🇺🇿#Xabarlar

Sergeli tumanida yong‘inlarning oldini olish bo‘yicha Hududiy komissiya yig‘ilishi bo‘lib o‘tdi

Sergeli tumani hokimi – Fuqaro muhofazasi boshlig‘i E.Shukurov raisligida 2025-yil may oyida "Favqulodda vaziyatlar hamda kelib chiqishi mumkin bo‘lgan yong‘inlarning oldini olish va ularni bartaraf etish bo‘yicha Hududiy komissiya yig‘ilishi" o‘tkazildi.

Yig‘ilishda tumandagi sanoat hududida yirik yong‘in sodir bo‘lgani va uning oqibatlari juda ayanchli holatga olib kelishi mumkinligi ta’kidlandi. Xususan, yozning jazirama kunlarida yong‘in xavfining yuqoriligi inobatga olinib, bunday holatlarning oldini olish bo‘yicha keskin choralar ko‘rish zarurligi qayd etildi.

Yig‘ilish yakunida tuman hokimi tomonidan yong‘in xavfsizligini ta'minlash maqsadida maxsus ishchi guruhlar tuzilib, ular tomonidan joylarda amaliy ishlar olib borilishi yuzasidan aniq topshiriqlar berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Probatsiya ro‘yxatida turuvchi xotin-qizlar bilan navbatdagi qabul o‘tkazildi

O‘zbekiston Respublikasi Prezidentining PQ-103 hamda PQ-1 qarorlarining ijrosini ta’minlash maqsadida Sergeli tumani Oila va xotin-qizlar bo‘limi tomonidan tuman IIB bilan birgalikda probatsiyada turgan xotin-qizlar uchun sayyor qabul tashkil etildi.

Mazkur tadbirda Tuman oila va xotin-qizlar bo‘limi, Tuman tibbiyot birlashmasi boshlig‘i o‘rinbosari, Tuman bandlikka ko‘maklashish markazi, shuningdek, probatsiya bo‘limi boshlig‘i, Sergeli tumani IIO FMB HPB xotin qizlar masalalari boʻyicha katta inspektorlari ishtirok etdi.

Tadbir davomida xotin-qizlarning ijtimoiy holati o‘rganilib, ularni sog‘lom turmush tarziga yo‘naltirish, ish bilan ta’minlash, psixologik yordam ko‘rsatish hamda huquqiy savodxonligini oshirishga doir masalalar muhokama qilindi.

Shuningdek, mavjud muammolar bo‘yicha mutasaddi tashkilotlar vakillari tomonidan tegishli tavsiyalar berildi va joyida hal etilishi mumkin bo‘lgan ayrim masalalarga amaliy yordam ko‘rsatildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida probatsiyadagi fuqarolar muammolari o‘rganildi

Sergeli tumani Ichki ishlar organlari faoliyatini muvofiqlashtirish bo‘limi Probatsiya guruhi hisobida turgan mahkumlar tuman IIB boshlig‘ining navbatdagi shaxsiy qabulida ishtirok etdilar.

Qabul davomida fuqarolarning muammolari, ijtimoiy masalalari hamda qayta jamiyatga moslashuv jarayonidagi qiyinchiliklari o‘rganildi. Ularning har bir murojaatiga boshliq — podpolkovnik Elyor Ergashev tomonidan alohida e’tibor qaratilib, huquqiy tushuntirishlar berildi va tegishli choralar belgilandi.

Bunday uchrashuvlar mahkumlarning huquqlari ta’minlanishi va ularning ijtimoiy hayotga qaytishini qo‘llab-quvvatlashda muhim ahamiyat kasb etadi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida yozgi ta’til mazmunli o‘tmoqda!

📣Sergeli tumanida yozgi ta’til davrida o‘quvchi va talabalar hamda mahalla yoshlari uchun "Dolzarb 90 kunlik" tadbirlari boshlandi! Mazkur tashabbus yoshlarning bo‘sh vaqtini mazmunli o‘tkazish, ularni sport va intellektual mashg‘ulotlarga jalb etish maqsadida yo‘lga qo‘yilgan.

✅ Shu munosabat bilan tumandagi Shaxmat maktabida yoshlar o‘rtasida shaxmat va shashka musobaqalari tashkil etildi. Turnirda turli maktab, kollej va mahallalardan yig‘ilgan yoshlar ishtirok etdi. Bellashuvlar teng va qiziqarli kechdi, g‘oliblar esa esdalik sovg‘alari bilan taqdirlandi.

🎙Tadbirlar davomida yoshlarning bilim va salohiyatini namoyon etish, ularni sog‘lom turmush tarziga yo‘naltirish, vaqtni to‘g‘ri boshqarish kabi jihatlarga alohida e’tibor qaratilmoqda.

"Dolzarb 90 kunlik" doirasida yoshlar uchun sport, madaniy va ma’naviy-ma’rifiy tadbirlar muntazam davom etadi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website

🇺🇿#Xabarlar

Sergelida yozgi ta’til davomida yoshlar uchun samarali tadbirlar davom etmoqda

Sergeli tumanida yozgi ta’til davrida o‘quvchilar, talabalar hamda mahalla yoshlari uchun bo‘sh vaqtni mazmunli va samarali tashkil etishga qaratilgan 90 kunlik dolzarb tadbirlar rejasiga muvofiq ishlanmalar izchil davom ettirilmoqda.

Jumladan, chora-tadbirlar doirasida tumandagi umumta’lim maktablarining bitiruvchi yoshlari ishtirokida PDP universitetida “Ochiq eshiklar kuni” tadbiri tashkil etildi.

Mazkur tashrif davomida yoshlarga universitetda ta’lim olish imkoniyatlari, zamonaviy kasblar, IT yo‘nalishlari va talabalar hayoti haqida batafsil ma’lumotlar berildi. Bu esa yoshlarning kelajak kasb tanlovi va o‘z oldiga maqsad qo‘yishida muhim omil bo‘lib xizmat qiladi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida oilaviy tadbirkorlikni rivojlantirish masalalari muhokama qilindi

Kuni kecha Sergeli tuman hokimining birinchi o'rinbosari A.Jumaboyev boshchiligida iqtisodiy majmuaga kiruvchi bo‘limlar, tijorat banklari va hokim yordamchilari ishtirokida navbatdagi muhokama yig'ilishi bo‘lib o‘tdi.

Unda tumanda “Oilaviy tadbirkorlikni rivojlantirish dasturlari” doirasida amalga oshirilayotgan ishlar tahlil qilindi. Ma’lumotlarga ko‘ra, 2018–2025 yillar davomida jami 1 129 nafar jismoniy va yuridik shaxslarga 14,7 milliard so‘mdan ortiq imtiyozli kreditlar ajratilgan. Ushbu moliyaviy resurslar hisobidan 1 000 dan ziyod mikroloyihalar hayotga tatbiq etilgan.

Biroq, tadbirkorlarni moliyaviy qo‘llab-quvvatlash jarayonida muammolar ham mavjud. Xususan, ayrim mijozlar ajratilgan kreditlarni o‘z vaqtida qaytarmagani bois, 200 dan ortiq muammoli qarzdorlik holatlari yuzaga kelgan.

Muhokama davomida tadbirkorlarni har tomonlama qo‘llab-quvvatlash, shuningdek, banklarning faoliyatini yaxshilash va qarzdorliklarni o‘z muddatida undirib, qaytarilgan resurslarni yana yangi loyihalarga yo‘naltirish bo‘yicha istiqboldagi rejalar yuzasidan vazifalar taqsimlab berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida yozgi ta’til davrida o‘quvchilar, talabalar hamda mahalla yoshlari uchun bo‘sh vaqtni mazmunli tashkil etish bo‘yicha 90 kunlik dolzarb tadbirlari davom etmoqda.

Xususan, Sergeli tumani sport maktabida "Yangi O‘zbekiston Olimpiya cho‘qqilari" musobaqalarining sport kurashlari turi bo‘yicha mintaqaviy bahslari bo‘lib o‘tdi.

Musobaqada 15-17 yosh toifasidagi iqtidorli sportchilar kurash maydonida o‘zaro kuch sinashdi.

Yakunda g'oliblar diplom, medal bilan taqdirlanib keyingi bosqichga yo'llanmani qo'lga kiritdilar.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida ishsiz xotin-qizlar uchun amaliy ko‘mak: ARTEL korxonasiga safar tashkil etildi

Sergeli tumani Oila va xotin-qizlar bo‘limi hamda tuman Ichki ishlar bo‘limi hamkorligida ishsiz xotin-qizlarni ish bilan ta’minlash maqsadida navbatdagi amaliy qadam tashlandi.

Shu maqsadda, ishsiz xotin-qizlar ARTEL korxonasiga tashrif buyurishdi. Safar davomida ularga korxona faoliyati, ish sharoitlari, mavjud bo‘sh ish o‘rinlari haqida batafsil ma’lumot berildi. Qiziqish bildirgan xotin-qizlar suhbatdan o‘tishdi.

Mazkur tashabbus xotin-qizlarning bandligini ta’minlash, oilalar farovonligini oshirishga qaratilgan ishlardan namunadir.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

☀️ Yoz – yoshlar uchun imkoniyatlar fasli!

Yozgi ta’til davomida maktab va mahalla binolarida yoshlarning bo‘sh vaqtini mazmunli o‘tkazish maqsadida turli ko‘ngilochar o‘yinlar, to‘garaklar, sport musobaqalari, madaniy-ma’rifiy tadbirlar, kitobxonlik tanlovlari, rahbar yoshlar bilan uchrashuvlar rejalashtirilgan.

🔹 Shundan kelib chiqib, 2025-yil 9-iyun kuni Toshkent shahar Sergeli tumanidagi bir qator MFYlarda, jumladan "Farog‘atli" va "Quruvchilar" mahallalarida yoshlar yetakchilari tashabbusi bilan “Dolzarb 90 kunlik” tadbirlar doirasida stol tennisi musobaqasi tashkil etildi.
Yoshlar sport orqali sog‘lom turmush tarzini tanlashmoqda va faollik bilan ishtirok etishmoqda. 🏓

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website