ИССИҚЛИК ҚУВУРЛАРИНИНИНГ ИССИҚЛИК ИЗОЛАЦИЯСИ ТАЪМИРЛАБ ЧИҚИЛДИ
“TOSHISSIQQUVVATI” Давлат унитар корхонаси Сергели тумани бошқармаси томонидан тумандаги «Учувчилар» маҳалласи, Учувчилар мавзесидаги 80-80 б уйлар олдидаги иссиқлик тармоқлари куз-қиш мавсумига тайёрланди. Иссиқлик қувурларининг иссиқлик изолацияси қайта тиклаш мақсадида ДУ 76 120 пм ишлари олиб борилди.
Туманда иссиқлик таъминоти тизимларини таъмирлаш ва модернизация қилиш ишлари давом эттирилмоқда.
Сергели туман ҳокимлиги Матбуот хизмати #kommunal

ОБОДЛИК МАҲАЛЛАДАН БОШЛАНАДИ
Ўлкамизда мана Куз... Нақадар гўзал ва сержило фасл... Ҳар бир фаслнинг ўз чиройи бўлганидек, бу фаслнинг ҳам ўзгача, ҳеч қайси фаслникига ўхшамаган ҳусн-таровати бор. Бу фасл “Ҳазон” барглари билан ажралиб туради.
Ҳазон резги бошланганлиги ва кечқурунлари шамол гўёки дарахтлар билан ўйнагандек, дарахтлар баргларини ерларга поёндоз мисоли ёймоқда. Ҳамиша эрта тонгдан кўчаларни озодалигини сақлаш учун ободонлаштириш ходимлари хизмат қилади. Сергели туманидаги масъуллар ҳар тонгдан аҳолига қулайликлар яратиш, муаммоларни жойида бориб ўрганиб, бартараф этишмоқда. Бугун ҳам туман ҳокимининг уй-жой, коммунал хизмат кўрсатиш ва ободонлаштириш масалалари бўйича ўринбосари А.Ганиев ҳудудларда бўлиб, қуриган шох-шаббалар, барглар, ўтлар, ҳар хил чиқиндиларни ўз вақтида олиб кетилиши бўйича тегишли мутасаддиларга топшириқлар бериб ўтди.
Сергели туман ҳокимлиги Матбуот хизмати
#kommunal

МАСЪУЛ РАҲБАРЛАР МУАММОНИ ЖОЙИДА ЎРГАНИШДИ
Қишнинг қировли кунлари ҳам яқинлашмоқда. Бу фаслда одамларнинг руҳияти, ишчанлик кайфияти мавсумга кўрилган тайёргарлик ишларига боғлиқ.
Сергели туман ҳокимининг биринчи ўринбосари Ҳ.Яркулов ҳамда тумандаги 4-сектор раҳбари туман солиқ инспекцияси бошлиғи Ж.Эргашовлар тумандаги 297-сонли мактабгача таълим муассасаси шароитини ўрганишди. Ушбу масканда бугунги кунда 370 нафар болалар тарбияланмоқда. Ўрганиш жараёнида муассасанинг иссиқлик тизимини капитал таъмирлаш учун туман ҳокими томонидан маблағ ажратилди.
Сергели туман ҳокимлигининг Матбуот хизмати
#kommunal

ИССИҚЛИК ТИЗИМИДАГИ КАМЧИЛИКЛАР БАРТАРАФ ЭТИЛДИ
Қишнинг совуқ кунлари яқин. Энди аҳоли хонадонлари, айниқса, кўп қаватли уйлардаги хонадонларни иситиш муаммоси кун тартибидаги долзарб мавзуга айланади. Шу мақсадда, Сергели туман ҳокимининг ўринбосари А.Ганиев томонидан тумандаги “Учувчилар” маҳалласи Аэропорт 1а уйнинг иситиш тизимлари ўрганилди. Ўрганиш давомида аниқланган камчиликлар юзасидан жойида масъулларга топшириқ бериб ўтди. Масъуллар томонидан исситиш тизмидаги камчиликлар бартараф этилди.
Сергели туман ҳокимлиги Матбуот хизмати
#kommunal

Бугун Сергели туман ҳокими ўринбосари А.Ганиев тумандаги “Ҳонобод” маҳалласидаги янги қурилаётган уйларга коммуникация хизматларини олиб кириш бўйича аҳоли ва коммунал соҳа ходимлари билан масалани жойида ҳал қилиш чоралари кўрилди. Ўрганиш давомида соҳа мутахассислари томонидан таклифлар бериб ўилди.
Сергели туман ҳокимлиги Матбуот хизмати
#kommunal

180 ТА ХОНАДОНГА МЕЪЁРИДА ГАЗ ЕТИБ БОРАДИ
Сергели туманидаги “Дарё бўйи” маҳалласида Республика ишчи гуруҳи аъзолари ва туман ҳокими ўринбосарлари маҳаллада бўлиб, қиш мавсумини беталофат ўтказиш бўйича амалга оширилган ишлар билан танишди. Қиш мафсумига таёргарлик кўриш, аҳолига бир меъёрда узлуксиз газ етказиб бериш мақсадида, эскирган газ тартиблагич пункти ўрнига янги газ тартиблагич пункти ўрнатилди. Бу газ тартиблагич 180 та хонадонга бир меъёрда газ етказиб беради.
Сергели туман ҳокимлиги Матбуот хизмати
#kommunal

ФУҚАРОЛАР МУРОЖААТИ НАЗОРАТДА
Давлат ва жамият ўртасидаги алоқаларни мустаҳкамлайдиган мазкур халқ билан мулоқот тобора ўзига хос анъанага айланиб бормоқда.
Сергели туман ҳокимининг ўринбосари А.Ганиев тумандаги “Дўстлик” маҳалласидаги 12-автопарк ёнидаги якка тартибда қурилган уйлар ҳудудида бўлди. Ушбу маҳалла кўчасида бугунги кунда 57 та хонадон, 400 нафардан ортиқ фуқаролар истиқомат қилиб келмоқда. Яқинда туман ҳокими қабулида бўлган фуқаролар кўча йўллари таълабга жавоб бермаслиги, қуз-қиш ойларида ёғингарчилик сабаб аҳоли ҳаракатлана олмаслиги, лой ва кўлмаклар ҳосил бўлиб, қийинчиликлар тўғдираётганлиги борасида мурожаат қилишган эди. Мурожаат юзасидан А.Ганиев маҳаллада бўлиб, ҳудудни мутасадди ташкилот раҳбар ходимлари билан ўрганиб, тез кунда ҳудудда ободонлаштириш ва асфальт ётқизиш ишлари олиб борилиши хусусида топшириқлар бериб ўтди.
Сергели туман ҳокимлиги Матбуот хизмати
#kommunal