#Rasmiy_bayonot

2021/2022-oʻquv yili uchun respublika oliy ta’lim muassasalarida bakalavriat yoʻnalishlari va magistratura mutaxassisliklari boʻyicha toʻlov-kontrakt qiymati miqdorlari toʻgʻrisida Oliy va oʻrta maxsus ta’lim vazirligining bayonoti

Axborot xizmati rahbari Sardor Usmanov

👉 Matn formatida o'qish
👉 Kontrakt miqdorlari
👉 Kontrakt miqdorlarining taqqoslama jadvali
___
Vazirlikning rasmiy sahifalari:
Telegram | Instagram | Facebook | YouTube

#Rasmiy_munosabat

OTMda xodimlar oylik ish haqidan shanbalik uchun pul mablagʻlari ushlab qolinayotganligi haqidagi xabarlar yuzasidan

Soʻnggi kunlarda ijtimoiy tarmoqlarda ikkita OTMda xodimlarning oylik ish haqidan hashar va shanbalik uchun pul mablagʻlari ushlab qolinayotganligi mazmunida xabar keng tarqalmoqda.

Achinarlisi, ushbu xabarlardan biri oʻz tasdigʻini topdi. Bu holat, ya’ni oliy ta’lim muassasasida xodimlarning ish haqlaridan pul mablagʻlarini xodimning roziligisiz hashar yoki shanbalik uchun ushlab qolinganligi adliya organlari tomonidan aniqlandi.

Oliy va oʻrta maxsus ta’lim vazirligi mazkur holatlarni keskin qoralaydi. Ushbu xatti-harakat qonunga zid hisoblanib, bunga yoʻl qoʻygan mansabdor shaxslar uchun, albatta, huquqiy javobgarlik mavjud.

O‘zbekiston Respublikasi Mehnat kodeksining 164-moddasiga koʻra, xodimning yozma roziligi boʻlmay turib, uning ish haqidan ushlab qolinishi mumkin emas. Mazkur moddada ish haqidan xodimning roziligisiz ushlab qolinishi mumkin boʻlgan holatlar ham sanab oʻtilgan boʻlib, ular orasida hashar yoki shanbalik koʻzda tutilmagan.

Rozilik deganda har bir xodimning yozma roziligi nazarda tutiladi. Bunday rozilik boʻlmagan taqdirda esa, sudning qaroriga asosan yoʻl qoʻyiladi.

Shunday ekan, hurmatli oliy ta’lim muassasalari va filiallar professor-oʻqituvchilari hamda xodimlar ish haqingizdan pul oʻtkazish yoki oʻtkazmaslik sizning mutlaq ixtiyoringizda. Sizning roziligingizsiz ish haqingizdan hech kimning foydalanishga mutlaqo haqqi yoʻq.

Vazirlikning rasmiy sahifalari:
Telegram | Instagram | Facebook | YouTube

​#Rasmiy
#Qonunchilik_yangiliklari

Talabalar va oʻquvchi yoshlar uchun yil davomida har oyda beriladigan “Zakovat” stipendiyasi joriy etiladi

“Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida”gi Prezident qarori imzolandi.

Qarorga koʻra, 2022/2023-oʻquv yilidan boshlab:

🔹 har yili aprel oyida “Intellektual haftalik” tadbiri oʻtkazib boriladi;
🔸 intellektual oʻyinlarning respublika bosqichida gʻolib boʻlgan oʻquvchi yoshlar va talabalar uchun yil davomida har oyda beriladigan “Zakovat” stipendiyasi joriy etiladi.

🗓 2022-yildan boshlab:

🔹 bosqichma-bosqich umumiy oʻrta, Prezident, oʻrta maxsus va professional hamda OTMda “Zakovat” intellektual klublari faoliyati yoʻlga qoʻyiladi;
🔸 har yili talabalar oʻrtasida Intellektual olimpiada tashkil qilinadi. Unda umumjamoa hisobida dastlabki uchta oʻrinni qoʻlga kiritgan OTMga Oʻzbekiston Respublikasi Prezidenti sovgʻasi topshiriladi;
🔹 intellektual oʻyinlarning respublika bosqichida gʻolib va sovrindor boʻlgan umumiy oʻrta, oʻrta maxsus va professional taʼlim muassasalari oʻquvchilari hamda OTM talabalari taʼlimning keyingi bosqichiga bazaviy toʻlov-kontrakt asosida imtihon sinovlarisiz qabul qilinadi;
🔸 taʼlim muassasalarida tashkil etilgan “Zakovat” intellektual klublarining koordinatori boʻlgan professor-oʻqituvchilarga mehnatga haq toʻlash fondining 50 foizi miqdorida bir martalik ustama toʻlab beriladi.

Maʼlumot oʻrnida, 2021-yil oktabr oyida davlatimiz rahbari Buxoro viloyati Romitan tumanida “Zakovat” intellektual oʻyinining final bosqichiga tashrif buyurib, bahsni kuzatgan, tadbir soʻngida nutq soʻzlab, bilimdon yoshlarga sharoit yaratish uchun koʻplab tashabbuslarni bildirgan edi.

Batafsil 👉 https://edu.uz/uz/news/view/3426

Telegram | Instagram | Facebook | YouTube

​#Rasmiy

❓Elektr energiyasi uzilishi sabab bugun oʻtmay qolingan onlayn darslar yoki imtihonlar boshqa kuni oʻtkaziladimi?

🔰 Maʼlumki, koronavirus infeksiyasi yangi shtammining aholi oʻrtasida tarqalish xavfining oldini olish maqsadida tegishli tashkilotlar tavsiyalariga asosan joriy yilning 24-yanvaridan boshlab, bir oy muddatda barcha oliy (davlat, nodavlat, xususiy hamda xorijiy filiallar) va professional taʼlim muassasalari, akademik litseylarda dars mashgʻulotlari onlayn shaklda boshlandi.

⚡️Bugun, 25-yanvar kuni Respublikamizning ayrim hududlari va Toshkent shahrining aksariyat tumanlarida elektr energiyasi ta’minotisiz qoldi. Ayni paytda ayrim tumanlarda ta’minot tiklandi, aksariyat tumanlarda esa bosqichma-bosqich elektr energiyasi berib borilmoqda.

❗️25-yanvar kuni oliy va professional ta’lim muassasalari, akademik litseylarda rejalashtirilib, elektr energiyasi ta’minotidagi uzilishlar sabab o‘tkazilmagan dars mashg‘ulotlari, yakuniy imtihonlar har bir ta’lim muassasasining qo‘shimcha ishlab chiqilgan reja-grafiklari asosida o‘tkaziladi hamda odatiy dars rejalariga yetkazib olinadi.
___
➡️ @eduuz

#Rasmiy_bayonot

Qoʻqon pedagogika instituti yotoqxonasida boʻlgan voqea yuzasidan qoʻshimcha

Xabar berilganidek, Qoʻqon davlat pedagogika instituti talaba qizlari shikoyatiga koʻra holat Oliy taʼlim, fan va innovatsiyalar vazirligi tomonidan nazoratga olindi.

Vazirlik inson shaxsiy hayotiga oʻzboshimchalik bilan aralashish, shaxsiy maʼlumotlarni ochiqlashga urinish kabi xatti-harakatlarni qattiq qoralaydi, ushbu holatni talaba-qizlarning shaʼni va qadr-qimmatini kamsitish deb baholaydi. Hech kim inson erki va shaxsiy hayotiga daxl qilishga haqi yoʻq, deb hisoblaydi.

Shu bois, bevosita jarayonda ishtirok etib, xizmat vazifasini suiisteʼmol qilgan 4 nafar masʼul xodim, jumladan, voqeada bevosita ishtirok etgan prorektor egallab turgan lavozimidan ozod etildi va bir nafar mutaxassisga intizomiy jazo chorasi qoʻllanildi.

Shu oʻrinda, voqea ishtirokchisi boʻlgan qizlarning tazyiqsiz taʼlim olishlari kafolatlanadi.

Oʻz navbatida, huquq-tartibot organlari tomonidan tekshiruv ishlari davom ettirilayotganini maʼlum qilamiz.

Oliy taʼlim, fan va innovatsiyalar vazirligi Axborot xizmati

〰️〰️〰️

#Rasmiy_bayonot

Ijtimoiy tarmoqlarda oliy ta‘lim muassasalari xodimlari talabalarni ularning erkiga zid ravishda referendumda qatnashishga chorlayotgani haqida xabarlar tarqalmoqda.

Qonunchiligimizga muvofiq O‘zbekiston Respublikasi fuqarolarining referendumda ishtirok etishi ixtiyoriy va erkindir. Fuqarolarni referendumda ishtirok etishga yoki ishtirok etmaslikka majbur qilish maqsadida ularga, shuningdek xohish-irodasini erkin bildirishiga ta‘sir ko‘rsatishga hech kim haqli emas.

Barcha oliy ta‘lim muassasalari rahbariyati va mas‘ul xodimlari qonunchiligimizdagi ushbu talablardan xabardor etilgan va tizimda mazkur talablarga rioya etilishi Oliy ta’lim, fan va innovatsiyalar vazirligining alohida nazoratidadir. Vazirlik talabalarning referendumda ishtirok etishi ixtiyoriy va erkin bo‘lishini ta‘minlash borasida qat‘iy pozitsiyaga ega.

Aziz talabalar! Basharti, bu boradagi huquqlaringiz biron-bir tarzda buzilayotgan bo‘lsa, +998712071762 raqamiga yoki tegishli huquqni muhofaza qilish organlariga xabar berishingizni so‘raymiz. Sizning huquqlaringiz qonunga muvofiq himoya qilinadi va aybdorlarga tegishli choralar ko‘rilishi ta‘minlanadi.

Oliy taʼlim, fan va innovatsiyalar vazirligi Axborot xizmati

Telegram | Instagram | Facebook|You Tube

#Rasmiy_munosabat

www.gazeta.uz Internet nashrida e’lon qilingan «Частные вузы обязали принимать на учёбу раз в год. Это противоречит закону «Об образовании» sarlavhali maqola yuzasidan quyidagilar ma’lum qilinadi.

O‘zbekiston Respublikasi Prezidentining 2023-yil 3-iyuldagi PF–107-son Farmonining 62-moddasi “b” bandida respublikada faoliyat yurituvchi davlat, nodavlat va xorijiy oliy ta’lim tashkilotlari hamda ularning filiallari bakalavriati va magistraturasiga qabul bir o‘quv yilida bir marta (iyun – sentabr oylari oralig‘ida) amalga oshirilishi belgilangan.

Ushbu tartibdagi “qabul bir o‘quv yilida bir marta” jumlalari qabul soniga nisbatan emas, muddatga nisbatan tatbiq etiladi.

Shunga ko‘ra, xorijiy va nodavlat oliy ta’lim tashkilotlari talabalar qabulini iyun – sentabr oylari davomida o‘tgan yillardagi kabi amalga oshirishi mumkin, ammo qabul natijalari bo‘yicha talabalikka tavsiya etishni 1-oktabrga qadar yakunlashlari lozim bo‘ladi.

Mazkur tartibning belgilanishi oliy ta’lim tashkilotlarida muayyan o‘quv yilida o‘quv jarayonini barcha guruhlar uchun bir vaqtda boshlash orqali ta’lim sifatiga bo‘lgan salbiy ta’sirlarni bartaraf etishga asos bo‘ladi.

👉На русском

Bizni kuzating👇🏻
Twitter | Instagram | Facebook | YouTube

#Rasmiy_bayonot

Acharya universitetiga oliy ta’lim xizmatlarini ko‘rsatish uchun litsenziya berilmagan

Ijtimoiy tarmoqlarda Acharya universitetiga qabul bo‘lib o‘tayotgani haqida xabarlar tarqalmoqda.

Vazirlik vakolatli organ sifatida ushbu xabarlar yuzasidan quyidagilarni ma’lum qiladi.

Vazirlik ushbu xususiy ta’lim muassasasiga oliy ta’lim xizmatlarini ko‘rsatish uchun litsenziya bermagan. Litsenziya olgandan keyingina ta’lim faoliyati olib borishi mumkin.

Shu o‘rinda, abituriyentlar va ularning ota-onalaridan faqatgina vazirlikning edu.uz rasmiy saytida ko’rsatilgan davlat, nodavlat va xorijiy oliygohlar ro‘yxatidagi oliy o’quv yurtlarini tanlashlari tavsiya etiladi.

👉На русском
👉In English

Bizni kuzating👇🏻
Twitter | Instagram | Facebook | YouTube

#rasmiy

⚡️Talaba va o‘quvchilar uchun qishki ta’til 25-dekabrdan boshlanadi

Vazirlar Mahkamasining qarorida belgilangan vazifalar ijrosini ta’minlash maqsadida Oliy taʼlim, fan va innovatsiyalar vazirligining tegishli buyrugʻi bilan oliy oʻquv yurtlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil muddati 2023-yilning 25-dekabridan 2024-yilning 7-yanvariga qadar etib belgilandi. Dars jarayonlari 2024-yilning 8-yanvaridan boshlanadi.
—

Каникулы для студентов и учащихся начнутся с 25 декабря

В целях обеспечения выполнения задач, определенных постановлением Кабинета Министров, соответствующим приказом Министерства высшего образования, науки и инноваций период зимних каникул, предоставляемый студентам высших образовательных учреждений и учащихся техникумов, колледжей, профессиональных училищ и академических лицеев на текущий учебный год установлен с 25 декабря 2023 года по 7 января 2024 года. Занятия начнутся 8 января 2024 года.

Bizni kuzating👇🏻
Twitter | Instagram | Facebook | YouTube