковага Академик В.Воҳидов номидаги Республика ихтисослаштирилган хирургия марказига жарроҳлик амалиётини ўтказиш учун йўлланма берилиб, керакли дори-дармон учун моддий ёрдам ажратилди.
Сергели-2 мавзеси, 36-уй, 52-хонадонда яшовчи фуқаро Х.Каримовага “Нуроний” шифохонасида даволаниш учун йўлланма берилди. Шунингдек, Спутник-1 мавзеси, 52-уй 2-хонадонда яшовчи фуқаро Т.Сафарованинг мурожаати бўйича унинг турмуш ўртоғи 1-гуруҳ имконияти чекланган А.Сафаровга туман прокурори ўринбосари Ў.Дауланов, туман тиббиёт бирлашмаси бошлиғи М.Абдуллаевалар ногиронлик аравачасини топширишди.
Сергели туман ҳокимлиги Матбуот хизмати
#prokuratura

ЯХШИЛИК ДАРАХТЛАРИ
Имконияти чекланган, кам таъминланган оилалар холидан хабар олиш, уларга мехр-мурувват кўрсатиш раҳбар ходимларнинг асосий мақсад ва вазифаларидан бири бўлибгина қолмай балки иш фаолиятида анъанага айланиб бормоқда.
Сергели туман прокурори ва прокурор ўринбосари ва ёрдамчилари томонидан тумандаги Спутник 2 мавзеси 64-уй, 7-уйда яшаб келаётган фуқаро Галина Чудинага ногиронлик аравачаси берилди. Қолаверса, Спутник 2 мавзеси 11-уй, 3 хонадонда яшовчи фуқаро Назокат Тўлаганходжаева холидан хабар олиниб, моддий ёрдам кўрсатилди.
Одамларга яқинлашмай, улар билан мулоқот қилмай туриб, муаммоларга ечим топиш мушкул. Мулоқот – икки томонлама фикр алмашиш дегани. Демак, давлат идоралари ва халқ ораси қанчалар яқинлашса, мавжуд муаммолар барҳам топади, бу эса юртда тарққиёт ва фаровонлик даражаси янада юксалади, деганидир.
Сергели туман ҳокимлиги Матбуот хизмати
#prokuratura

ОТАДАН 26 МИЛЛИОН СЎМ АЛИМЕНТ УНДИРИЛДИ
Сергели туманида оилалардан бирининг бузилиши оқибатида норасида гўдак ҳам ота меҳридан, ҳам моддий таъминотдан айрилишига тўғри келди. Ота-оналарнинг ажрашиши жараёнида суд томонидан болаларнинг моддий таъминоти учун жавобгарга алимент тўлаш мажбурияти юклатилган. Лекин белгиланган алимент йиллар давомида қарздор, яъни ўша болаларнинг “отаси” томонидан тўланмай келинаётган эди.
Сергели туман прокуратурасига фуқаро А.Абдураҳмонова собиқ турмуш ўртоғи М.Ишкин алимент тўловларини 2013 йилдан буён тўламаслигини, қарздорда ҳозирги кунда алимент тўлови бўйича 26 миллион 305 минг 600 сўм қарзи борлигини ўз мурожаатида маълум қилган.
Шундан келиб чиқиб, Сергели туман прокуратурасининг ҳамкорлигида туман МИБ бўлимининг тезкор ҳаракатлари натижасида қарздор топилиб, мавжуд қарздорлик тўлиқ ундирилиб, 26 миллион 305 минг 600 сўм алимент пуллари болалар тарбияси билан ёлғиз шуғулланишга мажбур бўлаётган онага ундириб берилди.
Сергели туман ҳокимлиги Матбуот хизмати
#prokuratura

СЕРГЕЛИ ТУМАН ЁШЛАР ИТТИФОҚИ ТУМАН ПРОКУРОРИ НИГОҲИДА
Сергели туман прокуратураси мажлислар залида Ўзбекистон ёшлар иттифоқининг Сергели туман кенгаши ўртасида йиғилиш бўлиб ўтди.
Унда туман прокурори Л.Рахмонов, прокуратура ходимлари, туман ёшлар иттифоқи кенгаши раиси Г.Хожиметова ва кенгаш ходимлари иштирок этди.
Туман прокурори Л.Рахмонов ёшлар билан мазмунли суҳбат ўтказди. Уларнинг турли мавзулардаги саволларига жавоб бериб, ҳамкорликда ҳар қандай муаммоларга ечим топишда прокуратура ходимлари тайёр эканлигини айтиб ўтди.
Йиғилиш якунида прокуратура ходимлари билан учрашувларни кўпайтиришга келишиб олинди.
Сергели туман ҳокимлиги Матбуот хизмати
#prokuratura

ПРОКУРАТУРА ХОДИМЛАРИ ХАЛҚ ОРАСИДА, УЛАРНИНГ МУАММО ВА КАМЧИЛИКЛАРИГА БЕФАРҚ ЭМАС
Аҳолининг ижтимоий турмуш тарзини яхшилаш, ечими топилмаётган муаммоларга барҳам бериш ва халқ билан яқиндан мулоқот ўрнатиш мақсадида Тошкент шаҳар прокуратураси ва туман прокуратураси ходимлари Сергели туманидаги “Дарё бўйи” маҳалласига сайёр қабул ўтказди.
Қабулда Тошкент шаҳар прокуратурасининг ижтимоий қонунчилик ижроси устидан назорат бўлимининг катта прокурори У.Садиков, туман прокурорининг ўринбосари Д.Худайқулов ҳамда туман прокурорининг катта ёрдамчиси С.Қаюмов ва маҳалла фуқаролари, тумандаги ташкилот раҳбар ходимлари иштирок этди.
Қабулда аввало, ушбу ҳудудда истиқомат қилувчи фуқаролар билан суҳбатлашиб, уларни қандай муаммолар қийнаётганлиги тўғрисида мурожаатлар тингланди.
Шу билан бирга, қабул чоғида аҳоли томонидан асосан уй-жойга муҳтожлик, ижтимоий ҳимояга муҳтожлар ва бандликка кўмаклашиш, масалаларда мурожаат қилинди. Ҳолат бўйича мутасадди ташкилот вакилларига керакли топшириқлар берилди.
Қабулда туман тиббиёт бирлашмаси, коммунал хизматлар вакиллари ҳам иштирок этганлиги сабабли аксарият мурожаатлар жойида ҳал этилди, қолганлари бўйича мутасаддиларга топшириқлар берилиб, ҳал этилиши назоратга олинди.
Сергели туман ҳокимлиги Матбуот хизмати
#prokuratura

НОГИРОНЛАР КЎНГЛИНИ ШОД АЙЛАБ
Ўзбекистоннинг дунё ҳамжамиятидаги мавқеи янада юксалиб бораётганлиги, аввало, юртимизда ҳукм сураётган тинчлик ва осоишталик неъматининг маҳсулидир. Бу азиз неъматни асраб авайлаш каби улуғвор туйғуларни янада мустаҳкамлаш, кўнгли ўксик ногиронларни ижтимоий қўллаб қувватлаш ва мурувват кўрсатиш биз учун шарафли ва устувор вазифалардандир.
Сергели туман прокурори ташаббуси билан тумандаги “Йўлдош” маҳалласи, спутник 14-мавзе, 104 хонадонда яшовчи Насиба Исматуллаева ҳамда Спутник 8-мавзеси, 12 уй, 8-хонадонда яшовчи 1 гуруҳ ногирони Руслан Шариповларнинг хонадонига бориб, туман прокурор номидан прокурор ўринбосари Ў.Дауланов озиқ-овқат пакетларини топширди. Фуқаролар билан суҳбатлар ўтказди. Фуқароларнинг мурожаатлари жойида ўрганилиб масъулларга топшириқлар берилди.
Зеро, халқ билан мулоқот, уларнинг дарду ташвиши билан яшаш энг асосий мақсад бўлиб, унинг рўёби юртимиз равнақига, унинг янада гуллаб-яшнашига, фуқароларнинг тинч, осуда, фаровон ҳаёт кечиришларини таъминлашга хизмат қилиб келмоқда.
Сергели туман ҳокимлиги Матбуот хизмати
#prokuratura

НОГИРОНЛАР ҲОЛИДАН ХАБАР ОЛИНДИ
“3 декабрь – Халқаро ногиронлар куни”. Мазкур сана ҳар йили юртимизда кенг кўламда нишонланиб, бу борадаги эзгу ишларни яна бир бор сараланади. Айниқса, шу куни ҳаста ва беморлар, боқувчисини йўқотган, ёлғиз кишилар каби меҳрга муҳтожлар ҳолидан хабар олинади.
Сана муносабати билан Сергели туман прокурори томонидан тумандаги “Дўстлик” маҳалласи Дўстлик 2-мавзеси 2 уй, 59 хонадонда яшовчи Тамара Торақўлова ва Спутник мавзеси, 15 уй, 2 хонадонда яшовчи Василий Матсуев, “Ал-фарғоний” маҳалласи Спутник 4-мавзеси 43 уй 22-хонадонда яшовчи Муниса Ботирова, Спутник 3-мавзеси 32 уй 1-хонадонда яшовчи Аниса Умеркоевалар ҳолидан хабар олинди. Уларга озиқ-овқат пакетлари топширилиб, уларнинг муаммолари ўрганилди. Аниқланган муаммолар юзасидан туман прокурор ўринбосари Ў.Дауланов тегишли масъулларга муаммони бартараф этиш борасида аниқ топшириқ бериб ўтди.
Сергели туман ҳокимлиги Матбуот хизмати #prokuratura

ҚАЛБЛАРГА МЕҲР УЛАШИЛДИ
Халқимизда бир-бирига меҳр-оқибат кўрсатиш, хайр-саховат қилиш азалий эзгу одат саналади. 3 декабрь – Халқаро ногиронлар куни Айниқса, байрамлар арафасида Сергели туман прокурори ташаббуси билан туманидаги “Дарё-бўйи”, “Хонобод”, “Дўстлик” маҳалласидаги 55 нафар ногирон ва ногиронлиги бўлган фуқаролар ҳолидан хабар олиниб, уларга ун маҳсулоти топширилди. Фуқаролар хонадонига туман прокурор ўринбосарлари Ў.Дауланов, А.Турғунов, маҳалла ва тиббиёт вакиллари улар ҳолидан хабар олишди.
Кўрсатилган ғамхўрлик ва эътибордан барча оилалар ниҳоятда мамнун бўлдилар.
Сергели туман ҳокимлиги Матбуот хизмати
#prokuratura

#Unvon_muborak
#Prokuratura

🇺🇿O'zbekiston Respublikasi Prezidentining tegishli farmoni bilan Toshkent shahar prokurori Qosimov Ulug'bek Berdiqobilovichga III darajali Davlat Adliya maslahatchisi maxsus unvoni berildi.

🏛Sergeli tuman hokimligi jamoasi Ulug'bek Berdiqulovichni oliy darajali maxsus unvon bilan tabriklab, kelgusi ishlarida kuch-quvvat va sog'lik-salomatlik tilaydi.

🔹️Muvaffaqiyatlaringiz davomiy bo'lsin!

✍️Sergeli tuman hokimligi Matbuot xizmati

📲 Instagram | Facebook | Website

#Prokuratura

🇺🇿O'zbekiston Respublikasining 2016-yil 19-dekabrdagi Qonuni bilan 8-yanvar O'zbekiston Respublikasi prokuratura organlari xodimlari kuni etib belgilangan.

🤝Ushbu sana munosabati bilan Sergeli tuman hokimligi va tuman aholisi nomidan barcha soha xodimlarini samimiy tabriklaymiz.

✨️Xalqimiz uchun qilayotgan mashaqqatli mehnat va faoliyatingizda kuch-quvvat, sihat-salomatlik tilaymiz.

⚜️Bayramingiz muborak bo'lsin!

✍️Sergeli tuman hokimligi Matbuot xizmati

📲 Instagram | Facebook | Website