🇺🇿 #Rasmiy_munosabat

📲 Ijtimoiy tarmoqlarda Sergeli tumani "Bunyodobod" MFY Sergeli 6a ichki ko'chalarda piyodalar yo’lagi yo’qligi haqida ma'lumot e'lon qilingan edi.

✔️O'rganishlar natijasida shuni ma'lum qilamizki, "Bunyodobod" 6a-mavzesi ichki ko'chalarida piyodalar yo’lagi yo’qligi bo’yicha mazkur massiv 2017-yil "Arzon ko‘p kvartirali uylarni qurish va rekonstruksiya qilish davlat dasturi" doirasida bosh planga asosan qurilish ishlari amalga oshirilgan.
32 avtobus to’xtash joyi oldidagi noqonuniy savdo do’koni bo’yicha Sergeli tuman kadastr agentligi mas'ul xodimlari tomonidan yer nazorati ishlari olib borildi hamda Toshkent tumanlararo iqtisodiy sudining hal qiluv qarori bilan "Roziya-Umar Invest Group" mas’uliyati cheklangan jamiyati zimmasiga qaror qonuniy kuchga kirganidan so‘ng 15 kun muddatda Toshkent shahar, Sergeli tumani, Sergeli 6A-mevzesi, 18-uy ro‘parasida joylashgan, 14 kv.m o‘zboshimchalik bilan egallab olingan yer uchastkasi shuningdek noqonuniy qurilgan 14 kv.m qurilmani o‘z hisobidan bartaraf etish majburiyati yuklatilgan va Bosh Prokuratura qoshidagi Majburiy ijro byurosi tomondan ijroga qaratilganligini ma’lum qilamiz.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

✔️ Sergeli tumanida sodir boʻlgan yongʻin haqida maʼlumot.

Bugun, 5-aprelda Toshkent shahar Sergeli tumani, Xonobod ko‘chasida joylashgan korxona hududida yong‘in sodir bo‘lganligi haqida ijtimoiy tarmoqlarda ma'lumot tarqaldi.

Zudlik bilan, Favqulodda vaziyatlar vazirligiga xabar berilib, soat 12:43 da yong‘in o‘chirildi.
Yong‘in natijasida 20 kv.m. maydonda qurilish chiqindilari yongan.
Hodisa oqibatida qurbonlar va jarohatlanganlar yo‘q.

Hozirda yong‘in sabablari o‘rganilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

✅Ijtimoiy tarmoq orqali “3 yil boʻldi domga koʻchib kelganimizga, lekin haligacha kadastri yoʻq” degan sarlavxada xabar tarqaldi.

Yuqoridagi xabarlar yuzasidan Sergeli tuman hokimligi quyidagilarni maʼlum qiladi:

Sergeli tumani, “Quruvchilar” MFY hududida "PSK-2" MCHJ tomonidan 2018-2020-yillar davomida ko'p qavatli turar joylar qurish ishlari amalga oshirilgan. Mazkur MCHJning bank bilan bog'liq qarzdorligi yuzasidan jinoyat ishi qo'zg'atilgan.

Holat yuzasidan “PSK-2” MCHJga xonadonlar uchun umumiy toʻlov qilgan fuqarolar 56 nafar boʻlib, shundan Sud hukmiga koʻra, xonadonlar uchun toʻlovni toʻliq amalga oshirgan 21 nafar fuqarolar hukm qonuniy kuchga kirganidan soʻng, qolgan 21 nafar fuqarolar yaʼni, xonadonlar uchun toʻlovlarni qisman toʻlaganlar, ushbu toʻlovlar ular tomonidan toʻliq amalga oshirilgandan soʻng, kadastr idorasiga qoʻyilgan taʼqiqlarni bekor qilib, mulk huquqini davlat roʻyxatidan oʻtkazish majburiyati yuklatilgan.
Yuqoridagilarni inobatga olib, dastlabki tergov va sud jarayonlarida murojaat qilmagan 14 nafar fuqarolarga Sergeli tuman IIO FMB TBda jamiyat mansabdor shaxslariga nisbatan Jinoyat Kodeksining 168 va 228-moddalari bilan alohida ish yurituviga ajratilgan jinoyat ishi doirasida surishtiruv ishlari olib borilayotganligini, jabrlanuvchi fuqarolar belgilangan tartibda Sergeli tuman IIO FMB TB ga murojaat qilishlari tavsiya etiladi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

✅Ijtimoiy tarmoq orqali Sergelidagi kafedan ko'p miqdorda tutun chiqayotgani aks etgan video tarqaldi.

Sergeli tumani hokimligi mutasaddilari tomonidan zudlik bn joyiga chiqib vaziyat o'rganildi. O'rganish natijasida "Sof" kafesining dudbo'ron ichidagi yog'lari erib, qizishi natijasida oshxonaning katta yo'l tarafi 0,5 kv.m qismida kichik yong'in yuz bergan hamda tezlik bilan yong'in o'chirilganligi aniqlandi.

Mazkur holat oqibatida hech kimga zarar yetmagan.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

❓ Bugungi kunda Sergeli tuman hokimligiga “SERGELI CITY” turar-joy obyekti, manzili, narxi yuzasidan fuqarolar tomonidan koʻplab murojaat va savollar kelib tushmoqda.

✔️Yuqoridagilardan kelib chiqib, “SERGELI CITY” koʻp qavatli turar-joy obyekti loyihasi Toshkent shahri, Sergeli tumanida joylashmaganligini, ushbu xususiy koʻp qavatli turar-joy obyekti Toshkent viloyati, Quyichirchiq tumani hududida joylashganligini maʼlum  qilamiz. 

Oʻz navbatida fuqarolardan xususiy uy-joy sotib olishda aldanib qolmasliklarini, tasdiqlangan kadastr pasportiga ega boʻlgan uylarni xarid qilishlarini tavsiya etamiz.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

❓ Ijtimoiy tarmoq sahifalarida Sergeli tumani, "Qo'shqo'rg'on" MFY hududiga sanoat zonasi qurilishi yuzasidan xabarlar e'lon qilindi.

✔️ Sergeli tumani hokimligi shuni ma'lum qiladiki, hozirgi kunda "Qo'shqo'rg'on" mahallasida hech qanday sanoat zonasi qurilishi rejalashtirilmagan. O'tgan yilda shu haqidagi fikr va g'oyalar rad etilgan.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Rasmiy_munosabat

Sergeli tumani "Mirzo Tursunzoda" va "Mehrigiyo" koʻchalari kesishmasida qurilayotgan “Madadkor” MFY markazi haqida

Oʻzbekiston Respublikasi Prezidentining 2023-yil 25-dekabrdagi “Mahalla institutining jamiyatdagi rolini tubdan oshirish va aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida”gi PF-209-sonli Farmoniga asosan, mahallalarni qoʻllab-quvvatlashni yanada takomillashtirish, mahallabay ishlashga masʼul boʻlgan shaxslar faoliyatini va hamkorligini samarali taʼminlash maqsadida “mahalla yettiligi” faoliyatini tashkil etilishi belgilangan.
Mazkur qaror asosida mahallaning jamiyat hayotidagi oʻrnini oshirish hamda sohada boshqaruv tizimini takomillashtirish maqsadida mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektoridan iborat “mahalla yettiligi” faoliyati yoʻlga qoʻyildi.

Qaror ijrosi boʻyicha birinchi navbatda “mahalla yettiligi” faoliyatini amalga oshirish uchun zarur shart-sharoitlar yaratish, zarur bino va moddiy texnik bazasi bilan taʼminlash maqsadida Toshkent shahrida, jumladan, Sergeli tumanidagi barcha MFY binolari xatlovdan oʻtkazildi. Moslashgan binolarda joylashgan mahallalar, shuningdek, “mahalla yettiligi” oʻz faoliyatini toʻlaqonli amalga oshirish uchun sharoit boʻlmagan
7 ta MFY binolari roʻyxati shakllantirilib, mazkur mahallalarda “mahalla yettiligi”ga zarur sharoit yaratish va zamonaviy “mahalla markazlari”ni barpo etish belgilandi.

Oʻzbekiston Respublikasi Prezidentining 2024-yil 16-yanvardagi tegishli qaror asosida mazkur 7 ta mahalla, jumladan ijtimoiy tarmoqlarda keltirilgan hududda “Madadkor” mahalla fuqarolari yigʻini markazi barpo etilmoqda. Mazkur obyektda kelajakda mahalla idorasi, aholini ish bilan taʼminlash boʻyicha xizmat koʻrsatish obyektlari va yoshlarni taʼlimga yoʻnaltirishga qaratilgan oʻquv markazlari tashkil etiladi.

✍️Sergeli tuman hokimligi Matbuot xizmati

🇺🇿 #Rasmiy_munosabat

❓ Ijtimoiy tarmoqlarda, xususan, Gazeta.uz internet nashrida Sergeli tumani, “Sugʻdiyona” mahallasi hududida tashkil etilayotgan 24/7 rejimda ishlaydigan gastronomik va turizm koʻchasiga oid maqola eʼlon qilindi.
Unga koʻra, asosiy yoʻlning transport qatnoviga moʻljallangan qismini bir tomonlama yoʻlga qisqarishi oqibatida ushbu yoʻlda va  mahallaning ichki koʻchalarida tirbandliklar yuzaga kelishi boʻyicha taxminlar ilgari surilgan.

✅Mazkur holatga aniqlik kiritadigan boʻlsak, joriy yilda umumiy uzunligi 1,3 km ni tashkil etuvchi gastronomik va turizm koʻchasi tashkil etilib, aholini madaniy xordiq chiqarishi uchun qulay sharoit yaratish, bundan tashqari, 45 ta tadbirkorlik subyektlarini tashkil etish rejalashtirilgan. Buning hisobiga, mazkur koʻchada 300 dan ortiq yangi ish oʻrinlarini yaratiladi va yiliga 4 mlrd. soʻmdan ortiq budjet tushumlari tushishi taʼminlanib, toʻliqligicha ijtimoiy sohaga, xususan, taʼlim va tibbiyot yoʻnalishlarini qoʻllab-quvvatlashga yoʻnaltiriladi.
Mazkur koʻchani master rejasini ishlab chiqish jarayonida keng jamoatchilik fikri, shuningdek, aholining takliflari ham inobatga olingan. Kuni kecha Gazeta.uz internet nashrida keltirilgan holatlar ham tahlil qilinganligi va bundan kelib chiqib, loyihaga tegishli qoʻshimchalar kiritilayotganligini  maʼlum qilamiz.

❗️Ushbu koʻchada eng asosiy jihat sifatida piyodalar xavfsizligini taʼminlash, hududni toʻlaqonli yashil va zamonaviy saylgoh koʻrinishiga olib kelinishiga ahamiyat qaratilmoqda.
Mahallaning ichki koʻchalaridagi transport oqimi va jadalligini oʻrnatilgan tartibda barqarorlashtirish maqsadida 1,3 km. uzunlikdagi koʻchaning faqatgina 400 metr qismini bir tomonlama qatnov yoʻnalishida tashkil etish, qolgan asosiy koʻchalarni oʻzgarishsiz qoldirish koʻzda tutilmoqda.
Bundan tashqari, transport oqimini samarali boshqarish maqsadida yoʻllarning qatnov qismidagi oʻzgarishlarni inobatga olib, 24/7 rejimda ishlaydigan gastronomik va turizm koʻchasiga tutash boʻlgan 4 ta asosiy chorraha svetoforlari boʻyicha harakatlanish vaqti oraliqlari qayta koʻrib chiqiladi. Natijada, nafaqat asosiy koʻchada, tumanning tutash boshqa koʻchalarida ham transport oqimi tartibga solinadi.

📌Mazkur koʻchaning asosiy qatnov qismi joriy yilning 1-noyabr kunidan foydalanishga topshirilishi kutilmoqda. Sergeli tuman hokimiyati tomonidan ushbu koʻchani aholi uchun yanada qulay va jozibador koʻrinishga keltirish boʻyicha keng jamoatchilik, xususan OAV takliflarini inobatga olishga va joriy etishga tayyorligi maʼlum qilinadi.

Keltirilgan noqulayliklar uchun fuqarolardan yana bir bor uzr soʻraymiz.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website 📺You Tube