#Жараён

Бош вазир ўринбосари Беҳзод Мусаев бошчилигидаги ишчи гуруҳ Фарғона политехника институтида бўлди.

👉 @SamVMINukusfilial

#жараён
#битирувчи_талаба
#зооинженерия

Зооинженерия йўналишининг 4-босқич битирувчи талабалари якуний давлат аттестация имтиҳонларини топширди

Жорий йил 13 июнь куни Самарқанд давлат ветеринария медицинаси, чорвачилик ва биотехнологиялар университети Нукус филиали Зооинженерия йўналишининг 4-босқич 10 нафар битирувчи талабалари мутахассислик фанлари бўйича якуний давлат аттестация имтиҳонларини топширишди. Эртага, яъни 14 июнь куни эса ушбу йўналишда таҳсил олган 10 нафар талаба ўзлари танлаган мавзу бўйича битирув малакавий ишларини ҳимоя қилиши режалаштирилмоқда.
Бундан аввал Ветеринария медицинаси йўналишининг 7 нафар битирувчи талабаси диплом ва малакавий битирув ишларини муваффақиятли ҳимоя қилганлиги ҳамда 9 нафари эса якуний давлат аттестация имтиҳонларини топширганлиги ҳақида хабар берган эдик. Албатта филиал тарихида илк маротаба ўтказилаётган битирув малакавий ишлари ҳимояси ҳамда якуний давлат аттестация синовлари шаффоф тарзда бўлиб ўтишига, талабаларнинг ишлари чуқур таҳлил қилиниб, уларни одиллик тамойили асосида баҳолашга алоҳида аҳамият қаратилди. Ушбу лаҳзалар битирувчилар учун ширин бир хотира сифатида эсда қолиши табиий албатта.

Филиал матбуот хизмати

#амалиёт
#жараён

Талабалар Чимбой туманидаги лабораторияда амалий билимларини мустаҳкамлади

Филиалимизда таҳсил олаётган 1 ҳамда 2-босқич талабалари учун ёзги семестр якунланиб, танишув ва малакавий амалиёт жараёнлари бошланди. Бунда 1-босқич талабалар филиал лаборатория хоналарида танишув амалиётини олиб борсалар, 2-босқич талабалар эса туманлардаги фермер хўжаликлари ва лабораторияларга ташриф буюриб ўз амалий билимларини мустаҳкамлайди. Жумладан, ветеринария медицинаси йўналиши 2-босқич 200-гуруҳ талабалари микробиология фанидан ўқув дала амалиёти доирасида Чимбой туманидаги ҳайвонлар касалликлари ташҳиси ва озиқ овқат маҳсулотлари ҳафвсизлиги давлат марказига ташриф буюришди. Талабалар Амалиёт раҳбари Д.Ерназаров ҳамда “Ветеринария” кафедраси катта ўқитувчиси Х.Арзыевлар ҳамроҳлигида 2 та бўлимдан иборат бўлган лаборатория фаолияти билан яқиндан танишиб иш жараёнини кузатишди. Бу ерда бактериолоогия ва паразитология бўлимлари мавжуд бўлиб амалиётчи талабалар серология бўлимида бруцеллёз касаллигига Роз-бенгал реакцияси асосида ташҳис қўйиш жаарёнини ўрганишди. Уларга лабораториядаги мутахассис ва амалиёт раҳбари Д.Ерназаровлар томонидан керакли маълумотлар берилди. Шунингдек талабалар ушбу бўлимда бактериял бўяқлар ва бактерияларни бўяш усуллари билан обдон танишдилар. Чимбой туманига ташриф давомида 200-гуруҳ талабалари ўз амалий билимларини мустаҳкамлади.


Филиал матбуот хизмати

#амалиёт
#жараён

Зооинженерия йўналиши талабалари «Сағынбай асалчи» фермер хўжалигига ташриф буюришди

Самарқанд давлат ветеринария медицинаси, чорвачилик ва биотехнологиялар университети Нукус филиалининг Зооинженерия йўналиши 2-босқич 209 ва 213-гуруҳ талабалари Нукус туманида жойлашган «Сағынбай асалчи» фермер хўжалигида бўлиб, амалий билим ва кўникмаларга эга бўлишди. «Зооинженерия» кафедраси ассистенти С.Абуов ушбу гуруҳларга амалиёт раҳбари этиб тайинланган. Дастлаб талаба-ёшлар фермер хўжалик фаолияти билан яқиндан танишиб, ишчилар билан мулоқот олиб борди. Амалиётчи талабаларга зарур бўлган маълумотлар тақдим этилди. Ҳозирги пайтда хўжаликда парвариш қилинаётган асалари оиласи ва уларни сақлаш шароити ўрганилди. Талаба-ёшлар бу ерда қизғин равишда олиб борилаётган иш жараёнини кузатишар экан, ҳар бир нарсани диққат билан ўрганишга ҳаракат қилишди. Амалиёт раҳбари С.Абуов хўжаликда етиштирилаётган она асаларилар парвариши ҳақида маълумотларни бериб ўтди. 209 ва 213-гуруҳ талабалари 4 ҳафта давомида мутахассислик амалиётини ўташи белгиланган. Ушбу жараёнлар мобайнида улар ўзларининг амалий билим ва кўникмаларини янада ошириб боришади. Кафедра мудираси А.Торешова ўқитувчилар амалиёт жараёнларига жиддий ёндашув асосида масъулият билан қарашларини алоҳида таъкидлаб ўтди. Муҳими талабалар зарур кўникмаларга эга бўлиш орқали ўз тажрибаларини орттириб боришади.

Филиал матбуот хизмати