🇺🇿 #Xabarlar
#Qor_tozlash_ishlari_davom_etmoqda
#BSK
#Mahalla

Tumanda qorli ob-havoda obodonlashtirish va xavfsizlik ishlari samarali tashkil etilmoqda

📍 Sovuq ob-havo sharoitiga qaramasdan, tuman hokimligi hamda tegishli tashkilot xodimlari o‘z vazifalarini fidoiylik bilan bajarishmoqda. Ko‘p qavatli uylarning old qismidagi kirish yo‘laklari muntazam ravishda qordan tozalanib, qum-tuz aralashmasi sepish ishlari olib borilmoqda.

➡️Shuningdek, avtomobil yo‘llari, piyodalar yo‘laklari va jamoat joylarini qordan tozalash ishlari ham izchil tashkil etilgan. Aholi xavfsizligini ta’minlash maqsadida kunu-tun xizmat qilayotgan maxsus texnika vositalari ham ishga jalb etilgan. Tashkilotlar tomonidan o‘z hududlarini obod saqlash hamda fuqarolar uchun qulay sharoit yaratishga qaratilgan chora-tadbirlar davom ettirilmoqda.

Tuman hokimligi fuqarolardan qishki mavsumda ehtiyotkorlikni oshirish hamda ijtimoiy tartib-qoidalarni rioya qilishni so‘raydi.
___

📍Несмотря на холодные погодные условия, сотрудники районного хокимията и соответствующих организаций самоотверженно выполняют свои обязанности. Входные пути многоквартирных домов регулярно очищаются от снега, а также проводится посыпка песчано-солевой смесью.

➡️Кроме того, организованы работы по очистке автомобильных дорог, пешеходных тротуаров и общественных мест от снега. Для обеспечения безопасности граждан круглосуточно задействована специализированная техника. Организации продолжают принимать меры по поддержанию своих территорий в порядке и созданию комфортных условий для населения.

Районный хокимият призывает граждан быть осторожными в зимний период и соблюдать общественный порядок.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida Konstitutsiyaning 32 yilligi munosabati bilan ma’naviy-ma’rifiy tadbirlar tashkil etildi

Sergeli tumani Ma'naviyat va ma'rifat bo‘limi tomonidan Amaliy fanlar universitetida O‘zbekiston Respublikasi Konstitutsiyasining 32 yilligi munosabati bilan ma’naviy-ma’rifiy tadbir tashkil etildi. Tadbirda mamlakatimiz Konstitutsiyasining ahamiyati, asosiy tamoyillari va fuqarolar huquq hamda erkinliklarini ta'minlashdagi o‘rni keng yoritildi. Unda davlat idoralari vakillari, universitet professor-o‘qituvchilari, talabalar hamda keng jamoatchilik ishtirok etdi.

Mazkur tadbir davomida 16 yoshga to‘lgan yoshlarga tantanali ravishda O‘zbekiston Respublikasi fuqarosi pasportlari topshirildi. Ushbu marosim yoshlar hayotidagi unutilmas lahzalardan biri bo‘lib, ular davlatning to‘laqonli fuqarosi sifatida o‘z huquq va burchlarini anglashga undaydi.

Tadbir yakunida Konstitutsiyamizning 32 yilligi mamlakatimizda adolatli, demokratik jamiyat qurish yo‘lidagi muhim qadamlardan biri ekanligi qayd etilib, bu kun har bir fuqaroga faxr va mas’uliyat tuyg‘usini uyg‘otishi lozimligi ta’kidlandi. Shu bilan birga, yosh avlodni vatanparvarlik ruhida tarbiyalash va ularda fuqarolik ongini shakllantirish borasida amalga oshirilayotgan ishlarga alohida urg‘u berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Mahallalarda gaz ta'minoti yaxshilanmoqda!

Hozirda "Ko'hna qumariq" mahallasida, Sergeli tumani gaz ta'minoti xodimlari tomonidan qishki mavsumga tayyorgarlik doirasida gaz bosimi yaxshilanishi bo‘yicha keng ko‘lamli ta'mirlash va sozlash ishlari olib borilmoqda. Ushbu ishlar mahallamiz aholisining gazdan foydalanish sharoitlarini yanada yaxshilash, qish kunlarida issiq va xavfsiz gaz ta'minoti bilan ta'minlash maqsadida amalga oshirilmoqda.

Bundan tashqari, gaz ta'minotini barqarorlashtirish uchun barcha texnik jihatlar, jumladan, tarmoqning holati va bosimni nazorat qilish tizimlari yangilanmoqda. Xodimlarimiz tomonidan olib borilayotgan bu ishlar, ayniqsa, sovuq qish kunlarida mahalla ahlini qulay gaz ta'minoti bilan ta'minlashga qaratilgan.

Tuman bo'ylab bu kabi yangiliklar va yangilanishlarni kuzatib borishda davom eting!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

“Besh tashabbus olimpiadasi” doirasida mini-futbol bo‘yicha musobaqa o‘tkazildi

Yangihayot tumanida idora va tashkilot xodimlari o‘rtasida mini-futbol bo‘yicha hududiy bosqich musobaqasi bo‘lib o‘tdi. Unda 45 yoshgacha bo‘lgan xodimlardan tashkil topgan jamoalar ishtirok etdi.

Turnir davomida jamoalar qizg‘in bahs olib borib, tomoshabinlarga hayajonli va raqobatga boy o‘yinlarni namoyish etishdi. Yakuniy natijalarga ko‘ra, quyidagi jamoalar g‘olib deb topildi:

🥇-o‘rin: Sergeli tumani jamoasi,

🥈-o‘rin: Yangihayot tumani jamoasi,

🥉-o‘rin: Mirobod tumani jamoasi.

Musobaqa so‘nggida g‘olib jamoalar maxsus sovg‘alar va diplomlar bilan taqdirlandi. Turnir yuqori saviyada tashkil etilib, ishtirokchilarga unutilmas taassurotlar qoldirdi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida qish mavsumiga tayyorgarlik bo‘yicha yig‘ilish o‘tkazildi

Sergeli tuman hokimligi majlislar zalida 2024-2025-yillar qish mavsumini xavfsiz o‘tkazish, energetika, kommunal va ijtimoiy soha obyektlarida yuzaga kelishi mumkin bo‘lgan favqulodda vaziyatlar va yirik avariyalarning oldini olish bo‘yicha kengaytirilgan yig‘ilish bo‘lib o‘tdi. Tadbirda sektor rahbarlari, tegishli idoralar mas’ullari va kommunal xizmat tashkilotlari vakillari ishtirok etdi.

Yig‘ilish davomida ijtimoiy obyektlarning isitish tizimlarini mavsumga tayyorlash, elektr va issiqlik ta’minotidagi uzilishlarning oldini olish, yong‘in xavfsizligini ta’minlash bo‘yicha topshiriqlar berildi. Mas’ullarga favqulodda vaziyatlarda tezkor choralar ko‘rish uchun shtablar faoliyatini kuchaytirish va barcha xizmatlarni shay holatga keltirish zarurligi ta’kidlandi.

Yig‘ilish yakunida kuz-qish mavsumiga tayyorgarlikni belgilangan muddatlarda yakunlash bo‘yicha aniq vazifalar belgilandi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanidagi maktablarda ta’lim sifati va kitobxonlikni oshirishga qaratilgan tadbirlar o'tkazilmoqda

Bugun Toshkent shahar Sergeli tumanidagi 7-sonli va 351-sonli umumta’lim maktablari hamkorligida ta’lim sifatini oshirish hamda o‘quvchilarning bilim va ma’naviy kamolotini boyitishga qaratilgan tadbir o‘tkazildi.

Tadbir davomida mehmonlar maktab hayoti, o‘quvchilarga yaratilgan shart-sharoitlar va o‘quv jarayonlari bilan yaqindan tanishdilar. Ular maktab ma’muriyati, pedagoglar jamoasi va o‘quvchilar bilan muloqot qilib, kitobxonlik madaniyatini oshirishning ahamiyati haqida fikr almashdilar.

Tashrif chog‘ida “Bilganlarimizning cheki bor, bilmaganlarimizning cheki yo‘q. Bilmagan narsalarimizni o‘qib o‘rganishimiz va o‘zaro tajriba almashishimiz kerak” degan fikrlar ustozlar va o‘quvchilar bilan ochiq muloqotda alohida ta’kidlandi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website